| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. ஆகாஸஸுத்தங்
7. Ākāsasuttaṃ
155. ‘‘ஸெய்யதா²பி , பி⁴க்க²வே, ஆகாஸே விவிதா⁴ வாதா வாயந்தி – புரத்தி²மாபி வாதா வாயந்தி, பச்சி²மாபி வாதா வாயந்தி, உத்தராபி வாதா வாயந்தி, த³க்கி²ணாபி வாதா வாயந்தி, ஸரஜாபி வாதா வாயந்தி, அரஜாபி வாதா வாயந்தி, ஸீதாபி வாதா வாயந்தி, உண்ஹாபி வாதா வாயந்தி, பரித்தாபி வாதா வாயந்தி, அதி⁴மத்தாபி வாதா வாயந்தி; ஏவமேவ கோ², பி⁴க்க²வே, பி⁴க்கு²னோ அரியங் அட்ட²ங்கி³கங் மக்³க³ங் பா⁴வயதோ அரியங் அட்ட²ங்கி³கங் மக்³க³ங் ப³ஹுலீகரோதோ சத்தாரோபி ஸதிபட்டா²னா பா⁴வனாபாரிபூரிங் க³ச்ச²ந்தி, சத்தாரோபி ஸம்மப்பதா⁴னா பா⁴வனாபாரிபூரிங் க³ச்ச²ந்தி, சத்தாரோபி இத்³தி⁴பாதா³ பா⁴வனாபாரிபூரிங் க³ச்ச²ந்தி, பஞ்சபி இந்த்³ரியானி பா⁴வனாபாரிபூரிங் க³ச்ச²ந்தி, பஞ்சபி ப³லானி பா⁴வனாபரிபூரிங் க³ச்ச²ந்தி, ஸத்தபி பொ³ஜ்ஜ²ங்கா³ பா⁴வனாபாரிபூரிங் க³ச்ச²ந்தி. கத²ஞ்ச, பி⁴க்க²வே, பி⁴க்கு²னோ அரியங் அட்ட²ங்கி³கங் மக்³க³ங் பா⁴வயதோ அரியங் அட்ட²ங்கி³கங் மக்³க³ங் ப³ஹுலீகரோதோ சத்தாரோபி ஸதிபட்டா²னா பா⁴வனாபாரிபூரிங் க³ச்ச²ந்தி, சத்தாரோபி ஸம்மப்பதா⁴னா பா⁴வனாபாரிபூரிங் க³ச்ச²ந்தி, சத்தாரோபி இத்³தி⁴பாதா³ பா⁴வனாபாரிபூரிங் க³ச்ச²ந்தி, பஞ்சபி இந்த்³ரியானி பா⁴வனாபாரிபூரிங் க³ச்ச²ந்தி, பஞ்சபி ப³லானி பா⁴வனாபாரிபூரிங் க³ச்ச²ந்தி, ஸத்தபி பொ³ஜ்ஜ²ங்கா³ பா⁴வனாபாரிபூரிங் க³ச்ச²ந்தி? இத⁴, பி⁴க்க²வே, பி⁴க்கு² ஸம்மாதி³ட்டி²ங் பா⁴வேதி…பே॰… ஸம்மாஸமாதி⁴ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… ஏவங் கோ², பி⁴க்க²வே, பி⁴க்கு²னோ அரியங் அட்ட²ங்கி³கங் மக்³க³ங் பா⁴வயதோ அரியங் அட்ட²ங்கி³கங் மக்³க³ங் ப³ஹுலீகரோதோ சத்தாரோபி ஸதிபட்டா²னா பா⁴வனாபாரிபூரிங் க³ச்ச²ந்தி, சத்தாரோபி ஸம்மப்பதா⁴னா பா⁴வனாபாரிபூரிங் க³ச்ச²ந்தி, சத்தாரோபி இத்³தி⁴பாதா³ பா⁴வனாபாரிபூரிங் க³ச்ச²ந்தி, பஞ்சபி இந்த்³ரியானி பா⁴வனாபாரிபூரிங் க³ச்ச²ந்தி, பஞ்சபி ப³லானி பா⁴வனாபாரிபூரிங் க³ச்ச²ந்தி, ஸத்தபி பொ³ஜ்ஜ²ங்கா³ பா⁴வனாபாரிபூரிங் க³ச்ச²ந்தீ’’தி. ஸத்தமங்.
155. ‘‘Seyyathāpi , bhikkhave, ākāse vividhā vātā vāyanti – puratthimāpi vātā vāyanti, pacchimāpi vātā vāyanti, uttarāpi vātā vāyanti, dakkhiṇāpi vātā vāyanti, sarajāpi vātā vāyanti, arajāpi vātā vāyanti, sītāpi vātā vāyanti, uṇhāpi vātā vāyanti, parittāpi vātā vāyanti, adhimattāpi vātā vāyanti; evameva kho, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto cattāropi satipaṭṭhānā bhāvanāpāripūriṃ gacchanti, cattāropi sammappadhānā bhāvanāpāripūriṃ gacchanti, cattāropi iddhipādā bhāvanāpāripūriṃ gacchanti, pañcapi indriyāni bhāvanāpāripūriṃ gacchanti, pañcapi balāni bhāvanāparipūriṃ gacchanti, sattapi bojjhaṅgā bhāvanāpāripūriṃ gacchanti. Kathañca, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto cattāropi satipaṭṭhānā bhāvanāpāripūriṃ gacchanti, cattāropi sammappadhānā bhāvanāpāripūriṃ gacchanti, cattāropi iddhipādā bhāvanāpāripūriṃ gacchanti, pañcapi indriyāni bhāvanāpāripūriṃ gacchanti, pañcapi balāni bhāvanāpāripūriṃ gacchanti, sattapi bojjhaṅgā bhāvanāpāripūriṃ gacchanti? Idha, bhikkhave, bhikkhu sammādiṭṭhiṃ bhāveti…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto cattāropi satipaṭṭhānā bhāvanāpāripūriṃ gacchanti, cattāropi sammappadhānā bhāvanāpāripūriṃ gacchanti, cattāropi iddhipādā bhāvanāpāripūriṃ gacchanti, pañcapi indriyāni bhāvanāpāripūriṃ gacchanti, pañcapi balāni bhāvanāpāripūriṃ gacchanti, sattapi bojjhaṅgā bhāvanāpāripūriṃ gacchantī’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. ஆகாஸஸுத்தவண்ணனா • 7. Ākāsasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. ஆகாஸஸுத்தவண்ணனா • 7. Ākāsasuttavaṇṇanā
