| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੬. ਆਕਾਸਙ੍ਗਪਞ੍ਹੋ
6. Ākāsaṅgapañho
੬. ‘‘ਭਨ੍ਤੇ ਨਾਗਸੇਨ, ‘ਆਕਾਸਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਆਕਾਸੋ ਸਬ੍ਬਸੋ ਅਗਯ੍ਹੋ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸਬ੍ਬਸੋ ਕਿਲੇਸੇਹਿ ਅਗਯ੍ਹੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਆਕਾਸਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
6. ‘‘Bhante nāgasena, ‘ākāsassa pañca aṅgāni gahetabbānī’ti yaṃ vadesi, katamāni tāni pañca aṅgāni gahetabbānī’’ti? ‘‘Yathā, mahārāja, ākāso sabbaso agayho, evameva kho, mahārāja, yoginā yogāvacarena sabbaso kilesehi agayhena bhavitabbaṃ. Idaṃ, mahārāja, ākāsassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਆਕਾਸੋ ਇਸਿਤਾਪਸਭੂਤਦਿਜਗਣਾਨੁਸਞ੍ਚਰਿਤੋ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ‘ਅਨਿਚ੍ਚਂ ਦੁਕ੍ਖਂ ਅਨਤ੍ਤਾ’ਤਿ ਸਙ੍ਖਾਰੇਸੁ ਮਾਨਸਂ ਸਞ੍ਚਾਰਯਿਤਬ੍ਬਂ। ਇਦਂ, ਮਹਾਰਾਜ, ਆਕਾਸਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, ākāso isitāpasabhūtadijagaṇānusañcarito, evameva kho, mahārāja, yoginā yogāvacarena ‘aniccaṃ dukkhaṃ anattā’ti saṅkhāresu mānasaṃ sañcārayitabbaṃ. Idaṃ, mahārāja, ākāsassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਆਕਾਸੋ ਸਨ੍ਤਾਸਨੀਯੋ, ਏવਮੇવ ਖੋ, ਮਹਾਰਾਜ , ਯੋਗਿਨਾ ਯੋਗਾવਚਰੇਨ ਸਬ੍ਬਭવਪਟਿਸਨ੍ਧੀਸੁ ਮਾਨਸਂ ਉਬ੍ਬੇਜਯਿਤਬ੍ਬਂ, ਅਸ੍ਸਾਦੋ ਨ ਕਾਤਬ੍ਬੋ। ਇਦਂ, ਮਹਾਰਾਜ, ਆਕਾਸਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, ākāso santāsanīyo, evameva kho, mahārāja , yoginā yogāvacarena sabbabhavapaṭisandhīsu mānasaṃ ubbejayitabbaṃ, assādo na kātabbo. Idaṃ, mahārāja, ākāsassa tatiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਆਕਾਸੋ ਅਨਨ੍ਤੋ ਅਪ੍ਪਮਾਣੋ ਅਪਰਿਮੇਯ੍ਯੋ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਅਨਨ੍ਤਸੀਲੇਨ ਅਪਰਿਮਿਤਞਾਣੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਆਕਾਸਸ੍ਸ ਚਤੁਤ੍ਥਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, ākāso ananto appamāṇo aparimeyyo, evameva kho, mahārāja, yoginā yogāvacarena anantasīlena aparimitañāṇena bhavitabbaṃ. Idaṃ, mahārāja, ākāsassa catutthaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਆਕਾਸੋ ਅਲਗ੍ਗੋ ਅਸਤ੍ਤੋ ਅਪ੍ਪਤਿਟ੍ਠਿਤੋ ਅਪਲਿਬੁਦ੍ਧੋ, ਏવਮੇવ ਖੋ , ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਕੁਲੇ ਗਣੇ ਲਾਭੇ ਆવਾਸੇ ਪਲਿਬੋਧੇ ਪਚ੍ਚਯੇ ਸਬ੍ਬਕਿਲੇਸੇਸੁ ਚ ਸਬ੍ਬਤ੍ਥ ਅਲਗ੍ਗੇਨ ਭવਿਤਬ੍ਬਂ, ਅਨਾਸਤ੍ਤੇਨ ਅਪ੍ਪਤਿਟ੍ਠਿਤੇਨ ਅਪਲਿਬੁਦ੍ਧੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਆਕਾਸਸ੍ਸ ਪਞ੍ਚਮਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ਸਕਂ ਪੁਤ੍ਤਂ ਰਾਹੁਲਂ ਓવਦਨ੍ਤੇਨ – ‘ਸੇਯ੍ਯਥਾਪਿ, ਰਾਹੁਲ 1, ਆਕਾਸੋ ਨ ਕਤ੍ਥਚਿ ਪਤਿਟ੍ਠਿਤੋ, ਏવਮੇવ ਖੋ ਤ੍વਂ, ਰਾਹੁਲ, ਆਕਾਸਸਮਂ ਭਾવਨਂ ਭਾવੇਹਿ, ਆਕਾਸਸਮਂ ਹਿ ਤੇ, ਰਾਹੁਲ, ਭਾવਨਂ ਭਾવਯਤੋ ਉਪ੍ਪਨ੍ਨਾ ਮਨਾਪਾਮਨਾਪਾ ਫਸ੍ਸਾ ਚਿਤ੍ਤਂ ਪਰਿਯਾਦਾਯ ਠਸ੍ਸਨ੍ਤੀ’’’ਤਿ।
‘‘Puna caparaṃ, mahārāja, ākāso alaggo asatto appatiṭṭhito apalibuddho, evameva kho , mahārāja, yoginā yogāvacarena kule gaṇe lābhe āvāse palibodhe paccaye sabbakilesesu ca sabbattha alaggena bhavitabbaṃ, anāsattena appatiṭṭhitena apalibuddhena bhavitabbaṃ. Idaṃ, mahārāja, ākāsassa pañcamaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena sakaṃ puttaṃ rāhulaṃ ovadantena – ‘seyyathāpi, rāhula 2, ākāso na katthaci patiṭṭhito, evameva kho tvaṃ, rāhula, ākāsasamaṃ bhāvanaṃ bhāvehi, ākāsasamaṃ hi te, rāhula, bhāvanaṃ bhāvayato uppannā manāpāmanāpā phassā cittaṃ pariyādāya ṭhassantī’’’ti.
ਆਕਾਸਙ੍ਗਪਞ੍ਹੋ ਛਟ੍ਠੋ।
Ākāsaṅgapañho chaṭṭho.
Footnotes:
