| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒๗. ปทุมุกฺขิปวโคฺค
27. Padumukkhipavaggo
๑. อากาสุกฺขิปิยเตฺถรอปทานํ
1. Ākāsukkhipiyattheraapadānaṃ
๑.
1.
‘‘สุวณฺณวณฺณํ สิทฺธตฺถํ, คจฺฉนฺตํ อนฺตราปเณ;
‘‘Suvaṇṇavaṇṇaṃ siddhatthaṃ, gacchantaṃ antarāpaṇe;
ชลชเคฺค ทุเว คยฺห, อุปาคจฺฉิํ นราสภํฯ
Jalajagge duve gayha, upāgacchiṃ narāsabhaṃ.
๒.
2.
‘‘เอกญฺจ ปุปฺผํ ปาเทสุ, พุทฺธเสฎฺฐสฺส นิกฺขิปิํ;
‘‘Ekañca pupphaṃ pādesu, buddhaseṭṭhassa nikkhipiṃ;
เอกญฺจ ปุปฺผํ ปคฺคยฺห, อากาเส อุกฺขิปิํ อหํฯ
Ekañca pupphaṃ paggayha, ākāse ukkhipiṃ ahaṃ.
๓.
3.
‘‘จตุนฺนวุติโต กเปฺป, ยํ ปุปฺผมภิโรปยิํ;
‘‘Catunnavutito kappe, yaṃ pupphamabhiropayiṃ;
ทุคฺคติํ นาภิชานามิ, ปุปฺผทานสฺสิทํ ผลํฯ
Duggatiṃ nābhijānāmi, pupphadānassidaṃ phalaṃ.
๔.
4.
‘‘อิโต ฉตฺติํสกปฺปมฺหิ, เอโก อาสิํ มหีปติ;
‘‘Ito chattiṃsakappamhi, eko āsiṃ mahīpati;
อนฺตลิกฺขกโร นาม, จกฺกวตฺตี มหพฺพโลฯ
Antalikkhakaro nāma, cakkavattī mahabbalo.
๕.
5.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา อากาสุกฺขิปิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā ākāsukkhipiyo thero imā gāthāyo abhāsitthāti.
อากาสุกฺขิปิยเตฺถรสฺสาปทานํ ปฐมํฯ
Ākāsukkhipiyattherassāpadānaṃ paṭhamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๑๐. อากาสุกฺขิปิยเตฺถรอปทานาทิวณฺณนา • 1-10. Ākāsukkhipiyattheraapadānādivaṇṇanā
