| Library / Tipiṭaka / திபிடக • Tipiṭaka / சரியாபிடகபாளி • Cariyāpiṭakapāḷi |
நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
Namo tassa bhagavato arahato sammāsambuddhassa
கு²த்³த³கனிகாயே
Khuddakanikāye
சரியாபிடகபாளி
Cariyāpiṭakapāḷi
1. அகித்திவக்³கோ³
1. Akittivaggo
1. அகித்திசரியா
1. Akitticariyā
1.
1.
‘‘கப்பே ச ஸதஸஹஸ்ஸே, சதுரோ ச அஸங்கி²யே;
‘‘Kappe ca satasahasse, caturo ca asaṅkhiye;
எத்த²ந்தரே யங் சரிதங், ஸப்³ப³ங் தங் போ³தி⁴பாசனங்.
Etthantare yaṃ caritaṃ, sabbaṃ taṃ bodhipācanaṃ.
2.
2.
‘‘அதீதகப்பே சரிதங், ட²பயித்வா ப⁴வாப⁴வே;
‘‘Atītakappe caritaṃ, ṭhapayitvā bhavābhave;
இமம்ஹி கப்பே சரிதங், பவக்கி²ஸ்ஸங் ஸுணோஹி மே.
Imamhi kappe caritaṃ, pavakkhissaṃ suṇohi me.
3.
3.
‘‘யதா³ அஹங் ப்³ரஹாரஞ்ஞே, ஸுஞ்ஞே விபினகானநே;
‘‘Yadā ahaṃ brahāraññe, suññe vipinakānane;
4.
4.
‘‘ததா³ மங் தபதேஜேன, ஸந்தத்தோ திதி³வாபி⁴பூ⁴;
‘‘Tadā maṃ tapatejena, santatto tidivābhibhū;
தா⁴ரெந்தோ ப்³ராஹ்மணவண்ணங், பி⁴க்கா²ய மங் உபாக³மி.
Dhārento brāhmaṇavaṇṇaṃ, bhikkhāya maṃ upāgami.
5.
5.
‘‘பவனா ஆப⁴தங் பண்ணங், அதேலஞ்ச அலோணிகங்;
‘‘Pavanā ābhataṃ paṇṇaṃ, atelañca aloṇikaṃ;
மம த்³வாரே டி²தங் தி³ஸ்வா, ஸகடாஹேன ஆகிரிங்.
Mama dvāre ṭhitaṃ disvā, sakaṭāhena ākiriṃ.
6.
6.
‘‘தஸ்ஸ த³த்வானஹங் பண்ணங், நிக்குஜ்ஜித்வான பா⁴ஜனங்;
‘‘Tassa datvānahaṃ paṇṇaṃ, nikkujjitvāna bhājanaṃ;
புனேஸனங் ஜஹித்வான, பாவிஸிங் பண்ணஸாலகங்.
Punesanaṃ jahitvāna, pāvisiṃ paṇṇasālakaṃ.
7.
7.
‘‘து³தியம்பி ததியம்பி, உபக³ஞ்சி² மமந்திகங்;
‘‘Dutiyampi tatiyampi, upagañchi mamantikaṃ;
அகம்பிதோ அனோலக்³கோ³, ஏவமேவமதா³ஸஹங்.
Akampito anolaggo, evamevamadāsahaṃ.
8.
8.
‘‘ந மே தப்பச்சயா அத்தி², ஸரீரஸ்மிங் விவண்ணியங்;
‘‘Na me tappaccayā atthi, sarīrasmiṃ vivaṇṇiyaṃ;
பீதிஸுகே²ன ரதியா, வீதினாமேமி தங் தி³வங்.
Pītisukhena ratiyā, vītināmemi taṃ divaṃ.
9.
9.
‘‘யதி³ மாஸம்பி த்³வேமாஸங், த³க்கி²ணெய்யங் வரங் லபே⁴;
‘‘Yadi māsampi dvemāsaṃ, dakkhiṇeyyaṃ varaṃ labhe;
அகம்பிதோ அனோலீனோ, த³தெ³ய்யங் தா³னமுத்தமங்.
Akampito anolīno, dadeyyaṃ dānamuttamaṃ.
10.
10.
‘‘ந தஸ்ஸ தா³னங் த³த³மானோ, யஸங் லாப⁴ஞ்ச பத்த²யிங்;
‘‘Na tassa dānaṃ dadamāno, yasaṃ lābhañca patthayiṃ;
ஸப்³ப³ஞ்ஞுதங் பத்த²யானோ, தானி கம்மானி ஆசரி’’ந்தி.
Sabbaññutaṃ patthayāno, tāni kammāni ācari’’nti.
அகித்திசரியங் பட²மங்.
Akitticariyaṃ paṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / சரியாபிடக-அட்ட²கதா² • Cariyāpiṭaka-aṭṭhakathā / 1. அகித்திசரியாவண்ணனா • 1. Akitticariyāvaṇṇanā
