| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༧. ཨཱཀིཉྩཉྙཱཡཏནཔཉྷཱསུཏྟཾ
7. Ākiñcaññāyatanapañhāsuttaṃ
༣༣༨. ‘‘‘ཨཱཀིཉྩཉྙཱཡཏནཾ, ཨཱཀིཉྩཉྙཱཡཏན’ནྟི ཝུཙྩཏི། ཀཏམཾ ནུ ཁོ ཨཱཀིཉྩཉྙཱཡཏནནྟི? ཏསྶ མཡ྄ཧཾ, ཨཱཝུསོ, ཨེཏདཧོསི – ‘ཨིདྷ བྷིཀྑུ སབྦསོ ཝིཉྙཱཎཉྩཱཡཏནཾ སམཏིཀྐམྨ ནཏྠི ཀིཉྩཱིཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི། ཨིདཾ ཝུཙྩཏི ཨཱཀིཉྩཉྙཱཡཏན’ནྟི། སོ ཁྭཱཧཾ, ཨཱཝུསོ, སབྦསོ ཝིཉྙཱཎཉྩཱཡཏནཾ སམཏིཀྐམྨ ནཏྠི ཀིཉྩཱིཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཱམི། ཏསྶ མཡ྄ཧཾ, ཨཱཝུསོ, ཨིམིནཱ ཝིཧཱརེན ཝིཧརཏོ ཝིཉྙཱཎཉྩཱཡཏནསཧགཏཱ སཉྙཱམནསིཀཱརཱ སམུདཱཙརནྟི།
338. ‘‘‘Ākiñcaññāyatanaṃ, ākiñcaññāyatana’nti vuccati. Katamaṃ nu kho ākiñcaññāyatananti? Tassa mayhaṃ, āvuso, etadahosi – ‘idha bhikkhu sabbaso viññāṇañcāyatanaṃ samatikkamma natthi kiñcīti ākiñcaññāyatanaṃ upasampajja viharati. Idaṃ vuccati ākiñcaññāyatana’nti. So khvāhaṃ, āvuso, sabbaso viññāṇañcāyatanaṃ samatikkamma natthi kiñcīti ākiñcaññāyatanaṃ upasampajja viharāmi. Tassa mayhaṃ, āvuso, iminā vihārena viharato viññāṇañcāyatanasahagatā saññāmanasikārā samudācaranti.
‘‘ཨཐ ཁོ མཾ, ཨཱཝུསོ, བྷགཝཱ ཨིདྡྷིཡཱ ཨུཔསངྐམིཏྭཱ ཨེཏདཝོཙ – ‘མོགྒལླཱན, མོགྒལླཱན! མཱ, བྲཱཧྨཎ, ཨཱཀིཉྩཉྙཱཡཏནཾ པམཱདོ, ཨཱཀིཉྩཉྙཱཡཏནེ ཙིཏྟཾ སཎྛཔེཧི, ཨཱཀིཉྩཉྙཱཡཏནེ ཙིཏྟཾ ཨེཀོདིཾ ཀརོཧི, ཨཱཀིཉྩཉྙཱཡཏནེ ཙིཏྟཾ སམཱདཧཱ’ཏི། སོ ཁྭཱཧཾ, ཨཱཝུསོ, ཨཔརེན སམཡེན སབྦསོ ཝིཉྙཱཎཉྩཱཡཏནཾ སམཏིཀྐམྨ ནཏྠི ཀིཉྩཱིཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧཱསིཾ། ཡཉྷི ཏཾ, ཨཱཝུསོ, སམྨཱ ཝདམཱནོ ཝདེཡྻ…པེ॰… མཧཱབྷིཉྙཏཾ པཏྟོ’’ཏི། སཏྟམཾ།
‘‘Atha kho maṃ, āvuso, bhagavā iddhiyā upasaṅkamitvā etadavoca – ‘moggallāna, moggallāna! Mā, brāhmaṇa, ākiñcaññāyatanaṃ pamādo, ākiñcaññāyatane cittaṃ saṇṭhapehi, ākiñcaññāyatane cittaṃ ekodiṃ karohi, ākiñcaññāyatane cittaṃ samādahā’ti. So khvāhaṃ, āvuso, aparena samayena sabbaso viññāṇañcāyatanaṃ samatikkamma natthi kiñcīti ākiñcaññāyatanaṃ upasampajja vihāsiṃ. Yañhi taṃ, āvuso, sammā vadamāno vadeyya…pe… mahābhiññataṃ patto’’ti. Sattamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༨. པཋམཛྷཱནཔཉྷཱསུཏྟཱདིཝཎྞནཱ • 1-8. Paṭhamajhānapañhāsuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡-༨. པཋམཛ྄ཛྷཱནཔཉྷསུཏྟཱདིཝཎྞནཱ • 1-8. Paṭhamajjhānapañhasuttādivaṇṇanā
