| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
ஆகாஸட்ட²கதா²வண்ணனா
Ākāsaṭṭhakathāvaṇṇanā
96. ஆகாஸட்ட²கதா²யங் முக²துண்ட³கேனாதி முக²க்³கே³ன. கலாபக்³கே³னாதி பிஞ்ச²கலாபஸ்ஸ அக்³கே³ன. பஸாரேதீதி க³ஹணத்த²ங் பஸாரேதி. அக்³க³ஹெத்வா வாதி லெட்³டு³ஆதீ³ஹி பஹரித்வா நயனவஸேன அக்³க³ஹெத்வா வா. ஆகாஸட்ட²வினிச்ச²யே வுச்சமானேபி தப்பஸங்கே³ன ஆகாஸட்ட²ஸ்ஸ வேஹாஸட்டா²தி³பா⁴வமுபக³தேபி அஸம்மோஹத்த²ங் ‘‘யஸ்மிங் அங்கே³ நிலீயதீ’’திஆதி³ வுத்தங். அந்தோவத்து²ம்ஹீதி பரிக்கி²த்தவத்து²ஸ்ஸ அந்தோ. அந்தோகா³மேதி பரிக்கி²த்தஸ்ஸ கா³மஸ்ஸ அந்தோ. அபரிக்கி²த்தே பன வத்து²ம்ஹி, கா³மே வா டி²தட்டா²னமேவ டா²னங். அடவிமுக²ங் கரோதீதி அரஞ்ஞாபி⁴முக²ங் கரோதி. ரக்க²தீதி தேன பயோகே³ன தஸ்ஸ இச்சி²தட்டா²னங் அக³தத்தா ரக்க²தி. பூ⁴மியா க³ச்ச²ந்தங் ஸந்தா⁴ய ‘‘து³தியபத³வாரே வா’’தி வுத்தங். கா³மதோ நிக்க²ந்தஸ்ஸாதி பரிக்கி²த்தகா³மதோ நிக்க²ந்தஸ்ஸ. கபிஞ்ஜரோ நாம ஏகா பக்கி²ஜாதி.
96. Ākāsaṭṭhakathāyaṃ mukhatuṇḍakenāti mukhaggena. Kalāpaggenāti piñchakalāpassa aggena. Pasāretīti gahaṇatthaṃ pasāreti. Aggahetvā vāti leḍḍuādīhi paharitvā nayanavasena aggahetvā vā. Ākāsaṭṭhavinicchaye vuccamānepi tappasaṅgena ākāsaṭṭhassa vehāsaṭṭhādibhāvamupagatepi asammohatthaṃ ‘‘yasmiṃ aṅge nilīyatī’’tiādi vuttaṃ. Antovatthumhīti parikkhittavatthussa anto. Antogāmeti parikkhittassa gāmassa anto. Aparikkhitte pana vatthumhi, gāme vā ṭhitaṭṭhānameva ṭhānaṃ. Aṭavimukhaṃ karotīti araññābhimukhaṃ karoti. Rakkhatīti tena payogena tassa icchitaṭṭhānaṃ agatattā rakkhati. Bhūmiyā gacchantaṃ sandhāya ‘‘dutiyapadavāre vā’’ti vuttaṃ. Gāmato nikkhantassāti parikkhittagāmato nikkhantassa. Kapiñjaro nāma ekā pakkhijāti.
ஆகாஸட்ட²கதா²வண்ணனா நிட்டி²தா.
Ākāsaṭṭhakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. து³தியபாராஜிகங் • 2. Dutiyapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 2. து³தியபாராஜிகங் • 2. Dutiyapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பூ⁴மட்ட²கதா²தி³வண்ணனா • Bhūmaṭṭhakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஆகாஸட்ட²கதா²வண்ணனா • Ākāsaṭṭhakathāvaṇṇanā
