| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨੭. ਪਦੁਮੁਕ੍ਖਿਪવਗ੍ਗੋ
27. Padumukkhipavaggo
੧-੧੦. ਆਕਾਸੁਕ੍ਖਿਪਿਯਤ੍ਥੇਰਅਪਦਾਨਾਦਿવਣ੍ਣਨਾ
1-10. Ākāsukkhipiyattheraapadānādivaṇṇanā
੧-੨. ਸਤ੍ਤવੀਸਤਿਮੇ વਗ੍ਗੇ ਪਠਮਾਪਦਾਨੇ ਜਲਜਗ੍ਗੇ ਦੁવੇ ਗਯ੍ਹਾਤਿ ਜਲੇ ਉਦਕੇ ਜਾਤੇ ਅਗ੍ਗੇ ਉਪ੍ਪਲਾਦਯੋ ਦ੍વੇ ਪੁਪ੍ਫੇ ਗਹੇਤ੍વਾ ਬੁਦ੍ਧਸ੍ਸ ਸਮੀਪਂ ਗਨ੍ਤ੍વਾ ਏਕਂ ਪੁਪ੍ਫਂ ਪਾਦੇਸੁ ਨਿਕ੍ਖਿਪਿਂ ਪੂਜੇਸਿਂ, ਏਕਂ ਪੁਪ੍ਫਂ ਆਕਾਸੇ ਖਿਪਿਨ੍ਤਿ ਅਤ੍ਥੋ।
1-2. Sattavīsatime vagge paṭhamāpadāne jalajagge duve gayhāti jale udake jāte agge uppalādayo dve pupphe gahetvā buddhassa samīpaṃ gantvā ekaṃ pupphaṃ pādesu nikkhipiṃ pūjesiṃ, ekaṃ pupphaṃ ākāse khipinti attho.
ਦੁਤਿਯਾਪਦਾਨਂ ਪਾਕਟਮੇવ।
Dutiyāpadānaṃ pākaṭameva.
੧੦. ਤਤਿਯਾਪਦਾਨੇ ਬੋਧਿਯਾ ਪਾਦਪੁਤ੍ਤਮੇਤਿ ਉਤ੍ਤਮੇ ਬੋਧਿਪਾਦਪੇ। ਅਡ੍ਢਚਨ੍ਦਂ ਮਯਾ ਦਿਨ੍ਨਨ੍ਤਿ ਤਸ੍ਮਿਂ ਬੋਧਿਮੂਲੇ ਅਡ੍ਢਚਨ੍ਦਾਕਾਰੇਨ ਮਯਾ ਅਨੇਕਪੁਪ੍ਫਾਨਿ ਪੂਜਿਤਾਨੀਤਿ ਅਤ੍ਥੋ। ਧਰਣੀਰੁਹਪਾਦਪੇਤਿ ਰੁਕ੍ਖਪਬ੍ਬਤਰਤਨਾਦਯੋ ਧਾਰੇਤੀਤਿ ਧਰਣੀ, ਪਥવੀ, ਧਰਣਿਯਾ ਰੁਹਤਿ ਪਤਿਟ੍ਠਹਤੀਤਿ ਧਰਣੀਰੁਹੋ, ਪਾਦਸਙ੍ਖਾਤੇਨ ਮੂਲੇਨ ਉਦਕਂ ਪਿવਤਿ ਖਨ੍ਧવਿਟਪਾਦੀਸੁ ਪਤ੍ਥਰਿਯਤੀਤਿ ਪਾਦਪੋ, ਧਰਣੀਰੁਹੋ ਚ ਸੋ ਪਾਦਪੋ ਚੇਤਿ ਧਰਣੀਰੁਹਪਾਦਪੋ, ਤਸ੍ਮਿਂ ਧਰਣੀਰੁਹਪਾਦਪੇ ਪੁਪ੍ਫਂ ਮਯਾ ਪੂਜਿਤਨ੍ਤਿ ਅਤ੍ਥੋ।
10. Tatiyāpadāne bodhiyā pādaputtameti uttame bodhipādape. Aḍḍhacandaṃ mayā dinnanti tasmiṃ bodhimūle aḍḍhacandākārena mayā anekapupphāni pūjitānīti attho. Dharaṇīruhapādapeti rukkhapabbataratanādayo dhāretīti dharaṇī, pathavī, dharaṇiyā ruhati patiṭṭhahatīti dharaṇīruho, pādasaṅkhātena mūlena udakaṃ pivati khandhaviṭapādīsu patthariyatīti pādapo, dharaṇīruho ca so pādapo ceti dharaṇīruhapādapo, tasmiṃ dharaṇīruhapādape pupphaṃ mayā pūjitanti attho.
ਚਤੁਤ੍ਥਾਪਦਾਨਂ ਉਤ੍ਤਾਨਤ੍ਥਮੇવ।
Catutthāpadānaṃ uttānatthameva.
੧੮-੧੯. ਪਞ੍ਚਮਾਪਦਾਨੇ ਹਿਮવਨ੍ਤਸ੍ਸਾવਿਦੂਰੇਤਿ ਹਿਮવਨ੍ਤਸ੍ਸ ਆਸਨ੍ਨੇ। ਰੋਮਸੋ ਨਾਮ ਪਬ੍ਬਤੋਤਿ ਰੁਕ੍ਖਲਤਾਗੁਮ੍ਬਾਭਾવਾ ਕੇવਲਂ ਦਬ੍ਬਤਿਣਾਦਿਸਞ੍ਛਨ੍ਨਤ੍ਤਾ ਰੋਮਸੋ ਨਾਮ ਪਬ੍ਬਤੋ ਅਹੋਸਿ। ਤਮ੍ਹਿ ਪਬ੍ਬਤਪਾਦਮ੍ਹੀਤਿ ਤਸ੍ਮਿਂ ਪਬ੍ਬਤਪਰਿਯਨ੍ਤੇ। ਸਮਣੋ ਭਾવਿਤਿਨ੍ਦ੍ਰਿਯੋਤਿ ਸਮਿਤਪਾਪੋ વੂਪਸਨ੍ਤਕਿਲੇਸੋ ਸਮਣੋ વਡ੍ਢਿਤਇਨ੍ਦ੍ਰਿਯੋ, ਰਕ੍ਖਿਤਚਕ੍ਖੁਨ੍ਦ੍ਰਿਯਾਦਿਇਨ੍ਦ੍ਰਿਯੋਤਿ ਅਤ੍ਥੋ। ਅਥ વਾ વਡ੍ਢਿਤਇਨ੍ਦ੍ਰਿਯੋ વਡ੍ਢਿਤਸਦ੍ਧਿਨ੍ਦ੍ਰਿਯਾਦਿਇਨ੍ਦ੍ਰਿਯੋਤਿ ਅਤ੍ਥੋ। ਤਸ੍ਸ ਸਮਣਸ੍ਸ ਅਹਂ ਬਿਲ਼ਾਲਿਆਲੁવੇ ਗਹੇਤ੍વਾ ਅਦਾਸਿਨ੍ਤਿ ਅਤ੍ਥੋ।
18-19. Pañcamāpadāne himavantassāvidūreti himavantassa āsanne. Romaso nāma pabbatoti rukkhalatāgumbābhāvā kevalaṃ dabbatiṇādisañchannattā romaso nāma pabbato ahosi. Tamhi pabbatapādamhīti tasmiṃ pabbatapariyante. Samaṇo bhāvitindriyoti samitapāpo vūpasantakileso samaṇo vaḍḍhitaindriyo, rakkhitacakkhundriyādiindriyoti attho. Atha vā vaḍḍhitaindriyo vaḍḍhitasaddhindriyādiindriyoti attho. Tassa samaṇassa ahaṃ biḷāliāluve gahetvā adāsinti attho.
ਛਟ੍ਠਸਤ੍ਤਮਟ੍ਠਮਨવਮਦਸਮਾਪਦਾਨਾਨਿ ਉਤ੍ਤਾਨਤ੍ਥਾਨੇવਾਤਿ।
Chaṭṭhasattamaṭṭhamanavamadasamāpadānāni uttānatthānevāti.
ਸਤ੍ਤવੀਸਤਿਮવਗ੍ਗવਣ੍ਣਨਾ ਸਮਤ੍ਤਾ।
Sattavīsatimavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi
੧. ਆਕਾਸੁਕ੍ਖਿਪਿਯਤ੍ਥੇਰਅਪਦਾਨਂ • 1. Ākāsukkhipiyattheraapadānaṃ
੩. ਅਡ੍ਢਚਨ੍ਦਿਯਤ੍ਥੇਰਅਪਦਾਨਂ • 3. Aḍḍhacandiyattheraapadānaṃ
੫. ਬਿਲ਼ਾਲਿਦਾਯਕਤ੍ਥੇਰਅਪਦਾਨਂ • 5. Biḷālidāyakattheraapadānaṃ
