| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੭. ਆਕਾਸੋ ਸਨਿਦਸ੍ਸਨੋਤਿਕਥਾવਣ੍ਣਨਾ
7. Ākāso sanidassanotikathāvaṇṇanā
੪੬੩-੪੬੪. ਇਦਾਨਿ ਆਕਾਸੋ ਸਨਿਦਸ੍ਸਨੋਤਿਕਥਾ ਨਾਮ ਹੋਤਿ। ਤਤ੍ਥ ਯੇਸਂ ਤਾਲ਼ਚ੍ਛਿਦ੍ਦਾਦੀਸੁ ਞਾਣਪ੍ਪવਤ੍ਤਿਂ ਨਿਸ੍ਸਾਯ ‘‘ਸਬ੍ਬੋਪਿ ਅਜਟਾਕਾਸੋ ਸਨਿਦਸ੍ਸਨੋ’’ਤਿ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਂ ; ਤੇ ਸਨ੍ਧਾਯ ਆਕਾਸੋ ਸਨਿਦਸ੍ਸਨੋਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ‘‘ਯਦਿ ਸਨਿਦਸ੍ਸਨੋ, ਏવਂવਿਧੋ ਭવੇਯ੍ਯਾ’’ਤਿ ਚੋਦਨਤ੍ਥਂ ਰੂਪਨ੍ਤਿਆਦਿ વੁਤ੍ਤਂ। ਚਕ੍ਖੁਞ੍ਚ ਪਟਿਚ੍ਚਾਤਿਪਞ੍ਹੇਸੁ ਏવਰੂਪਸ੍ਸ ਸੁਤ੍ਤਸ੍ਸ ਅਭਾવੇਨ ਪਟਿਕ੍ਖਿਪਿਤ੍વਾ ਤੁਲਨ੍ਤਰਿਕਾਦੀਨਂ ਉਪਲਦ੍ਧਿਂ ਨਿਸ੍ਸਾਯ ਪਟਿਜਾਨਾਤਿ। ਦ੍વਿਨ੍ਨਂ ਰੁਕ੍ਖਾਨਂ ਅਨ੍ਤਰਨ੍ਤਿ ਏਤ੍ਥ ਰੁਕ੍ਖਰੂਪਂ ਚਕ੍ਖੁਨਾ ਦਿਸ੍વਾ ਅਨ੍ਤਰੇ ਰੂਪਾਭਾવਤੋ ਆਕਾਸਨ੍ਤਿ ਮਨੋਦ੍વਾਰવਿਞ੍ਞਾਣਂ ਉਪ੍ਪਜ੍ਜਤਿ, ਨ ਚਕ੍ਖੁવਿਞ੍ਞਾਣਂ। ਸੇਸੇਸੁਪਿ ਏਸੇવ ਨਯੋ। ਤਸ੍ਮਾ ਅਸਾਧਕਮੇਤਨ੍ਤਿ।
463-464. Idāni ākāso sanidassanotikathā nāma hoti. Tattha yesaṃ tāḷacchiddādīsu ñāṇappavattiṃ nissāya ‘‘sabbopi ajaṭākāso sanidassano’’ti laddhi, seyyathāpi andhakānaṃ ; te sandhāya ākāso sanidassanoti pucchā sakavādissa, paṭiññā itarassa. Atha naṃ ‘‘yadi sanidassano, evaṃvidho bhaveyyā’’ti codanatthaṃ rūpantiādi vuttaṃ. Cakkhuñca paṭiccātipañhesu evarūpassa suttassa abhāvena paṭikkhipitvā tulantarikādīnaṃ upaladdhiṃ nissāya paṭijānāti. Dvinnaṃ rukkhānaṃ antaranti ettha rukkharūpaṃ cakkhunā disvā antare rūpābhāvato ākāsanti manodvāraviññāṇaṃ uppajjati, na cakkhuviññāṇaṃ. Sesesupi eseva nayo. Tasmā asādhakametanti.
ਆਕਾਸੋ ਸਨਿਦਸ੍ਸਨੋਤਿਕਥਾવਣ੍ਣਨਾ।
Ākāso sanidassanotikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੫੯) ੭. ਆਕਾਸੋ ਸਨਿਦਸ੍ਸਨੋਤਿਕਥਾ • (59) 7. Ākāso sanidassanotikathā
