| Library / Tipiṭaka / තිපිටක • Tipiṭaka / අපදානපාළි • Apadānapāḷi |
27. පදුමුක්‌ඛිපවග්‌ගො
27. Padumukkhipavaggo
1. ආකාසුක්‌ඛිපියත්‌ථෙරඅපදානං
1. Ākāsukkhipiyattheraapadānaṃ
1.
1.
‘‘සුවණ්‌ණවණ්‌ණං සිද්‌ධත්‌ථං, ගච්‌ඡන්‌තං අන්‌තරාපණෙ;
‘‘Suvaṇṇavaṇṇaṃ siddhatthaṃ, gacchantaṃ antarāpaṇe;
ජලජග්‌ගෙ දුවෙ ගය්‌හ, උපාගච්‌ඡිං නරාසභං.
Jalajagge duve gayha, upāgacchiṃ narāsabhaṃ.
2.
2.
‘‘එකඤ්‌ච පුප්‌ඵං පාදෙසු, බුද්‌ධසෙට්‌ඨස්‌ස නික්‌ඛිපිං;
‘‘Ekañca pupphaṃ pādesu, buddhaseṭṭhassa nikkhipiṃ;
එකඤ්‌ච පුප්‌ඵං පග්‌ගය්‌හ, ආකාසෙ උක්‌ඛිපිං අහං.
Ekañca pupphaṃ paggayha, ākāse ukkhipiṃ ahaṃ.
3.
3.
‘‘චතුන්‌නවුතිතො කප්‌පෙ, යං පුප්‌ඵමභිරොපයිං;
‘‘Catunnavutito kappe, yaṃ pupphamabhiropayiṃ;
දුග්‌ගතිං නාභිජානාමි, පුප්‌ඵදානස්‌සිදං ඵලං.
Duggatiṃ nābhijānāmi, pupphadānassidaṃ phalaṃ.
4.
4.
‘‘ඉතො ඡත්‌තිංසකප්‌පම්‌හි, එකො ආසිං මහීපති;
‘‘Ito chattiṃsakappamhi, eko āsiṃ mahīpati;
අන්‌තලික්‌ඛකරො නාම, චක්‌කවත්‌තී මහබ්‌බලො.
Antalikkhakaro nāma, cakkavattī mahabbalo.
5.
5.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා ආකාසුක්‌ඛිපියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā ākāsukkhipiyo thero imā gāthāyo abhāsitthāti.
ආකාසුක්‌ඛිපියත්‌ථෙරස්‌සාපදානං පඨමං.
Ākāsukkhipiyattherassāpadānaṃ paṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. ආකාසුක්‌ඛිපියත්‌ථෙරඅපදානාදිවණ්‌ණනා • 1-10. Ākāsukkhipiyattheraapadānādivaṇṇanā
