| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
27. бад̣̇умугкибаваг̇г̇о
27. Padumukkhipavaggo
1-10. аагаасугкибияад̇т̇зраабад̣̇аанаад̣̇иван̣н̣анаа
1-10. Ākāsukkhipiyattheraapadānādivaṇṇanā
1-2. сад̇д̇авийсад̇имз ваг̇г̇з батамаабад̣̇аанз ж̇алаж̇аг̇г̇з д̣̇увз г̇аяхаад̇и ж̇алз уд̣̇агз ж̇аад̇з аг̇г̇з уббалаад̣̇аяо д̣̇вз бубпз г̇ахзд̇ваа б̣уд̣̇д̇хасса самийбам̣ г̇анд̇ваа згам̣ бубпам̣ баад̣̇зсу нигкибим̣ бууж̇зсим̣, згам̣ бубпам̣ аагаасз кибинд̇и ад̇т̇о.
1-2. Sattavīsatime vagge paṭhamāpadāne jalajagge duve gayhāti jale udake jāte agge uppalādayo dve pupphe gahetvā buddhassa samīpaṃ gantvā ekaṃ pupphaṃ pādesu nikkhipiṃ pūjesiṃ, ekaṃ pupphaṃ ākāse khipinti attho.
д̣̇уд̇ияаабад̣̇аанам̣ баагадамзва.
Dutiyāpadānaṃ pākaṭameva.
10. д̇ад̇ияаабад̣̇аанз б̣од̇хияаа баад̣̇абуд̇д̇амзд̇и уд̇д̇амз б̣од̇хибаад̣̇абз. ад̣дхажанд̣̇ам̣ маяаа д̣̇иннанд̇и д̇асмим̣ б̣од̇химуулз ад̣дхажанд̣̇аагаарзна маяаа анзгабубпаани бууж̇ид̇аанийд̇и ад̇т̇о. д̇харан̣ийрухабаад̣̇абзд̇и ругкабаб̣б̣ад̇арад̇анаад̣̇аяо д̇хаарзд̇ийд̇и д̇харан̣ий, бат̇авий, д̇харан̣ияаа рухад̇и бад̇идтахад̇ийд̇и д̇харан̣ийрухо, баад̣̇асан̇каад̇зна муулзна уд̣̇агам̣ бивад̇и канд̇хавидабаад̣̇ийсу бад̇т̇арияад̇ийд̇и баад̣̇або, д̇харан̣ийрухо жа со баад̣̇або жзд̇и д̇харан̣ийрухабаад̣̇або, д̇асмим̣ д̇харан̣ийрухабаад̣̇абз бубпам̣ маяаа бууж̇ид̇анд̇и ад̇т̇о.
10. Tatiyāpadāne bodhiyā pādaputtameti uttame bodhipādape. Aḍḍhacandaṃ mayā dinnanti tasmiṃ bodhimūle aḍḍhacandākārena mayā anekapupphāni pūjitānīti attho. Dharaṇīruhapādapeti rukkhapabbataratanādayo dhāretīti dharaṇī, pathavī, dharaṇiyā ruhati patiṭṭhahatīti dharaṇīruho, pādasaṅkhātena mūlena udakaṃ pivati khandhaviṭapādīsu patthariyatīti pādapo, dharaṇīruho ca so pādapo ceti dharaṇīruhapādapo, tasmiṃ dharaṇīruhapādape pupphaṃ mayā pūjitanti attho.
жад̇уд̇т̇аабад̣̇аанам̣ уд̇д̇аанад̇т̇амзва.
Catutthāpadānaṃ uttānatthameva.
18-19. бан̃жамаабад̣̇аанз химаванд̇ассаавид̣̇уурзд̇и химаванд̇асса аасаннз. ромасо наама баб̣б̣ад̇од̇и ругкалад̇ааг̇умб̣аабхааваа гзвалам̣ д̣̇аб̣б̣ад̇ин̣аад̣̇исан̃чаннад̇д̇аа ромасо наама баб̣б̣ад̇о ахоси. д̇амхи баб̣б̣ад̇абаад̣̇амхийд̇и д̇асмим̣ баб̣б̣ад̇абарияанд̇з. саман̣о бхаавид̇инд̣̇рияод̇и самид̇абаабо вуубасанд̇агилзсо саман̣о вад̣дхид̇аинд̣̇рияо, рагкид̇ажагкунд̣̇рияаад̣̇иинд̣̇рияод̇и ад̇т̇о. ат̇а ваа вад̣дхид̇аинд̣̇рияо вад̣дхид̇асад̣̇д̇хинд̣̇рияаад̣̇иинд̣̇рияод̇и ад̇т̇о. д̇асса саман̣асса ахам̣ б̣ил̣аалиаалувз г̇ахзд̇ваа ад̣̇аасинд̇и ад̇т̇о.
18-19. Pañcamāpadāne himavantassāvidūreti himavantassa āsanne. Romaso nāma pabbatoti rukkhalatāgumbābhāvā kevalaṃ dabbatiṇādisañchannattā romaso nāma pabbato ahosi. Tamhi pabbatapādamhīti tasmiṃ pabbatapariyante. Samaṇo bhāvitindriyoti samitapāpo vūpasantakileso samaṇo vaḍḍhitaindriyo, rakkhitacakkhundriyādiindriyoti attho. Atha vā vaḍḍhitaindriyo vaḍḍhitasaddhindriyādiindriyoti attho. Tassa samaṇassa ahaṃ biḷāliāluve gahetvā adāsinti attho.
чадтасад̇д̇амадтаманавамад̣̇асамаабад̣̇аанаани уд̇д̇аанад̇т̇аанзваад̇и.
Chaṭṭhasattamaṭṭhamanavamadasamāpadānāni uttānatthānevāti.
сад̇д̇авийсад̇имаваг̇г̇аван̣н̣анаа самад̇д̇аа.
Sattavīsatimavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi
1. аагаасугкибияад̇т̇зраабад̣̇аанам̣ • 1. Ākāsukkhipiyattheraapadānaṃ
3. ад̣дхажанд̣̇ияад̇т̇зраабад̣̇аанам̣ • 3. Aḍḍhacandiyattheraapadānaṃ
5. б̣ил̣аалид̣̇ааяагад̇т̇зраабад̣̇аанам̣ • 5. Biḷālidāyakattheraapadānaṃ
