| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
အာကာသဋ္ဌကထာဝဏ္ဏနာ
Ākāsaṭṭhakathāvaṇṇanā
၉၆. အာကာသဋ္ဌကထာယံ မုခတုဏ္ဍကေနာတိ မုခဂ္ဂေန။ ကလာပဂ္ဂေနာတိ ပိဉ္ဆကလာပသ္သ အဂ္ဂေန။ ပသာရေတီတိ ဂဟဏတ္ထံ ပသာရေတိ။ အဂ္ဂဟေတ္ဝာ ဝာတိ လေဍ္ဍုအာဒီဟိ ပဟရိတ္ဝာ နယနဝသေန အဂ္ဂဟေတ္ဝာ ဝာ။ အာကာသဋ္ဌဝိနိစ္ဆယေ ဝုစ္စမာနေပိ တပ္ပသင္ဂေန အာကာသဋ္ဌသ္သ ဝေဟာသဋ္ဌာဒိဘာဝမုပဂတေပိ အသမ္မောဟတ္ထံ ‘‘ယသ္မိံ အင္ဂေ နိလီယတီ’’တိအာဒိ ဝုတ္တံ။ အန္တောဝတ္ထုမ္ဟီတိ ပရိက္ခိတ္တဝတ္ထုသ္သ အန္တော။ အန္တောဂာမေတိ ပရိက္ခိတ္တသ္သ ဂာမသ္သ အန္တော။ အပရိက္ခိတ္တေ ပန ဝတ္ထုမ္ဟိ, ဂာမေ ဝာ ဌိတဋ္ဌာနမေဝ ဌာနံ။ အဋဝိမုခံ ကရောတီတိ အရညာဘိမုခံ ကရောတိ။ ရက္ခတီတိ တေန ပယောဂေန တသ္သ ဣစ္ဆိတဋ္ဌာနံ အဂတတ္တာ ရက္ခတိ။ ဘူမိယာ ဂစ္ဆန္တံ သန္ဓာယ ‘‘ဒုတိယပဒဝာရေ ဝာ’’တိ ဝုတ္တံ။ ဂာမတော နိက္ခန္တသ္သာတိ ပရိက္ခိတ္တဂာမတော နိက္ခန္တသ္သ။ ကပိဉ္ဇရော နာမ ဧကာ ပက္ခိဇာတိ။
96. Ākāsaṭṭhakathāyaṃ mukhatuṇḍakenāti mukhaggena. Kalāpaggenāti piñchakalāpassa aggena. Pasāretīti gahaṇatthaṃ pasāreti. Aggahetvā vāti leḍḍuādīhi paharitvā nayanavasena aggahetvā vā. Ākāsaṭṭhavinicchaye vuccamānepi tappasaṅgena ākāsaṭṭhassa vehāsaṭṭhādibhāvamupagatepi asammohatthaṃ ‘‘yasmiṃ aṅge nilīyatī’’tiādi vuttaṃ. Antovatthumhīti parikkhittavatthussa anto. Antogāmeti parikkhittassa gāmassa anto. Aparikkhitte pana vatthumhi, gāme vā ṭhitaṭṭhānameva ṭhānaṃ. Aṭavimukhaṃ karotīti araññābhimukhaṃ karoti. Rakkhatīti tena payogena tassa icchitaṭṭhānaṃ agatattā rakkhati. Bhūmiyā gacchantaṃ sandhāya ‘‘dutiyapadavāre vā’’ti vuttaṃ. Gāmato nikkhantassāti parikkhittagāmato nikkhantassa. Kapiñjaro nāma ekā pakkhijāti.
အာကာသဋ္ဌကထာဝဏ္ဏနာ နိဋ္ဌိတာ။
Ākāsaṭṭhakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဒုတိယပာရာဇိကံ • 2. Dutiyapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၂. ဒုတိယပာရာဇိကံ • 2. Dutiyapārājikaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဘူမဋ္ဌကထာဒိဝဏ္ဏနာ • Bhūmaṭṭhakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အာကာသဋ္ဌကထာဝဏ္ဏနာ • Ākāsaṭṭhakathāvaṇṇanā
