| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
6. чадтаваг̇г̇о
6. Chaṭṭhavaggo
(59) 7. аагаасо санид̣̇ассанод̇игат̇аа
(59) 7. Ākāso sanidassanotikathā
463. аагаасо санид̣̇ассанод̇и? ааманд̇аа. руубам̣ руубааяад̇анам̣ руубад̇хаад̇у нийлам̣ бийд̇агам̣ лохид̇агам̣ од̣̇аад̇ам̣ жагкувин̃н̃зяяам̣ жагкусмим̣ бадихан̃н̃ад̇и жагкусса аабаат̇ам̣ ааг̇ажчад̇ийд̇и? на хзвам̣ вад̇д̇аб̣б̣з…бз….
463. Ākāso sanidassanoti? Āmantā. Rūpaṃ rūpāyatanaṃ rūpadhātu nīlaṃ pītakaṃ lohitakaṃ odātaṃ cakkhuviññeyyaṃ cakkhusmiṃ paṭihaññati cakkhussa āpāthaṃ āgacchatīti? Na hevaṃ vattabbe…pe….
аагаасо санид̣̇ассанод̇и? ааманд̇аа. жагкун̃жа бадижжа аагаасан̃жа уббаж̇ж̇ад̇и жагкувин̃н̃аан̣анд̇и? на хзвам̣ вад̇д̇аб̣б̣з …бз….
Ākāso sanidassanoti? Āmantā. Cakkhuñca paṭicca ākāsañca uppajjati cakkhuviññāṇanti? Na hevaṃ vattabbe …pe….
жагкун̃жа бадижжа аагаасан̃жа уббаж̇ж̇ад̇и жагкувин̃н̃аан̣анд̇и? ааманд̇аа. ‘‘жагкун̃жа бадижжа аагаасан̃жа уббаж̇ж̇ад̇и жагкувин̃н̃аан̣а’’нд̇и – ад̇т̇зва 1 суд̇д̇анд̇од̇и? над̇т̇и. ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣а’’нд̇и 2 – ад̇т̇зва суд̇д̇анд̇од̇и? ааманд̇аа. хан̃жи ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣а’’нд̇и – ад̇т̇зва суд̇д̇анд̇о, но жа вад̇а рз вад̇д̇аб̣б̣з – ‘‘жагкун̃жа бадижжа аагаасан̃жа уббаж̇ж̇ад̇и жагкувин̃н̃аан̣а’’нд̇и.
Cakkhuñca paṭicca ākāsañca uppajjati cakkhuviññāṇanti? Āmantā. ‘‘Cakkhuñca paṭicca ākāsañca uppajjati cakkhuviññāṇa’’nti – attheva 3 suttantoti? Natthi. ‘‘Cakkhuñca paṭicca rūpe ca uppajjati cakkhuviññāṇa’’nti 4 – attheva suttantoti? Āmantā. Hañci ‘‘cakkhuñca paṭicca rūpe ca uppajjati cakkhuviññāṇa’’nti – attheva suttanto, no ca vata re vattabbe – ‘‘cakkhuñca paṭicca ākāsañca uppajjati cakkhuviññāṇa’’nti.
464. на вад̇д̇аб̣б̣ам̣ – ‘‘аагаасо санид̣̇ассано’’д̇и? ааманд̇аа. нану бассад̇и д̣̇виннам̣ ругкаанам̣ анд̇арам̣, д̣̇виннам̣ т̇амбхаанам̣ анд̇арам̣, д̇аал̣ажчид̣̇д̣̇ам̣ ваад̇абаанажчид̣̇д̣̇анд̇и? ааманд̇аа . хан̃жи бассад̇и д̣̇виннам̣ ругкаанам̣ анд̇арам̣, д̣̇виннам̣ т̇амбхаанам̣ анд̇арам̣, д̇аал̣ажчид̣̇д̣̇ам̣ ваад̇абаанажчид̣̇д̣̇ам̣, д̇зна вад̇а рз вад̇д̇аб̣б̣з – ‘‘аагаасо санид̣̇ассано’’д̇и.
464. Na vattabbaṃ – ‘‘ākāso sanidassano’’ti? Āmantā. Nanu passati dvinnaṃ rukkhānaṃ antaraṃ, dvinnaṃ thambhānaṃ antaraṃ, tāḷacchiddaṃ vātapānacchiddanti? Āmantā . Hañci passati dvinnaṃ rukkhānaṃ antaraṃ, dvinnaṃ thambhānaṃ antaraṃ, tāḷacchiddaṃ vātapānacchiddaṃ, tena vata re vattabbe – ‘‘ākāso sanidassano’’ti.
аагаасо санид̣̇ассанод̇игат̇аа нидтид̇аа.
Ākāso sanidassanotikathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 7. аагаасо санид̣̇ассанод̇игат̇ааван̣н̣анаа • 7. Ākāso sanidassanotikathāvaṇṇanā
