| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
6. аагаасан̇г̇абан̃хо
6. Ākāsaṅgapañho
6. ‘‘бханд̇з нааг̇асзна, ‘аагаасасса бан̃жа ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани бан̃жа ан̇г̇аани г̇ахзд̇аб̣б̣ааний’’д̇и? ‘‘яат̇аа, махаарааж̇а, аагаасо саб̣б̣асо аг̇аяхо, звамзва ко, махаарааж̇а, яог̇инаа яог̇ааважарзна саб̣б̣асо гилзсзхи аг̇аяхзна бхавид̇аб̣б̣ам̣. ид̣̇ам̣, махаарааж̇а, аагаасасса батамам̣ ан̇г̇ам̣ г̇ахзд̇аб̣б̣ам̣.
6. ‘‘Bhante nāgasena, ‘ākāsassa pañca aṅgāni gahetabbānī’ti yaṃ vadesi, katamāni tāni pañca aṅgāni gahetabbānī’’ti? ‘‘Yathā, mahārāja, ākāso sabbaso agayho, evameva kho, mahārāja, yoginā yogāvacarena sabbaso kilesehi agayhena bhavitabbaṃ. Idaṃ, mahārāja, ākāsassa paṭhamaṃ aṅgaṃ gahetabbaṃ.
‘‘буна жабарам̣, махаарааж̇а, аагаасо исид̇аабасабхууд̇ад̣̇иж̇аг̇ан̣аанусан̃жарид̇о, звамзва ко, махаарааж̇а, яог̇инаа яог̇ааважарзна ‘анижжам̣ д̣̇угкам̣ анад̇д̇аа’д̇и сан̇каарзсу маанасам̣ сан̃жаараяид̇аб̣б̣ам̣. ид̣̇ам̣, махаарааж̇а, аагаасасса д̣̇уд̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, ākāso isitāpasabhūtadijagaṇānusañcarito, evameva kho, mahārāja, yoginā yogāvacarena ‘aniccaṃ dukkhaṃ anattā’ti saṅkhāresu mānasaṃ sañcārayitabbaṃ. Idaṃ, mahārāja, ākāsassa dutiyaṃ aṅgaṃ gahetabbaṃ.
‘‘буна жабарам̣, махаарааж̇а, аагаасо санд̇аасанийяо, звамзва ко, махаарааж̇а , яог̇инаа яог̇ааважарзна саб̣б̣абхавабадисанд̇хийсу маанасам̣ уб̣б̣зж̇аяид̇аб̣б̣ам̣, ассаад̣̇о на гаад̇аб̣б̣о. ид̣̇ам̣, махаарааж̇а, аагаасасса д̇ад̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, ākāso santāsanīyo, evameva kho, mahārāja , yoginā yogāvacarena sabbabhavapaṭisandhīsu mānasaṃ ubbejayitabbaṃ, assādo na kātabbo. Idaṃ, mahārāja, ākāsassa tatiyaṃ aṅgaṃ gahetabbaṃ.
‘‘буна жабарам̣, махаарааж̇а, аагаасо ананд̇о аббамаан̣о абаримзяяо, звамзва ко, махаарааж̇а, яог̇инаа яог̇ааважарзна ананд̇асийлзна абаримид̇ан̃аан̣зна бхавид̇аб̣б̣ам̣. ид̣̇ам̣, махаарааж̇а, аагаасасса жад̇уд̇т̇ам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, ākāso ananto appamāṇo aparimeyyo, evameva kho, mahārāja, yoginā yogāvacarena anantasīlena aparimitañāṇena bhavitabbaṃ. Idaṃ, mahārāja, ākāsassa catutthaṃ aṅgaṃ gahetabbaṃ.
‘‘буна жабарам̣, махаарааж̇а, аагаасо алаг̇г̇о асад̇д̇о аббад̇идтид̇о абалиб̣уд̣̇д̇хо, звамзва ко , махаарааж̇а, яог̇инаа яог̇ааважарзна гулз г̇ан̣з лаабхз ааваасз балиб̣од̇хз бажжаяз саб̣б̣агилзсзсу жа саб̣б̣ад̇т̇а алаг̇г̇зна бхавид̇аб̣б̣ам̣, анаасад̇д̇зна аббад̇идтид̇зна абалиб̣уд̣̇д̇хзна бхавид̇аб̣б̣ам̣. ид̣̇ам̣, махаарааж̇а, аагаасасса бан̃жамам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна сагам̣ буд̇д̇ам̣ раахулам̣ овад̣̇анд̇зна – ‘сзяяат̇ааби, раахула 1, аагаасо на гад̇т̇ажи бад̇идтид̇о, звамзва ко д̇вам̣, раахула, аагаасасамам̣ бхааванам̣ бхаавзхи, аагаасасамам̣ хи д̇з, раахула, бхааванам̣ бхааваяад̇о уббаннаа манаабааманаабаа пассаа жид̇д̇ам̣ барияаад̣̇ааяа тассанд̇ий’’’д̇и.
‘‘Puna caparaṃ, mahārāja, ākāso alaggo asatto appatiṭṭhito apalibuddho, evameva kho , mahārāja, yoginā yogāvacarena kule gaṇe lābhe āvāse palibodhe paccaye sabbakilesesu ca sabbattha alaggena bhavitabbaṃ, anāsattena appatiṭṭhitena apalibuddhena bhavitabbaṃ. Idaṃ, mahārāja, ākāsassa pañcamaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena sakaṃ puttaṃ rāhulaṃ ovadantena – ‘seyyathāpi, rāhula 2, ākāso na katthaci patiṭṭhito, evameva kho tvaṃ, rāhula, ākāsasamaṃ bhāvanaṃ bhāvehi, ākāsasamaṃ hi te, rāhula, bhāvanaṃ bhāvayato uppannā manāpāmanāpā phassā cittaṃ pariyādāya ṭhassantī’’’ti.
аагаасан̇г̇абан̃хо чадто.
Ākāsaṅgapañho chaṭṭho.
Footnotes:
