| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. аагаасасуд̇д̇ам̣
7. Ākāsasuttaṃ
155. ‘‘сзяяат̇ааби , бхигкавз, аагаасз вивид̇хаа ваад̇аа вааяанд̇и – бурад̇т̇имааби ваад̇аа вааяанд̇и, бажчимааби ваад̇аа вааяанд̇и, уд̇д̇арааби ваад̇аа вааяанд̇и, д̣̇агкин̣ааби ваад̇аа вааяанд̇и, сараж̇ааби ваад̇аа вааяанд̇и, араж̇ааби ваад̇аа вааяанд̇и, сийд̇ааби ваад̇аа вааяанд̇и, ун̣хааби ваад̇аа вааяанд̇и, барид̇д̇ааби ваад̇аа вааяанд̇и, ад̇химад̇д̇ааби ваад̇аа вааяанд̇и; звамзва ко, бхигкавз, бхигкуно арияам̣ адтан̇г̇игам̣ маг̇г̇ам̣ бхааваяад̇о арияам̣ адтан̇г̇игам̣ маг̇г̇ам̣ б̣ахулийгарод̇о жад̇д̇аароби сад̇ибадтаанаа бхааванаабаарибуурим̣ г̇ажчанд̇и, жад̇д̇аароби саммаббад̇хаанаа бхааванаабаарибуурим̣ г̇ажчанд̇и, жад̇д̇аароби ид̣̇д̇хибаад̣̇аа бхааванаабаарибуурим̣ г̇ажчанд̇и, бан̃жаби инд̣̇рияаани бхааванаабаарибуурим̣ г̇ажчанд̇и, бан̃жаби б̣алаани бхааванаабарибуурим̣ г̇ажчанд̇и, сад̇д̇аби б̣ож̇жхан̇г̇аа бхааванаабаарибуурим̣ г̇ажчанд̇и. гат̇ан̃жа, бхигкавз, бхигкуно арияам̣ адтан̇г̇игам̣ маг̇г̇ам̣ бхааваяад̇о арияам̣ адтан̇г̇игам̣ маг̇г̇ам̣ б̣ахулийгарод̇о жад̇д̇аароби сад̇ибадтаанаа бхааванаабаарибуурим̣ г̇ажчанд̇и, жад̇д̇аароби саммаббад̇хаанаа бхааванаабаарибуурим̣ г̇ажчанд̇и, жад̇д̇аароби ид̣̇д̇хибаад̣̇аа бхааванаабаарибуурим̣ г̇ажчанд̇и, бан̃жаби инд̣̇рияаани бхааванаабаарибуурим̣ г̇ажчанд̇и, бан̃жаби б̣алаани бхааванаабаарибуурим̣ г̇ажчанд̇и, сад̇д̇аби б̣ож̇жхан̇г̇аа бхааванаабаарибуурим̣ г̇ажчанд̇и? ид̇ха, бхигкавз, бхигку саммаад̣̇идтим̣ бхаавзд̇и…бз… саммаасамаад̇хим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣…бз… звам̣ ко, бхигкавз, бхигкуно арияам̣ адтан̇г̇игам̣ маг̇г̇ам̣ бхааваяад̇о арияам̣ адтан̇г̇игам̣ маг̇г̇ам̣ б̣ахулийгарод̇о жад̇д̇аароби сад̇ибадтаанаа бхааванаабаарибуурим̣ г̇ажчанд̇и, жад̇д̇аароби саммаббад̇хаанаа бхааванаабаарибуурим̣ г̇ажчанд̇и, жад̇д̇аароби ид̣̇д̇хибаад̣̇аа бхааванаабаарибуурим̣ г̇ажчанд̇и, бан̃жаби инд̣̇рияаани бхааванаабаарибуурим̣ г̇ажчанд̇и, бан̃жаби б̣алаани бхааванаабаарибуурим̣ г̇ажчанд̇и, сад̇д̇аби б̣ож̇жхан̇г̇аа бхааванаабаарибуурим̣ г̇ажчанд̇ий’’д̇и. сад̇д̇амам̣.
155. ‘‘Seyyathāpi , bhikkhave, ākāse vividhā vātā vāyanti – puratthimāpi vātā vāyanti, pacchimāpi vātā vāyanti, uttarāpi vātā vāyanti, dakkhiṇāpi vātā vāyanti, sarajāpi vātā vāyanti, arajāpi vātā vāyanti, sītāpi vātā vāyanti, uṇhāpi vātā vāyanti, parittāpi vātā vāyanti, adhimattāpi vātā vāyanti; evameva kho, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto cattāropi satipaṭṭhānā bhāvanāpāripūriṃ gacchanti, cattāropi sammappadhānā bhāvanāpāripūriṃ gacchanti, cattāropi iddhipādā bhāvanāpāripūriṃ gacchanti, pañcapi indriyāni bhāvanāpāripūriṃ gacchanti, pañcapi balāni bhāvanāparipūriṃ gacchanti, sattapi bojjhaṅgā bhāvanāpāripūriṃ gacchanti. Kathañca, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto cattāropi satipaṭṭhānā bhāvanāpāripūriṃ gacchanti, cattāropi sammappadhānā bhāvanāpāripūriṃ gacchanti, cattāropi iddhipādā bhāvanāpāripūriṃ gacchanti, pañcapi indriyāni bhāvanāpāripūriṃ gacchanti, pañcapi balāni bhāvanāpāripūriṃ gacchanti, sattapi bojjhaṅgā bhāvanāpāripūriṃ gacchanti? Idha, bhikkhave, bhikkhu sammādiṭṭhiṃ bhāveti…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto cattāropi satipaṭṭhānā bhāvanāpāripūriṃ gacchanti, cattāropi sammappadhānā bhāvanāpāripūriṃ gacchanti, cattāropi iddhipādā bhāvanāpāripūriṃ gacchanti, pañcapi indriyāni bhāvanāpāripūriṃ gacchanti, pañcapi balāni bhāvanāpāripūriṃ gacchanti, sattapi bojjhaṅgā bhāvanāpāripūriṃ gacchantī’’ti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. аагаасасуд̇д̇аван̣н̣анаа • 7. Ākāsasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. аагаасасуд̇д̇аван̣н̣анаа • 7. Ākāsasuttavaṇṇanā
