| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
7. ஆகாஸோ ஸனித³ஸ்ஸனோதிகதா²வண்ணனா
7. Ākāso sanidassanotikathāvaṇṇanā
463-464. இதா³னி ஆகாஸோ ஸனித³ஸ்ஸனோதிகதா² நாம ஹோதி. தத்த² யேஸங் தாளச்சி²த்³தா³தீ³ஸு ஞாணப்பவத்திங் நிஸ்ஸாய ‘‘ஸப்³போ³பி அஜடாகாஸோ ஸனித³ஸ்ஸனோ’’தி லத்³தி⁴, ஸெய்யதா²பி அந்த⁴கானங் ; தே ஸந்தா⁴ய ஆகாஸோ ஸனித³ஸ்ஸனோதி புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘யதி³ ஸனித³ஸ்ஸனோ, ஏவங்விதோ⁴ ப⁴வெய்யா’’தி சோத³னத்த²ங் ரூபந்திஆதி³ வுத்தங். சக்கு²ஞ்ச படிச்சாதிபஞ்ஹேஸு ஏவரூபஸ்ஸ ஸுத்தஸ்ஸ அபா⁴வேன படிக்கி²பித்வா துலந்தரிகாதீ³னங் உபலத்³தி⁴ங் நிஸ்ஸாய படிஜானாதி. த்³வின்னங் ருக்கா²னங் அந்தரந்தி எத்த² ருக்க²ரூபங் சக்கு²னா தி³ஸ்வா அந்தரே ரூபாபா⁴வதோ ஆகாஸந்தி மனொத்³வாரவிஞ்ஞாணங் உப்பஜ்ஜதி, ந சக்கு²விஞ்ஞாணங். ஸேஸேஸுபி ஏஸேவ நயோ. தஸ்மா அஸாத⁴கமேதந்தி.
463-464. Idāni ākāso sanidassanotikathā nāma hoti. Tattha yesaṃ tāḷacchiddādīsu ñāṇappavattiṃ nissāya ‘‘sabbopi ajaṭākāso sanidassano’’ti laddhi, seyyathāpi andhakānaṃ ; te sandhāya ākāso sanidassanoti pucchā sakavādissa, paṭiññā itarassa. Atha naṃ ‘‘yadi sanidassano, evaṃvidho bhaveyyā’’ti codanatthaṃ rūpantiādi vuttaṃ. Cakkhuñca paṭiccātipañhesu evarūpassa suttassa abhāvena paṭikkhipitvā tulantarikādīnaṃ upaladdhiṃ nissāya paṭijānāti. Dvinnaṃ rukkhānaṃ antaranti ettha rukkharūpaṃ cakkhunā disvā antare rūpābhāvato ākāsanti manodvāraviññāṇaṃ uppajjati, na cakkhuviññāṇaṃ. Sesesupi eseva nayo. Tasmā asādhakametanti.
ஆகாஸோ ஸனித³ஸ்ஸனோதிகதா²வண்ணனா.
Ākāso sanidassanotikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (59) 7. ஆகாஸோ ஸனித³ஸ்ஸனோதிகதா² • (59) 7. Ākāso sanidassanotikathā
