| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༧. ཨཱཀཱསོ སནིདསྶནོཏིཀཐཱཝཎྞནཱ
7. Ākāso sanidassanotikathāvaṇṇanā
༤༦༣-༤༦༤. ཨིདཱནི ཨཱཀཱསོ སནིདསྶནོཏིཀཐཱ ནཱམ ཧོཏི། ཏཏྠ ཡེསཾ ཏཱལ༹ཙྪིདྡཱདཱིསུ ཉཱཎཔྤཝཏྟིཾ ནིསྶཱཡ ‘‘སབྦོཔི ཨཛཊཱཀཱསོ སནིདསྶནོ’’ཏི ལདྡྷི, སེཡྻཐཱཔི ཨནྡྷཀཱནཾ ; ཏེ སནྡྷཱཡ ཨཱཀཱསོ སནིདསྶནོཏི པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཐ ནཾ ‘‘ཡདི སནིདསྶནོ, ཨེཝཾཝིདྷོ བྷཝེཡྻཱ’’ཏི ཙོདནཏྠཾ རཱུཔནྟིཨཱདི ཝུཏྟཾ། ཙཀྑུཉྩ པཊིཙྩཱཏིཔཉྷེསུ ཨེཝརཱུཔསྶ སུཏྟསྶ ཨབྷཱཝེན པཊིཀྑིཔིཏྭཱ ཏུལནྟརིཀཱདཱིནཾ ཨུཔལདྡྷིཾ ནིསྶཱཡ པཊིཛཱནཱཏི། དྭིནྣཾ རུཀྑཱནཾ ཨནྟརནྟི ཨེཏྠ རུཀྑརཱུཔཾ ཙཀྑུནཱ དིསྭཱ ཨནྟརེ རཱུཔཱབྷཱཝཏོ ཨཱཀཱསནྟི མནོདྭཱརཝིཉྙཱཎཾ ཨུཔྤཛྫཏི, ན ཙཀྑུཝིཉྙཱཎཾ། སེསེསུཔི ཨེསེཝ ནཡོ། ཏསྨཱ ཨསཱདྷཀམེཏནྟི།
463-464. Idāni ākāso sanidassanotikathā nāma hoti. Tattha yesaṃ tāḷacchiddādīsu ñāṇappavattiṃ nissāya ‘‘sabbopi ajaṭākāso sanidassano’’ti laddhi, seyyathāpi andhakānaṃ ; te sandhāya ākāso sanidassanoti pucchā sakavādissa, paṭiññā itarassa. Atha naṃ ‘‘yadi sanidassano, evaṃvidho bhaveyyā’’ti codanatthaṃ rūpantiādi vuttaṃ. Cakkhuñca paṭiccātipañhesu evarūpassa suttassa abhāvena paṭikkhipitvā tulantarikādīnaṃ upaladdhiṃ nissāya paṭijānāti. Dvinnaṃ rukkhānaṃ antaranti ettha rukkharūpaṃ cakkhunā disvā antare rūpābhāvato ākāsanti manodvāraviññāṇaṃ uppajjati, na cakkhuviññāṇaṃ. Sesesupi eseva nayo. Tasmā asādhakametanti.
ཨཱཀཱསོ སནིདསྶནོཏིཀཐཱཝཎྞནཱ།
Ākāso sanidassanotikathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༥༩) ༧. ཨཱཀཱསོ སནིདསྶནོཏིཀཐཱ • (59) 7. Ākāso sanidassanotikathā
