| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৬. ছট্ঠৰগ্গো
6. Chaṭṭhavaggo
(৫৯) ৭. আকাসো সনিদস্সনোতিকথা
(59) 7. Ākāso sanidassanotikathā
৪৬৩. আকাসো সনিদস্সনোতি? আমন্তা। রূপং রূপাযতনং রূপধাতু নীলং পীতকং লোহিতকং ওদাতং চক্খুৰিঞ্ঞেয্যং চক্খুস্মিং পটিহঞ্ঞতি চক্খুস্স আপাথং আগচ্ছতীতি? ন হেৰং ৰত্তব্বে…পে॰…।
463. Ākāso sanidassanoti? Āmantā. Rūpaṃ rūpāyatanaṃ rūpadhātu nīlaṃ pītakaṃ lohitakaṃ odātaṃ cakkhuviññeyyaṃ cakkhusmiṃ paṭihaññati cakkhussa āpāthaṃ āgacchatīti? Na hevaṃ vattabbe…pe….
আকাসো সনিদস্সনোতি? আমন্তা। চক্খুঞ্চ পটিচ্চ আকাসঞ্চ উপ্পজ্জতি চক্খুৰিঞ্ঞাণন্তি? ন হেৰং ৰত্তব্বে …পে॰…।
Ākāso sanidassanoti? Āmantā. Cakkhuñca paṭicca ākāsañca uppajjati cakkhuviññāṇanti? Na hevaṃ vattabbe …pe….
চক্খুঞ্চ পটিচ্চ আকাসঞ্চ উপ্পজ্জতি চক্খুৰিঞ্ঞাণন্তি? আমন্তা। ‘‘চক্খুঞ্চ পটিচ্চ আকাসঞ্চ উপ্পজ্জতি চক্খুৰিঞ্ঞাণ’’ন্তি – অত্থেৰ 1 সুত্তন্তোতি? নত্থি। ‘‘চক্খুঞ্চ পটিচ্চ রূপে চ উপ্পজ্জতি চক্খুৰিঞ্ঞাণ’’ন্তি 2 – অত্থেৰ সুত্তন্তোতি? আমন্তা। হঞ্চি ‘‘চক্খুঞ্চ পটিচ্চ রূপে চ উপ্পজ্জতি চক্খুৰিঞ্ঞাণ’’ন্তি – অত্থেৰ সুত্তন্তো, নো চ ৰত রে ৰত্তব্বে – ‘‘চক্খুঞ্চ পটিচ্চ আকাসঞ্চ উপ্পজ্জতি চক্খুৰিঞ্ঞাণ’’ন্তি।
Cakkhuñca paṭicca ākāsañca uppajjati cakkhuviññāṇanti? Āmantā. ‘‘Cakkhuñca paṭicca ākāsañca uppajjati cakkhuviññāṇa’’nti – attheva 3 suttantoti? Natthi. ‘‘Cakkhuñca paṭicca rūpe ca uppajjati cakkhuviññāṇa’’nti 4 – attheva suttantoti? Āmantā. Hañci ‘‘cakkhuñca paṭicca rūpe ca uppajjati cakkhuviññāṇa’’nti – attheva suttanto, no ca vata re vattabbe – ‘‘cakkhuñca paṭicca ākāsañca uppajjati cakkhuviññāṇa’’nti.
৪৬৪. ন ৰত্তব্বং – ‘‘আকাসো সনিদস্সনো’’তি? আমন্তা। ননু পস্সতি দ্ৰিন্নং রুক্খানং অন্তরং, দ্ৰিন্নং থম্ভানং অন্তরং, তাল়চ্ছিদ্দং ৰাতপানচ্ছিদ্দন্তি? আমন্তা । হঞ্চি পস্সতি দ্ৰিন্নং রুক্খানং অন্তরং, দ্ৰিন্নং থম্ভানং অন্তরং, তাল়চ্ছিদ্দং ৰাতপানচ্ছিদ্দং, তেন ৰত রে ৰত্তব্বে – ‘‘আকাসো সনিদস্সনো’’তি।
464. Na vattabbaṃ – ‘‘ākāso sanidassano’’ti? Āmantā. Nanu passati dvinnaṃ rukkhānaṃ antaraṃ, dvinnaṃ thambhānaṃ antaraṃ, tāḷacchiddaṃ vātapānacchiddanti? Āmantā . Hañci passati dvinnaṃ rukkhānaṃ antaraṃ, dvinnaṃ thambhānaṃ antaraṃ, tāḷacchiddaṃ vātapānacchiddaṃ, tena vata re vattabbe – ‘‘ākāso sanidassano’’ti.
আকাসো সনিদস্সনোতিকথা নিট্ঠিতা।
Ākāso sanidassanotikathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৭. আকাসো সনিদস্সনোতিকথাৰণ্ণনা • 7. Ākāso sanidassanotikathāvaṇṇanā
