| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
6. ஆகாஸங்க³பஞ்ஹோ
6. Ākāsaṅgapañho
6. ‘‘ப⁴ந்தே நாக³ஸேன, ‘ஆகாஸஸ்ஸ பஞ்ச அங்கா³னி க³ஹேதப்³பா³னீ’தி யங் வதே³ஸி, கதமானி தானி பஞ்ச அங்கா³னி க³ஹேதப்³பா³னீ’’தி? ‘‘யதா², மஹாராஜ, ஆகாஸோ ஸப்³ப³ஸோ அக³ய்ஹோ, ஏவமேவ கோ², மஹாராஜ, யோகி³னா யோகா³வசரேன ஸப்³ப³ஸோ கிலேஸேஹி அக³ய்ஹேன ப⁴விதப்³ப³ங். இத³ங், மஹாராஜ, ஆகாஸஸ்ஸ பட²மங் அங்க³ங் க³ஹேதப்³ப³ங்.
6. ‘‘Bhante nāgasena, ‘ākāsassa pañca aṅgāni gahetabbānī’ti yaṃ vadesi, katamāni tāni pañca aṅgāni gahetabbānī’’ti? ‘‘Yathā, mahārāja, ākāso sabbaso agayho, evameva kho, mahārāja, yoginā yogāvacarena sabbaso kilesehi agayhena bhavitabbaṃ. Idaṃ, mahārāja, ākāsassa paṭhamaṃ aṅgaṃ gahetabbaṃ.
‘‘புன சபரங், மஹாராஜ, ஆகாஸோ இஸிதாபஸபூ⁴ததி³ஜக³ணானுஸஞ்சரிதோ, ஏவமேவ கோ², மஹாராஜ, யோகி³னா யோகா³வசரேன ‘அனிச்சங் து³க்க²ங் அனத்தா’தி ஸங்கா²ரேஸு மானஸங் ஸஞ்சாரயிதப்³ப³ங். இத³ங், மஹாராஜ, ஆகாஸஸ்ஸ து³தியங் அங்க³ங் க³ஹேதப்³ப³ங்.
‘‘Puna caparaṃ, mahārāja, ākāso isitāpasabhūtadijagaṇānusañcarito, evameva kho, mahārāja, yoginā yogāvacarena ‘aniccaṃ dukkhaṃ anattā’ti saṅkhāresu mānasaṃ sañcārayitabbaṃ. Idaṃ, mahārāja, ākāsassa dutiyaṃ aṅgaṃ gahetabbaṃ.
‘‘புன சபரங், மஹாராஜ, ஆகாஸோ ஸந்தாஸனீயோ, ஏவமேவ கோ², மஹாராஜ , யோகி³னா யோகா³வசரேன ஸப்³ப³ப⁴வபடிஸந்தீ⁴ஸு மானஸங் உப்³பே³ஜயிதப்³ப³ங், அஸ்ஸாதோ³ ந காதப்³போ³. இத³ங், மஹாராஜ, ஆகாஸஸ்ஸ ததியங் அங்க³ங் க³ஹேதப்³ப³ங்.
‘‘Puna caparaṃ, mahārāja, ākāso santāsanīyo, evameva kho, mahārāja , yoginā yogāvacarena sabbabhavapaṭisandhīsu mānasaṃ ubbejayitabbaṃ, assādo na kātabbo. Idaṃ, mahārāja, ākāsassa tatiyaṃ aṅgaṃ gahetabbaṃ.
‘‘புன சபரங், மஹாராஜ, ஆகாஸோ அனந்தோ அப்பமாணோ அபரிமெய்யோ, ஏவமேவ கோ², மஹாராஜ, யோகி³னா யோகா³வசரேன அனந்தஸீலேன அபரிமிதஞாணேன ப⁴விதப்³ப³ங். இத³ங், மஹாராஜ, ஆகாஸஸ்ஸ சதுத்த²ங் அங்க³ங் க³ஹேதப்³ப³ங்.
‘‘Puna caparaṃ, mahārāja, ākāso ananto appamāṇo aparimeyyo, evameva kho, mahārāja, yoginā yogāvacarena anantasīlena aparimitañāṇena bhavitabbaṃ. Idaṃ, mahārāja, ākāsassa catutthaṃ aṅgaṃ gahetabbaṃ.
‘‘புன சபரங், மஹாராஜ, ஆகாஸோ அலக்³கோ³ அஸத்தோ அப்பதிட்டி²தோ அபலிபு³த்³தோ⁴, ஏவமேவ கோ² , மஹாராஜ, யோகி³னா யோகா³வசரேன குலே க³ணே லாபே⁴ ஆவாஸே பலிபோ³தே⁴ பச்சயே ஸப்³ப³கிலேஸேஸு ச ஸப்³ப³த்த² அலக்³கே³ன ப⁴விதப்³ப³ங், அனாஸத்தேன அப்பதிட்டி²தேன அபலிபு³த்³தே⁴ன ப⁴விதப்³ப³ங். இத³ங், மஹாராஜ, ஆகாஸஸ்ஸ பஞ்சமங் அங்க³ங் க³ஹேதப்³ப³ங். பா⁴ஸிதம்பேதங், மஹாராஜ, ப⁴க³வதா தே³வாதிதே³வேன ஸகங் புத்தங் ராஹுலங் ஓவத³ந்தேன – ‘ஸெய்யதா²பி, ராஹுல 1, ஆகாஸோ ந கத்த²சி பதிட்டி²தோ, ஏவமேவ கோ² த்வங், ராஹுல, ஆகாஸஸமங் பா⁴வனங் பா⁴வேஹி, ஆகாஸஸமங் ஹி தே, ராஹுல, பா⁴வனங் பா⁴வயதோ உப்பன்னா மனாபாமனாபா ப²ஸ்ஸா சித்தங் பரியாதா³ய ட²ஸ்ஸந்தீ’’’தி.
‘‘Puna caparaṃ, mahārāja, ākāso alaggo asatto appatiṭṭhito apalibuddho, evameva kho , mahārāja, yoginā yogāvacarena kule gaṇe lābhe āvāse palibodhe paccaye sabbakilesesu ca sabbattha alaggena bhavitabbaṃ, anāsattena appatiṭṭhitena apalibuddhena bhavitabbaṃ. Idaṃ, mahārāja, ākāsassa pañcamaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena sakaṃ puttaṃ rāhulaṃ ovadantena – ‘seyyathāpi, rāhula 2, ākāso na katthaci patiṭṭhito, evameva kho tvaṃ, rāhula, ākāsasamaṃ bhāvanaṃ bhāvehi, ākāsasamaṃ hi te, rāhula, bhāvanaṃ bhāvayato uppannā manāpāmanāpā phassā cittaṃ pariyādāya ṭhassantī’’’ti.
ஆகாஸங்க³பஞ்ஹோ ச²ட்டோ².
Ākāsaṅgapañho chaṭṭho.
Footnotes:
