| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[90] 10. агад̇ан̃н̃уж̇аад̇агаван̣н̣анаа
[90] 10. Akataññujātakavaṇṇanā
яо буб̣б̣з гад̇агаляаан̣од̇и ид̣̇ам̣ сад̇т̇аа ж̇зд̇аванз вихаранд̇о анаат̇абин̣д̣игам̣ аараб̣бха гат̇зси. д̇асса гирзго бажжанд̇аваасиго сздти ад̣̇идтасахааяо ахоси. со згад̣̇аа бажжанд̇з удтаанагабхан̣д̣асса бан̃жа сагадасад̇аани буурзд̇ваа гамманд̇игамануссз ааха – ‘‘г̇ажчат̇а, бхо, имам̣ бхан̣д̣ам̣ саавад̇т̇им̣ нзд̇ваа амхаагам̣ сахааяагасса анаат̇абин̣д̣игамахаасздтисса бажжаг̇гхзна виггин̣ид̇ваа бадибхан̣д̣ам̣ аахарат̇аа’’д̇и. д̇з ‘‘саад̇хуу’’д̇и д̇асса важанам̣ самбадижчид̇ваа саавад̇т̇им̣ г̇анд̇ваа махаасздтим̣ д̣̇исваа бан̣н̣аагаарам̣ д̣̇ад̇ваа д̇ам̣ бавад̇д̇им̣ аарожзсум̣. махаасздти ‘‘свааг̇ад̇ам̣ во’’д̇и д̇зсам̣ ааваасан̃жа бариб̣б̣аяан̃жа д̣̇аабзд̇ваа сахааяагасса сукам̣ бужчид̇ваа бхан̣д̣ам̣ виггин̣ид̇ваа бадибхан̣д̣ам̣ д̣̇аабзси. д̇з бажжанд̇ам̣ г̇анд̇ваа д̇амад̇т̇ам̣ ад̇д̇ано сздтисса аарожзсум̣.
Yo pubbe katakalyāṇoti idaṃ satthā jetavane viharanto anāthapiṇḍikaṃ ārabbha kathesi. Tassa kireko paccantavāsiko seṭṭhi adiṭṭhasahāyo ahosi. So ekadā paccante uṭṭhānakabhaṇḍassa pañca sakaṭasatāni pūretvā kammantikamanusse āha – ‘‘gacchatha, bho, imaṃ bhaṇḍaṃ sāvatthiṃ netvā amhākaṃ sahāyakassa anāthapiṇḍikamahāseṭṭhissa paccagghena vikkiṇitvā paṭibhaṇḍaṃ āharathā’’ti. Te ‘‘sādhū’’ti tassa vacanaṃ sampaṭicchitvā sāvatthiṃ gantvā mahāseṭṭhiṃ disvā paṇṇākāraṃ datvā taṃ pavattiṃ ārocesuṃ. Mahāseṭṭhi ‘‘svāgataṃ vo’’ti tesaṃ āvāsañca paribbayañca dāpetvā sahāyakassa sukhaṃ pucchitvā bhaṇḍaṃ vikkiṇitvā paṭibhaṇḍaṃ dāpesi. Te paccantaṃ gantvā tamatthaṃ attano seṭṭhissa ārocesuṃ.
абарабхааг̇з анаат̇абин̣д̣игоби д̇ат̇зва бан̃жа сагадасад̇аани д̇ад̇т̇а бзсзси. мануссаа д̇ад̇т̇а г̇анд̇ваа бан̣н̣аагаарам̣ аад̣̇ааяа бажжанд̇аваасигасздтим̣ бассим̣су. со ‘‘гуд̇о ааг̇ажчат̇аа’’д̇и бужчид̇ваа ‘‘саавад̇т̇ид̇о д̇умхаагам̣ сахааяагасса анаат̇абин̣д̣игасса санд̇игаа’’д̇и вуд̇д̇з ‘‘анаат̇абин̣д̣игод̇и гассажи бурисасса наамам̣ бхависсад̇ий’’д̇и барихаасам̣ гад̇ваа бан̣н̣аагаарам̣ г̇ахзд̇ваа ‘‘г̇ажчат̇а д̇умхз’’д̇и уяяож̇зси, нзва ниваасам̣, на бариб̣б̣аяам̣ д̣̇аабзси. д̇з саяамзва бхан̣д̣ам̣ виггин̣ид̇ваа бадибхан̣д̣ам̣ аад̣̇ааяа саавад̇т̇им̣ ааг̇анд̇ваа сздтисса д̇ам̣ бавад̇д̇им̣ аарожзсум̣.
Aparabhāge anāthapiṇḍikopi tatheva pañca sakaṭasatāni tattha pesesi. Manussā tattha gantvā paṇṇākāraṃ ādāya paccantavāsikaseṭṭhiṃ passiṃsu. So ‘‘kuto āgacchathā’’ti pucchitvā ‘‘sāvatthito tumhākaṃ sahāyakassa anāthapiṇḍikassa santikā’’ti vutte ‘‘anāthapiṇḍikoti kassaci purisassa nāmaṃ bhavissatī’’ti parihāsaṃ katvā paṇṇākāraṃ gahetvā ‘‘gacchatha tumhe’’ti uyyojesi, neva nivāsaṃ, na paribbayaṃ dāpesi. Te sayameva bhaṇḍaṃ vikkiṇitvā paṭibhaṇḍaṃ ādāya sāvatthiṃ āgantvā seṭṭhissa taṃ pavattiṃ ārocesuṃ.
ат̇а со бажжанд̇аваасий бунаби згаваарам̣ д̇ат̇зва бан̃жа сагадасад̇аани саавад̇т̇им̣ бзсзси, мануссаа бан̣н̣аагаарам̣ аад̣̇ааяа махаасздтим̣ бассим̣су. д̇з бана д̣̇исваа анаат̇абин̣д̣игасса мануссаа ‘‘маяам̣, саами, зд̇зсам̣ ниваасан̃жа бхад̇д̇ан̃жа бариб̣б̣аяан̃жа ж̇ааниссаамаа’’д̇и вад̇ваа д̇зсам̣ сагадаани б̣ахинаг̇арз д̇ат̇ааруубз таанз можаабзд̇ваа ‘‘д̇умхз ид̇хзва васат̇а, амхаагам̣ во гхарз яааг̇убхад̇д̇ан̃жа бариб̣б̣аяо жа бхависсад̇ий’’д̇и г̇анд̇ваа д̣̇аасагаммагарз саннибаад̇зд̇ваа маж̇жхимаяаамасамананд̇арз бан̃жа сагадасад̇аани вилумбид̇ваа ниваасанабаарубанааниби нзсам̣ ажчинд̣̇ид̇ваа г̇он̣з балаабзд̇ваа сагадаани вижаггаани гад̇ваа бхуумияам̣ табзд̇ваа жаггааниби г̇ан̣хид̇ваава аг̇амам̣су. бажжанд̇аваасино ниваасанамад̇д̇ассаби саамигаа ахуд̇ваа бхийд̇аа взг̇зна балааяид̇ваа бажжанд̇амзва г̇ад̇аа. сздтимануссааби д̇амад̇т̇ам̣ махаасздтино аарожзсум̣. со ‘‘ад̇т̇и д̣̇аанид̣̇ам̣ гат̇аабаабхад̇а’’нд̇и сад̇т̇у санд̇игам̣ г̇анд̇ваа аад̣̇ид̇о бадтааяа саб̣б̣ам̣ д̇ам̣ бавад̇д̇им̣ аарожзси. сад̇т̇аа ‘‘на ко, г̇ахабад̇и, со бажжанд̇аваасий ид̣̇аанзва звам̣сийло, буб̣б̣зби звам̣сийлоязва ахосий’’д̇и вад̇ваа д̇зна яаажид̇о ад̇ийд̇ам̣ аахари.
Atha so paccantavāsī punapi ekavāraṃ tatheva pañca sakaṭasatāni sāvatthiṃ pesesi, manussā paṇṇākāraṃ ādāya mahāseṭṭhiṃ passiṃsu. Te pana disvā anāthapiṇḍikassa manussā ‘‘mayaṃ, sāmi, etesaṃ nivāsañca bhattañca paribbayañca jānissāmā’’ti vatvā tesaṃ sakaṭāni bahinagare tathārūpe ṭhāne mocāpetvā ‘‘tumhe idheva vasatha, amhākaṃ vo ghare yāgubhattañca paribbayo ca bhavissatī’’ti gantvā dāsakammakare sannipātetvā majjhimayāmasamanantare pañca sakaṭasatāni vilumpitvā nivāsanapārupanānipi nesaṃ acchinditvā goṇe palāpetvā sakaṭāni vicakkāni katvā bhūmiyaṃ ṭhapetvā cakkānipi gaṇhitvāva agamaṃsu. Paccantavāsino nivāsanamattassapi sāmikā ahutvā bhītā vegena palāyitvā paccantameva gatā. Seṭṭhimanussāpi tamatthaṃ mahāseṭṭhino ārocesuṃ. So ‘‘atthi dānidaṃ kathāpābhata’’nti satthu santikaṃ gantvā ādito paṭṭhāya sabbaṃ taṃ pavattiṃ ārocesi. Satthā ‘‘na kho, gahapati, so paccantavāsī idāneva evaṃsīlo, pubbepi evaṃsīloyeva ahosī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣аараан̣асияам̣ махаавибхаво сздти ахоси. д̇ассзго бажжанд̇аваасиго сздти ад̣̇идтасахааяо ахоси. саб̣б̣ам̣ ад̇ийд̇авад̇т̇у бажжуббаннавад̇т̇усад̣̇исамзва б̣од̇хисад̇д̇о бана ад̇д̇ано мануссзхи ‘‘аж̇ж̇а амхзхи ид̣̇ам̣ наама гад̇а’’нд̇и аарожид̇з ‘‘батамам̣ ад̇д̇ано гад̇ам̣ убагаарам̣ аж̇аананд̇аа бажчаа зваруубам̣ лабханд̇иязваа’’д̇и вад̇ваа самбад̇д̇абарисааяа д̇хаммам̣ д̣̇зсзнд̇о имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto bārāṇasiyaṃ mahāvibhavo seṭṭhi ahosi. Tasseko paccantavāsiko seṭṭhi adiṭṭhasahāyo ahosi. Sabbaṃ atītavatthu paccuppannavatthusadisameva bodhisatto pana attano manussehi ‘‘ajja amhehi idaṃ nāma kata’’nti ārocite ‘‘paṭhamaṃ attano kataṃ upakāraṃ ajānantā pacchā evarūpaṃ labhantiyevā’’ti vatvā sampattaparisāya dhammaṃ desento imaṃ gāthamāha –
90.
90.
‘‘яо буб̣б̣з гад̇агаляаан̣о, гад̇ад̇т̇о нааваб̣уж̇жхад̇и;
‘‘Yo pubbe katakalyāṇo, katattho nāvabujjhati;
бажчаа гижжз самуббаннз, гад̇д̇аарам̣ наад̇хиг̇ажчад̇ий’’д̇и.
Pacchā kicce samuppanne, kattāraṃ nādhigacchatī’’ti.
д̇ад̇рааяам̣ бин̣д̣ад̇т̇о – кад̇д̇ияаад̣̇ийсу яо гожи бурисо буб̣б̣з батамад̇арам̣ ан̃н̃зна гад̇агаляаан̣о гад̇уубагааро гад̇ад̇т̇о нибпаад̣̇ид̇агижжо худ̇ваа д̇ам̣ барзна ад̇д̇ани гад̇ам̣ галяаан̣ан̃жзва ад̇т̇ан̃жа на ж̇аанаад̇и, со бажчаа ад̇д̇ано гижжз самуббаннз д̇асса гижжасса гад̇д̇аарам̣ наад̇хиг̇ажчад̇и на лабхад̇ийд̇и.
Tatrāyaṃ piṇḍattho – khattiyādīsu yo koci puriso pubbe paṭhamataraṃ aññena katakalyāṇo katūpakāro katattho nipphāditakicco hutvā taṃ parena attani kataṃ kalyāṇañceva atthañca na jānāti, so pacchā attano kicce samuppanne tassa kiccassa kattāraṃ nādhigacchati na labhatīti.
звам̣ б̣од̇хисад̇д̇о имааяа г̇аат̇ааяа д̇хаммам̣ д̣̇зсзд̇ваа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Evaṃ bodhisatto imāya gāthāya dhammaṃ desetvā dānādīni puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа бажжанд̇аваасий ид̣̇аанийби бажжанд̇аваасийязва, б̣аараан̣асисздти бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā paccantavāsī idānīpi paccantavāsīyeva, bārāṇasiseṭṭhi pana ahameva ahosi’’nti.
агад̇ан̃н̃уж̇аад̇агаван̣н̣анаа д̣̇асамаа.
Akataññujātakavaṇṇanā dasamā.
абааяимхаваг̇г̇о навамо.
Apāyimhavaggo navamo.
д̇ассуд̣̇д̣̇аанам̣ –
Tassuddānaṃ –
сураабаанам̣ мид̇д̇авинд̣̇ам̣, гаал̣аган̣н̣ий ад̇т̇ад̣̇ваарам̣;
Surāpānaṃ mittavindaṃ, kāḷakaṇṇī atthadvāraṃ;
гим̣баггасийлавиймам̣сам̣, ман̇г̇алан̃жааби саарамбхам̣;
Kiṃpakkasīlavīmaṃsaṃ, maṅgalañcāpi sārambhaṃ;
гухагам̣ агад̇ан̃н̃уу жаад̇и.
Kuhakaṃ akataññū cāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 90. агад̇ан̃н̃уж̇аад̇агам̣ • 90. Akataññujātakaṃ
