Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā

    намо д̇асса бхаг̇авад̇о арахад̇о саммаасамб̣уд̣̇д̇хасса

    Namo tassa bhagavato arahato sammāsambuddhassa

    куд̣̇д̣̇аганигааяз

    Khuddakanikāye

    жарияаабидага-адтагат̇аа

    Cariyāpiṭaka-aṭṭhakathā

    г̇ант̇аарамбхагат̇аа

    Ganthārambhakathā

    жарияаа саб̣б̣алогасса, хид̇аа яасса махзсино;

    Cariyā sabbalokassa, hitā yassa mahesino;

    ажинд̇зяяаанубхаавам̣ д̇ам̣, ванд̣̇з логаг̇г̇анааяагам̣.

    Acinteyyānubhāvaṃ taṃ, vande lokagganāyakaṃ.

    виж̇ж̇аажаран̣асамбаннаа, язна нийяанд̇и логад̇о;

    Vijjācaraṇasampannā, yena nīyanti lokato;

    ванд̣̇з д̇амуд̇д̇амам̣ д̇хаммам̣, саммаасамб̣уд̣̇д̇хабууж̇ид̇ам̣.

    Vande tamuttamaṃ dhammaṃ, sammāsambuddhapūjitaṃ.

    сийлаад̣̇иг̇ун̣асамбанно, тид̇о маг̇г̇апалзсу яо;

    Sīlādiguṇasampanno, ṭhito maggaphalesu yo;

    ванд̣̇з арияасан̇гхам̣ д̇ам̣, бун̃н̃агкзд̇д̇ам̣ ануд̇д̇арам̣.

    Vande ariyasaṅghaṃ taṃ, puññakkhettaṃ anuttaraṃ.

    ванд̣̇анааж̇анид̇ам̣ бун̃н̃ам̣, ид̇и яам̣ рад̇анад̇д̇аяз;

    Vandanājanitaṃ puññaṃ, iti yaṃ ratanattaye;

    хад̇анд̇арааяо саб̣б̣ад̇т̇а, худ̇ваахам̣ д̇асса д̇зж̇асаа.

    Hatantarāyo sabbattha, hutvāhaṃ tassa tejasā.

    имасмим̣ бхад̣̇д̣̇агаббасмим̣, самбхад̇аа яаа суд̣̇уггараа;

    Imasmiṃ bhaddakappasmiṃ, sambhatā yā sudukkarā;

    уггам̣сабаарамиббад̇д̇аа, д̣̇аанабаарамид̇аад̣̇аяо.

    Ukkaṃsapāramippattā, dānapāramitādayo.

    д̇аасам̣ самб̣од̇хижарияаанам̣, аанубхаававибхааванам̣;

    Tāsaṃ sambodhicariyānaṃ, ānubhāvavibhāvanaṃ;

    саггзсу ниг̇род̇хаараамз, васанд̇зна махзсинаа.

    Sakkesu nigrodhārāme, vasantena mahesinā.

    яам̣ д̇хаммасзнаабад̇ино, саб̣б̣асаавагагзд̇уно;

    Yaṃ dhammasenāpatino, sabbasāvakaketuno;

    логанаат̇зна жарияаа-бидагам̣ наама д̣̇зсид̇ам̣.

    Lokanāthena cariyā-piṭakaṃ nāma desitaṃ.

    яам̣ куд̣̇д̣̇аганигааяасмим̣, сан̇г̇ааяим̣су махзсаяо;

    Yaṃ khuddakanikāyasmiṃ, saṅgāyiṃsu mahesayo;

    д̇хаммасан̇г̇аахагаа сад̇т̇у, хзд̇усамбад̇д̇ид̣̇ийбанам̣.

    Dhammasaṅgāhakā satthu, hetusampattidīpanaṃ.

    д̇асса самб̣од̇хисамбхаара-вибхааг̇анаяаяог̇ад̇о;

    Tassa sambodhisambhāra-vibhāganayayogato;

    гин̃жааби д̣̇уггараа гаад̇ум̣, ад̇т̇асам̣ван̣н̣анаа маяаа.

    Kiñcāpi dukkarā kātuṃ, atthasaṃvaṇṇanā mayā.

    саха сам̣ван̣н̣анам̣ яасмаа, д̇харад̇з сад̇т̇у саасанам̣;

    Saha saṃvaṇṇanaṃ yasmā, dharate satthu sāsanaṃ;

    буб̣б̣аажарияасийхаанам̣, д̇идтад̇зва винижчаяо.

    Pubbācariyasīhānaṃ, tiṭṭhateva vinicchayo.

    д̇асмаа д̇ам̣ аваламб̣ид̇ваа, ог̇аахид̇ваа жа саб̣б̣асо;

    Tasmā taṃ avalambitvā, ogāhitvā ca sabbaso;

    ж̇аад̇агаанубаниссааяа, бораан̣адтагат̇аанаяам̣.

    Jātakānupanissāya, porāṇaṭṭhakathānayaṃ.

    ниссид̇ам̣ ваажанаамаг̇г̇ам̣, сувисуд̣̇д̇хаманаагулам̣;

    Nissitaṃ vācanāmaggaṃ, suvisuddhamanākulaṃ;

    махаавихаараваасийнам̣, нибун̣ад̇т̇авинижчаяам̣.

    Mahāvihāravāsīnaṃ, nipuṇatthavinicchayaṃ.

    нийд̇анзяяад̇т̇абхзд̣̇аа жа, баарамий барид̣̇ийбаяам̣;

    Nītaneyyatthabhedā ca, pāramī paridīpayaṃ;

    гариссаами д̇ам̣ жарияаа-бидагассад̇т̇аван̣н̣анам̣.

    Karissāmi taṃ cariyā-piṭakassatthavaṇṇanaṃ.

    ид̇и ааган̇камаанасса, сад̣̇д̇хаммасса жирадтид̇им̣;

    Iti ākaṅkhamānassa, saddhammassa ciraṭṭhitiṃ;

    вибхаж̇анд̇асса д̇ассад̇т̇ам̣, нисаамаяат̇а саад̇хавод̇и.

    Vibhajantassa tassatthaṃ, nisāmayatha sādhavoti.

    д̇ад̇т̇а жарияаабидаганд̇и гзнадтзна жарияаабидагам̣? ад̇ийд̇аасу ж̇аад̇ийсу сад̇т̇у жарияаанубхааваббагаасиний барияад̇д̇ийд̇и гад̇ваа, барияад̇д̇иад̇т̇о хи аяам̣ бидагасад̣̇д̣̇о, ‘‘маа бидагасамбад̣̇аанзнаа’’д̇иаад̣̇ийсу (а. ни. 3.66) вияа. ат̇а ваа яасмаа саа барияад̇д̇и д̇ассзва сад̇т̇у буримаж̇аад̇ийсу жарияаанам̣ аанубхааваббагаасанзна бхааж̇анабхууд̇аа, д̇асмааби ‘‘жарияаабидага’’нд̇и вужжад̇и, бхааж̇анад̇т̇оби хи бидагасад̣̇д̣̇о нид̣̇д̣̇идто ‘‘ат̇а бурисо ааг̇ажчзяяа, гуд̣̇аалабидагам̣ аад̣̇ааяаа’’д̇иаад̣̇ийсу (ма. ни. 1.228; а. ни. 3.70) вияа. д̇ам̣ банзд̇ам̣ жарияаабидагам̣ винаяабидагам̣, суд̇д̇анд̇абидагам̣, абхид̇хаммабидаганд̇и д̇ийсу бидагзсу суд̇д̇анд̇абидагабарияаабаннам̣. д̣̇ийгханигааяо, маж̇жхиманигааяо, сам̣яуд̇д̇анигааяо, ан̇г̇уд̇д̇аранигааяо, куд̣̇д̣̇аганигааяод̇и бан̃жасу нигааязсу куд̣̇д̣̇аганигааяабарияаабаннам̣. суд̇д̇ам̣, г̇зяяам̣, взяяаагаран̣ам̣, г̇аат̇аа, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇алланд̇и навасу саасанан̇г̇зсу г̇аат̇аасан̇г̇ахам̣.

    Tattha cariyāpiṭakanti kenaṭṭhena cariyāpiṭakaṃ? Atītāsu jātīsu satthu cariyānubhāvappakāsinī pariyattīti katvā, pariyattiattho hi ayaṃ piṭakasaddo, ‘‘mā piṭakasampadānenā’’tiādīsu (a. ni. 3.66) viya. Atha vā yasmā sā pariyatti tasseva satthu purimajātīsu cariyānaṃ ānubhāvappakāsanena bhājanabhūtā, tasmāpi ‘‘cariyāpiṭaka’’nti vuccati, bhājanatthopi hi piṭakasaddo niddiṭṭho ‘‘atha puriso āgaccheyya, kudālapiṭakaṃ ādāyā’’tiādīsu (ma. ni. 1.228; a. ni. 3.70) viya. Taṃ panetaṃ cariyāpiṭakaṃ vinayapiṭakaṃ, suttantapiṭakaṃ, abhidhammapiṭakanti tīsu piṭakesu suttantapiṭakapariyāpannaṃ. Dīghanikāyo, majjhimanikāyo, saṃyuttanikāyo, aṅguttaranikāyo, khuddakanikāyoti pañcasu nikāyesu khuddakanikāyapariyāpannaṃ. Suttaṃ, geyyaṃ, veyyākaraṇaṃ, gāthā, udānaṃ, itivuttakaṃ, jātakaṃ, abbhutadhammaṃ, vedallanti navasu sāsanaṅgesu gāthāsaṅgahaṃ.

    ‘‘д̣̇ваасийд̇и б̣уд̣̇д̇хад̇о г̇ан̣хим̣, д̣̇взсахассаани бхигкуд̇о;

    ‘‘Dvāsīti buddhato gaṇhiṃ, dvesahassāni bhikkhuto;

    жад̇ураасийд̇и сахассаани, яз мз д̇хаммаа бавад̇д̇ино’’д̇и. (т̇зраг̇аа. 1027) –

    Caturāsīti sahassāni, ye me dhammā pavattino’’ti. (theragā. 1027) –

    звам̣ д̇хаммабхан̣д̣ааг̇ааригзна бадин̃н̃аад̇зсу жад̇ураасийд̇ияаа д̇хаммагканд̇хасахассзсу гад̇ибаяад̇хаммагканд̇хасан̇г̇ахам̣. ваг̇г̇ад̇о агид̇д̇иваг̇г̇о, хад̇т̇инааг̇аваг̇г̇о, яуд̇хан̃ж̇аяаваг̇г̇од̇и ваг̇г̇ад̇д̇аяасан̇г̇ахам̣. жарияад̇о агид̇д̇иваг̇г̇з д̣̇аса, хад̇т̇инааг̇аваг̇г̇з д̣̇аса, яуд̇хан̃ж̇аяаваг̇г̇з бан̃жад̣̇асаад̇и бан̃жад̇им̣сажарияаасан̇г̇ахам̣. д̇ийсу ваг̇г̇зсу агид̇д̇иваг̇г̇о аад̣̇и, жарияаасу агид̇д̇ижарияаа. д̇ассааби –

    Evaṃ dhammabhaṇḍāgārikena paṭiññātesu caturāsītiyā dhammakkhandhasahassesu katipayadhammakkhandhasaṅgahaṃ. Vaggato akittivaggo, hatthināgavaggo, yudhañjayavaggoti vaggattayasaṅgahaṃ. Cariyato akittivagge dasa, hatthināgavagge dasa, yudhañjayavagge pañcadasāti pañcatiṃsacariyāsaṅgahaṃ. Tīsu vaggesu akittivaggo ādi, cariyāsu akitticariyā. Tassāpi –

    ‘‘габбз жа сад̇асахассз, жад̇уро жа асан̇кияз;

    ‘‘Kappe ca satasahasse, caturo ca asaṅkhiye;

    зд̇т̇анд̇арз яам̣ жарид̇ам̣, саб̣б̣ам̣ д̇ам̣ б̣од̇хибаажана’’нд̇и. –

    Etthantare yaṃ caritaṃ, sabbaṃ taṃ bodhipācana’’nti. –

    аяам̣ г̇аат̇аа аад̣̇и. д̇асса ид̇о бабхуд̇и ануггамзна ад̇т̇асам̣ван̣н̣анаа ход̇и.

    Ayaṃ gāthā ādi. Tassa ito pabhuti anukkamena atthasaṃvaṇṇanā hoti.

    г̇ант̇аарамбхагат̇аа нидтид̇аа.

    Ganthārambhakathā niṭṭhitā.

    нид̣̇аанагат̇аа

    Nidānakathā

    саа банааяам̣ ад̇т̇асам̣ван̣н̣анаа яасмаа д̣̇уурзнид̣̇аанам̣, авид̣̇уурзнид̣̇аанам̣, санд̇игзнид̣̇аананд̇и имаани д̇ийн̣и нид̣̇аанаани д̣̇ассзд̇ваа вужжамаанаа сун̣анд̇зхи самуд̣̇ааг̇амад̇о бадтааяа судту вин̃н̃аад̇аа наама ход̇и. д̇асмаа д̇зсам̣ нид̣̇аанаанам̣ аяам̣ вибхааг̇о взд̣̇ид̇аб̣б̣о.

    Sā panāyaṃ atthasaṃvaṇṇanā yasmā dūrenidānaṃ, avidūrenidānaṃ, santikenidānanti imāni tīṇi nidānāni dassetvā vuccamānā suṇantehi samudāgamato paṭṭhāya suṭṭhu viññātā nāma hoti. Tasmā tesaṃ nidānānaṃ ayaṃ vibhāgo veditabbo.

    д̣̇ийбан̇гарад̣̇асаб̣аласса баад̣̇амууласмин̃хи гад̇аабхинийхаарасса махааб̣од̇хисад̇д̇асса яаава д̇усид̇абхаванз ниб̣б̣ад̇д̇и, д̇аава бавад̇д̇о гат̇аамаг̇г̇о д̣̇уурзнид̣̇аанам̣ наама. д̇усид̇абхаванад̇о бадтааяа яаава б̣од̇химан̣д̣з саб̣б̣ан̃н̃уд̇ан̃н̃аан̣аббад̇д̇и, д̇аава бавад̇д̇о гат̇аамаг̇г̇о авид̣̇уурзнид̣̇аанам̣ наама. махааб̣од̇химан̣д̣ад̇о бана бадтааяа яаава бажжуббаннавад̇т̇у, д̇аава бавад̇д̇о гат̇аамаг̇г̇о санд̇игзнид̣̇аанам̣ наама. имзсу д̇ийсу нид̣̇аанзсу яасмаа д̣̇уурзнид̣̇аанаавид̣̇уурзнид̣̇аанаани саб̣б̣асаад̇хааран̣аани, д̇асмаа д̇аани ж̇аад̇агадтагат̇ааяам̣ (ж̇аа. адта. 1.д̣̇уурзнид̣̇аанагат̇аа) вид̇т̇аарид̇анаязнзва вид̇т̇аарад̇о взд̣̇ид̇аб̣б̣аани. санд̇игзнид̣̇аанз бана ад̇т̇и висзсод̇и д̇ин̣н̣амби нид̣̇аанаанам̣ аяамаад̣̇ид̇о бадтааяа сан̇кзбагат̇аа.

    Dīpaṅkaradasabalassa pādamūlasmiñhi katābhinīhārassa mahābodhisattassa yāva tusitabhavane nibbatti, tāva pavatto kathāmaggo dūrenidānaṃ nāma. Tusitabhavanato paṭṭhāya yāva bodhimaṇḍe sabbaññutaññāṇappatti, tāva pavatto kathāmaggo avidūrenidānaṃ nāma. Mahābodhimaṇḍato pana paṭṭhāya yāva paccuppannavatthu, tāva pavatto kathāmaggo santikenidānaṃ nāma. Imesu tīsu nidānesu yasmā dūrenidānaavidūrenidānāni sabbasādhāraṇāni, tasmā tāni jātakaṭṭhakathāyaṃ (jā. aṭṭha. 1.dūrenidānakathā) vitthāritanayeneva vitthārato veditabbāni. Santikenidāne pana atthi visesoti tiṇṇampi nidānānaṃ ayamādito paṭṭhāya saṅkhepakathā.

    д̣̇ийбан̇гарасса бхаг̇авад̇о баад̣̇амуулз гад̇аабхинийхааро б̣од̇хисад̇д̇абхууд̇о логанаат̇о ад̇д̇ано абхинийхаараануруубам̣ самад̇д̇им̣сабаарамияо буурзд̇ваа, саб̣б̣ан̃н̃уд̇ан̃н̃аан̣асамбхаарам̣ мад̇т̇агам̣ баабзд̇ваа, д̇усид̇абхаванз ниб̣б̣ад̇д̇о б̣уд̣̇д̇хабхаавааяа уббад̇д̇игаалам̣ ааг̇амаяамаано, д̇ад̇т̇а яаавад̇ааяугам̣ тад̇ваа д̇ад̇о жуд̇о сагяарааж̇агулз бадисанд̇хим̣ г̇ахзд̇ваа ананд̇зна барихаарзна маханд̇зна сирисобхаг̇г̇зна вад̣дхамаано ануггамзна яоб̣б̣анам̣ бад̇ваа згуунад̇им̣сз ваяасмим̣ гад̇амахаабхинигкамано, чаб̣б̣ассаани махаабад̇хаанам̣ бад̣̇ахид̇ваа, взсаакабун̣н̣амааяам̣ б̣од̇хиругкамуулз нисинно суурияз анад̇т̇ан̇г̇амид̇зязва маараб̣алам̣ вид̇хамид̇ваа буримаяаамз буб̣б̣зниваасам̣ ануссарид̇ваа, маж̇жхимаяаамз д̣̇иб̣б̣ажагкум̣ висод̇хзд̇ваа, бажчимаяаамз д̣̇ияад̣дхагилзсасахассам̣ кзбзд̇ваа, ануд̇д̇арам̣ саммаасамб̣од̇химабхисамб̣уж̇жхи.

    Dīpaṅkarassa bhagavato pādamūle katābhinīhāro bodhisattabhūto lokanātho attano abhinīhārānurūpaṃ samattiṃsapāramiyo pūretvā, sabbaññutaññāṇasambhāraṃ matthakaṃ pāpetvā, tusitabhavane nibbatto buddhabhāvāya uppattikālaṃ āgamayamāno, tattha yāvatāyukaṃ ṭhatvā tato cuto sakyarājakule paṭisandhiṃ gahetvā anantena parihārena mahantena sirisobhaggena vaḍḍhamāno anukkamena yobbanaṃ patvā ekūnatiṃse vayasmiṃ katamahābhinikkhamano, chabbassāni mahāpadhānaṃ padahitvā, vesākhapuṇṇamāyaṃ bodhirukkhamūle nisinno sūriye anatthaṅgamiteyeva mārabalaṃ vidhamitvā purimayāme pubbenivāsaṃ anussaritvā, majjhimayāme dibbacakkhuṃ visodhetvā, pacchimayāme diyaḍḍhakilesasahassaṃ khepetvā, anuttaraṃ sammāsambodhimabhisambujjhi.

    д̇ад̇о д̇ад̇т̇зва сад̇д̇асад̇д̇аахз вийд̇инаамзд̇ваа, аасаал̣хибун̣н̣амааяам̣ б̣аараан̣асим̣ г̇анд̇ваа исибад̇анз миг̇ад̣̇ааяз ан̃н̃аасигон̣д̣ан̃н̃аббамукаа адтаараса б̣рахмагодияо д̇хаммаамад̇ам̣ бааязнд̇о, д̇хаммажаггам̣ (сам̣. ни. 5.1081; махаава. 13 аад̣̇аяо; бади. ма. 2.30) бавад̇д̇зд̇ваа, яасаад̣̇игз взнзяяз арахад̇д̇з бад̇идтаабзд̇ваа, д̇з саб̣б̣зва садти араханд̇з логаануг̇г̇ахааяа виссаж̇ж̇зд̇ваа, урувзлам̣ г̇ажчанд̇о габбаасигаванасан̣д̣з д̇им̣са бхад̣̇д̣̇аваг̇г̇ияз сод̇аабад̇д̇ипалаад̣̇ийсу бад̇идтаабзд̇ваа, урувзлам̣ г̇анд̇ваа ад̣дхуд̣дхаани баадихаарияасахассаани д̣̇ассзд̇ваа урувзлагассабаад̣̇аяо сахассаж̇адилабариваарз д̇збхаад̇игаж̇адилз винзд̇ваа, д̇зхи баривуд̇о рааж̇аг̇аханаг̇аруубажаарз ладтивануяяаанз нисинно б̣имб̣исаараббамукз д̣̇ваад̣̇асанахуд̇з б̣раахман̣аг̇ахабад̇игз саасанз од̇аарзд̇ваа, маг̇ад̇харааж̇зна гаарид̇з взл̣уванавихаарз вихарад̇и.

    Tato tattheva sattasattāhe vītināmetvā, āsāḷhipuṇṇamāyaṃ bārāṇasiṃ gantvā isipatane migadāye aññāsikoṇḍaññappamukhā aṭṭhārasa brahmakoṭiyo dhammāmataṃ pāyento, dhammacakkaṃ (saṃ. ni. 5.1081; mahāva. 13 ādayo; paṭi. ma. 2.30) pavattetvā, yasādike veneyye arahatte patiṭṭhāpetvā, te sabbeva saṭṭhi arahante lokānuggahāya vissajjetvā, uruvelaṃ gacchanto kappāsikavanasaṇḍe tiṃsa bhaddavaggiye sotāpattiphalādīsu patiṭṭhāpetvā, uruvelaṃ gantvā aḍḍhuḍḍhāni pāṭihāriyasahassāni dassetvā uruvelakassapādayo sahassajaṭilaparivāre tebhātikajaṭile vinetvā, tehi parivuto rājagahanagarūpacāre laṭṭhivanuyyāne nisinno bimbisārappamukhe dvādasanahute brāhmaṇagahapatike sāsane otāretvā, magadharājena kārite veḷuvanavihāre viharati.

    ат̇звам̣ бхаг̇авад̇и взл̣уванз вихаранд̇з саарибуд̇д̇амог̇г̇аллаанзсу аг̇г̇асаавагадтаанз табид̇зсу саавагасаннибаад̇з ж̇аад̇з, суд̣̇д̇ход̣̇анамахаарааж̇аа ‘‘буд̇д̇о гира мз чаб̣б̣ассаани д̣̇уггарагааригам̣ жарид̇ваа барамаабхисамб̣од̇хим̣ бад̇ваа бавад̇д̇ид̇аварад̇хаммажагго рааж̇аг̇ахам̣ ниссааяа взл̣уванз вихарад̇ий’’д̇и суд̇ваа д̣̇асабурисасахассабариваарз, ануггамзна д̣̇аса амажжз бзсзси ‘‘буд̇д̇ам̣ мз ид̇хаанзд̇ваа д̣̇ассзт̇аа’’д̇и. д̇зсу рааж̇аг̇ахам̣ г̇анд̇ваа сад̇т̇у д̇хаммад̣̇зсанааяа арахад̇д̇з бад̇идтид̇зсу гаал̣уд̣̇ааяид̇т̇зрзна ран̃н̃о ад̇хиббааяз аарожид̇з бхаг̇аваа вийсад̇исахассакийн̣аасавабаривуд̇о рааж̇аг̇ахад̇о нигкамид̇ваа садтияож̇анам̣ габилавад̇т̇ум̣ д̣̇вийхи маасзхи самбаабун̣и. сагяарааж̇аано ‘‘амхаагам̣ н̃аад̇исздтам̣ бассиссаамаа’’д̇и саннибад̇ид̇ваа ниг̇род̇хаараамам̣ бхаг̇авад̇о жа бхигкусан̇гхасса жа васанаяог̇г̇ам̣ гаарзд̇ваа, г̇анд̇хабубпаад̣̇ихад̇т̇аа бажжуг̇г̇аманам̣ гад̇ваа, сад̇т̇аарам̣ ниг̇род̇хаараамам̣ бавзсзсум̣. д̇ад̇ра бхаг̇аваа вийсад̇исахассакийн̣аасавабаривуд̇о бан̃н̃ад̇д̇авараб̣уд̣̇д̇хаасанз нисийд̣̇и. саагияаа маанад̇т̇ад̣̇д̇хаа сад̇т̇у бан̣ибаад̇ам̣ наагам̣су. бхаг̇аваа д̇зсам̣ аж̇жхаасаяам̣ ологзд̇ваа маанам̣ бхан̃ж̇ид̇ваа д̇з д̇хаммад̣̇зсанааяа бхааж̇анз гаад̇ум̣ абхин̃н̃аабаад̣̇агам̣ жад̇уд̇т̇аж̇жхаанам̣ самаабаж̇ж̇ид̇ваа вудтааяа аагаасам̣ аб̣бхуг̇г̇анд̇ваа д̇зсам̣ сийсз баад̣̇абам̣сум̣ огирамаано вияа, ган̣д̣амб̣аругкамуулз гад̇абаадихаарияасад̣̇исам̣ яамагабаадихаарияам̣ агааси. рааж̇аа д̇ам̣ ажчарияам̣ д̣̇исваа ‘‘аяам̣ логз аг̇г̇абуг̇г̇ало’’д̇и ванд̣̇и. ран̃н̃аа бана ванд̣̇ид̇з д̇з таад̇ум̣ наама на саггонд̇и, саб̣б̣зби саагияаа ванд̣̇им̣су.

    Athevaṃ bhagavati veḷuvane viharante sāriputtamoggallānesu aggasāvakaṭṭhāne ṭhapitesu sāvakasannipāte jāte, suddhodanamahārājā ‘‘putto kira me chabbassāni dukkarakārikaṃ caritvā paramābhisambodhiṃ patvā pavattitavaradhammacakko rājagahaṃ nissāya veḷuvane viharatī’’ti sutvā dasapurisasahassaparivāre, anukkamena dasa amacce pesesi ‘‘puttaṃ me idhānetvā dassethā’’ti. Tesu rājagahaṃ gantvā satthu dhammadesanāya arahatte patiṭṭhitesu kāḷudāyittherena rañño adhippāye ārocite bhagavā vīsatisahassakhīṇāsavaparivuto rājagahato nikkhamitvā saṭṭhiyojanaṃ kapilavatthuṃ dvīhi māsehi sampāpuṇi. Sakyarājāno ‘‘amhākaṃ ñātiseṭṭhaṃ passissāmā’’ti sannipatitvā nigrodhārāmaṃ bhagavato ca bhikkhusaṅghassa ca vasanayoggaṃ kāretvā, gandhapupphādihatthā paccuggamanaṃ katvā, satthāraṃ nigrodhārāmaṃ pavesesuṃ. Tatra bhagavā vīsatisahassakhīṇāsavaparivuto paññattavarabuddhāsane nisīdi. Sākiyā mānatthaddhā satthu paṇipātaṃ nākaṃsu. Bhagavā tesaṃ ajjhāsayaṃ oloketvā mānaṃ bhañjitvā te dhammadesanāya bhājane kātuṃ abhiññāpādakaṃ catutthajjhānaṃ samāpajjitvā vuṭṭhāya ākāsaṃ abbhuggantvā tesaṃ sīse pādapaṃsuṃ okiramāno viya, kaṇḍambarukkhamūle katapāṭihāriyasadisaṃ yamakapāṭihāriyaṃ akāsi. Rājā taṃ acchariyaṃ disvā ‘‘ayaṃ loke aggapuggalo’’ti vandi. Raññā pana vandite te ṭhātuṃ nāma na sakkonti, sabbepi sākiyā vandiṃsu.

    д̇ад̣̇аа гира бхаг̇аваа яамагабаадихаарияам̣ гаронд̇о логавиваран̣абаадихаарияамби агааси – яасмим̣ вад̇д̇амаанз мануссаа мануссалогз яат̇аатид̇аа яат̇аанисиннаава жаад̇умахаарааж̇игад̇о бадтааяа яаава аганидтабхаванаа саб̣б̣з д̣̇звз д̇ад̇т̇а д̇ад̇т̇а ад̇д̇ано бхаванз гийл̣анд̇з д̣̇иб̣б̣аанубхаавзна ж̇од̇анд̇з махад̇им̣ д̣̇иб̣б̣асамбад̇д̇им̣ анубхаванд̇з санд̇аани самаабад̇д̇исукаани анубхаванд̇з ан̃н̃аман̃н̃ам̣ д̇хаммам̣ саагажчанд̇з жа б̣уд̣̇д̇хаанубхаавзна ад̇д̇ано мам̣сажагкунаава бассанд̇и. д̇ат̇аа хздтаабат̇авияам̣ адтасу махаанираязсу, сол̣асасу жа уссад̣̇анираязсу, логанд̇аранираяз жаад̇и д̇ад̇т̇а д̇ад̇т̇а махаад̣̇угкам̣ анубхавамаанз сад̇д̇з бассанд̇и. д̣̇асасахассилогад̇хаад̇уяам̣ д̣̇зваа махажжад̣̇зваанубхаавзна д̇ат̇ааг̇ад̇ам̣ убасан̇гамид̇ваа ажчарияаб̣бхуд̇ажид̇д̇аж̇аад̇аа бан̃ж̇алигаа намассамаанаа баяирубаасанд̇и, б̣уд̣̇д̇хаг̇ун̣абадисам̣яуд̇д̇аа г̇аат̇ааяо уд̣̇аахаранд̇аа т̇омзнд̇и абподзнд̇и хасанд̇и бийд̇исоманассам̣ бавзд̣̇знд̇и. яам̣ санд̇хааяа вуд̇д̇ам̣ –

    Tadā kira bhagavā yamakapāṭihāriyaṃ karonto lokavivaraṇapāṭihāriyampi akāsi – yasmiṃ vattamāne manussā manussaloke yathāṭhitā yathānisinnāva cātumahārājikato paṭṭhāya yāva akaniṭṭhabhavanā sabbe deve tattha tattha attano bhavane kīḷante dibbānubhāvena jotante mahatiṃ dibbasampattiṃ anubhavante santāni samāpattisukhāni anubhavante aññamaññaṃ dhammaṃ sākacchante ca buddhānubhāvena attano maṃsacakkhunāva passanti. Tathā heṭṭhāpathaviyaṃ aṭṭhasu mahānirayesu, soḷasasu ca ussadanirayesu, lokantaraniraye cāti tattha tattha mahādukkhaṃ anubhavamāne satte passanti. Dasasahassilokadhātuyaṃ devā mahaccadevānubhāvena tathāgataṃ upasaṅkamitvā acchariyabbhutacittajātā pañjalikā namassamānā payirupāsanti, buddhaguṇapaṭisaṃyuttā gāthāyo udāharantā thomenti apphoṭenti hasanti pītisomanassaṃ pavedenti. Yaṃ sandhāya vuttaṃ –

    ‘‘бхуммаа махаарааж̇игаа д̇аавад̇им̣саа, яаамаа жа д̣̇зваа д̇усид̇аа жа ниммид̇аа;

    ‘‘Bhummā mahārājikā tāvatiṃsā, yāmā ca devā tusitā ca nimmitā;

    бараниммид̇аа язби жа б̣рахмагааяигаа, аананд̣̇ид̇аа вибуламагам̣су гхоса’’нд̇и. (б̣у. вам̣. 1.6)

    Paranimmitā yepi ca brahmakāyikā, ānanditā vipulamakaṃsu ghosa’’nti. (bu. vaṃ. 1.6)

    д̇ад̣̇аа хи д̣̇асаб̣ало ‘‘ад̇улам̣ ад̇д̇ано б̣уд̣̇д̇хаб̣алам̣ д̣̇ассзссаамий’’д̇и махаагарун̣ааяа самуссаахид̇о аагаасз д̣̇асасахассажаггаваал̣асамааг̇амз жан̇гамам̣ маабзд̇ваа, д̣̇ваад̣̇асаяож̇анавид̇т̇ад̇з саб̣б̣арад̇анамаяз жан̇гамз тид̇о яат̇аавуд̇д̇ам̣ д̣̇звамануссанаяанавихан̇г̇аанам̣ зганибаад̇абхууд̇амажчарияам̣ анан̃н̃асаад̇хааран̣ам̣ б̣уд̣̇д̇хаанам̣ самаад̇хин̃аан̣аанубхаавад̣̇ийбанам̣ баадихаарияам̣ д̣̇ассзд̇ваа, буна д̇асмим̣ жан̇гамз жан̇гаманд̇о взнзяяаанам̣ аж̇жхаасаяаануруубам̣ ажинд̇зяяаанубхаавааяа анобамааяа б̣уд̣̇д̇халийл̣ааяа д̇хаммам̣ д̣̇зсзси. д̇зна вуд̇д̇ам̣ –

    Tadā hi dasabalo ‘‘atulaṃ attano buddhabalaṃ dassessāmī’’ti mahākaruṇāya samussāhito ākāse dasasahassacakkavāḷasamāgame caṅkamaṃ māpetvā, dvādasayojanavitthate sabbaratanamaye caṅkame ṭhito yathāvuttaṃ devamanussanayanavihaṅgānaṃ ekanipātabhūtamacchariyaṃ anaññasādhāraṇaṃ buddhānaṃ samādhiñāṇānubhāvadīpanaṃ pāṭihāriyaṃ dassetvā, puna tasmiṃ caṅkame caṅkamanto veneyyānaṃ ajjhāsayānurūpaṃ acinteyyānubhāvāya anopamāya buddhalīḷāya dhammaṃ desesi. Tena vuttaṃ –

    ‘‘на хзд̇з ж̇аананд̇и сад̣̇звамаанусаа, б̣уд̣̇д̇хо аяам̣ гийд̣̇исаго наруд̇д̇амо;

    ‘‘Na hete jānanti sadevamānusā, buddho ayaṃ kīdisako naruttamo;

    ид̣̇д̇хиб̣алам̣ бан̃н̃ааб̣алан̃жа гийд̣̇исам̣, б̣уд̣̇д̇хаб̣алам̣ логахид̇асса гийд̣̇исам̣.

    Iddhibalaṃ paññābalañca kīdisaṃ, buddhabalaṃ lokahitassa kīdisaṃ.

    ‘‘на хзд̇з ж̇аананд̇и сад̣̇звамаанусаа, б̣уд̣̇д̇хо аяам̣ зд̣̇исаго наруд̇д̇амо;

    ‘‘Na hete jānanti sadevamānusā, buddho ayaṃ edisako naruttamo;

    ид̣̇д̇хиб̣алам̣ бан̃н̃ааб̣алан̃жа зд̣̇исам̣, б̣уд̣̇д̇хаб̣алам̣ логахид̇асса зд̣̇исам̣.

    Iddhibalaṃ paññābalañca edisaṃ, buddhabalaṃ lokahitassa edisaṃ.

    ‘‘ханд̣̇аахам̣ д̣̇ассаяиссаами, б̣уд̣̇д̇хаб̣аламануд̇д̇арам̣;

    ‘‘Handāhaṃ dassayissāmi, buddhabalamanuttaraṃ;

    жан̇гамам̣ маабаяиссаами, набхз рад̇анаман̣д̣ид̇а’’нд̇и. (б̣у. вам̣. 1.3-5);

    Caṅkamaṃ māpayissāmi, nabhe ratanamaṇḍita’’nti. (bu. vaṃ. 1.3-5);

    звам̣ д̇ат̇ааг̇ад̇з ад̇д̇ано б̣уд̣̇д̇хаанубхаавад̣̇ийбанам̣ баадихаарияам̣ д̣̇ассзд̇ваа д̇хаммам̣ д̣̇зсзнд̇з ааяасмаа д̇хаммасзнаабад̇и саарибуд̇д̇о рааж̇аг̇ахз г̇иж̇жхагуудабаб̣б̣ад̇з тид̇о д̣̇иб̣б̣ажагкунаа бассид̇ваа, д̇зна б̣уд̣̇д̇хаанубхаавасанд̣̇ассанзна ажчарияаб̣бхуд̇ажид̇д̇аж̇аад̇о ‘‘ханд̣̇аахам̣ бхияяосомад̇д̇ааяа б̣уд̣̇д̇хаанубхаавам̣ логасса баагадам̣ гариссаамий’’д̇и сан̃ж̇аад̇абаривид̇агго ад̇д̇ано бариваарабхууд̇аанам̣ бан̃жаннам̣ бхигкусад̇аанам̣ д̇амад̇т̇ам̣ аарожзд̇ваа ид̣̇д̇хияаа аагаасзна д̇аавад̣̇зва ааг̇анд̇ваа сабаривааро бхаг̇аванд̇ам̣ убасан̇гамид̇ваа бан̃жабад̇идтид̇зна ванд̣̇ид̇ваа д̣̇асанакасамод̇хаанасамуж̇ж̇аламан̃ж̇алим̣ сираси баг̇г̇аяха д̇ат̇ааг̇ад̇асса махаабхинийхаарам̣ баарамибарибууран̣ан̃жа бужчи. бхаг̇аваа д̇ам̣ гааяасагким̣ гад̇ваа д̇ад̇т̇а саннибад̇ид̇амануссаанан̃жзва д̣̇асасахассажаггаваал̣ад̣̇зваб̣рахмаанан̃жа ад̇д̇ано б̣уд̣̇д̇хаанубхаавам̣ барид̣̇ийбаяанд̇о б̣уд̣̇д̇хавам̣сам̣ д̣̇зсзси. д̇зна вуд̇д̇ам̣ –

    Evaṃ tathāgate attano buddhānubhāvadīpanaṃ pāṭihāriyaṃ dassetvā dhammaṃ desente āyasmā dhammasenāpati sāriputto rājagahe gijjhakūṭapabbate ṭhito dibbacakkhunā passitvā, tena buddhānubhāvasandassanena acchariyabbhutacittajāto ‘‘handāhaṃ bhiyyosomattāya buddhānubhāvaṃ lokassa pākaṭaṃ karissāmī’’ti sañjātaparivitakko attano parivārabhūtānaṃ pañcannaṃ bhikkhusatānaṃ tamatthaṃ ārocetvā iddhiyā ākāsena tāvadeva āgantvā saparivāro bhagavantaṃ upasaṅkamitvā pañcapatiṭṭhitena vanditvā dasanakhasamodhānasamujjalamañjaliṃ sirasi paggayha tathāgatassa mahābhinīhāraṃ pāramiparipūraṇañca pucchi. Bhagavā taṃ kāyasakkhiṃ katvā tattha sannipatitamanussānañceva dasasahassacakkavāḷadevabrahmānañca attano buddhānubhāvaṃ paridīpayanto buddhavaṃsaṃ desesi. Tena vuttaṃ –

    ‘‘саарибуд̇д̇о махаабан̃н̃о, самаад̇хиж̇жхаанаговид̣̇о;

    ‘‘Sāriputto mahāpañño, samādhijjhānakovido;

    бан̃н̃ааяа баарамиббад̇д̇о, бужчад̇и логанааяагам̣.

    Paññāya pāramippatto, pucchati lokanāyakaṃ.

    ‘‘гийд̣̇исо д̇з махаавийра, абхинийхааро наруд̇д̇ама;

    ‘‘Kīdiso te mahāvīra, abhinīhāro naruttama;

    гамхи гаалз д̇аяаа д̇хийра, бад̇т̇ид̇аа б̣од̇химуд̇д̇амаа.

    Kamhi kāle tayā dhīra, patthitā bodhimuttamā.

    ‘‘д̣̇аанам̣ сийлан̃жа нзгкаммам̣, бан̃н̃аа вийрияан̃жа гийд̣̇исам̣;

    ‘‘Dānaṃ sīlañca nekkhammaṃ, paññā vīriyañca kīdisaṃ;

    канд̇и сажжамад̇хидтаанам̣, мзд̇д̇убзгкаа жа гийд̣̇исаа.

    Khanti saccamadhiṭṭhānaṃ, mettupekkhā ca kīdisā.

    ‘‘д̣̇аса баарамий д̇аяаа д̇хийра, гийд̣̇исий логанааяага;

    ‘‘Dasa pāramī tayā dhīra, kīdisī lokanāyaka;

    гат̇ам̣ убабаарамий бун̣н̣аа, барамад̇т̇абаарамий гат̇ам̣.

    Kathaṃ upapāramī puṇṇā, paramatthapāramī kathaṃ.

    ‘‘д̇асса будто вияаагааси, гаравийгамад̇хураг̇иро;

    ‘‘Tassa puṭṭho viyākāsi, karavīkamadhuragiro;

    ниб̣б̣аабаяанд̇о хад̣̇аяам̣, хаасаяанд̇о сад̣̇звага’’нд̇и. (б̣у. вам̣. 1.74-78);

    Nibbāpayanto hadayaṃ, hāsayanto sadevaka’’nti. (bu. vaṃ. 1.74-78);

    звам̣ бхаг̇авад̇аа б̣уд̣̇д̇хавам̣сз д̣̇зсид̇з ааяасмаа д̇хаммасзнаабад̇и ‘‘ахо б̣уд̣̇д̇хаанам̣ хзд̇усамбад̣̇аа, ахо самуд̣̇ааг̇амасамбад̇д̇и, ахо махаабхинийхаарасамиж̇жханаа, д̣̇уггарам̣ вад̇а бхаг̇авад̇аа гад̇ам̣ зд̇д̇агам̣ гаалам̣ звам̣ баарамияо буурзнд̇зна, звам̣вид̇хасса б̣од̇хисамбхаарасамбхаран̣асса анужчавигамзва жзд̇ам̣ палам̣, яад̣̇ид̣̇ам̣ саб̣б̣ан̃н̃уд̇аа б̣алзсу жа васийбхааво звам̣махид̣̇д̇хигад̇аа звам̣махаанубхаавад̇аа’’д̇и б̣уд̣̇д̇хаг̇ун̣аарамман̣ам̣ н̃аан̣ам̣ бзсзси. со анан̃н̃асаад̇хааран̣ам̣ бхаг̇авад̇о сийлам̣ самаад̇хи бан̃н̃аа вимуд̇д̇и вимуд̇д̇ин̃аан̣ад̣̇ассанам̣ хириод̇д̇аббам̣ сад̣̇д̇хаавийрияам̣ сад̇исамбаж̇ан̃н̃ам̣ сийлависуд̣̇д̇хи д̣̇идтивисуд̣̇д̇хи самат̇авибассанаа д̇ийн̣и гусаламуулаани д̇ийн̣и сужарид̇аани д̇аяо саммаавид̇аггаа д̇иссо анаваж̇ж̇асан̃н̃ааяо д̇иссо д̇хаад̇уяо жад̇д̇ааро сад̇ибадтаанаа жад̇д̇ааро саммаббад̇хаанаа жад̇д̇ааро ид̣̇д̇хибаад̣̇аа жад̇д̇ааро арияамаг̇г̇аа жад̇д̇аари арияапалаани жад̇ассо бадисамбхид̣̇аа жад̇уяонибарижчзд̣̇аган̃аан̣аани жад̇д̇ааро арияавам̣саа жад̇д̇аари взсаараж̇ж̇ан̃аан̣аани бан̃жа бад̇хаанияан̇г̇аани бан̃жан̇г̇иго саммаасамаад̇хи бан̃жинд̣̇рияаани бан̃жа б̣алаани бан̃жа ниссаран̣ияаа д̇хаад̇уяо бан̃жа вимуд̇д̇ааяад̇анан̃аан̣аани бан̃жа вимуд̇д̇ибарибаажанийяаа д̇хаммаа ча сааран̣ийяаа д̇хаммаа ча ануссад̇идтаанаани ча г̇аараваа ча ниссаран̣ияаа д̇хаад̇уяо ча сад̇ад̇авихаараа ча ануд̇д̇арияаани ча ниб̣б̣зд̇хабхааг̇ияаа сан̃н̃аа ча абхин̃н̃аа ча асаад̇хааран̣ан̃аан̣аани сад̇д̇а абарихаанияаа д̇хаммаа сад̇д̇а арияад̇ханаани сад̇д̇а б̣ож̇жхан̇г̇аа сад̇д̇а саббурисад̇хаммаа сад̇д̇а нид̣̇д̣̇асавад̇т̇ууни сад̇д̇а сан̃н̃аа сад̇д̇а д̣̇агкин̣зяяабуг̇г̇алад̣̇зсанаа сад̇д̇а кийн̣аасаваб̣алад̣̇зсанаа адта бан̃н̃аабадилаабхахзд̇уд̣̇зсанаа адта саммад̇д̇аани адта логад̇хаммаад̇иггамаа адта аарамбхавад̇т̇ууни адта агкан̣ад̣̇зсанаа адта махаабурисавид̇аггаа адта абхибхааяад̇анад̣̇зсанаа адта вимогкаа нава яонисоманасигаарамуулагаа д̇хаммаа нава баарисуд̣̇д̇хибад̇хаанияан̇г̇аани нава сад̇д̇ааваасад̣̇зсанаа нава аагхаад̇аббадивинаяаа нава бан̃н̃аа нава наанад̇д̇ад̣̇зсанаа нава анубуб̣б̣авихаараа д̣̇аса наат̇агаран̣аа д̇хаммаа д̣̇аса гасин̣ааяад̇анаани д̣̇аса гусалагаммабат̇аа д̣̇аса саммад̇д̇аани д̣̇аса арияаваасаа д̣̇аса асзгкаа д̇хаммаа д̣̇аса рад̇анаани д̣̇аса д̇ат̇ааг̇ад̇аб̣алаани згаад̣̇аса мзд̇д̇аанисам̣саа д̣̇ваад̣̇аса д̇хаммажаггаагаараа д̇зраса д̇худ̇ан̇г̇аг̇ун̣аа жуд̣̇д̣̇аса б̣уд̣̇д̇хан̃аан̣аани бан̃жад̣̇аса вимуд̇д̇ибарибаажанийяаа д̇хаммаа сол̣асавид̇хаа аанаабаанассад̇ий сол̣аса абарамбарияаа д̇хаммаа адтаараса б̣уд̣̇д̇хад̇хаммаа згуунавийсад̇и бажжавзгкан̣ан̃аан̣аани жад̇ужад̇д̇аалийса н̃аан̣авад̇т̇ууни бан̃н̃ааса уд̣̇аяаб̣б̣аяан̃аан̣аани баробан̣н̣ааса гусалад̇хаммаа сад̇д̇асад̇д̇ад̇и н̃аан̣авад̇т̇ууни жад̇увийсад̇игодисад̇асахассасамаабад̇д̇исан̃жаарид̇амахааваж̇иран̃аан̣ам̣ ананд̇анаяасаманд̇абадтаанабавижаяабажжавзгкан̣ад̣̇зсанаан̃аан̣аани д̇ат̇аа ананд̇аасу логад̇хаад̇уусу ананд̇аанам̣ сад̇д̇аанам̣ аасаяаад̣̇ивибхааванан̃аан̣аани жаад̇и звамаад̣̇игз ажинд̇зяяаанубхаавз б̣уд̣̇д̇хаг̇ун̣з д̇хамманваяад̇о ануг̇ажчанд̇о ануссаранд̇о нзва анд̇ам̣, на бамаан̣ам̣ басси. т̇зро хи ад̇д̇аноби наама г̇ун̣аанам̣ анд̇ам̣ ваа бамаан̣ам̣ ваа ааваж̇ж̇знд̇о на бассад̇и, со бхаг̇авад̇о г̇ун̣аанам̣ бамаан̣ам̣ гим̣ бассиссад̇и? яасса яасса хи бан̃н̃аа махад̇ий н̃аан̣ам̣ висад̣̇ам̣, со со б̣уд̣̇д̇хаг̇ун̣з маханд̇ад̇о сад̣̇д̣̇ахад̇и, ид̇и т̇зро бхаг̇авад̇о г̇ун̣аанам̣ бамаан̣ам̣ ваа барижчзд̣̇ам̣ ваа абассанд̇о ‘‘маад̣̇исасса наама саавагабаарамин̃аан̣з тид̇асса б̣уд̣̇д̇хаг̇ун̣аа н̃аан̣зна барижчинд̣̇ид̇ум̣ на саггаа, баг̇зва ид̇арзсам̣. ахо ажинд̇зяяаа абаримзяяабхзд̣̇аа махаанубхааваа саб̣б̣ан̃н̃уг̇ун̣аа, гзвалам̣ банзд̇з згасса б̣уд̣̇д̇хан̃аан̣ассзва саб̣б̣асо г̇ожараа, наан̃н̃зсам̣. гат̇зд̇ум̣ бана саммаасамб̣уд̣̇д̇хзхиби вид̇т̇аарад̇о на саггааязваа’’д̇и нидтамаг̇амааси. вуд̇д̇ан̃хзд̇ам̣ –

    Evaṃ bhagavatā buddhavaṃse desite āyasmā dhammasenāpati ‘‘aho buddhānaṃ hetusampadā, aho samudāgamasampatti, aho mahābhinīhārasamijjhanā, dukkaraṃ vata bhagavatā kataṃ ettakaṃ kālaṃ evaṃ pāramiyo pūrentena, evaṃvidhassa bodhisambhārasambharaṇassa anucchavikameva cetaṃ phalaṃ, yadidaṃ sabbaññutā balesu ca vasībhāvo evaṃmahiddhikatā evaṃmahānubhāvatā’’ti buddhaguṇārammaṇaṃ ñāṇaṃ pesesi. So anaññasādhāraṇaṃ bhagavato sīlaṃ samādhi paññā vimutti vimuttiñāṇadassanaṃ hiriottappaṃ saddhāvīriyaṃ satisampajaññaṃ sīlavisuddhi diṭṭhivisuddhi samathavipassanā tīṇi kusalamūlāni tīṇi sucaritāni tayo sammāvitakkā tisso anavajjasaññāyo tisso dhātuyo cattāro satipaṭṭhānā cattāro sammappadhānā cattāro iddhipādā cattāro ariyamaggā cattāri ariyaphalāni catasso paṭisambhidā catuyoniparicchedakañāṇāni cattāro ariyavaṃsā cattāri vesārajjañāṇāni pañca padhāniyaṅgāni pañcaṅgiko sammāsamādhi pañcindriyāni pañca balāni pañca nissaraṇiyā dhātuyo pañca vimuttāyatanañāṇāni pañca vimuttiparipācanīyā dhammā cha sāraṇīyā dhammā cha anussatiṭṭhānāni cha gāravā cha nissaraṇiyā dhātuyo cha satatavihārā cha anuttariyāni cha nibbedhabhāgiyā saññā cha abhiññā cha asādhāraṇañāṇāni satta aparihāniyā dhammā satta ariyadhanāni satta bojjhaṅgā satta sappurisadhammā satta niddasavatthūni satta saññā satta dakkhiṇeyyapuggaladesanā satta khīṇāsavabaladesanā aṭṭha paññāpaṭilābhahetudesanā aṭṭha sammattāni aṭṭha lokadhammātikkamā aṭṭha ārambhavatthūni aṭṭha akkhaṇadesanā aṭṭha mahāpurisavitakkā aṭṭha abhibhāyatanadesanā aṭṭha vimokkhā nava yonisomanasikāramūlakā dhammā nava pārisuddhipadhāniyaṅgāni nava sattāvāsadesanā nava āghātappaṭivinayā nava paññā nava nānattadesanā nava anupubbavihārā dasa nāthakaraṇā dhammā dasa kasiṇāyatanāni dasa kusalakammapathā dasa sammattāni dasa ariyavāsā dasa asekkhā dhammā dasa ratanāni dasa tathāgatabalāni ekādasa mettānisaṃsā dvādasa dhammacakkākārā terasa dhutaṅgaguṇā cuddasa buddhañāṇāni pañcadasa vimuttiparipācanīyā dhammā soḷasavidhā ānāpānassatī soḷasa aparampariyā dhammā aṭṭhārasa buddhadhammā ekūnavīsati paccavekkhaṇañāṇāni catucattālīsa ñāṇavatthūni paññāsa udayabbayañāṇāni paropaṇṇāsa kusaladhammā sattasattati ñāṇavatthūni catuvīsatikoṭisatasahassasamāpattisañcāritamahāvajirañāṇaṃ anantanayasamantapaṭṭhānapavicayapaccavekkhaṇadesanāñāṇāni tathā anantāsu lokadhātūsu anantānaṃ sattānaṃ āsayādivibhāvanañāṇāni cāti evamādike acinteyyānubhāve buddhaguṇe dhammanvayato anugacchanto anussaranto neva antaṃ, na pamāṇaṃ passi. Thero hi attanopi nāma guṇānaṃ antaṃ vā pamāṇaṃ vā āvajjento na passati, so bhagavato guṇānaṃ pamāṇaṃ kiṃ passissati? Yassa yassa hi paññā mahatī ñāṇaṃ visadaṃ, so so buddhaguṇe mahantato saddahati, iti thero bhagavato guṇānaṃ pamāṇaṃ vā paricchedaṃ vā apassanto ‘‘mādisassa nāma sāvakapāramiñāṇe ṭhitassa buddhaguṇā ñāṇena paricchindituṃ na sakkā, pageva itaresaṃ. Aho acinteyyā aparimeyyabhedā mahānubhāvā sabbaññuguṇā, kevalaṃ panete ekassa buddhañāṇasseva sabbaso gocarā, nāññesaṃ. Kathetuṃ pana sammāsambuddhehipi vitthārato na sakkāyevā’’ti niṭṭhamagamāsi. Vuttañhetaṃ –

    ‘‘б̣уд̣̇д̇хоби б̣уд̣̇д̇хасса бхан̣зяяа ван̣н̣ам̣, габбамби жз ан̃н̃амабхаасамаано;

    ‘‘Buddhopi buddhassa bhaṇeyya vaṇṇaṃ, kappampi ce aññamabhāsamāno;

    кийязт̇а габбо жирад̣̇ийгхаманд̇арз, ван̣н̣о на кийязт̇а д̇ат̇ааг̇ад̇ассаа’’д̇и. (д̣̇ий. ни. адта. 1.304; 3.141; уд̣̇аа. адта. 53);

    Khīyetha kappo ciradīghamantare, vaṇṇo na khīyetha tathāgatassā’’ti. (dī. ni. aṭṭha. 1.304; 3.141; udā. aṭṭha. 53);

    звам̣ б̣уд̣̇д̇хаанам̣ г̇ун̣амаханд̇ад̇ам̣ ниссааяа уббаннаб̣алавабийд̇исоманассо буна жинд̇зси – ‘‘зваруубаанам̣ наама б̣уд̣̇д̇хаг̇ун̣аанам̣ хзд̇убхууд̇аа б̣уд̣̇д̇хагаарагаа д̇хаммаа баарамияо ахо махаанубхааваа. гад̇амаасу ну ко ж̇аад̇ийсу баарамид̇аа барибаажид̇аа, гат̇ам̣ ваа барибаагам̣ г̇ад̇аа, ханд̣̇аахам̣ имамад̇т̇ам̣ бужчанд̇о звамби самуд̣̇ааг̇амад̇о бадтааяа б̣уд̣̇д̇хаанубхаавам̣ имасса сад̣̇звагасса логасса баагадад̇арам̣ гариссаамий’’д̇и. со звам̣ жинд̇зд̇ваа бхаг̇аванд̇ам̣ имам̣ бан̃хам̣ абужчи – ‘‘гад̇амаасу ну ко, бханд̇з , ж̇аад̇ийсу имз б̣уд̣̇д̇хагаарагаа д̇хаммаа барибаажид̇аа, гат̇ам̣ ваа барибаагам̣ г̇ад̇аа’’д̇и? ат̇асса бхаг̇аваа д̇асмим̣ рад̇анажан̇гамз д̇исанд̇хибаллан̇гам̣ аабхуж̇ид̇ваа яуг̇анд̇харабаб̣б̣ад̇з б̣ааласуурияо вияа вирожамаано нисинно ‘‘саарибуд̇д̇а, маяхам̣ б̣уд̣̇д̇хагаарагаа д̇хаммаа самаад̣̇аанад̇о бадтааяа ниранд̇арам̣ саггажжагаарид̇ааяа вийрияуубад̇т̇амбхзна жа саб̣б̣зсу габбзсу бхавад̇о бхавам̣ ж̇аад̇ид̇о ж̇аад̇им̣ барибажжанд̇ааязва ахзсум̣, имасмим̣ бана бхад̣̇д̣̇агаббз имаасу ж̇аад̇ийсу д̇з барибаггаа ж̇аад̇аа’’д̇и д̣̇ассзнд̇о ‘‘габбз жа сад̇асахассз’’д̇иаад̣̇инаа жарияаабидагам̣ б̣уд̣̇д̇хаабад̣̇аанияанд̇и д̣̇уд̇ияаабхид̇хаанам̣ д̇хаммабарияааяам̣ абхааси. абарз бана ‘‘рад̇анажан̇гамз жан̇гаманд̇о д̣̇зваад̇ид̣̇зво д̣̇зваб̣рахмаад̣̇ийхи бууж̇ияамаано ниг̇род̇хаараамз од̇арид̇ваа вийсад̇исахассакийн̣аасавабаривуд̇о бан̃н̃ад̇д̇авараб̣уд̣̇д̇хаасанз нисинно бхаг̇аваа вуд̇д̇анаязнзва ааяасмад̇аа саарибуд̇д̇зна бужчид̇о жарияаабидагам̣ д̣̇зсзсий’’д̇и вад̣̇анд̇и. зд̇д̇аавад̇аа д̣̇уурзнид̣̇аанаавид̣̇уурзнид̣̇аанаани сан̇кзбад̇о д̣̇ассзд̇ваа жарияаабидагасса санд̇игзнид̣̇аанам̣ вид̇т̇аарад̇о нид̣̇д̣̇идтанд̇и взд̣̇ид̇аб̣б̣ам̣. д̣̇уурзнид̣̇аанам̣ бана асан̇кязяяавибхааванааяам̣ аави бхависсад̇ийд̇и.

    Evaṃ buddhānaṃ guṇamahantataṃ nissāya uppannabalavapītisomanasso puna cintesi – ‘‘evarūpānaṃ nāma buddhaguṇānaṃ hetubhūtā buddhakārakā dhammā pāramiyo aho mahānubhāvā. Katamāsu nu kho jātīsu pāramitā paripācitā, kathaṃ vā paripākaṃ gatā, handāhaṃ imamatthaṃ pucchanto evampi samudāgamato paṭṭhāya buddhānubhāvaṃ imassa sadevakassa lokassa pākaṭataraṃ karissāmī’’ti. So evaṃ cintetvā bhagavantaṃ imaṃ pañhaṃ apucchi – ‘‘katamāsu nu kho, bhante , jātīsu ime buddhakārakā dhammā paripācitā, kathaṃ vā paripākaṃ gatā’’ti? Athassa bhagavā tasmiṃ ratanacaṅkame tisandhipallaṅkaṃ ābhujitvā yugandharapabbate bālasūriyo viya virocamāno nisinno ‘‘sāriputta, mayhaṃ buddhakārakā dhammā samādānato paṭṭhāya nirantaraṃ sakkaccakāritāya vīriyūpatthambhena ca sabbesu kappesu bhavato bhavaṃ jātito jātiṃ paripaccantāyeva ahesuṃ, imasmiṃ pana bhaddakappe imāsu jātīsu te paripakkā jātā’’ti dassento ‘‘kappe ca satasahasse’’tiādinā cariyāpiṭakaṃ buddhāpadāniyanti dutiyābhidhānaṃ dhammapariyāyaṃ abhāsi. Apare pana ‘‘ratanacaṅkame caṅkamanto devātidevo devabrahmādīhi pūjiyamāno nigrodhārāme otaritvā vīsatisahassakhīṇāsavaparivuto paññattavarabuddhāsane nisinno bhagavā vuttanayeneva āyasmatā sāriputtena pucchito cariyāpiṭakaṃ desesī’’ti vadanti. Ettāvatā dūrenidānaavidūrenidānāni saṅkhepato dassetvā cariyāpiṭakassa santikenidānaṃ vitthārato niddiṭṭhanti veditabbaṃ. Dūrenidānaṃ pana asaṅkhyeyyavibhāvanāyaṃ āvi bhavissatīti.

    1. ид̣̇аани ‘‘габбз жа сад̇асахассз’’д̇иаад̣̇инаяаббавад̇д̇ааяа жарияаабидагабаал̣ияаа ад̇т̇асам̣ван̣н̣анаа ход̇и. д̇ад̇рааяам̣ габба-сад̣̇д̣̇о саубасаг̇г̇о анубасаг̇г̇о жа вид̇аггавид̇хаанабадибхааг̇абан̃н̃ад̇д̇игаалабарамааяусаман̣авохаарасаманд̇абхааваабхисад̣̇д̣̇ахана- чзд̣̇анавинияог̇авинаяагирияаалзсанд̇арагаббад̇ан̣хаад̣̇идтиасан̇кязяяагаббамахаагаббаад̣̇ийсу д̣̇иссад̇и. д̇ат̇аа хзса ‘‘нзгкаммасан̇габбо аб̣яаабаад̣̇асан̇габбо’’д̇иаад̣̇ийсу (ма. ни. 3.137) вид̇аггз ааг̇ад̇о. ‘‘жийварз вигаббам̣ аабаж̇ж̇зяяаа’’д̇иаад̣̇ийсу (баараа. 642) вид̇хаанз, ад̇хигавид̇хаанам̣ аабаж̇ж̇зяяаад̇и ад̇т̇о. ‘‘сад̇т̇угаббзна вад̇а гира, бхо, саавагзна сад̣̇д̇хим̣ манд̇аяамаанаа на ж̇аанимхаа’’д̇иаад̣̇ийсу (ма. ни. 1.260) бадибхааг̇з. сад̇т̇усад̣̇исзнаад̇и аяан̃хи д̇ад̇т̇а ад̇т̇о. ‘‘ид̇хааяасмаа, габбо’’д̇иаад̣̇ийсу (су. ни. 1098) бан̃н̃ад̇д̇ияам̣. ‘‘язна суд̣̇ам̣ нижжагаббам̣ вихараамий’’д̇иаад̣̇ийсу (ма. ни. 1.387) гаалз. ‘‘ааган̇камаано, аананд̣̇а, д̇ат̇ааг̇ад̇о габбам̣ ваа д̇идтзяяа габбаавасзсам̣ ваа’’д̇иаад̣̇ийсу (д̣̇ий. ни. 2.178; уд̣̇аа. 51) барамааяумхи. ааяугаббо хи ид̇ха габбод̇и ад̇хиббзд̇о. ‘‘ануж̇аанаами, бхигкавз, бан̃жахи саман̣агаббзхи палам̣ барибхун̃ж̇ид̇у’’нд̇иаад̣̇ийсу (жуул̣ава. 250) саман̣авохаарз. ‘‘гзвалагаббам̣ ж̇зд̇аванам̣ обхаасзд̇ваа’’д̇иаад̣̇ийсу (ку. баа. 5.1; су. ни. ман̇г̇аласуд̇д̇а) саманд̇абхаавз. ‘‘сад̣̇д̇хаа сад̣̇д̣̇аханаа огаббанаа абхиббасаад̣̇о’’д̇иаад̣̇ийсу (д̇ха. са. 12) абхисад̣̇д̣̇аханз, сад̣̇д̇хааяанд̇и ад̇т̇о. ‘‘алан̇гад̇о габбид̇агзсамассуу’’д̇иаад̣̇ийсу (ви. ва. 1094; ж̇аа. 2.22.1368) чзд̣̇анз. ‘‘звамзва ид̇о д̣̇иннам̣, бзд̇аанам̣ убагаббад̇ий’’д̇иаад̣̇ийсу (ку. баа. 7.7; бз. ва. 20) винияог̇з. ‘‘габбагад̇зна агаббагад̇ам̣ сам̣сиб̣б̣ид̇ам̣ ход̇ий’’д̇иаад̣̇ийсу (баажи. 371) винаяагирияааяам̣. ‘‘ад̇т̇и габбо нибаж̇ж̇ид̇ум̣, ханд̣̇аахам̣ нибаж̇ж̇аамий’’д̇иаад̣̇ийсу лзсз. ‘‘аабааяиго нзраяиго габбадто сан̇гхабхзд̣̇аго…бз… габбам̣ нираяамхи бажжад̇ий’’д̇и (ид̇иву. 18; жуул̣ава. 354; гат̇аа. 657, 862) жа аад̣̇ийсу анд̇арагаббз.

    1. Idāni ‘‘kappe ca satasahasse’’tiādinayappavattāya cariyāpiṭakapāḷiyā atthasaṃvaṇṇanā hoti. Tatrāyaṃ kappa-saddo saupasaggo anupasaggo ca vitakkavidhānapaṭibhāgapaññattikālaparamāyusamaṇavohārasamantabhāvābhisaddahana- chedanaviniyogavinayakiriyālesantarakappataṇhādiṭṭhiasaṅkhyeyyakappamahākappādīsu dissati. Tathā hesa ‘‘nekkhammasaṅkappo abyāpādasaṅkappo’’tiādīsu (ma. ni. 3.137) vitakke āgato. ‘‘Cīvare vikappaṃ āpajjeyyā’’tiādīsu (pārā. 642) vidhāne, adhikavidhānaṃ āpajjeyyāti attho. ‘‘Satthukappena vata kira, bho, sāvakena saddhiṃ mantayamānā na jānimhā’’tiādīsu (ma. ni. 1.260) paṭibhāge. Satthusadisenāti ayañhi tattha attho. ‘‘Idhāyasmā, kappo’’tiādīsu (su. ni. 1098) paññattiyaṃ. ‘‘Yena sudaṃ niccakappaṃ viharāmī’’tiādīsu (ma. ni. 1.387) kāle. ‘‘Ākaṅkhamāno, ānanda, tathāgato kappaṃ vā tiṭṭheyya kappāvasesaṃ vā’’tiādīsu (dī. ni. 2.178; udā. 51) paramāyumhi. Āyukappo hi idha kappoti adhippeto. ‘‘Anujānāmi, bhikkhave, pañcahi samaṇakappehi phalaṃ paribhuñjitu’’ntiādīsu (cūḷava. 250) samaṇavohāre. ‘‘Kevalakappaṃ jetavanaṃ obhāsetvā’’tiādīsu (khu. pā. 5.1; su. ni. maṅgalasutta) samantabhāve. ‘‘Saddhā saddahanā okappanā abhippasādo’’tiādīsu (dha. sa. 12) abhisaddahane, saddhāyanti attho. ‘‘Alaṅkato kappitakesamassū’’tiādīsu (vi. va. 1094; jā. 2.22.1368) chedane. ‘‘Evameva ito dinnaṃ, petānaṃ upakappatī’’tiādīsu (khu. pā. 7.7; pe. va. 20) viniyoge. ‘‘Kappakatena akappakataṃ saṃsibbitaṃ hotī’’tiādīsu (pāci. 371) vinayakiriyāyaṃ. ‘‘Atthi kappo nipajjituṃ, handāhaṃ nipajjāmī’’tiādīsu lese. ‘‘Āpāyiko nerayiko kappaṭṭho saṅghabhedako…pe… kappaṃ nirayamhi paccatī’’ti (itivu. 18; cūḷava. 354; kathā. 657, 862) ca ādīsu antarakappe.

    ‘‘на габбаяанд̇и на бурзгкаронд̇и, д̇хаммааби д̇зсам̣ на бадижчид̇аасз;

    ‘‘Na kappayanti na purekkharonti, dhammāpi tesaṃ na paṭicchitāse;

    на б̣раахман̣о сийлавад̇зна нзяяо, бааран̇г̇ад̇о на бажжзд̇и д̇аад̣̇ий’’д̇и. –

    Na brāhmaṇo sīlavatena neyyo, pāraṅgato na pacceti tādī’’ti. –

    аад̣̇ийсу (су. ни. 809) д̇ан̣хаад̣̇идтийсу. д̇ат̇аа хи вуд̇д̇ам̣ нид̣̇д̣̇зсз ‘‘габбаад̇и уд̣̇д̣̇аанад̇о д̣̇вз габбаа д̇ан̣хаагаббо д̣̇идтигаббо’’д̇и (махаани. 28). ‘‘анзгзби сам̣ваддагаббз анзгзби виваддагаббз’’д̇иаад̣̇ийсу (д̣̇ий. ни. 1.244; ма. ни. 1.68) асан̇кязяяагаббз. ‘‘жад̇д̇ааримаани, бхигкавз, габбасса асан̇кязяяааний’’д̇иаад̣̇ийсу (а. ни. 4.156) махаагаббз. ид̇хааби махаагаббзязва д̣̇адтаб̣б̣о (д̣̇ий. ни. адта. 1.29; 3.275; сам̣. ни. адта. 1.1.1; а. ни. адта. 2.3.128; ку. баа. адта. 5.звамижжаад̣̇ибаатаван̣н̣анаа).

    Ādīsu (su. ni. 809) taṇhādiṭṭhīsu. Tathā hi vuttaṃ niddese ‘‘kappāti uddānato dve kappā taṇhākappo diṭṭhikappo’’ti (mahāni. 28). ‘‘Anekepi saṃvaṭṭakappe anekepi vivaṭṭakappe’’tiādīsu (dī. ni. 1.244; ma. ni. 1.68) asaṅkhyeyyakappe. ‘‘Cattārimāni, bhikkhave, kappassa asaṅkhyeyyānī’’tiādīsu (a. ni. 4.156) mahākappe. Idhāpi mahākappeyeva daṭṭhabbo (dī. ni. aṭṭha. 1.29; 3.275; saṃ. ni. aṭṭha. 1.1.1; a. ni. aṭṭha. 2.3.128; khu. pā. aṭṭha. 5.evamiccādipāṭhavaṇṇanā).

    д̇ад̇рааяам̣ бад̣̇асид̣̇д̇хи – габбийяад̇ийд̇и габбо, зд̇д̇агаани вассаанийд̇и ваа зд̇д̇агаани вассасад̇аанийд̇и ваа зд̇д̇агаани вассасахассаанийд̇и ваа зд̇д̇агаани вассасад̇асахассаанийд̇и ваа сам̣важчаравасзна г̇ан̣зд̇ум̣ асаггун̣зяяад̇д̇аа гзвалам̣ саасабараасиубамаад̣̇ийхи габбзд̇аб̣б̣о баригаббзд̇аб̣б̣абаримаан̣од̇и ад̇т̇о. вуд̇д̇ан̃хзд̇ам̣ –

    Tatrāyaṃ padasiddhi – kappīyatīti kappo, ettakāni vassānīti vā ettakāni vassasatānīti vā ettakāni vassasahassānīti vā ettakāni vassasatasahassānīti vā saṃvaccharavasena gaṇetuṃ asakkuṇeyyattā kevalaṃ sāsaparāsiupamādīhi kappetabbo parikappetabbaparimāṇoti attho. Vuttañhetaṃ –

    ‘‘гийва д̣̇ийгхо ну ко, бханд̇з, габбод̇и? д̣̇ийгхо ко, бхигку, габбо, со на сугаро сан̇каад̇ум̣ ‘зд̇д̇агаани вассааний’д̇и ваа ‘зд̇д̇агаани вассасад̇ааний’д̇и ваа ‘зд̇д̇агаани вассасахассааний’д̇и ваа ‘зд̇д̇агаани вассасад̇асахассааний’д̇и ваа. саггаа бана, бханд̇з, убамам̣ гаад̇унд̇и? ‘саггаа, бхигкуу’д̇и бхаг̇аваа авожа. сзяяат̇ааби, бхигку, яож̇анам̣ ааяаамзна яож̇анам̣ вид̇т̇аарзна яож̇анам̣ уб̣б̣зд̇хзна махаасаасабарааси. д̇ад̇о вассасад̇асса вассасахассасса ажжаязна згамзгам̣ саасабам̣ уд̣̇д̇харзяяа, киббад̇арам̣ ко со, бхигку, махаасаасабарааси иминаа убаггамзна баригкаяам̣ барияаад̣̇аанам̣ г̇ажчзяяа, на д̇взва габбо, звам̣ д̣̇ийгхо ко, бхигку, габбо’’д̇и (сам̣. ни. 2.128).

    ‘‘Kīva dīgho nu kho, bhante, kappoti? Dīgho kho, bhikkhu, kappo, so na sukaro saṅkhātuṃ ‘ettakāni vassānī’ti vā ‘ettakāni vassasatānī’ti vā ‘ettakāni vassasahassānī’ti vā ‘ettakāni vassasatasahassānī’ti vā. Sakkā pana, bhante, upamaṃ kātunti? ‘Sakkā, bhikkhū’ti bhagavā avoca. Seyyathāpi, bhikkhu, yojanaṃ āyāmena yojanaṃ vitthārena yojanaṃ ubbedhena mahāsāsaparāsi. Tato vassasatassa vassasahassassa accayena ekamekaṃ sāsapaṃ uddhareyya, khippataraṃ kho so, bhikkhu, mahāsāsaparāsi iminā upakkamena parikkhayaṃ pariyādānaṃ gaccheyya, na tveva kappo, evaṃ dīgho kho, bhikkhu, kappo’’ti (saṃ. ni. 2.128).

    свааяам̣ махаагаббо сам̣ваддаад̣̇ивасзна жад̇уасан̇кязяяагаббасан̇г̇ахо. вуд̇д̇амби жзд̇ам̣ –

    Svāyaṃ mahākappo saṃvaṭṭādivasena catuasaṅkhyeyyakappasaṅgaho. Vuttampi cetaṃ –

    ‘‘жад̇д̇ааримаани, бхигкавз, габбасса асан̇кязяяаани. гад̇амаани жад̇д̇аари? сам̣ваддо, сам̣ваддадтааяий, виваддо, виваддадтааяий’’д̇и (а. ни. 4.156).

    ‘‘Cattārimāni, bhikkhave, kappassa asaṅkhyeyyāni. Katamāni cattāri? Saṃvaṭṭo, saṃvaṭṭaṭṭhāyī, vivaṭṭo, vivaṭṭaṭṭhāyī’’ti (a. ni. 4.156).

    д̇ад̇т̇а д̇аяо сам̣ваддаа – д̇зж̇осам̣ваддо, аабосам̣ваддо, вааяосам̣ваддод̇и. д̇иссо сам̣ваддасиймаа – аабхассараа, субхагин̣хаа, взхабпалаад̇и. яад̣̇аа хи габбо д̇зж̇зна сам̣ваддад̇и, аабхассарад̇о хздтаа аг̇г̇инаа д̣аяхад̇и. яад̣̇аа аабзна сам̣ваддад̇и, субхагин̣хад̇о хздтаа уд̣̇агзна вилийяад̇и. яад̣̇аа вааяунаа сам̣ваддад̇и, взхабпалад̇о хздтаа ваад̇зна вид̣̇д̇хам̣сад̇и. вид̇т̇аарад̇о бана годисад̇асахассажаггаваал̣ам̣ винассад̇и, яам̣ б̣уд̣̇д̇хаанам̣ аан̣аагкзд̇д̇анд̇и вужжад̇и. д̇зсу д̇ийсу сам̣ваддзсу яат̇ааггамам̣ габбавинаасагамахаамзгхад̇о яаава ж̇аалааяа ваа уд̣̇агасса ваа ваад̇асса ваа убажчзд̣̇о ид̣̇ам̣ згам̣ асан̇кязяяам̣ сам̣ваддо наама. габбавинаасагаж̇аалаад̣̇ибажчзд̣̇ад̇о яаава годисад̇асахассажаггаваал̣абарибуураго самбад̇д̇имахаамзгхо удтахад̇и, ид̣̇ам̣ д̣̇уд̇ияам̣ асан̇кязяяам̣ сам̣ваддадтааяий наама.

    Tattha tayo saṃvaṭṭā – tejosaṃvaṭṭo, āposaṃvaṭṭo, vāyosaṃvaṭṭoti. Tisso saṃvaṭṭasīmā – ābhassarā, subhakiṇhā, vehapphalāti. Yadā hi kappo tejena saṃvaṭṭati, ābhassarato heṭṭhā agginā ḍayhati. Yadā āpena saṃvaṭṭati, subhakiṇhato heṭṭhā udakena vilīyati. Yadā vāyunā saṃvaṭṭati, vehapphalato heṭṭhā vātena viddhaṃsati. Vitthārato pana koṭisatasahassacakkavāḷaṃ vinassati, yaṃ buddhānaṃ āṇākkhettanti vuccati. Tesu tīsu saṃvaṭṭesu yathākkamaṃ kappavināsakamahāmeghato yāva jālāya vā udakassa vā vātassa vā upacchedo idaṃ ekaṃ asaṅkhyeyyaṃ saṃvaṭṭo nāma. Kappavināsakajālādipacchedato yāva koṭisatasahassacakkavāḷaparipūrako sampattimahāmegho uṭṭhahati, idaṃ dutiyaṃ asaṅkhyeyyaṃ saṃvaṭṭaṭṭhāyī nāma.

    самбад̇д̇имахаамзгхад̇о яаава жанд̣̇имасуурияабаад̇убхааво, ид̣̇ам̣ д̇ад̇ияам̣ асан̇кязяяам̣ виваддо наама. жанд̣̇имасуурияабаад̇убхаавад̇о яаава буна габбавинаасагамахаамзгхо, ид̣̇ам̣ жад̇уд̇т̇ам̣ асан̇кязяяам̣ виваддадтааяий наама. имзсу жад̇усадтианд̇арагаббасан̇г̇ахам̣ виваддадтааяий. д̇зна самаанагаалабарижчзд̣̇аа виваддаад̣̇аяо взд̣̇ид̇аб̣б̣аа. ‘‘вийсад̇ианд̇арагаббасан̇г̇аха’’нд̇и згз. ид̇и имаани жад̇д̇аари асан̇кязяяаани зго махаагаббо ход̇и. д̇зна вуд̇д̇ам̣ ‘‘свааяам̣ махаагаббо сам̣ваддаад̣̇ивасзна жад̇уасан̇кязяяагаббасан̇г̇ахо’’д̇и.

    Sampattimahāmeghato yāva candimasūriyapātubhāvo, idaṃ tatiyaṃ asaṅkhyeyyaṃ vivaṭṭo nāma. Candimasūriyapātubhāvato yāva puna kappavināsakamahāmegho, idaṃ catutthaṃ asaṅkhyeyyaṃ vivaṭṭaṭṭhāyī nāma. Imesu catusaṭṭhiantarakappasaṅgahaṃ vivaṭṭaṭṭhāyī. Tena samānakālaparicchedā vivaṭṭādayo veditabbā. ‘‘Vīsatiantarakappasaṅgaha’’nti eke. Iti imāni cattāri asaṅkhyeyyāni eko mahākappo hoti. Tena vuttaṃ ‘‘svāyaṃ mahākappo saṃvaṭṭādivasena catuasaṅkhyeyyakappasaṅgaho’’ti.

    габбзд̇и жа ажжанд̇асам̣яог̇авасзна убаяог̇аб̣ахуважанам̣. сад̇асахассзд̇и габбасад̣̇д̣̇асамб̣анд̇хзна жааяам̣ буллин̇г̇анид̣̇д̣̇зсо, ид̇хааби ажжанд̇асам̣яог̇авасзнзва б̣ахуважанам̣. самаанаад̇хигаран̣ан̃хзд̇ам̣ бад̣̇ад̣̇ваяам̣. жад̇уро жа асан̇киязд̇и зд̇т̇ааби зсзва наяо. гасса бана асан̇киязд̇и ан̃н̃асса авуд̇д̇ад̇д̇аа габбасса жа вуд̇д̇ад̇д̇аа багаран̣ад̇о габбаананд̇и аяамад̇т̇о вин̃н̃ааяад̇зва. на хи вуд̇д̇ам̣ важ̇ж̇зд̇ваа авуд̇д̇асса гассажи г̇ахан̣ам̣ яуд̇д̇анд̇и. жа-сад̣̇д̣̇о самбин̣д̣анад̇т̇о, махаагаббаанам̣ жад̇уро асан̇кязяяз сад̇асахассз жа махаагаббзд̇и аяан̃хзд̇т̇а ад̇т̇о. асан̇киязд̇и зд̇т̇а сан̇каад̇ум̣ на саггаад̇и асан̇кияаа, г̇ан̣анам̣ ад̇игганд̇аад̇и ад̇т̇о. ‘‘асан̇кязяяанд̇и зго г̇ан̣анависзсо’’д̇и згз. д̇з хи згад̇о бадтааяа махааб̣алагкабарияосаанаани згуунасадтидтаанаани важ̇ж̇зд̇ваа д̣̇асамахааб̣алагкаани асан̇кязяяам̣ наама, садтимадтаананд̇аранд̇и вад̣̇анд̇и. д̇ам̣ на яуж̇ж̇ад̇и, сан̇кяаатаананд̇арам̣ наама г̇ан̣анависзсо, д̇асса асан̇кязяяабхааваабхаавад̇о згам̣ таананд̇арам̣ асан̇кязяяан̃жаад̇и вируд̣̇д̇хамзд̇ам̣. нану жа асан̇кяабхаавзна асан̇кязяяад̇д̇зби д̇асса жад̇уб̣б̣ид̇хабхааво на яуж̇ж̇ад̇ийд̇и? но на яуж̇ж̇ад̇и. жад̇уусу таанзсу асан̇кязяяабхаавасса ижчид̇ад̇д̇аа. д̇ад̇рааяамаад̣̇ид̇о бадтааяа вибхааванаа –

    Kappeti ca accantasaṃyogavasena upayogabahuvacanaṃ. Satasahasseti kappasaddasambandhena cāyaṃ pulliṅganiddeso, idhāpi accantasaṃyogavaseneva bahuvacanaṃ. Samānādhikaraṇañhetaṃ padadvayaṃ. Caturo ca asaṅkhiyeti etthāpi eseva nayo. Kassa pana asaṅkhiyeti aññassa avuttattā kappassa ca vuttattā pakaraṇato kappānanti ayamattho viññāyateva. Na hi vuttaṃ vajjetvā avuttassa kassaci gahaṇaṃ yuttanti. Ca-saddo sampiṇḍanattho, mahākappānaṃ caturo asaṅkhyeyye satasahasse ca mahākappeti ayañhettha attho. Asaṅkhiyeti ettha saṅkhātuṃ na sakkāti asaṅkhiyā, gaṇanaṃ atikkantāti attho. ‘‘Asaṅkhyeyyanti eko gaṇanaviseso’’ti eke. Te hi ekato paṭṭhāya mahābalakkhapariyosānāni ekūnasaṭṭhiṭṭhānāni vajjetvā dasamahābalakkhāni asaṅkhyeyyaṃ nāma, saṭṭhimaṭṭhānantaranti vadanti. Taṃ na yujjati, saṅkhyāṭhānantaraṃ nāma gaṇanaviseso, tassa asaṅkhyeyyabhāvābhāvato ekaṃ ṭhānantaraṃ asaṅkhyeyyañcāti viruddhametaṃ. Nanu ca asaṅkhyabhāvena asaṅkhyeyyattepi tassa catubbidhabhāvo na yujjatīti? No na yujjati. Catūsu ṭhānesu asaṅkhyeyyabhāvassa icchitattā. Tatrāyamādito paṭṭhāya vibhāvanā –

    ад̇ийд̇з гира згасмим̣ габбз д̇ан̣хан̇гаро мзд̇хан̇гаро саран̣ан̇гаро д̣̇ийбан̇гарод̇и жад̇д̇ааро саммаасамб̣уд̣̇д̇хаа ануггамзна логз уббаж̇ж̇им̣су. д̇зсу д̣̇ийбан̇гарасса бхаг̇авад̇о гаалз амаравад̇ий наама наг̇арам̣ ахоси. д̇ад̇т̇а сумзд̇хо наама б̣раахман̣о бадивасад̇и убхад̇о суж̇аад̇о маад̇ид̇о жа бид̇ид̇о жа, сам̣суд̣̇д̇хаг̇ахан̣иго яаава сад̇д̇амаа гулабариваддаа агкид̇д̇о анубаггудто ж̇аад̇иваад̣̇зна, абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о. со ан̃н̃ам̣ гаммам̣ агад̇ваа б̣раахман̣асиббамзва уг̇г̇ан̣хи. д̇асса д̣̇ахарагаалзязва маад̇аабид̇аро гааламагам̣су. ат̇асса раасивад̣дхаго амажжо ааяабод̇т̇агам̣ аахарид̇ваа суван̣н̣араж̇ад̇аман̣имуд̇д̇аад̣̇ибхарид̇з саараг̇аб̣бхз виварид̇ваа ‘‘зд̇д̇агам̣ д̇з, гумаара, маад̇усанд̇агам̣, зд̇д̇агам̣ д̇з бид̇усанд̇агам̣, зд̇д̇агам̣ д̇з аяяагабаяяагаана’’нд̇и яаава сад̇д̇амаа гулабариваддаа д̇ханам̣ аажигкид̇ваа ‘‘зд̇ам̣ д̇ханам̣ бадибаж̇ж̇аахий’’д̇и ааха. сумзд̇хабан̣д̣ид̇о жинд̇зси – ‘‘имам̣ звам̣ б̣ахум̣ д̇ханам̣ сам̣харид̇ваа маяхам̣ маад̇аабид̇аад̣̇аяо баралогам̣ г̇ажчанд̇аа згагахаабан̣амби г̇ахзд̇ваа на г̇ад̇аа, маяаа бана г̇ахзд̇ваа г̇аманагааран̣ам̣ гаад̇ум̣ ваддад̇ий’’д̇и. со ран̃н̃о аарожзд̇ваа наг̇арз бхзрим̣ жараабзд̇ваа махааж̇анасса д̣̇аанам̣ д̣̇ад̇ваа химаванд̇аббад̣̇зсам̣ г̇анд̇ваа д̇аабасабаб̣б̣аж̇ж̇ам̣ баб̣б̣аж̇ид̇ваа сад̇д̇аахзнзва адта самаабад̇д̇ияо бан̃жа жа абхин̃н̃ааяо ниб̣б̣ад̇д̇зд̇ваа самаабад̇д̇ивихаарзхи вихарад̇и.

    Atīte kira ekasmiṃ kappe taṇhaṅkaro medhaṅkaro saraṇaṅkaro dīpaṅkaroti cattāro sammāsambuddhā anukkamena loke uppajjiṃsu. Tesu dīpaṅkarassa bhagavato kāle amaravatī nāma nagaraṃ ahosi. Tattha sumedho nāma brāhmaṇo paṭivasati ubhato sujāto mātito ca pitito ca, saṃsuddhagahaṇiko yāva sattamā kulaparivaṭṭā akkhitto anupakkuṭṭho jātivādena, abhirūpo dassanīyo pāsādiko paramāya vaṇṇapokkharatāya samannāgato. So aññaṃ kammaṃ akatvā brāhmaṇasippameva uggaṇhi. Tassa daharakāleyeva mātāpitaro kālamakaṃsu. Athassa rāsivaḍḍhako amacco āyapotthakaṃ āharitvā suvaṇṇarajatamaṇimuttādibharite sāragabbhe vivaritvā ‘‘ettakaṃ te, kumāra, mātusantakaṃ, ettakaṃ te pitusantakaṃ, ettakaṃ te ayyakapayyakāna’’nti yāva sattamā kulaparivaṭṭā dhanaṃ ācikkhitvā ‘‘etaṃ dhanaṃ paṭipajjāhī’’ti āha. Sumedhapaṇḍito cintesi – ‘‘imaṃ evaṃ bahuṃ dhanaṃ saṃharitvā mayhaṃ mātāpitādayo paralokaṃ gacchantā ekakahāpaṇampi gahetvā na gatā, mayā pana gahetvā gamanakāraṇaṃ kātuṃ vaṭṭatī’’ti. So rañño ārocetvā nagare bheriṃ carāpetvā mahājanassa dānaṃ datvā himavantappadesaṃ gantvā tāpasapabbajjaṃ pabbajitvā sattāheneva aṭṭha samāpattiyo pañca ca abhiññāyo nibbattetvā samāpattivihārehi viharati.

    д̇асмин̃жа гаалз д̣̇ийбан̇гарад̣̇асаб̣ало барамаабхисамб̣од̇хим̣ бад̇ваа бавад̇д̇ид̇аварад̇хаммажагго жад̇уухи кийн̣аасавасад̇асахассзхи баривуд̇о анубуб̣б̣зна жааригам̣ жарамаано раммавад̇ийнаг̇арам̣ наама бад̇ваа д̇асса авид̣̇уурз суд̣̇ассанамахаавихаарз бадивасад̇и. раммавад̇ийнаг̇араваасино ‘‘сад̇т̇аа гира амхаагам̣ наг̇арам̣ бад̇ваа суд̣̇ассанамахаавихаарз бадивасад̇ий’’д̇и суд̇ваа г̇анд̇хамаалаад̣̇ихад̇т̇аа сад̇т̇аарам̣ убасан̇гамид̇ваа ванд̣̇ид̇ваа г̇анд̇хамаалаад̣̇ийхи бууж̇зд̇ваа згаманд̇ам̣ нисиннаа д̇хаммад̣̇зсанам̣ суд̇ваа сваад̇анааяа ниманд̇зд̇ваа удтааяаасанаа баггамим̣су. д̇з бунад̣̇ивасз махаад̣̇аанам̣ саж̇ж̇зд̇ваа наг̇арам̣ алан̇гарид̇ваа д̣̇асаб̣аласса ааг̇аманамаг̇г̇ам̣ хадтад̇удтаа сод̇хзнд̇и.

    Tasmiñca kāle dīpaṅkaradasabalo paramābhisambodhiṃ patvā pavattitavaradhammacakko catūhi khīṇāsavasatasahassehi parivuto anupubbena cārikaṃ caramāno rammavatīnagaraṃ nāma patvā tassa avidūre sudassanamahāvihāre paṭivasati. Rammavatīnagaravāsino ‘‘satthā kira amhākaṃ nagaraṃ patvā sudassanamahāvihāre paṭivasatī’’ti sutvā gandhamālādihatthā satthāraṃ upasaṅkamitvā vanditvā gandhamālādīhi pūjetvā ekamantaṃ nisinnā dhammadesanaṃ sutvā svātanāya nimantetvā uṭṭhāyāsanā pakkamiṃsu. Te punadivase mahādānaṃ sajjetvā nagaraṃ alaṅkaritvā dasabalassa āgamanamaggaṃ haṭṭhatuṭṭhā sodhenti.

    д̇асмин̃жа гаалз сумзд̇хад̇аабасо аагаасзна г̇ажчанд̇о д̇з хадтад̇удтз мануссз д̣̇исваа ‘‘амбхо, гасса д̇умхз имам̣ маг̇г̇ам̣ сод̇хзт̇аа’’д̇и бужчи? д̇зхи ‘‘саммаасамб̣уд̣̇д̇хасса ааг̇аманамаг̇г̇ам̣ сод̇хзмаа’’д̇и вуд̇д̇з ад̇ийд̇зсу б̣уд̣̇д̇хзсу гад̇аад̇хигаарад̇д̇аа ‘‘б̣уд̣̇д̇хо’’д̇и важанам̣ суд̇ваа уббаннабийд̇исоманассо д̇аавад̣̇зва аагаасад̇о оруяха ‘‘маяхамби огаасам̣ д̣̇зт̇а, ахамби сод̇хзссаамий’’д̇и д̇зхи д̣̇ассид̇ам̣ огаасам̣ ‘‘гин̃жааби ахам̣ имам̣ ид̣̇д̇хияаа сад̇д̇арад̇анавижид̇д̇ам̣ гад̇ваа алан̇гарид̇ум̣ бахоми, аж̇ж̇а бана маяаа гааяавзяяааважжам̣ гаад̇ум̣ ваддад̇и, гааяаарахам̣ бун̃н̃ам̣ г̇ан̣хиссаамий’’д̇и жинд̇зд̇ваа д̇ин̣агажавараад̣̇аяо нийхарид̇ваа бам̣сум̣ аахарид̇ваа самам̣ гаронд̇о сод̇хзд̇и. анидтид̇зязва бана д̇асса бад̣̇зсасса сод̇ханз д̣̇ийбан̇гаро бхаг̇аваа махаанубхааваанам̣ чал̣абхин̃н̃аанам̣ кийн̣аасаваанам̣ жад̇уухи сад̇асахассзхи баривуд̇о д̇ам̣ маг̇г̇ам̣ бадибаж̇ж̇и. сумзд̇хабан̣д̣ид̇о ‘‘саммаасамб̣уд̣̇д̇хо б̣уд̣̇д̇хасаавагаа жа маа жигкаллам̣ аггаманд̇уу’’д̇и ад̇д̇ано ваагажийран̃жа жаммакан̣д̣ан̃жа ж̇адаагалаабан̃жа басаарзд̇ваа саяан̃жа язна бхаг̇аваа д̇зна сийсам̣ гад̇ваа авагуж̇ж̇о нибаж̇ж̇и. зван̃жа жинд̇зси – ‘‘сажаахам̣ ижчиссаами, имасса бхаг̇авад̇о сааваго худ̇ваа аж̇ж̇зва гилзсз гхаад̇зссаами. гим̣ маяхам̣ згагзнзва сам̣саарамахогхад̇о нид̇т̇аран̣зна? яам̣нуунаахамби зваруубо саммаасамб̣уд̣̇д̇хо худ̇ваа сад̣̇звагам̣ логам̣ сам̣саарамахан̣н̣авад̇о д̇аарзяяа’’нд̇и. ид̇и со адтан̇г̇асаманнааг̇ад̇амахаабхинийхааравасзна жид̇д̇ам̣ бан̣ид̇хзси. ат̇а бхаг̇аваа ааг̇анд̇ваа д̇асса уссийсагз тад̇ваа жид̇д̇аажаарам̣ самиж̇жханабхааван̃жасса н̃ад̇ваа ‘‘аяам̣ ид̇о габбасад̇асахассаад̇хигаанам̣ жад̇уннам̣ асан̇кязяяаанам̣ мад̇т̇агз г̇од̇амо наама саммаасамб̣уд̣̇д̇хо бхависсад̇ий’’д̇и саб̣б̣ам̣ имам̣ бхаг̇авад̇о бавад̇д̇им̣ б̣яаагарид̇ваа баггаами.

    Tasmiñca kāle sumedhatāpaso ākāsena gacchanto te haṭṭhatuṭṭhe manusse disvā ‘‘ambho, kassa tumhe imaṃ maggaṃ sodhethā’’ti pucchi? Tehi ‘‘sammāsambuddhassa āgamanamaggaṃ sodhemā’’ti vutte atītesu buddhesu katādhikārattā ‘‘buddho’’ti vacanaṃ sutvā uppannapītisomanasso tāvadeva ākāsato oruyha ‘‘mayhampi okāsaṃ detha, ahampi sodhessāmī’’ti tehi dassitaṃ okāsaṃ ‘‘kiñcāpi ahaṃ imaṃ iddhiyā sattaratanavicittaṃ katvā alaṅkarituṃ pahomi, ajja pana mayā kāyaveyyāvaccaṃ kātuṃ vaṭṭati, kāyārahaṃ puññaṃ gaṇhissāmī’’ti cintetvā tiṇakacavarādayo nīharitvā paṃsuṃ āharitvā samaṃ karonto sodheti. Aniṭṭhiteyeva pana tassa padesassa sodhane dīpaṅkaro bhagavā mahānubhāvānaṃ chaḷabhiññānaṃ khīṇāsavānaṃ catūhi satasahassehi parivuto taṃ maggaṃ paṭipajji. Sumedhapaṇḍito ‘‘sammāsambuddho buddhasāvakā ca mā cikkhallaṃ akkamantū’’ti attano vākacīrañca cammakhaṇḍañca jaṭākalāpañca pasāretvā sayañca yena bhagavā tena sīsaṃ katvā avakujjo nipajji. Evañca cintesi – ‘‘sacāhaṃ icchissāmi, imassa bhagavato sāvako hutvā ajjeva kilese ghātessāmi. Kiṃ mayhaṃ ekakeneva saṃsāramahoghato nittharaṇena? Yaṃnūnāhampi evarūpo sammāsambuddho hutvā sadevakaṃ lokaṃ saṃsāramahaṇṇavato tāreyya’’nti. Iti so aṭṭhaṅgasamannāgatamahābhinīhāravasena cittaṃ paṇidhesi. Atha bhagavā āgantvā tassa ussīsake ṭhatvā cittācāraṃ samijjhanabhāvañcassa ñatvā ‘‘ayaṃ ito kappasatasahassādhikānaṃ catunnaṃ asaṅkhyeyyānaṃ matthake gotamo nāma sammāsambuddho bhavissatī’’ti sabbaṃ imaṃ bhagavato pavattiṃ byākaritvā pakkāmi.

    д̇ад̇о абарзби гон̣д̣ан̃н̃абхаг̇аванд̇ам̣ аад̣̇им̣ гад̇ваа ануггамзна уббаннаа яаава гассабад̣̇асаб̣алабарияосаанаа саммаасамб̣уд̣̇д̇хаа махаасад̇д̇ам̣ ‘‘б̣уд̣̇д̇хо бхависсад̇ий’’д̇и б̣яаагарим̣су. ид̇и амхаагам̣ б̣од̇хисад̇д̇асса баарамияо буурзнд̇ассзва жад̇увийсад̇и саммаасамб̣уд̣̇д̇хаа уббаннаа. яасмим̣ бана габбз д̣̇ийбан̇гарад̣̇асаб̣ало уд̣̇абаад̣̇и, д̇асмим̣ ан̃н̃зби д̇аяо б̣уд̣̇д̇хаа ахзсум̣. д̇зсам̣ санд̇игз б̣од̇хисад̇д̇асса б̣яаагаран̣ам̣ наахоси, д̇асмаа д̇з ид̇ха на г̇ахид̇аа. бораан̣адтагат̇ааяам̣ бана д̇амхаа габбаа бадтааяа саб̣б̣аб̣уд̣̇д̇хз д̣̇ассзд̇ум̣ ид̣̇ам̣ вуд̇д̇ам̣ –

    Tato aparepi koṇḍaññabhagavantaṃ ādiṃ katvā anukkamena uppannā yāva kassapadasabalapariyosānā sammāsambuddhā mahāsattaṃ ‘‘buddho bhavissatī’’ti byākariṃsu. Iti amhākaṃ bodhisattassa pāramiyo pūrentasseva catuvīsati sammāsambuddhā uppannā. Yasmiṃ pana kappe dīpaṅkaradasabalo udapādi, tasmiṃ aññepi tayo buddhā ahesuṃ. Tesaṃ santike bodhisattassa byākaraṇaṃ nāhosi, tasmā te idha na gahitā. Porāṇaṭṭhakathāyaṃ pana tamhā kappā paṭṭhāya sabbabuddhe dassetuṃ idaṃ vuttaṃ –

    ‘‘д̇ан̣хан̇гаро мзд̇хан̇гаро, ат̇оби саран̣ан̇гаро;

    ‘‘Taṇhaṅkaro medhaṅkaro, athopi saraṇaṅkaro;

    д̣̇ийбан̇гаро жа самб̣уд̣̇д̇хо, гон̣д̣ан̃н̃о д̣̇вибад̣̇уд̇д̇амо.

    Dīpaṅkaro ca sambuddho, koṇḍañño dvipaduttamo.

    ‘‘ман̇г̇ало жа сумано жа, рзвад̇о собхид̇о муни;

    ‘‘Maṅgalo ca sumano ca, revato sobhito muni;

    аномад̣̇ассий бад̣̇умо, наарад̣̇о бад̣̇умуд̇д̇аро.

    Anomadassī padumo, nārado padumuttaro.

    ‘‘сумзд̇хо жа суж̇аад̇о жа, бияад̣̇ассий махааяасо;

    ‘‘Sumedho ca sujāto ca, piyadassī mahāyaso;

    ад̇т̇ад̣̇ассий д̇хаммад̣̇ассий, сид̣̇д̇хад̇т̇о логанааяаго.

    Atthadassī dhammadassī, siddhattho lokanāyako.

    ‘‘д̇иссо пуссо жа самб̣уд̣̇д̇хо, вибассий сики взссабхуу;

    ‘‘Tisso phusso ca sambuddho, vipassī sikhi vessabhū;

    гагусанд̇хо гон̣ааг̇амано, гассабо жааби нааяаго.

    Kakusandho koṇāgamano, kassapo cāpi nāyako.

    ‘‘зд̇з ахзсум̣ самб̣уд̣̇д̇хаа, вийд̇арааг̇аа самаахид̇аа;

    ‘‘Ete ahesuṃ sambuddhā, vītarāgā samāhitā;

    сад̇арам̣сийва уббаннаа, махаад̇амавинод̣̇анаа;

    Sataraṃsīva uppannā, mahātamavinodanā;

    ж̇алид̇ваа аг̇г̇игканд̇хаава, ниб̣б̣уд̇аа д̇з сасаавагаа’’д̇и. (ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа);

    Jalitvā aggikkhandhāva, nibbutā te sasāvakā’’ti. (jā. aṭṭha. 1.dūrenidānakathā; apa. aṭṭha. 1.dūrenidānakathā);

    д̇ад̇т̇а д̣̇ийбан̇гарад̣̇асаб̣аласса жа гон̣д̣ан̃н̃ад̣̇асаб̣аласса жа анд̇арз махаагаббаанам̣ згам̣ асан̇кязяяам̣ б̣уд̣̇д̇хасун̃н̃о лого ахоси, д̇ат̇аа бхаг̇авад̇о гон̣д̣ан̃н̃асса жа бхаг̇авад̇о ман̇г̇аласса жа анд̇арз, д̇ат̇аа бхаг̇авад̇о собхид̇асса жа бхаг̇авад̇о аномад̣̇ассисса жа анд̇арз, д̇ат̇аа бхаг̇авад̇о наарад̣̇асса жа бхаг̇авад̇о бад̣̇умуд̇д̇арасса жа анд̇арз. вуд̇д̇ан̃хзд̇ам̣ б̣уд̣̇д̇хавам̣сз (б̣у. вам̣. 28.3, 4, 6, 9) –

    Tattha dīpaṅkaradasabalassa ca koṇḍaññadasabalassa ca antare mahākappānaṃ ekaṃ asaṅkhyeyyaṃ buddhasuñño loko ahosi, tathā bhagavato koṇḍaññassa ca bhagavato maṅgalassa ca antare, tathā bhagavato sobhitassa ca bhagavato anomadassissa ca antare, tathā bhagavato nāradassa ca bhagavato padumuttarassa ca antare. Vuttañhetaṃ buddhavaṃse (bu. vaṃ. 28.3, 4, 6, 9) –

    ‘‘д̣̇ийбан̇гарасса бхаг̇авад̇о, гон̣д̣ан̃н̃асса жа сад̇т̇уно;

    ‘‘Dīpaṅkarassa bhagavato, koṇḍaññassa ca satthuno;

    зд̇зсам̣ анд̇араа габбаа, г̇ан̣анаад̇о асан̇кияаа.

    Etesaṃ antarā kappā, gaṇanāto asaṅkhiyā.

    ‘‘гон̣д̣ан̃н̃асса абарзна, ман̇г̇ало наама нааяаго;

    ‘‘Koṇḍaññassa aparena, maṅgalo nāma nāyako;

    д̇зсамби анд̇араа габбаа, г̇ан̣анаад̇о асан̇кияаа.

    Tesampi antarā kappā, gaṇanāto asaṅkhiyā.

    ‘‘собхид̇асса абарзна, аномад̣̇ассий махааяасо;

    ‘‘Sobhitassa aparena, anomadassī mahāyaso;

    д̇зсамби анд̇араа габбаа, г̇ан̣анаад̇о асан̇кияаа.

    Tesampi antarā kappā, gaṇanāto asaṅkhiyā.

    ‘‘наарад̣̇асса бхаг̇авад̇о, бад̣̇умуд̇д̇арасса сад̇т̇уно;

    ‘‘Nāradassa bhagavato, padumuttarassa satthuno;

    д̇зсамби анд̇араа габбаа, г̇ан̣анаад̇о асан̇кияаа’’д̇и.

    Tesampi antarā kappā, gaṇanāto asaṅkhiyā’’ti.

    звам̣ г̇ан̣анаад̇ийд̇ад̇ааяа асан̇кязяяад̇д̇зби жад̇уусу таанзсу махаагаббаанам̣ г̇ан̣анаад̇иггамзна ‘‘жад̇уро жа асан̇кияз’’д̇и вуд̇д̇ам̣, на сан̇кяаависзсзнаад̇и взд̣̇ид̇аб̣б̣ам̣. яасмаа бана бад̣̇умуд̇д̇арад̣̇асаб̣аласса жа сумзд̇хад̣̇асаб̣аласса жа анд̇арз д̇им̣сагаббасахассаани, суж̇аад̇ад̣̇асаб̣аласса жа бияад̣̇ассийд̣̇асаб̣аласса жа анд̇арз навасахассаад̇хигаанам̣ габбаанам̣ садтисахассаани д̣̇ваасийд̇уд̇д̇араани адта жа сад̇аани, д̇хаммад̣̇ассийд̣̇асаб̣аласса жа сид̣̇д̇хад̇т̇ад̣̇асаб̣аласса жа анд̇арз вийсад̇и габбаа, сид̣̇д̇хад̇т̇ад̣̇асаб̣аласса жа д̇иссад̣̇асаб̣аласса жа анд̇арз зго габбо , бхаг̇авад̇о вибассисса жа бхаг̇авад̇о сикисса жа анд̇арз садти габбаа, бхаг̇авад̇о жа взссабхусса бхаг̇авад̇о жа гагусанд̇хасса анд̇арз д̇им̣са габбаа, ид̇и бад̣̇умуд̇д̇арад̣̇асаб̣аласса уббаннагаббад̇о бадтааяа хздтаа д̇зсам̣ д̇зсам̣ б̣уд̣̇д̇хаанам̣ уббаннагаббзхи иминаа жа бхад̣̇д̣̇агаббзна сад̣̇д̇хим̣ сад̇асахассамахаагаббаа. д̇з санд̇хааяа вуд̇д̇ам̣ ‘‘габбз жа сад̇асахассз’’д̇и. имасмим̣ банад̇т̇з вид̇т̇аарияамаанз саб̣б̣ам̣ б̣уд̣̇д̇хавам̣сабаал̣им̣ аахарид̇ваа сам̣ван̣н̣зд̇аб̣б̣ам̣ ход̇ийд̇и ад̇ивид̇т̇аарабхийругасса махааж̇анасса жид̇д̇ам̣ анурагканд̇аа на вид̇т̇аараяимха. ад̇т̇игзхи б̣уд̣̇д̇хавам̣сад̇о (б̣у. вам̣. 1.1 аад̣̇аяо) г̇ахзд̇аб̣б̣о. яоби жзд̇т̇а вад̇д̇аб̣б̣о гат̇аамаг̇г̇о, соби адтасаалинияаа (д̇ха. са. адта. сумзд̇хагат̇аа) д̇хаммасан̇г̇ахаван̣н̣анааяа ж̇аад̇агадтагат̇ааяа (ж̇аа. адта. 1.д̣̇уурзнид̣̇аанагат̇аа) жа вуд̇д̇анаязнзва взд̣̇ид̇аб̣б̣о.

    Evaṃ gaṇanātītatāya asaṅkhyeyyattepi catūsu ṭhānesu mahākappānaṃ gaṇanātikkamena ‘‘caturo ca asaṅkhiye’’ti vuttaṃ, na saṅkhyāvisesenāti veditabbaṃ. Yasmā pana padumuttaradasabalassa ca sumedhadasabalassa ca antare tiṃsakappasahassāni, sujātadasabalassa ca piyadassīdasabalassa ca antare navasahassādhikānaṃ kappānaṃ saṭṭhisahassāni dvāsītuttarāni aṭṭha ca satāni, dhammadassīdasabalassa ca siddhatthadasabalassa ca antare vīsati kappā, siddhatthadasabalassa ca tissadasabalassa ca antare eko kappo , bhagavato vipassissa ca bhagavato sikhissa ca antare saṭṭhi kappā, bhagavato ca vessabhussa bhagavato ca kakusandhassa antare tiṃsa kappā, iti padumuttaradasabalassa uppannakappato paṭṭhāya heṭṭhā tesaṃ tesaṃ buddhānaṃ uppannakappehi iminā ca bhaddakappena saddhiṃ satasahassamahākappā. Te sandhāya vuttaṃ ‘‘kappe ca satasahasse’’ti. Imasmiṃ panatthe vitthāriyamāne sabbaṃ buddhavaṃsapāḷiṃ āharitvā saṃvaṇṇetabbaṃ hotīti ativitthārabhīrukassa mahājanassa cittaṃ anurakkhantā na vitthārayimha. Atthikehi buddhavaṃsato (bu. vaṃ. 1.1 ādayo) gahetabbo. Yopi cettha vattabbo kathāmaggo, sopi aṭṭhasāliniyā (dha. sa. aṭṭha. sumedhakathā) dhammasaṅgahavaṇṇanāya jātakaṭṭhakathāya (jā. aṭṭha. 1.dūrenidānakathā) ca vuttanayeneva veditabbo.

    зд̇т̇анд̇арзд̇и зд̇т̇а анд̇арасад̣̇д̣̇о –

    Etthantareti ettha antarasaddo –

    ‘‘над̣̇ийд̇ийрзсу сан̣таанз, сабхаасу рат̇ияаасу жа;

    ‘‘Nadītīresu saṇṭhāne, sabhāsu rathiyāsu ca;

    ж̇анаа сан̇г̇амма манд̇знд̇и, ман̃жа д̇ан̃жа гиманд̇ара’’нд̇и. (сам̣. ни. 1.228) –

    Janā saṅgamma mantenti, mañca tañca kimantara’’nti. (saṃ. ni. 1.228) –

    аад̣̇ийсу гааран̣з ааг̇ад̇о. ‘‘ад̣̇д̣̇асаа ко мам̣, бханд̇з, ан̃н̃ад̇араа ид̇т̇ий виж̇ж̇анд̇аригааяа бхааж̇анам̣ д̇хованд̇ий’’д̇иаад̣̇ийсу (ма. ни. 2.149) кан̣з, виж̇ж̇унижчаран̣агкан̣зд̇и ад̇т̇о. ‘‘яассанд̇арад̇о на санд̇и гобаа’’д̇иаад̣̇ийсу (уд̣̇аа. 20) жид̇д̇з. ‘‘анд̇араа жа г̇аяам̣ анд̇араа жа б̣од̇хи’’нд̇иаад̣̇ийсу (ма. ни. 1.285; махаава. 11) виварз. ‘‘на убаж̇жхааяасса бхан̣амаанасса анд̇аранд̇араа гат̇аа обаад̇зд̇аб̣б̣аа’’д̇иаад̣̇ийсу (махаава. 66) взмаж̇жхз. ид̇хааби взмаж̇жхзязва д̣̇адтаб̣б̣о (д̣̇ий. ни. адта. 1.1; а. ни. адта. 2.4.36), д̇асмаа зд̇асмим̣ анд̇арз взмаж̇жхзд̇и ад̇т̇о. ид̣̇ам̣ вуд̇д̇ам̣ ход̇и – яасмим̣ махаагаббз амхаагам̣ бхаг̇аваа сумзд̇хабан̣д̣ид̇о худ̇ваа д̣̇ийбан̇гарасса бхаг̇авад̇о баад̣̇амуулз –

    Ādīsu kāraṇe āgato. ‘‘Addasā kho maṃ, bhante, aññatarā itthī vijjantarikāya bhājanaṃ dhovantī’’tiādīsu (ma. ni. 2.149) khaṇe, vijjuniccharaṇakkhaṇeti attho. ‘‘Yassantarato na santi kopā’’tiādīsu (udā. 20) citte. ‘‘Antarā ca gayaṃ antarā ca bodhi’’ntiādīsu (ma. ni. 1.285; mahāva. 11) vivare. ‘‘Na upajjhāyassa bhaṇamānassa antarantarā kathā opātetabbā’’tiādīsu (mahāva. 66) vemajjhe. Idhāpi vemajjheyeva daṭṭhabbo (dī. ni. aṭṭha. 1.1; a. ni. aṭṭha. 2.4.36), tasmā etasmiṃ antare vemajjheti attho. Idaṃ vuttaṃ hoti – yasmiṃ mahākappe amhākaṃ bhagavā sumedhapaṇḍito hutvā dīpaṅkarassa bhagavato pādamūle –

    ‘‘мануссад̇д̇ам̣ лин̇г̇асамбад̇д̇и, хзд̇у сад̇т̇аарад̣̇ассанам̣;

    ‘‘Manussattaṃ liṅgasampatti, hetu satthāradassanaṃ;

    баб̣б̣аж̇ж̇аа г̇ун̣асамбад̇д̇и, ад̇хигааро жа чанд̣̇ад̇аа’’д̇и. (б̣у. вам̣. 2.59) –

    Pabbajjā guṇasampatti, adhikāro ca chandatā’’ti. (bu. vaṃ. 2.59) –

    звам̣ вуд̇д̇зхи адтахи ан̇г̇зхи саманнааг̇ад̇ам̣ махаабхинийхаарам̣ агааси, самад̇д̇им̣са баарамияо бавижини самаад̣̇ияи, саб̣б̣зби б̣уд̣̇д̇хагаарагз д̇хаммз самбаад̣̇зд̇ум̣ аарабхи, яамхи жзд̇асмим̣ бхад̣̇д̣̇агаббз саб̣б̣асо буурид̇абаарамий худ̇ваа ануд̇д̇арам̣ саммаасамб̣од̇хим̣ абхисамб̣уж̇жхи. имзсам̣ д̣̇виннам̣ махаагаббаанам̣ анд̇арз яат̇аавуд̇д̇абарижчзд̣̇з гаалависзсзд̇и. гат̇ам̣ банзд̇ам̣ вин̃н̃ааяад̇ийд̇и? ‘‘габбз жа сад̇асахассз, жад̇уро жа асан̇кияз’’д̇и ид̣̇ан̃хи махаагаббаанам̣ барижчзд̣̇ад̇о абарижчзд̣̇ад̇о жа сан̇кяаад̣̇ассанам̣. саа ко банааяам̣ сан̇кяаа сан̇кязяяасса аад̣̇ибарияосаанаг̇г̇ахан̣ам̣ винаа на самбхавад̇ийд̇и яад̇т̇а б̣од̇хисамбхаараанамаарамбхо яад̇т̇а жа д̇з барияосид̇аа д̇ад̣̇убхаяамби авад̇хибхаавзна ‘‘зд̇т̇анд̇арз’’д̇и зд̇т̇а ад̇т̇ад̇о д̣̇ассид̇анд̇и вин̃н̃ааяад̇и. авад̇хи жа банааяам̣ абхивид̇хивасзна взд̣̇ид̇аб̣б̣о, на марияаад̣̇аавасзна, аарамбхосаанагаббаанам̣ згад̣̇зсзна анд̇ог̇ад̇хад̇д̇аа. нану жа ниббад̣̇зсзна д̇зсам̣ абарияаад̣̇аанад̇о абхивид̇хи жа ид̇ха на самбхавад̇ийд̇и? на ид̣̇амзвам̣ д̇ад̣̇згад̣̇зсзби д̇аб̣б̣охаарад̇о. яо хи д̇ад̣̇згад̣̇зсабхууд̇о габбо, со ниббад̣̇зсад̇о барияаад̣̇иннод̇и.

    Evaṃ vuttehi aṭṭhahi aṅgehi samannāgataṃ mahābhinīhāraṃ akāsi, samattiṃsa pāramiyo pavicini samādiyi, sabbepi buddhakārake dhamme sampādetuṃ ārabhi, yamhi cetasmiṃ bhaddakappe sabbaso pūritapāramī hutvā anuttaraṃ sammāsambodhiṃ abhisambujjhi. Imesaṃ dvinnaṃ mahākappānaṃ antare yathāvuttaparicchede kālaviseseti. Kathaṃ panetaṃ viññāyatīti? ‘‘Kappe ca satasahasse, caturo ca asaṅkhiye’’ti idañhi mahākappānaṃ paricchedato aparicchedato ca saṅkhyādassanaṃ. Sā kho panāyaṃ saṅkhyā saṅkhyeyyassa ādipariyosānaggahaṇaṃ vinā na sambhavatīti yattha bodhisambhārānamārambho yattha ca te pariyositā tadubhayampi avadhibhāvena ‘‘etthantare’’ti ettha atthato dassitanti viññāyati. Avadhi ca panāyaṃ abhividhivasena veditabbo, na mariyādāvasena, ārambhosānakappānaṃ ekadesena antogadhattā. Nanu ca nippadesena tesaṃ apariyādānato abhividhi ca idha na sambhavatīti? Na idamevaṃ tadekadesepi tabbohārato. Yo hi tadekadesabhūto kappo, so nippadesato pariyādinnoti.

    яам̣ жарид̇ам̣, саб̣б̣ам̣ д̇ам̣ б̣од̇хибаажананд̇и зд̇т̇а жарид̇анд̇и жарияаа, самад̇д̇им̣сабаарамисан̇г̇ахаа д̣̇аанасийлаад̣̇ибадибад̇д̇и, н̃аад̇ад̇т̇ажарияаалогад̇т̇ажарияааб̣уд̣̇д̇хад̇т̇ажарияаанам̣ д̇ад̣̇анд̇ог̇ад̇хад̇д̇аа. д̇ат̇аа яаа жимаа адта жарияаа, сзяяат̇ид̣̇ам̣ – бан̣ид̇хисамбаннаанам̣ жад̇уусу ирияаабат̇зсу ирияаабат̇ажарияаа, инд̣̇риязсу г̇уд̇д̇ад̣̇ваараанам̣ аж̇жхад̇д̇игааяад̇анзсу ааяад̇анажарияаа, аббамаад̣̇авихаарийнам̣ жад̇уусу сад̇ибадтаанзсу сад̇ижарияаа, ад̇хижид̇д̇амануяуд̇д̇аанам̣ жад̇уусу жхаанзсу самаад̇хижарияаа, б̣уд̣̇д̇хисамбаннаанам̣ жад̇уусу арияасажжзсу н̃аан̣ажарияаа, саммаа бадибаннаанам̣ жад̇уусу арияамаг̇г̇зсу маг̇г̇ажарияаа, ад̇хиг̇ад̇апалаанам̣ жад̇уусу сааман̃н̃апалзсу бад̇д̇ижарияаа, д̇ин̣н̣ам̣ б̣уд̣̇д̇хаанам̣ саб̣б̣асад̇д̇зсу логад̇т̇ажарияаад̇и. д̇ад̇т̇а бад̣̇зсад̇о д̣̇виннам̣ б̣од̇хисад̇д̇аанам̣ бажжзгаб̣уд̣̇д̇хаб̣уд̣̇д̇хасаавагаанан̃жа логад̇т̇ажарияаа, махааб̣од̇хисад̇д̇аанам̣ бана саммаасамб̣уд̣̇д̇хаанан̃жа ниббад̣̇зсад̇о. вуд̇д̇ан̃хзд̇ам̣ нид̣̇д̣̇зсз (жуул̣ани. каг̇г̇ависаан̣асуд̇д̇анид̣̇д̣̇зса 121; бади. ма. 1.197) ‘‘жарияаад̇и адта жарияааяо ирияаабат̇ажарияаа ааяад̇анажарияаа’’д̇и вид̇т̇ааро. ‘‘ад̇химужжанд̇о сад̣̇д̇хааяа жарад̇и, баг̇г̇ан̣ханд̇о вийриязна жарад̇и, убадтаханд̇о сад̇ияаа жарад̇и, авигкибанд̇о самаад̇хинаа жарад̇и, баж̇аананд̇о бан̃н̃ааяа жарад̇и, виж̇аананд̇о вин̃н̃аан̣зна жарад̇и, звамби бадибаннасса гусалаа д̇хаммаа ааяад̇анд̇ийд̇и ааяад̇анажарияааяа жарад̇и, звамби бадибанно висзсамад̇хиг̇ажчад̇ийд̇и висзсажарияааяа жарад̇ий’’д̇и яаа имаа абарааби адта жарияаа вуд̇д̇аа, д̇аасам̣ саб̣б̣аасам̣ баарамид̇аасвзва самород̇хо взд̣̇ид̇аб̣б̣о. д̇зна вуд̇д̇ам̣ ‘‘жарид̇анд̇и жарияаа, самад̇д̇им̣сабаарамисан̇г̇ахаа д̣̇аанасийлаад̣̇ибадибад̇д̇ий’’д̇и. хзд̇ужарияааяа зва бана ид̇хаад̇хиббзд̇ад̇д̇аа маг̇г̇ажарияаабад̇д̇ижарияаанам̣ ид̇ха анаварод̇хо взд̣̇ид̇аб̣б̣о. д̇зна вуд̇д̇ам̣ ‘‘саб̣б̣ам̣ д̇ам̣ б̣од̇хибаажана’’нд̇и.

    Yaṃ caritaṃ, sabbaṃ taṃ bodhipācananti ettha caritanti cariyā, samattiṃsapāramisaṅgahā dānasīlādipaṭipatti, ñātatthacariyālokatthacariyābuddhatthacariyānaṃ tadantogadhattā. Tathā yā cimā aṭṭha cariyā, seyyathidaṃ – paṇidhisampannānaṃ catūsu iriyāpathesu iriyāpathacariyā, indriyesu guttadvārānaṃ ajjhattikāyatanesu āyatanacariyā, appamādavihārīnaṃ catūsu satipaṭṭhānesu saticariyā, adhicittamanuyuttānaṃ catūsu jhānesu samādhicariyā, buddhisampannānaṃ catūsu ariyasaccesu ñāṇacariyā, sammā paṭipannānaṃ catūsu ariyamaggesu maggacariyā, adhigataphalānaṃ catūsu sāmaññaphalesu patticariyā, tiṇṇaṃ buddhānaṃ sabbasattesu lokatthacariyāti. Tattha padesato dvinnaṃ bodhisattānaṃ paccekabuddhabuddhasāvakānañca lokatthacariyā, mahābodhisattānaṃ pana sammāsambuddhānañca nippadesato. Vuttañhetaṃ niddese (cūḷani. khaggavisāṇasuttaniddesa 121; paṭi. ma. 1.197) ‘‘cariyāti aṭṭha cariyāyo iriyāpathacariyā āyatanacariyā’’ti vitthāro. ‘‘Adhimuccanto saddhāya carati, paggaṇhanto vīriyena carati, upaṭṭhahanto satiyā carati, avikkhipanto samādhinā carati, pajānanto paññāya carati, vijānanto viññāṇena carati, evampi paṭipannassa kusalā dhammā āyatantīti āyatanacariyāya carati, evampi paṭipanno visesamadhigacchatīti visesacariyāya caratī’’ti yā imā aparāpi aṭṭha cariyā vuttā, tāsaṃ sabbāsaṃ pāramitāsveva samorodho veditabbo. Tena vuttaṃ ‘‘caritanti cariyā, samattiṃsapāramisaṅgahā dānasīlādipaṭipattī’’ti. Hetucariyāya eva pana idhādhippetattā maggacariyāpatticariyānaṃ idha anavarodho veditabbo. Tena vuttaṃ ‘‘sabbaṃ taṃ bodhipācana’’nti.

    д̇ад̇т̇а саб̣б̣а-сад̣̇д̣̇о саб̣б̣асаб̣б̣ам̣ ааяад̇анасаб̣б̣ам̣ саггааяасаб̣б̣ам̣ бад̣̇зсасаб̣б̣анд̇и жад̇уусу ад̇т̇зсу д̣̇иссад̇и. д̇ат̇аа хи ‘‘саб̣б̣з д̇хаммаа саб̣б̣аагаарзна б̣уд̣̇д̇хасса бхаг̇авад̇о н̃аан̣амукз аабаат̇амааг̇ажчанд̇ий’’д̇иаад̣̇ийсу (махаани. 156; жуул̣ани. могхарааж̇амаан̣авабужчаанид̣̇д̣̇зса 85) саб̣б̣асаб̣б̣асмим̣. ‘‘саб̣б̣ам̣ во, бхигкавз, д̣̇зсзссаами д̇ам̣ сун̣аат̇а, гин̃жа, бхигкавз, саб̣б̣ам̣ жагкун̃жзва руубаа жа…бз… мано жзва д̇хаммаа жаа’’д̇и (сам̣. ни. 4.23) зд̇т̇а ааяад̇анасаб̣б̣асмим̣. ‘‘саб̣б̣ам̣ саб̣б̣ад̇о сан̃ж̇аанаад̇ий’’д̇иаад̣̇ийсу (ма. ни. 1.6) саггааяасаб̣б̣асмим̣. ‘‘саб̣б̣зсамби во, саарибуд̇д̇а, субхаасид̇ам̣ барияааязнаа’’д̇иаад̣̇ийсу (ма. ни. 1.345) бад̣̇зсасаб̣б̣асмим̣. ид̇хааби бад̣̇зсасаб̣б̣асмим̣ зва взд̣̇ид̇аб̣б̣о, б̣од̇хисамбхаарабхууд̇асса жарид̇асса ад̇хиббзд̇ад̇д̇аа.

    Tattha sabba-saddo sabbasabbaṃ āyatanasabbaṃ sakkāyasabbaṃ padesasabbanti catūsu atthesu dissati. Tathā hi ‘‘sabbe dhammā sabbākārena buddhassa bhagavato ñāṇamukhe āpāthamāgacchantī’’tiādīsu (mahāni. 156; cūḷani. mogharājamāṇavapucchāniddesa 85) sabbasabbasmiṃ. ‘‘Sabbaṃ vo, bhikkhave, desessāmi taṃ suṇātha, kiñca, bhikkhave, sabbaṃ cakkhuñceva rūpā ca…pe… mano ceva dhammā cā’’ti (saṃ. ni. 4.23) ettha āyatanasabbasmiṃ. ‘‘Sabbaṃ sabbato sañjānātī’’tiādīsu (ma. ni. 1.6) sakkāyasabbasmiṃ. ‘‘Sabbesampi vo, sāriputta, subhāsitaṃ pariyāyenā’’tiādīsu (ma. ni. 1.345) padesasabbasmiṃ. Idhāpi padesasabbasmiṃ eva veditabbo, bodhisambhārabhūtassa caritassa adhippetattā.

    б̣од̇хийд̇и ругкоби арияамаг̇г̇оби ниб̣б̣аанамби саб̣б̣ан̃н̃уд̇ан̃н̃аан̣амби. ‘‘б̣од̇хиругкамуулз батамаабхисамб̣уд̣̇д̇хо’’д̇и (махаава. 1; уд̣̇аа. 1) жа ‘‘анд̇араа жа г̇аяам̣ анд̇араа жа б̣од̇хи’’нд̇и (ма. ни. 1.285; махаава. 11) жа ааг̇ад̇адтаанз б̣уж̇жхад̇и зд̇т̇аад̇и ругко б̣од̇хи. ‘‘б̣од̇хи вужжад̇и жад̇уусу маг̇г̇зсу н̃аан̣а’’нд̇и (жуул̣ани. каг̇г̇ависаан̣асуд̇д̇анид̣̇д̣̇зса 121) ааг̇ад̇адтаанз жад̇д̇аари арияасажжаани б̣уж̇жхад̇и зд̇знаад̇и арияамаг̇г̇о б̣од̇хи. ‘‘бад̇ваана б̣од̇хим̣ амад̇ам̣ асан̇кад̇а’’нд̇и ааг̇ад̇адтаанз б̣уж̇жхад̇и зд̇асмим̣ нимид̇д̇абхууд̇зд̇и ниб̣б̣аанам̣ б̣од̇хи. ‘‘баббод̇и б̣од̇хим̣ варабхууримзд̇хасо’’д̇и (д̣̇ий. ни. 3.217) ааг̇ад̇адтаанз саб̣б̣з д̇хаммз саб̣б̣аагаарзна б̣уж̇жхад̇и зд̇знаад̇и саб̣б̣ан̃н̃уд̇ан̃н̃аан̣ам̣ б̣од̇хи. ид̇хааби саб̣б̣ан̃н̃уд̇ан̃н̃аан̣ам̣ ад̇хиббзд̇ам̣. арахад̇д̇амаг̇г̇асаб̣б̣ан̃н̃уд̇ан̃н̃аан̣аани ваа ид̇ха б̣од̇хийд̇и взд̣̇ид̇аб̣б̣аани (баараа. адта. 1.11), махааб̣од̇хияаа ад̇хиббзд̇ад̇д̇аа бхаг̇авад̇о. аасавагкаяан̃аан̣абад̣̇адтаанан̃хи саб̣б̣ан̃н̃уд̇ан̃н̃аан̣ам̣ саб̣б̣ан̃н̃уд̇ан̃н̃аан̣абад̣̇адтаанан̃жа аасавагкаяан̃аан̣ам̣ ‘‘махааб̣од̇хий’’д̇и вужжад̇и. зд̇т̇ааяам̣ сан̇кзбад̇т̇о – яат̇аавуд̇д̇агаалабарижчзд̣̇з яам̣ мама д̣̇аанаасийлаад̣̇ибадибад̇д̇исан̇каад̇ам̣ жарид̇ам̣, д̇ам̣ саб̣б̣ам̣ анавасзсам̣ махааб̣од̇хияаа баажанам̣ саад̇хагам̣ ниб̣б̣ад̇д̇аганд̇и. зд̇зна б̣од̇хисамбхаараанам̣ ниранд̇арабхааванам̣ д̣̇ассзд̇и. ат̇а ваа саб̣б̣анд̇и зд̇т̇анд̇арз яат̇аавуд̇д̇агаалабарижчзд̣̇з яам̣ жарид̇ам̣, д̇ам̣ саб̣б̣ам̣ сагаламзва анавасзсам̣ б̣од̇хисамбхаарабхууд̇амзва. зд̇зна саб̣б̣асамбхаарабхааванам̣ д̣̇ассзд̇и.

    Bodhīti rukkhopi ariyamaggopi nibbānampi sabbaññutaññāṇampi. ‘‘Bodhirukkhamūle paṭhamābhisambuddho’’ti (mahāva. 1; udā. 1) ca ‘‘antarā ca gayaṃ antarā ca bodhi’’nti (ma. ni. 1.285; mahāva. 11) ca āgataṭṭhāne bujjhati etthāti rukkho bodhi. ‘‘Bodhi vuccati catūsu maggesu ñāṇa’’nti (cūḷani. khaggavisāṇasuttaniddesa 121) āgataṭṭhāne cattāri ariyasaccāni bujjhati etenāti ariyamaggo bodhi. ‘‘Patvāna bodhiṃ amataṃ asaṅkhata’’nti āgataṭṭhāne bujjhati etasmiṃ nimittabhūteti nibbānaṃ bodhi. ‘‘Pappoti bodhiṃ varabhūrimedhaso’’ti (dī. ni. 3.217) āgataṭṭhāne sabbe dhamme sabbākārena bujjhati etenāti sabbaññutaññāṇaṃ bodhi. Idhāpi sabbaññutaññāṇaṃ adhippetaṃ. Arahattamaggasabbaññutaññāṇāni vā idha bodhīti veditabbāni (pārā. aṭṭha. 1.11), mahābodhiyā adhippetattā bhagavato. Āsavakkhayañāṇapadaṭṭhānañhi sabbaññutaññāṇaṃ sabbaññutaññāṇapadaṭṭhānañca āsavakkhayañāṇaṃ ‘‘mahābodhī’’ti vuccati. Etthāyaṃ saṅkhepattho – yathāvuttakālaparicchede yaṃ mama dānāsīlādipaṭipattisaṅkhātaṃ caritaṃ, taṃ sabbaṃ anavasesaṃ mahābodhiyā pācanaṃ sādhakaṃ nibbattakanti. Etena bodhisambhārānaṃ nirantarabhāvanaṃ dasseti. Atha vā sabbanti etthantare yathāvuttakālaparicchede yaṃ caritaṃ, taṃ sabbaṃ sakalameva anavasesaṃ bodhisambhārabhūtameva. Etena sabbasambhārabhāvanaṃ dasseti.

    д̇ассо хи б̣од̇хисамбхаарзсу бхааванаа саб̣б̣асамбхаарабхааванаа ниранд̇арабхааванаа жирагаалабхааванаа саггажжабхааванаа жаад̇и. д̇аасу ‘‘габбз жа сад̇асахассз, жад̇уро жа асан̇кияз’’д̇и иминаа жирагаалабхааванаа вуд̇д̇аа. яо жзд̇т̇а ажжанд̇асам̣яог̇о, д̇зна батамз ад̇т̇авигаббз саб̣б̣аг̇г̇ахан̣зна жа ниранд̇арабхааванаа, д̣̇уд̇ияз ад̇т̇авигаббз саб̣б̣ам̣ жарид̇а’’нд̇и иминаа саб̣б̣асамбхаарабхааванаа, б̣од̇хибаажана’’нд̇и иминаа саггажжабхааванаа вуд̇д̇аа ход̇и, яат̇аа д̇ам̣ жарид̇ам̣ саммаасамб̣од̇хим̣ баажзд̇и звам̣бхууд̇абхаавад̣̇ийбанад̇о. д̇ат̇аа хи д̇ам̣ ‘‘б̣од̇хибаажана’’нд̇и вад̇д̇аб̣б̣ад̇ам̣ арахад̇и, на ан̃н̃ат̇аад̇и. гат̇ам̣ банзд̇т̇а б̣од̇хижарияааяа ниранд̇арабхааво взд̣̇ид̇аб̣б̣о? яад̣̇и жид̇д̇аниранд̇арад̇ааяа д̇ам̣ на яуж̇ж̇ад̇и, на хи махааб̣од̇хисад̇д̇аанам̣ махаабхинийхаарад̇о уд̣̇д̇хам̣ б̣од̇хисамбхаарасамбхаран̣ажид̇д̇ад̇о ан̃н̃ам̣ жид̇д̇ам̣ наббавад̇д̇ад̇ийд̇и саггаа вад̇д̇ум̣. ат̇а гирияамаяажид̇д̇аббавад̇д̇им̣ санд̇хааяа вужжзяяа, звамби на яуж̇ж̇ад̇и, на хи саб̣б̣аани д̇зсам̣ гирияамаяажид̇д̇аани б̣од̇хисамбхаарасамбхаран̣авасзнзва бавад̇д̇анд̇и. зд̇знзва баяог̇аниранд̇арад̇ааби бадигкид̇д̇аад̇и д̣̇адтаб̣б̣аа. ж̇аад̇иниранд̇арад̇ааяа бана ниранд̇арабхааванаа взд̣̇ид̇аб̣б̣аа. яассан̃хи ж̇аад̇ияам̣ махааб̣од̇хисад̇д̇зна махаабан̣ид̇хаанам̣ ниб̣б̣ад̇д̇ид̇ам̣, д̇ад̇о бадтааяа яаава жаримад̇д̇абхааваа на саа наама ж̇аад̇и убалаб̣бхад̇и, яаа саб̣б̣зна саб̣б̣ам̣ б̣од̇хисамбхаарасамбхад̇аа на сияаа анд̇амасо д̣̇аанабаарамимад̇д̇ам̣ убаад̣̇ааяа. аяан̃хи нияад̇ибад̇т̇ид̇аанам̣ б̣од̇хисад̇д̇аанам̣ д̇хаммад̇аа. яаава жа д̇з гаммаад̣̇ийсу васийбхаавам̣ на баабун̣анд̇и, д̇аава саббад̣̇зсамби самбхаарзсу баяог̇амаабаж̇ж̇анд̇и. яад̣̇аа бана саб̣б̣асо гаммаад̣̇ийсу васийбхааваббад̇д̇аа хонд̇и, ат̇а д̇ад̇о бадтааяа ниббад̣̇зсад̇о зва б̣од̇хисамбхаарзсу самийханам̣ саад̇ажжагирияаа жа самбаж̇ж̇ад̇и. саггажжагаарид̇аа бана саб̣б̣агаалам̣ ход̇и, звам̣ язна язна б̣од̇хисад̇д̇аанам̣ д̇ад̇т̇а д̇ад̇т̇а яат̇аад̇хиббааяам̣ самиж̇жханам̣ самбаж̇ж̇ад̇ийд̇и. звамзд̇ааяа г̇аат̇ааяа б̣од̇хисамбхаарзсу саб̣б̣асамбхаарабхааванаа жирагаалабхааванаа ниранд̇арабхааванаа саггажжабхааванаа жаад̇и жад̇ассоби бхааванаа багаасид̇аад̇и взд̣̇ид̇аб̣б̣аа.

    Tasso hi bodhisambhāresubhāvanā sabbasambhārabhāvanā nirantarabhāvanā cirakālabhāvanā sakkaccabhāvanā cāti. Tāsu ‘‘kappe ca satasahasse, caturo ca asaṅkhiye’’ti iminā cirakālabhāvanā vuttā. Yo cettha accantasaṃyogo, tena paṭhame atthavikappe sabbaggahaṇena ca nirantarabhāvanā, dutiye atthavikappe sabbaṃ carita’’nti iminā sabbasambhārabhāvanā, bodhipācana’’nti iminā sakkaccabhāvanā vuttā hoti, yathā taṃ caritaṃ sammāsambodhiṃ pāceti evaṃbhūtabhāvadīpanato. Tathā hi taṃ ‘‘bodhipācana’’nti vattabbataṃ arahati, na aññathāti. Kathaṃ panettha bodhicariyāya nirantarabhāvo veditabbo? Yadi cittanirantaratāya taṃ na yujjati, na hi mahābodhisattānaṃ mahābhinīhārato uddhaṃ bodhisambhārasambharaṇacittato aññaṃ cittaṃ nappavattatīti sakkā vattuṃ. Atha kiriyamayacittappavattiṃ sandhāya vucceyya, evampi na yujjati, na hi sabbāni tesaṃ kiriyamayacittāni bodhisambhārasambharaṇavaseneva pavattanti. Eteneva payoganirantaratāpi paṭikkhittāti daṭṭhabbā. Jātinirantaratāya pana nirantarabhāvanā veditabbā. Yassañhi jātiyaṃ mahābodhisattena mahāpaṇidhānaṃ nibbattitaṃ, tato paṭṭhāya yāva carimattabhāvā na sā nāma jāti upalabbhati, yā sabbena sabbaṃ bodhisambhārasambhatā na siyā antamaso dānapāramimattaṃ upādāya. Ayañhi niyatipatthitānaṃ bodhisattānaṃ dhammatā. Yāva ca te kammādīsu vasībhāvaṃ na pāpuṇanti, tāva sappadesampi sambhāresu payogamāpajjanti. Yadā pana sabbaso kammādīsu vasībhāvappattā honti, atha tato paṭṭhāya nippadesato eva bodhisambhāresu samīhanaṃ sātaccakiriyā ca sampajjati. Sakkaccakāritā pana sabbakālaṃ hoti, evaṃ yena yena bodhisattānaṃ tattha tattha yathādhippāyaṃ samijjhanaṃ sampajjatīti. Evametāya gāthāya bodhisambhāresu sabbasambhārabhāvanā cirakālabhāvanā nirantarabhāvanā sakkaccabhāvanā cāti catassopi bhāvanā pakāsitāti veditabbā.

    д̇ад̇ра яасмаа б̣од̇хисад̇д̇ажарид̇ам̣ б̣од̇хисамбхаараа б̣од̇хижарияаа аг̇г̇аяаанам̣ баарамияод̇и ад̇т̇ад̇о згам̣, б̣яан̃ж̇анамзва наанам̣, яасмаа жа барад̇о вибхааг̇зна вагкамаанаанам̣ д̣̇аанабаарамиаад̣̇ийнам̣ жарид̇анд̇и ид̣̇ам̣ ависзсаважанам̣, д̇асмаа саб̣б̣аб̣од̇хисамбхаарзсу госаллаж̇ананад̇т̇ам̣ баарамияо ид̇ха сам̣ван̣н̣зд̇аб̣б̣аа. д̇аа барад̇о багин̣н̣агагат̇ааяам̣ саб̣б̣аагаарзна сам̣ван̣н̣аяиссаама.

    Tatra yasmā bodhisattacaritaṃ bodhisambhārā bodhicariyā aggayānaṃ pāramiyoti atthato ekaṃ, byañjanameva nānaṃ, yasmā ca parato vibhāgena vakkhamānānaṃ dānapāramiādīnaṃ caritanti idaṃ avisesavacanaṃ, tasmā sabbabodhisambhāresu kosallajananatthaṃ pāramiyo idha saṃvaṇṇetabbā. Tā parato pakiṇṇakakathāyaṃ sabbākārena saṃvaṇṇayissāma.

    2. ид̇и бхаг̇аваа ад̇д̇ано б̣од̇хисад̇д̇абхуумияам̣ жарид̇ам̣ аарамбхад̇о бадтааяа яаава барияосаанаа махааб̣од̇хияаа барибаажанамзваад̇и ависзсад̇о д̣̇ассзд̇ваа ид̣̇аани д̇асса барамуггам̣саг̇аманзна ад̇исаяад̇о б̣од̇хибарибаажанабхаавам̣ д̣̇ассзд̇ум̣ имасмим̣ бхад̣̇д̣̇агаббз гад̇ибаяаа буб̣б̣ажарияаа вибхааг̇ад̇о вибхаавзнд̇о ‘‘ад̇ийд̇агаббз’’д̇иаад̣̇имааха.

    2. Iti bhagavā attano bodhisattabhūmiyaṃ caritaṃ ārambhato paṭṭhāya yāva pariyosānā mahābodhiyā paripācanamevāti avisesato dassetvā idāni tassa paramukkaṃsagamanena atisayato bodhiparipācanabhāvaṃ dassetuṃ imasmiṃ bhaddakappe katipayā pubbacariyā vibhāgato vibhāvento ‘‘atītakappe’’tiādimāha.

    д̇ад̇т̇а ад̇ийд̇агаббзд̇и ид̇о буримз буримад̇арз ваа саб̣б̣асмим̣ ад̇игганд̇з яат̇аавуд̇д̇абарижчзд̣̇з махаагаббз, габбаанам̣ сад̇асахассаад̇хигзсу жад̇уусу асан̇кязяязсууд̇и ад̇т̇о. жарид̇анд̇и жин̣н̣ам̣ д̣̇аанаад̣̇ибадибад̇д̇им̣. табаяид̇ваад̇и мун̃жид̇ваа аг̇г̇ахзд̇ваа, авад̇ваад̇и ад̇т̇о. бхаваабхавзд̇и бхавз жа абхавз жа, ‘‘ид̇ибхаваабхавагат̇а’’нд̇и (д̣̇ий. ни. 1.17) зд̇т̇а хи вуд̣̇д̇хихаанияо бхаваабхаваад̇и вуд̇д̇аа. ‘‘ид̇ибхаваабхавад̇ан̃жа вийд̇ивад̇д̇о’’д̇и (уд̣̇аа. 20) зд̇т̇а самбад̇д̇ивибад̇д̇ивуд̣̇д̇хихаанисассад̇ужчзд̣̇абун̃н̃абаабаанибхаваабхаваад̇и ад̇хиббзд̇аани. ‘‘ид̇ибхаваабхавахзд̇у ваа, бхигкавз, бхигкуно д̇ан̣хаа уббаж̇ж̇амаанаа уббаж̇ж̇ад̇ий’’д̇и (а. ни. 4.9; ид̇иву. 105) зд̇т̇а бана бан̣ийд̇абан̣ийд̇ад̇араани саббинаванийд̇аад̣̇ибхзсаж̇ж̇аани бхаваабхаваад̇и ад̇хиббзд̇аани. самбад̇д̇ибхавзсу бан̣ийд̇ад̇араа бан̣ийд̇ад̇амаа бхаваабхаваад̇иби вад̣̇анд̇и зва, д̇асмаа ид̇хааби со зва ад̇т̇о взд̣̇ид̇аб̣б̣о, куд̣̇д̣̇агз жзва маханд̇з жа бхавасминд̇и вуд̇д̇ам̣ ход̇и. имамхи габбзд̇и имасмим̣ бхад̣̇д̣̇агаббз. бавагкиссанд̇и гат̇аяиссам̣. сун̣охийд̇и д̇хаммасзнаабад̇им̣ саванз нияож̇зд̇и. мзд̇и мама санд̇игз, мама бхаасад̇од̇и ад̇т̇о.

    Tattha atītakappeti ito purime purimatare vā sabbasmiṃ atikkante yathāvuttaparicchede mahākappe, kappānaṃ satasahassādhikesu catūsu asaṅkhyeyyesūti attho. Caritanti ciṇṇaṃ dānādipaṭipattiṃ. Ṭhapayitvāti muñcitvā aggahetvā, avatvāti attho. Bhavābhaveti bhave ca abhave ca, ‘‘itibhavābhavakatha’’nti (dī. ni. 1.17) ettha hi vuddhihāniyo bhavābhavāti vuttā. ‘‘Itibhavābhavatañca vītivatto’’ti (udā. 20) ettha sampattivipattivuddhihānisassatucchedapuññapāpānibhavābhavāti adhippetāni. ‘‘Itibhavābhavahetu vā, bhikkhave, bhikkhuno taṇhā uppajjamānā uppajjatī’’ti (a. ni. 4.9; itivu. 105) ettha pana paṇītapaṇītatarāni sappinavanītādibhesajjāni bhavābhavāti adhippetāni. Sampattibhavesu paṇītatarā paṇītatamā bhavābhavātipi vadanti eva, tasmā idhāpi so eva attho veditabbo, khuddake ceva mahante ca bhavasminti vuttaṃ hoti. Imamhi kappeti imasmiṃ bhaddakappe. Pavakkhissanti kathayissaṃ. Suṇohīti dhammasenāpatiṃ savane niyojeti. Meti mama santike, mama bhāsatoti attho.

    нид̣̇аанагат̇аа нидтид̇аа.

    Nidānakathā niṭṭhitā.

    1. агид̇д̇иваг̇г̇о

    1. Akittivaggo

    1. агид̇д̇ижарияааван̣н̣анаа

    1. Akitticariyāvaṇṇanā

    3. звам̣ бхаг̇аваа ааяасмад̇о саарибуд̇д̇ад̇т̇зрасса сад̣̇звамануссааяа жа барисааяа ад̇д̇ано буб̣б̣ажарияааяа саванз уссаахам̣ ж̇анзд̇ваа ид̣̇аани д̇ам̣ буб̣б̣ажарид̇ам̣ бхаванд̇арабадижчаннам̣ хад̇т̇ад̇алз аамалагам̣ вияа бажжагкам̣ гаронд̇о ‘‘яад̣̇аа ахам̣ б̣рахааран̃н̃з’’д̇иаад̣̇имааха.

    3. Evaṃ bhagavā āyasmato sāriputtattherassa sadevamanussāya ca parisāya attano pubbacariyāya savane ussāhaṃ janetvā idāni taṃ pubbacaritaṃ bhavantarapaṭicchannaṃ hatthatale āmalakaṃ viya paccakkhaṃ karonto ‘‘yadā ahaṃ brahāraññe’’tiādimāha.

    д̇ад̇т̇а яад̣̇аад̇и яасмим̣ гаалз. б̣рахааран̃н̃зд̇и махаааран̃н̃з, аран̃н̃аанияам̣, маханд̇з ванзд̇и ад̇т̇о. сун̃н̃зд̇и ж̇анавивид̇д̇з. вибинагаананзд̇и вибинабхууд̇з гаананз, бад̣̇ад̣̇ваязнааби д̇асса аран̃н̃асса г̇аханабхаавамзва д̣̇ийбзд̇и, саб̣б̣амзд̇ам̣ гаарад̣̇ийбам̣ санд̇хааяа вуд̇д̇ам̣. аж̇жхог̇аахзд̇ваад̇и анубависид̇ваа. вихараамийд̇и д̣̇иб̣б̣аб̣рахмаарияааанзн̃ж̇авихаарзхи самуббаад̣̇ид̇асукависзсзна ирияаабат̇авихаарзна сарийрад̣̇угкам̣ вижчинд̣̇ид̇ваа хараами ад̇д̇абхаавам̣ бавад̇д̇зми. агид̇д̇и наама д̇аабасод̇и звам̣наамаго д̇аабасо худ̇ваа яад̣̇аа ахам̣ д̇асмим̣ аран̃н̃з вихараамийд̇и ад̇т̇о. сад̇т̇аа д̇ад̣̇аа ад̇д̇ано агид̇д̇ид̇аабасабхаавам̣ д̇хаммасзнаабад̇исса вад̣̇ад̇и. д̇ад̇рааяам̣ анубуб̣б̣игат̇аа –

    Tattha yadāti yasmiṃ kāle. Brahāraññeti mahāaraññe, araññāniyaṃ, mahante vaneti attho. Suññeti janavivitte. Vipinakānaneti vipinabhūte kānane, padadvayenāpi tassa araññassa gahanabhāvameva dīpeti, sabbametaṃ kāradīpaṃ sandhāya vuttaṃ. Ajjhogāhetvāti anupavisitvā. Viharāmīti dibbabrahmaariyaāneñjavihārehi samuppāditasukhavisesena iriyāpathavihārena sarīradukkhaṃ vicchinditvā harāmi attabhāvaṃ pavattemi. Akitti nāma tāpasoti evaṃnāmako tāpaso hutvā yadā ahaṃ tasmiṃ araññe viharāmīti attho. Satthā tadā attano akittitāpasabhāvaṃ dhammasenāpatissa vadati. Tatrāyaṃ anupubbikathā –

    ад̇ийд̇з гира имасмим̣язва бхад̣̇д̣̇агаббз б̣аараан̣асияам̣ б̣рахмад̣̇ад̇д̇з наама рааж̇ини раж̇ж̇ам̣ гаарзнд̇з б̣од̇хисад̇д̇о асийд̇игодивибхавасса б̣раахман̣амахаасааласса гулз ниб̣б̣ад̇д̇и, ‘‘агид̇д̇ий’’д̇исса наамам̣ гарим̣су. д̇асса бад̣̇асаа г̇аманагаалз бхаг̇инийби ж̇ааяи. ‘‘яасавад̇ий’’д̇иссаа наамам̣ гарим̣су. со сол̣асавассагаалз д̇аггасилам̣ г̇анд̇ваа саб̣б̣асиббаани уг̇г̇ахзд̇ваа бажжааг̇амааси. ат̇асса маад̇аабид̇аро гааламагам̣су. со д̇зсам̣ бзд̇агижжаани гаарзд̇ваа гад̇ибаяад̣̇ивасаад̇иггамзна рад̇анаавалоганам̣ ааяуд̇д̇агабурисзхи гаараяамаано ‘‘зд̇д̇агам̣ мад̇д̇игам̣, зд̇д̇агам̣ бзд̇д̇игам̣, зд̇д̇агам̣ бид̇аамаха’’нд̇и суд̇ваа сам̣виг̇г̇амаанасо худ̇ваа ‘‘ид̣̇ам̣ д̇ханамзва бан̃н̃ааяад̇и, на д̇ханасса сам̣хаарагаа, саб̣б̣з имам̣ д̇ханам̣ бахааязва г̇ад̇аа, ахам̣ бана нам̣ аад̣̇ааяа г̇амиссаамий’’д̇и рааж̇аанам̣ аабужчид̇ваа бхзрим̣ жараабзси – ‘‘д̇ханзна ад̇т̇игаа агид̇д̇ибан̣д̣ид̇асса г̇зхам̣ ааг̇ажчанд̇уу’’д̇и.

    Atīte kira imasmiṃyeva bhaddakappe bārāṇasiyaṃ brahmadatte nāma rājini rajjaṃ kārente bodhisatto asītikoṭivibhavassa brāhmaṇamahāsālassa kule nibbatti, ‘‘akittī’’tissa nāmaṃ kariṃsu. Tassa padasā gamanakāle bhaginīpi jāyi. ‘‘Yasavatī’’tissā nāmaṃ kariṃsu. So soḷasavassakāle takkasilaṃ gantvā sabbasippāni uggahetvā paccāgamāsi. Athassa mātāpitaro kālamakaṃsu. So tesaṃ petakiccāni kāretvā katipayadivasātikkamena ratanāvalokanaṃ āyuttakapurisehi kārayamāno ‘‘ettakaṃ mattikaṃ, ettakaṃ pettikaṃ, ettakaṃ pitāmaha’’nti sutvā saṃviggamānaso hutvā ‘‘idaṃ dhanameva paññāyati, na dhanassa saṃhārakā, sabbe imaṃ dhanaṃ pahāyeva gatā, ahaṃ pana naṃ ādāya gamissāmī’’ti rājānaṃ āpucchitvā bheriṃ carāpesi – ‘‘dhanena atthikā akittipaṇḍitassa gehaṃ āgacchantū’’ti.

    со сад̇д̇аахам̣ махаад̣̇аанам̣ бавад̇д̇зд̇ваа д̇ханз акийяамаанз ‘‘гим̣ мз имааяа д̇ханагийл̣ааяа, ад̇т̇игаа г̇ан̣хиссанд̇ий’’д̇и нивзсанад̣̇ваарам̣ виварид̇ваа хиран̃н̃асуван̣н̣аад̣̇ибхарид̇з саараг̇аб̣бхз вивараабзд̇ваа ‘‘д̣̇иннам̣язва харанд̇уу’’д̇и г̇зхам̣ бахааяа н̃аад̇ибариваддасса барид̣̇званд̇асса бхаг̇иним̣ г̇ахзд̇ваа б̣аараан̣асид̇о нигкамид̇ваа над̣̇им̣ уд̇д̇арид̇ваа д̣̇вз д̇ийн̣и яож̇анаани г̇анд̇ваа баб̣б̣аж̇ид̇ваа раман̣ийяз бхуумибхааг̇з бан̣н̣асаалам̣ гарид̇ваа васад̇и. язна бана д̣̇ваарзна д̇ад̣̇аа нигками, д̇ам̣ агид̇д̇ид̣̇ваарам̣ наама ж̇аад̇ам̣. язна д̇ид̇т̇зна над̣̇им̣ од̇ин̣н̣о, д̇ам̣ агид̇д̇ид̇ид̇т̇ам̣ наама ж̇аад̇ам̣. д̇асса баб̣б̣аж̇ид̇абхаавам̣ суд̇ваа б̣ахуу мануссаа г̇ааманиг̇амарааж̇ад̇хааниваасино д̇асса г̇ун̣зхи аагад̣дхияамаанахад̣̇аяаа анубаб̣б̣аж̇им̣су. махаабаривааро ахоси, махаалаабхасаггааро ниб̣б̣ад̇д̇и, б̣уд̣̇д̇хуббаад̣̇о вияа ахоси. ат̇а махаасад̇д̇о ‘‘аяам̣ лаабхасаггааро махаа, бариваароби маханд̇о, гааяавивзгамад̇д̇амби ид̇ха на лабхад̇и, маяаа згаагинаа вихарид̇ум̣ ваддад̇ий’’д̇и жинд̇зд̇ваа барамаббижчабхаавад̇о вивзганиннад̇ааяа жа гассажи аж̇аанаабзд̇ваа згагова нигкамид̇ваа анубуб̣б̣зна д̣̇амил̣арадтам̣ бад̇ваа гаавийрабадданасамийбз уяяаанз вихаранд̇о жхаанаабхин̃н̃ааяо ниб̣б̣ад̇д̇зси. д̇ад̇раабисса махаалаабхасаггааро уббаж̇ж̇и. со д̇ам̣ ж̇иг̇ужчанд̇о чад̣д̣зд̇ваа аагаасзна г̇анд̇ваа гаарад̣̇ийбз од̇ари. д̇ад̣̇аа гаарад̣̇ийбо ахид̣̇ийбо наама. со д̇ад̇т̇а маханд̇ам̣ гаараругкам̣ убаниссааяа бан̣н̣асаалам̣ маабзд̇ваа ваасам̣ габбзси. аббижчад̇ааяа бана гад̇т̇ажи аг̇анд̇ваа д̇асса ругкасса палагаалз палаани каад̣̇анд̇о палз асад̇и бад̇д̇аани уд̣̇агасид̇д̇аани каад̣̇анд̇о жхаанасамаабад̇д̇ийхи вийд̇инаамзси.

    So sattāhaṃ mahādānaṃ pavattetvā dhane akhīyamāne ‘‘kiṃ me imāya dhanakīḷāya, atthikā gaṇhissantī’’ti nivesanadvāraṃ vivaritvā hiraññasuvaṇṇādibharite sāragabbhe vivarāpetvā ‘‘dinnaṃyeva harantū’’ti gehaṃ pahāya ñātiparivaṭṭassa paridevantassa bhaginiṃ gahetvā bārāṇasito nikkhamitvā nadiṃ uttaritvā dve tīṇi yojanāni gantvā pabbajitvā ramaṇīye bhūmibhāge paṇṇasālaṃ karitvā vasati. Yena pana dvārena tadā nikkhami, taṃ akittidvāraṃ nāma jātaṃ. Yena titthena nadiṃ otiṇṇo, taṃ akittititthaṃ nāma jātaṃ. Tassa pabbajitabhāvaṃ sutvā bahū manussā gāmanigamarājadhānivāsino tassa guṇehi ākaḍḍhiyamānahadayā anupabbajiṃsu. Mahāparivāro ahosi, mahālābhasakkāro nibbatti, buddhuppādo viya ahosi. Atha mahāsatto ‘‘ayaṃ lābhasakkāro mahā, parivāropi mahanto, kāyavivekamattampi idha na labhati, mayā ekākinā viharituṃ vaṭṭatī’’ti cintetvā paramappicchabhāvato vivekaninnatāya ca kassaci ajānāpetvā ekakova nikkhamitvā anupubbena damiḷaraṭṭhaṃ patvā kāvīrapaṭṭanasamīpe uyyāne viharanto jhānābhiññāyo nibbattesi. Tatrāpissa mahālābhasakkāro uppajji. So taṃ jigucchanto chaḍḍetvā ākāsena gantvā kāradīpe otari. Tadā kāradīpo ahidīpo nāma. So tattha mahantaṃ kārarukkhaṃ upanissāya paṇṇasālaṃ māpetvā vāsaṃ kappesi. Appicchatāya pana katthaci agantvā tassa rukkhassa phalakāle phalāni khādanto phale asati pattāni udakasittāni khādanto jhānasamāpattīhi vītināmesi.

    д̇асса сийлад̇зж̇зна саггасса бан̣д̣угамб̣аласилаасанам̣ ун̣хаагаарам̣ д̣̇ассзси. сагго ‘‘го ну ко мам̣ имамхаа таанаа жаавзд̇угаамо’’д̇и ааваж̇ж̇знд̇о бан̣д̣ид̇ам̣ д̣̇исваа ‘‘гимад̇т̇ам̣ ну ко аяам̣ д̇аабасо звам̣ д̣̇уггарам̣ д̇абам̣ жарад̇и, саггад̇д̇ам̣ ну ко бад̇т̇зд̇и, уд̣̇ааху ан̃н̃ам̣, виймам̣сиссаами нам̣. аяан̃хи сувисуд̣̇д̇хагааяаважийманосамаажааро ж̇ийвид̇з нирабзгко уд̣̇агасид̇д̇аани гаарабад̇д̇аани каад̣̇ад̇и, сажз саггад̇д̇ам̣ бад̇т̇зд̇и ад̇д̇ано сид̇д̇аани гаарабад̇д̇аани маяхам̣ д̣̇ассад̇и, но жз, на д̣̇ассад̇ий’’д̇и б̣раахман̣аван̣н̣зна д̇асса санд̇игам̣ аг̇амааси . б̣од̇хисад̇д̇оби гаарабад̇д̇аани сзд̣̇зд̇ваа ‘‘сийд̇алийбхууд̇аани каад̣̇иссаамий’’д̇и бан̣н̣асаалад̣̇ваарз нисийд̣̇и. ат̇асса бурад̇о сагго б̣раахман̣аруубзна бхигкааяа ад̇т̇иго худ̇ваа адтааси. махаасад̇д̇о д̇ам̣ д̣̇исваа ‘‘лаабхаа вад̇а мз, сулад̣̇д̇хам̣ вад̇а мз, жирассам̣ вад̇а мз яаажаго д̣̇идто’’д̇и соманассаббад̇д̇о худ̇ваа ‘‘аж̇ж̇а мама манорат̇ам̣ мад̇т̇агам̣ баабзд̇ваа д̣̇аанам̣ д̣̇ассаамий’’д̇и баггабхааж̇анзнзва аад̣̇ааяа г̇анд̇ваа д̣̇аанабаарамим̣ ааваж̇ж̇зд̇ваа ад̇д̇ано асзсзд̇ваава д̇асса бхигкаабхааж̇анз багкиби. сагго д̇ам̣ г̇ахзд̇ваа т̇огам̣ г̇анд̇ваа анд̇арад̇хааяи. махаасад̇д̇оби д̇асса д̣̇ад̇ваа буна барияздтим̣ анаабаж̇ж̇ид̇ваа д̇знзва бийд̇исукзна вийд̇инаамзси.

    Tassa sīlatejena sakkassa paṇḍukambalasilāsanaṃ uṇhākāraṃ dassesi. Sakko ‘‘ko nu kho maṃ imamhā ṭhānā cāvetukāmo’’ti āvajjento paṇḍitaṃ disvā ‘‘kimatthaṃ nu kho ayaṃ tāpaso evaṃ dukkaraṃ tapaṃ carati, sakkattaṃ nu kho pattheti, udāhu aññaṃ, vīmaṃsissāmi naṃ. Ayañhi suvisuddhakāyavacīmanosamācāro jīvite nirapekkho udakasittāni kārapattāni khādati, sace sakkattaṃ pattheti attano sittāni kārapattāni mayhaṃ dassati, no ce, na dassatī’’ti brāhmaṇavaṇṇena tassa santikaṃ agamāsi . Bodhisattopi kārapattāni sedetvā ‘‘sītalībhūtāni khādissāmī’’ti paṇṇasāladvāre nisīdi. Athassa purato sakko brāhmaṇarūpena bhikkhāya atthiko hutvā aṭṭhāsi. Mahāsatto taṃ disvā ‘‘lābhā vata me, suladdhaṃ vata me, cirassaṃ vata me yācako diṭṭho’’ti somanassappatto hutvā ‘‘ajja mama manorathaṃ matthakaṃ pāpetvā dānaṃ dassāmī’’ti pakkabhājaneneva ādāya gantvā dānapāramiṃ āvajjetvā attano asesetvāva tassa bhikkhābhājane pakkhipi. Sakko taṃ gahetvā thokaṃ gantvā antaradhāyi. Mahāsattopi tassa datvā puna pariyeṭṭhiṃ anāpajjitvā teneva pītisukhena vītināmesi.

    д̣̇уд̇ияад̣̇ивасз бана гаарабад̇д̇аани бажид̇ваа ‘‘хияяо д̣̇агкин̣зяяам̣ алабхим̣, аж̇ж̇а ну ко гат̇а’’нд̇и бан̣н̣асаалад̣̇ваарз нисийд̣̇и. саггоби д̇ат̇зва ааг̇ами. махаасад̇д̇о бунаби д̇ат̇зва д̣̇ад̇ваа вийд̇инаамзси. д̇ад̇ияад̣̇ивасз жа д̇ат̇зва д̣̇ад̇ваа ‘‘ахо вад̇а мз лаабхаа, б̣ахум̣ вад̇а бун̃н̃ам̣ басаваами, сажаахам̣ д̣̇агкин̣зяяам̣ лабхзяяам̣, звамзва маасамби д̣̇взмаасамби д̣̇аанам̣ д̣̇ад̣̇зяяа’’нд̇и жинд̇зси. д̇ийсуби д̣̇ивасзсу ‘‘д̇зна д̣̇аанзна на лаабхасаггаарасилогам̣ на жаггавад̇д̇исамбад̇д̇им̣ на саггасамбад̇д̇им̣ на б̣рахмасамбад̇д̇им̣ на саавагаб̣од̇хим̣ на бажжзгаб̣од̇хим̣ бад̇т̇зми, аби жа ид̣̇ам̣ мз д̣̇аанам̣ саб̣б̣ан̃н̃уд̇ан̃н̃аан̣асса бажжаяо ход̇уу’’д̇и яат̇аад̇хигаарам̣ жид̇д̇ам̣ табзси. д̇зна вуд̇д̇ам̣ –

    Dutiyadivase pana kārapattāni pacitvā ‘‘hiyyo dakkhiṇeyyaṃ alabhiṃ, ajja nu kho katha’’nti paṇṇasāladvāre nisīdi. Sakkopi tatheva āgami. Mahāsatto punapi tatheva datvā vītināmesi. Tatiyadivase ca tatheva datvā ‘‘aho vata me lābhā, bahuṃ vata puññaṃ pasavāmi, sacāhaṃ dakkhiṇeyyaṃ labheyyaṃ, evameva māsampi dvemāsampi dānaṃ dadeyya’’nti cintesi. Tīsupi divasesu ‘‘tena dānena na lābhasakkārasilokaṃ na cakkavattisampattiṃ na sakkasampattiṃ na brahmasampattiṃ na sāvakabodhiṃ na paccekabodhiṃ patthemi, api ca idaṃ me dānaṃ sabbaññutaññāṇassa paccayo hotū’’ti yathādhikāraṃ cittaṃ ṭhapesi. Tena vuttaṃ –

    4.

    4.

    ‘‘д̇ад̣̇аа мам̣ д̇абад̇зж̇зна, санд̇ад̇д̇о д̇ид̣̇иваабхибхуу;

    ‘‘Tadā maṃ tapatejena, santatto tidivābhibhū;

    д̇хаарзнд̇о б̣раахман̣аван̣н̣ам̣, бхигкааяа мам̣ убааг̇ами.

    Dhārento brāhmaṇavaṇṇaṃ, bhikkhāya maṃ upāgami.

    5.

    5.

    ‘‘баванаа аабхад̇ам̣ бан̣н̣ам̣, ад̇злан̃жа алон̣игам̣;

    ‘‘Pavanā ābhataṃ paṇṇaṃ, atelañca aloṇikaṃ;

    мама д̣̇ваарз тид̇ам̣ д̣̇исваа, сагадаахзна аагирим̣.

    Mama dvāre ṭhitaṃ disvā, sakaṭāhena ākiriṃ.

    6.

    6.

    ‘‘д̇асса д̣̇ад̇ваанахам̣ бан̣н̣ам̣, нигуж̇ж̇ид̇ваана бхааж̇анам̣;

    ‘‘Tassa datvānahaṃ paṇṇaṃ, nikujjitvāna bhājanaṃ;

    бунзсанам̣ ж̇ахид̇ваана, баависим̣ бан̣н̣асаалагам̣.

    Punesanaṃ jahitvāna, pāvisiṃ paṇṇasālakaṃ.

    7.

    7.

    ‘‘д̣̇уд̇ияамби д̇ад̇ияамби, убаг̇ан̃чи маманд̇игам̣;

    ‘‘Dutiyampi tatiyampi, upagañchi mamantikaṃ;

    агамбид̇о анолаг̇г̇о, звамзвамад̣̇аасахам̣.

    Akampito anolaggo, evamevamadāsahaṃ.

    8.

    8.

    ‘‘на мз д̇аббажжаяаа ад̇т̇и, сарийрасмим̣ виван̣н̣ияам̣;

    ‘‘Na me tappaccayā atthi, sarīrasmiṃ vivaṇṇiyaṃ;

    бийд̇исукзна рад̇ияаа, вийд̇инаамзми д̇ам̣ д̣̇ивам̣.

    Pītisukhena ratiyā, vītināmemi taṃ divaṃ.

    9.

    9.

    ‘‘яад̣̇и маасамби д̣̇взмаасам̣, д̣̇агкин̣зяяам̣ варам̣ лабхз;

    ‘‘Yadi māsampi dvemāsaṃ, dakkhiṇeyyaṃ varaṃ labhe;

    агамбид̇о анолийно, д̣̇ад̣̇зяяам̣ д̣̇аанамуд̇д̇амам̣.

    Akampito anolīno, dadeyyaṃ dānamuttamaṃ.

    10.

    10.

    ‘‘на д̇асса д̣̇аанам̣ д̣̇ад̣̇амаано, яасам̣ лаабхан̃жа бад̇т̇аяим̣;

    ‘‘Na tassa dānaṃ dadamāno, yasaṃ lābhañca patthayiṃ;

    саб̣б̣ан̃н̃уд̇ам̣ бад̇т̇аяаано, д̇аани гаммаани аажари’’нд̇и.

    Sabbaññutaṃ patthayāno, tāni kammāni ācari’’nti.

    д̇ад̇т̇а д̇ад̣̇аад̇и яад̣̇аа ахам̣ агид̇д̇инаамаго д̇аабасо худ̇ваа д̇асмим̣ д̣̇ийбз гаарааран̃н̃з вихараами, д̇ад̣̇аа . манд̇и мама. д̇абад̇зж̇знаад̇и сийлабаарамид̇аанубхаавзна. сийлан̃хи д̣̇ужжарид̇асам̣гилзсасса д̇абанад̇о ‘‘д̇або’’д̇и вужжад̇и, нзгкаммавийрияабаарамид̇аанубхаавзна ваа. д̇ааби хи д̇ан̣хаасам̣гилзсасса госаж̇ж̇асса жа д̇абанад̇о ‘‘д̇або’’д̇и вужжад̇и, уггам̣саг̇ад̇аа жа д̇аа б̣од̇хисад̇д̇асса имасмим̣ ад̇д̇абхаавзд̇и. канд̇исам̣варасса жааби барамуггам̣саг̇аманад̇о ‘‘канд̇ибаарамид̇аанубхаавзнаа’’д̇иби вад̇д̇ум̣ ваддад̇зва. ‘‘канд̇ий барамам̣ д̇або’’д̇и (д̣̇ий. ни. 2.90; д̇ха. ба. 184) хи вуд̇д̇ам̣. санд̇ад̇д̇од̇и яат̇аавуд̇д̇аг̇ун̣аанубхааваж̇анид̇зна д̇хаммад̇аасид̣̇д̇хзна бан̣д̣угамб̣аласилаасанасса ун̣хаагаарзна санд̇аабид̇о. д̇ид̣̇иваабхибхууд̇и д̣̇звалогаад̇хибад̇и, саггод̇и ад̇т̇о. бан̣н̣асаалааяа самийбз г̇ахид̇амби гаарабан̣н̣ам̣ бан̣н̣асаалааяа аран̃н̃амаж̇жхаг̇ад̇ад̇д̇аа ‘‘баванаа аабхад̇а’’нд̇и вуд̇д̇ам̣.

    Tattha tadāti yadā ahaṃ akittināmako tāpaso hutvā tasmiṃ dīpe kārāraññe viharāmi, tadā . Manti mama. Tapatejenāti sīlapāramitānubhāvena. Sīlañhi duccaritasaṃkilesassa tapanato ‘‘tapo’’ti vuccati, nekkhammavīriyapāramitānubhāvena vā. Tāpi hi taṇhāsaṃkilesassa kosajjassa ca tapanato ‘‘tapo’’ti vuccati, ukkaṃsagatā ca tā bodhisattassa imasmiṃ attabhāveti. Khantisaṃvarassa cāpi paramukkaṃsagamanato ‘‘khantipāramitānubhāvenā’’tipi vattuṃ vaṭṭateva. ‘‘Khantī paramaṃ tapo’’ti (dī. ni. 2.90; dha. pa. 184) hi vuttaṃ. Santattoti yathāvuttaguṇānubhāvajanitena dhammatāsiddhena paṇḍukambalasilāsanassa uṇhākārena santāpito. Tidivābhibhūti devalokādhipati, sakkoti attho. Paṇṇasālāya samīpe gahitampi kārapaṇṇaṃ paṇṇasālāya araññamajjhagatattā ‘‘pavanā ābhata’’nti vuttaṃ.

    ад̇злан̃жа алон̣иганд̇и д̣̇зяяад̇хаммасса анул̣аарабхаавзби аж̇жхаасаяасамбад̇д̇ияаа д̣̇аанад̇хаммасса махааж̇уд̇игабхаавам̣ д̣̇ассзд̇ум̣ вуд̇д̇ам̣. мама д̣̇ваарзд̇и маяхам̣ бан̣н̣асаалааяа д̣̇ваарз. сагадаахзна аагиринд̇и иминаа ад̇д̇ано гин̃жиби асзсзд̇ваа д̣̇иннабхаавам̣ д̣̇ассзд̇и.

    Atelañca aloṇikanti deyyadhammassa anuḷārabhāvepi ajjhāsayasampattiyā dānadhammassa mahājutikabhāvaṃ dassetuṃ vuttaṃ. Mama dvāreti mayhaṃ paṇṇasālāya dvāre. Sakaṭāhena ākirinti iminā attano kiñcipi asesetvā dinnabhāvaṃ dasseti.

    бунзсанам̣ ж̇ахид̇ваанаад̇и ‘‘згад̣̇ивасам̣ д̣̇вигкад̇д̇ум̣ гхаасзсанам̣ на саллзка’’нд̇и жинд̇зд̇ваа д̣̇аанабийд̇ияаа д̇ид̇д̇о вияа худ̇ваа д̇асмим̣ д̣̇ивасз буна аахаарабарияздтим̣ агад̇ваа.

    Punesanaṃ jahitvānāti ‘‘ekadivasaṃ dvikkhattuṃ ghāsesanaṃ na sallekha’’nti cintetvā dānapītiyā titto viya hutvā tasmiṃ divase puna āhārapariyeṭṭhiṃ akatvā.

    агамбид̇од̇и суд̣̇ууравигкамбхид̇ад̇д̇аа мажчариязна ажалид̇о д̣̇аанаж̇жхаасаяад̇о жаланамад̇д̇амби агаарид̇о. анолаг̇г̇од̇и лобхавасзна ийсагамби алаг̇г̇о. д̇ад̇ияамбийд̇и би-сад̣̇д̣̇зна д̣̇уд̇ияамбийд̇и имам̣ самбин̣д̣зд̇и. звамзвамад̣̇аасаханд̇и яат̇аа батамам̣, звамзвам̣ д̣̇уд̇ияамби, д̇ад̇ияамби ад̣̇аасим̣ ахам̣.

    Akampitoti sudūravikkhambhitattā macchariyena acalito dānajjhāsayato calanamattampi akārito. Anolaggoti lobhavasena īsakampi alaggo. Tatiyampīti pi-saddena dutiyampīti imaṃ sampiṇḍeti. Evamevamadāsahanti yathā paṭhamaṃ, evamevaṃ dutiyampi, tatiyampi adāsiṃ ahaṃ.

    на мз д̇аббажжаяаад̇и г̇аат̇ааяа вуд̇д̇амзвад̇т̇ам̣ баагадам̣ гарод̇и. д̇ад̇т̇а д̇аббажжаяаад̇и д̣̇аанабажжаяаа д̇ийсу д̣̇ивасзсу чиннаахаарад̇ааяа сарийрасмим̣ язна взван̣н̣иязна бхавид̇аб̣б̣ам̣, д̇амби мз сарийрасмим̣ виван̣н̣ияам̣ д̣̇аанабажжаяааязва над̇т̇и . гасмаа? д̣̇аанависаязна бийд̇исукзна д̣̇аанависаяааяа зва жа рад̇ияаа. вийд̇инаамзми д̇ам̣ д̣̇иванд̇и д̇ам̣ сагалам̣ д̇имад̇д̇ад̣̇ивасам̣ вийд̇инаамзми, на гзвалан̃жа д̇ийн̣и зва д̣̇ивасаани, ат̇а ко маасад̣̇вимаасамад̇д̇амби гаалам̣, звамзва д̣̇аад̇ум̣ бахомийд̇и д̣̇ассзд̇ум̣ ‘‘яад̣̇и маасамбий’’д̇иаад̣̇и вуд̇д̇ам̣. анолийнод̇и алийнажид̇д̇о, д̣̇аанз асан̇гужид̇ажид̇д̇од̇и ад̇т̇о.

    Na me tappaccayāti gāthāya vuttamevatthaṃ pākaṭaṃ karoti. Tattha tappaccayāti dānapaccayā tīsu divasesu chinnāhāratāya sarīrasmiṃ yena vevaṇṇiyena bhavitabbaṃ, tampi me sarīrasmiṃ vivaṇṇiyaṃ dānapaccayāyeva natthi . Kasmā? Dānavisayena pītisukhena dānavisayāya eva ca ratiyā. Vītināmemi taṃ divanti taṃ sakalaṃ timattadivasaṃ vītināmemi, na kevalañca tīṇi eva divasāni, atha kho māsadvimāsamattampi kālaṃ, evameva dātuṃ pahomīti dassetuṃ ‘‘yadi māsampī’’tiādi vuttaṃ. Anolīnoti alīnacitto, dāne asaṅkucitacittoti attho.

    д̇ассаад̇и б̣раахман̣аруубзна ааг̇ад̇асса саггасса. яасанд̇и гид̇д̇им̣, бариваарасамбад̇д̇им̣ ваа. лаабхан̃жаад̇и д̣̇звамануссзсу жаггавад̇д̇иаад̣̇ибхаавзна лад̣̇д̇хаб̣б̣ам̣ лаабхам̣ ваа на бад̇т̇аяим̣. ат̇а ко саб̣б̣ан̃н̃уд̇ам̣ саммаасамб̣од̇хим̣ бад̇т̇аяаано ааган̇камаано д̇аани д̇ийсу д̣̇ивасзсу анзгаваарам̣ уббаннаани д̣̇аанамаяаани бун̃н̃агаммаани д̣̇аанасса ваа бариваарабхууд̇аани гааяасужарид̇аад̣̇ийни бун̃н̃агаммаани аажарим̣ агаасинд̇и.

    Tassāti brāhmaṇarūpena āgatassa sakkassa. Yasanti kittiṃ, parivārasampattiṃ vā. Lābhañcāti devamanussesu cakkavattiādibhāvena laddhabbaṃ lābhaṃ vā na patthayiṃ. Atha kho sabbaññutaṃ sammāsambodhiṃ patthayāno ākaṅkhamāno tāni tīsu divasesu anekavāraṃ uppannāni dānamayāni puññakammāni dānassa vā parivārabhūtāni kāyasucaritādīni puññakammāni ācariṃ akāsinti.

    ид̇и бхаг̇аваа д̇асмим̣ ад̇д̇абхаавз ад̇д̇ано суд̣̇уггарам̣ бун̃н̃ажарид̇амад̇д̇амзва ид̇ха махаат̇зрасса багаасзси. ж̇аад̇агад̣̇зсанааяам̣ бана жад̇уд̇т̇ад̣̇ивасз саггасса убасан̇гамид̇ваа б̣од̇хисад̇д̇асса аж̇жхаасаяаж̇аананам̣ варзна убаниманд̇анаа б̣од̇хисад̇д̇асса варасамбадижчанасийсзна д̇хаммад̣̇зсанаа д̣̇зяяад̇хаммад̣̇агкин̣зяяаанам̣ буна саггасса анааг̇аманасса жа ааган̇камаанад̇аа жа багаасид̇аа. вуд̇д̇ан̃хзд̇ам̣ –

    Iti bhagavā tasmiṃ attabhāve attano sudukkaraṃ puññacaritamattameva idha mahātherassa pakāsesi. Jātakadesanāyaṃ pana catutthadivase sakkassa upasaṅkamitvā bodhisattassa ajjhāsayajānanaṃ varena upanimantanā bodhisattassa varasampaṭicchanasīsena dhammadesanā deyyadhammadakkhiṇeyyānaṃ puna sakkassa anāgamanassa ca ākaṅkhamānatā ca pakāsitā. Vuttañhetaṃ –

    ‘‘агид̇д̇им̣ д̣̇исваана самманд̇ам̣, сагго бхууд̇абад̇ий б̣рави;

    ‘‘Akittiṃ disvāna sammantaṃ, sakko bhūtapatī bravi;

    гим̣ бад̇т̇аяам̣ махааб̣рахмз, зго саммаси гхаммани.

    Kiṃ patthayaṃ mahābrahme, eko sammasi ghammani.

    ‘‘д̣̇угко бунаб̣бхаво сагга, сарийрасса жа бхзд̣̇анам̣;

    ‘‘Dukkho punabbhavo sakka, sarīrassa ca bhedanaṃ;

    саммохамаран̣ам̣ д̣̇угкам̣, д̇асмаа саммаами, ваасава.

    Sammohamaraṇaṃ dukkhaṃ, tasmā sammāmi, vāsava.

    ‘‘зд̇асмим̣ д̇з сулабид̇з, бад̇ируубз субхаасид̇з;

    ‘‘Etasmiṃ te sulapite, patirūpe subhāsite;

    варам̣ гассаба д̇з д̣̇амми, яам̣ гин̃жи манасижчаси.

    Varaṃ kassapa te dammi, yaṃ kiñci manasicchasi.

    ‘‘варан̃жз мз ад̣̇о сагга, саб̣б̣абхууд̇аанамиссара;

    ‘‘Varañce me ado sakka, sabbabhūtānamissara;

    язна буд̇д̇з жа д̣̇аарз жа, д̇ханад̇хан̃н̃ам̣ бияаани жа;

    Yena putte ca dāre ca, dhanadhaññaṃ piyāni ca;

    лад̣̇д̇хаа нараа на д̇аббанд̇и, со лобхо на маяий васз.

    Laddhā narā na tappanti, so lobho na mayī vase.

    зд̇асмим̣ д̇з сулабид̇з…бз… манасижчаси.

    Etasmiṃ te sulapite…pe… manasicchasi.

    ‘‘варан̃жз мз ад̣̇о сагга, саб̣б̣абхууд̇аанамиссара;

    ‘‘Varañce me ado sakka, sabbabhūtānamissara;

    кзд̇д̇ам̣ вад̇т̇ум̣ хиран̃н̃ан̃жа, г̇аваассам̣ д̣̇аасаборисам̣;

    Khettaṃ vatthuṃ hiraññañca, gavāssaṃ dāsaporisaṃ;

    язна ж̇аад̇зна ж̇ийяанд̇и, со д̣̇осо на маяий васз.

    Yena jātena jīyanti, so doso na mayī vase.

    ‘‘зд̇асмим̣ д̇з сулабид̇з…бз… манасижчаси.

    ‘‘Etasmiṃ te sulapite…pe… manasicchasi.

    ‘‘варан̃жз мз ад̣̇о сагга, саб̣б̣абхууд̇аанамиссара;

    ‘‘Varañce me ado sakka, sabbabhūtānamissara;

    б̣аалам̣ на бассз на сун̣з, на жа б̣аалзна сам̣васз;

    Bālaṃ na passe na suṇe, na ca bālena saṃvase;

    б̣аалзналлаабасаллаабам̣, на гарз на жа рожаяз.

    Bālenallāpasallāpaṃ, na kare na ca rocaye.

    ‘‘гим̣ ну д̇з агарам̣ б̣аало, вад̣̇а гассаба гааран̣ам̣;

    ‘‘Kiṃ nu te akaraṃ bālo, vada kassapa kāraṇaṃ;

    гзна гассаба б̣ааласса, д̣̇ассанам̣ наабхиган̇каси.

    Kena kassapa bālassa, dassanaṃ nābhikaṅkhasi.

    ‘‘анаяам̣ наяад̇и д̣̇уммзд̇хо, ад̇хурааяам̣ нияун̃ж̇ад̇и;

    ‘‘Anayaṃ nayati dummedho, adhurāyaṃ niyuñjati;

    д̣̇уннаяо сзяяасо ход̇и, саммаа вуд̇д̇о багуббад̇и;

    Dunnayo seyyaso hoti, sammā vutto pakuppati;

    винаяам̣ со на ж̇аанаад̇и, саад̇ху д̇асса ад̣̇ассанам̣.

    Vinayaṃ so na jānāti, sādhu tassa adassanaṃ.

    ‘‘зд̇асмим̣ д̇з сулабид̇з…бз… манасижчаси.

    ‘‘Etasmiṃ te sulapite…pe… manasicchasi.

    ‘‘варан̃жз мз ад̣̇о сагга, саб̣б̣абхууд̇аанамиссара;

    ‘‘Varañce me ado sakka, sabbabhūtānamissara;

    д̇хийрам̣ бассз сун̣з д̇хийрам̣, д̇хийрзна саха сам̣васз;

    Dhīraṃ passe suṇe dhīraṃ, dhīrena saha saṃvase;

    д̇хийрзналлаабасаллаабам̣, д̇ам̣ гарз д̇ан̃жа рожаяз.

    Dhīrenallāpasallāpaṃ, taṃ kare tañca rocaye.

    ‘‘гим̣ ну д̇з агарам̣ д̇хийро, вад̣̇а гассаба гааран̣ам̣;

    ‘‘Kiṃ nu te akaraṃ dhīro, vada kassapa kāraṇaṃ;

    гзна гассаба д̇хийрасса, д̣̇ассанам̣ абхиган̇каси.

    Kena kassapa dhīrassa, dassanaṃ abhikaṅkhasi.

    ‘‘наяам̣ наяад̇и мзд̇хаавий, ад̇хурааяам̣ на яун̃ж̇ад̇и;

    ‘‘Nayaṃ nayati medhāvī, adhurāyaṃ na yuñjati;

    сунаяо сзяяасо ход̇и, саммаа вуд̇д̇о на губбад̇и;

    Sunayo seyyaso hoti, sammā vutto na kuppati;

    винаяам̣ со баж̇аанаад̇и, саад̇ху д̇зна самааг̇амо.

    Vinayaṃ so pajānāti, sādhu tena samāgamo.

    ‘‘зд̇асмим̣ д̇з сулабид̇з…бз… манасижчаси.

    ‘‘Etasmiṃ te sulapite…pe… manasicchasi.

    ‘‘варан̃жз мз ад̣̇о сагга, саб̣б̣абхууд̇аанамиссара;

    ‘‘Varañce me ado sakka, sabbabhūtānamissara;

    д̇ад̇о рад̇яаа вивасаанз, суурияуг̇г̇аманам̣ бад̇и;

    Tato ratyā vivasāne, sūriyuggamanaṃ pati;

    д̣̇иб̣б̣аа бхагкаа баад̇убхавзяяум̣, сийлаванд̇о жа яаажагаа.

    Dibbā bhakkhā pātubhaveyyuṃ, sīlavanto ca yācakā.

    ‘‘д̣̇ад̣̇ад̇о мз на кийязт̇а, д̣̇ад̇ваа наануд̇абзяяахам̣;

    ‘‘Dadato me na khīyetha, datvā nānutapeyyahaṃ;

    д̣̇ад̣̇ам̣ жид̇д̇ам̣ басаад̣̇зяяам̣, зд̇ам̣ сагга варам̣ варз.

    Dadaṃ cittaṃ pasādeyyaṃ, etaṃ sakka varaṃ vare.

    ‘‘зд̇асмим̣ д̇з сулабид̇з…бз… манасижчаси.

    ‘‘Etasmiṃ te sulapite…pe… manasicchasi.

    ‘‘варан̃жз мз ад̣̇о сагга, саб̣б̣абхууд̇аанамиссара;

    ‘‘Varañce me ado sakka, sabbabhūtānamissara;

    на мам̣ буна убзяяааси, зд̇ам̣ сагга варам̣ варз.

    Na maṃ puna upeyyāsi, etaṃ sakka varaṃ vare.

    ‘‘б̣ахуухи вад̇ажарияаахи, нараа жа ат̇а наарияо;

    ‘‘Bahūhi vatacariyāhi, narā ca atha nāriyo;

    д̣̇ассанам̣ абхиган̇канд̇и, гим̣ ну мз д̣̇ассанз бхаяам̣.

    Dassanaṃ abhikaṅkhanti, kiṃ nu me dassane bhayaṃ.

    ‘‘д̇ам̣ д̇аад̣̇исам̣ д̣̇зваван̣н̣ам̣, саб̣б̣агаамасамид̣̇д̇хинам̣;

    ‘‘Taṃ tādisaṃ devavaṇṇaṃ, sabbakāmasamiddhinaṃ;

    д̣̇исваа д̇або бамаж̇ж̇зяяам̣, зд̇ам̣ д̇з д̣̇ассанз бхаяа’’нд̇и. (ж̇аа. 1.13.83-103);

    Disvā tapo pamajjeyyaṃ, etaṃ te dassane bhaya’’nti. (jā. 1.13.83-103);

    ат̇а сагго ‘‘саад̇ху, бханд̇з, на д̇з ид̇о бадтааяа санд̇игам̣ ааг̇амиссаамий’’д̇и д̇ам̣ абхиваад̣̇зд̇ваа баггаами. махаасад̇д̇о яааваж̇ийвам̣ д̇ад̇т̇зва васанд̇о ааяубарияосаанз б̣рахмалогз ниб̣б̣ад̇д̇и.

    Atha sakko ‘‘sādhu, bhante, na te ito paṭṭhāya santikaṃ āgamissāmī’’ti taṃ abhivādetvā pakkāmi. Mahāsatto yāvajīvaṃ tattheva vasanto āyupariyosāne brahmaloke nibbatti.

    ануруд̣̇д̇хад̇т̇зро д̇ад̣̇аа сагго ахоси, логанаат̇о агид̇д̇ибан̣д̣ид̇о.

    Anuruddhatthero tadā sakko ahosi, lokanātho akittipaṇḍito.

    д̇асса махаабхинигкаманасад̣̇исам̣ нигканд̇ад̇д̇аа нзгкаммабаарамий. сувисуд̣̇д̇хасийлаажаарад̇ааяа сийлабаарамий. гаамавид̇аггаад̣̇ийнам̣ судту вигкамбхид̇ад̇д̇аа вийрияабаарамий. канд̇исам̣варасса барамуггам̣саг̇аманад̇о канд̇ибаарамий. бадин̃н̃аануруубам̣ бадибад̇д̇ияаа сажжабаарамий. саб̣б̣ад̇т̇а ажаласамаад̣̇аанаад̇хидтаанзна ад̇хидтаанабаарамий. саб̣б̣асад̇д̇зсу хид̇аж̇жхаасаязна мзд̇д̇аабаарамий. сад̇д̇асан̇каарагад̇авиббагаарзсу маж̇жхад̇д̇абхааваббад̇д̇ияаа убзгкаабаарамий. д̇аасам̣ убагаараанубагаарз д̇хаммз ж̇аанид̇ваа анубагаарз д̇хаммз бахааяа убагаарад̇хаммзсу бавад̇д̇аабанабурзжараа сахаж̇аад̇аа жа убааяагосаллабхууд̇аа ад̇исаллзкавуд̇д̇исаад̇ханий жа бан̃н̃аа бан̃н̃аабаарамийд̇и имааби д̣̇аса баарамияо лаб̣бханд̇и.

    Tassa mahābhinikkhamanasadisaṃ nikkhantattā nekkhammapāramī. Suvisuddhasīlācāratāya sīlapāramī. Kāmavitakkādīnaṃ suṭṭhu vikkhambhitattā vīriyapāramī. Khantisaṃvarassa paramukkaṃsagamanato khantipāramī. Paṭiññānurūpaṃ paṭipattiyā saccapāramī. Sabbattha acalasamādānādhiṭṭhānena adhiṭṭhānapāramī. Sabbasattesu hitajjhāsayena mettāpāramī. Sattasaṅkhārakatavippakāresu majjhattabhāvappattiyā upekkhāpāramī. Tāsaṃ upakārānupakāre dhamme jānitvā anupakāre dhamme pahāya upakāradhammesu pavattāpanapurecarā sahajātā ca upāyakosallabhūtā atisallekhavuttisādhanī ca paññā paññāpāramīti imāpi dasa pāramiyo labbhanti.

    д̣̇аанаж̇жхаасаяасса бана ад̇иул̣аарабхаавзна д̣̇аанамукзна д̣̇зсанаа бавад̇д̇аа. д̇асмаа саб̣б̣ад̇т̇а самагаа махаагарун̣аа, д̣̇взби бун̃н̃ан̃аан̣асамбхаараа, гааяасужарид̇аад̣̇ийни д̇ийн̣и б̣од̇хисад̇д̇асужарид̇аани, сажжаад̇хидтаанаад̣̇ийни жад̇д̇аари ад̇хидтаанаани, уссаахаад̣̇аяо жад̇ассо б̣уд̣̇д̇хабхуумияо, сад̣̇д̇хаад̣̇аяо бан̃жа махааб̣од̇хибарибаажанийяаа д̇хаммаа, алобхаж̇жхаасаяаад̣̇аяо ча б̣од̇хисад̇д̇аанам̣ аж̇жхаасаяаа, д̇ин̣н̣о д̇аарзссаамийд̇иаад̣̇аяо сад̇д̇а бадин̃н̃аа д̇хаммаа, аббижчассааяам̣ д̇хаммо, нааяам̣ д̇хаммо махижчассаад̇иаад̣̇аяо (д̣̇ий. ни. 3.358; а. ни. 8.30) адта махаабурисавид̇аггаа (д̣̇ий. ни. 3.358), нава яонисоманасигаарамуулагаа д̇хаммаа, д̣̇аанаж̇жхаасаяаад̣̇аяо д̣̇аса махаабурисаж̇жхаасаяаа, д̣̇аанасийлаад̣̇аяо д̣̇аса бун̃н̃агирияавад̇т̇уунийд̇и звамаад̣̇аяо яз анзгасад̇аанзгасахассаббабхзд̣̇аа б̣од̇хисамбхаарабхууд̇аа махааб̣од̇хисад̇д̇аг̇ун̣аа. д̇з саб̣б̣зби яат̇аарахам̣ ид̇ха нид̣̇д̇хаарзд̇ваа вад̇д̇аб̣б̣аа.

    Dānajjhāsayassa pana atiuḷārabhāvena dānamukhena desanā pavattā. Tasmā sabbattha samakā mahākaruṇā, dvepi puññañāṇasambhārā, kāyasucaritādīni tīṇi bodhisattasucaritāni, saccādhiṭṭhānādīni cattāri adhiṭṭhānāni, ussāhādayo catasso buddhabhūmiyo, saddhādayo pañca mahābodhiparipācanīyā dhammā, alobhajjhāsayādayo cha bodhisattānaṃ ajjhāsayā, tiṇṇo tāressāmītiādayo satta paṭiññā dhammā, appicchassāyaṃ dhammo, nāyaṃ dhammo mahicchassātiādayo (dī. ni. 3.358; a. ni. 8.30) aṭṭha mahāpurisavitakkā (dī. ni. 3.358), nava yonisomanasikāramūlakā dhammā, dānajjhāsayādayo dasa mahāpurisajjhāsayā, dānasīlādayo dasa puññakiriyavatthūnīti evamādayo ye anekasataanekasahassappabhedā bodhisambhārabhūtā mahābodhisattaguṇā. Te sabbepi yathārahaṃ idha niddhāretvā vattabbā.

    аби жзд̇т̇а маханд̇ам̣ бхог̇агканд̇хам̣ маханд̇ан̃жа н̃аад̇ибариваддам̣ бахааяа махаабхинигкаманасад̣̇исам̣ г̇зхад̇о нигкаманам̣, нигкамид̇ваа баб̣б̣аж̇ид̇асса б̣ахуж̇анасаммад̇асса сад̇о барамаббижчабхаавзна гулзсу г̇ан̣зсу жа алаг̇г̇ад̇аа, ажжанд̇амзва лаабхасаггаарасилогаж̇иг̇ужчаа, бавивзгаабхирад̇и, гааяаж̇ийвид̇анирабзгко барижжааг̇о, анаахаарассзва сад̇о д̣̇ивасад̇д̇аяамби д̣̇аанабийд̇ияаа барид̇удтасса ниб̣б̣игаарасарийраяаабанам̣, маасад̣̇вимаасамад̇д̇амби гаалам̣ яаажагз сад̇и аахаарам̣ д̇ат̇зва д̣̇ад̇ваа ‘‘д̣̇аанаг̇ад̇знзва бийд̇исукзна сарийрам̣ яаабзссаамий’’д̇и барижжааг̇з анолийнавуд̇д̇исаад̇хаго ул̣ааро д̣̇аанаж̇жхаасаяо, д̣̇аанам̣ д̣̇ад̇ваа буна аахаарабарияздтияаа агаран̣ахзд̇убхууд̇аа барамасаллзкавуд̇д̇ийд̇и звамаад̣̇аяо махаасад̇д̇асса г̇ун̣аанубхааваа взд̣̇ид̇аб̣б̣аа. д̇знзд̇ам̣ вужжад̇и –

    Api cettha mahantaṃ bhogakkhandhaṃ mahantañca ñātiparivaṭṭaṃ pahāya mahābhinikkhamanasadisaṃ gehato nikkhamanaṃ, nikkhamitvā pabbajitassa bahujanasammatassa sato paramappicchabhāvena kulesu gaṇesu ca alaggatā, accantameva lābhasakkārasilokajigucchā, pavivekābhirati, kāyajīvitanirapekkho pariccāgo, anāhārasseva sato divasattayampi dānapītiyā parituṭṭhassa nibbikārasarīrayāpanaṃ, māsadvimāsamattampi kālaṃ yācake sati āhāraṃ tatheva datvā ‘‘dānagateneva pītisukhena sarīraṃ yāpessāmī’’ti pariccāge anolīnavuttisādhako uḷāro dānajjhāsayo, dānaṃ datvā puna āhārapariyeṭṭhiyā akaraṇahetubhūtā paramasallekhavuttīti evamādayo mahāsattassa guṇānubhāvā veditabbā. Tenetaṃ vuccati –

    ‘‘звам̣ ажчарияаа хзд̇з, аб̣бхуд̇аа жа махзсино;

    ‘‘Evaṃ acchariyā hete, abbhutā ca mahesino;

    махаагаарун̣игаа д̇хийраа, саб̣б̣алогзгаб̣анд̇хаваа.

    Mahākāruṇikā dhīrā, sabbalokekabandhavā.

    ‘‘ажинд̇зяяаанубхааваа жа, сад̣̇аа сад̣̇д̇хаммаг̇ожараа;

    ‘‘Acinteyyānubhāvā ca, sadā saddhammagocarā;

    б̣од̇хисад̇д̇аа махаасад̇д̇аа, сужисаллзкавуд̇д̇ино.

    Bodhisattā mahāsattā, sucisallekhavuttino.

    ‘‘махааваад̇асамуд̣̇д̇хад̇а-вийжимаало маход̣̇ад̇хи;

    ‘‘Mahāvātasamuddhata-vīcimālo mahodadhi;

    аби лан̇гхзяяа взланд̇ам̣, б̣од̇хисад̇д̇аа на д̇хаммад̇ам̣.

    Api laṅgheyya velantaṃ, bodhisattā na dhammataṃ.

    ‘‘логз сан̃ж̇аад̇авад̣̇д̇хааби, на д̇з бхаавид̇абхаавино;

    ‘‘Loke sañjātavaddhāpi, na te bhāvitabhāvino;

    лимбанд̇и логад̇хаммзхи, д̇оязна бад̣̇умам̣ яат̇аа.

    Limpanti lokadhammehi, toyena padumaṃ yathā.

    ‘‘язсам̣ вз ад̇д̇ани снзхо, нихийяад̇и яат̇аа яат̇аа;

    ‘‘Yesaṃ ve attani sneho, nihīyati yathā yathā;

    сад̇д̇зсу гарун̣ааснзхо, вад̣дхад̇зва д̇ат̇аа д̇ат̇аа.

    Sattesu karuṇāsneho, vaḍḍhateva tathā tathā.

    ‘‘яат̇аа жид̇д̇ам̣ васз ход̇и, на жа жид̇д̇авасаануг̇аа;

    ‘‘Yathā cittaṃ vase hoti, na ca cittavasānugā;

    д̇ат̇аа гаммам̣ васз ход̇и, на жа гаммавасаануг̇аа.

    Tathā kammaṃ vase hoti, na ca kammavasānugā.

    ‘‘д̣̇осзхи наабхибхууяанд̇и, самуг̇гхаад̇знд̇и ваа на д̇з;

    ‘‘Dosehi nābhibhūyanti, samugghātenti vā na te;

    жаранд̇аа б̣од̇хибарияздтим̣, бурисааж̇аанияаа б̣уд̇хаа.

    Carantā bodhipariyeṭṭhiṃ, purisājāniyā budhā.

    ‘‘д̇зсу жид̇д̇аббасаад̣̇оби, д̣̇угкад̇о бариможаяз;

    ‘‘Tesu cittappasādopi, dukkhato parimocaye;

    баг̇зваанугирияаа д̇зсам̣, д̇хаммасса ануд̇хаммад̇о’’д̇и.

    Pagevānukiriyā tesaṃ, dhammassa anudhammato’’ti.

    барамад̇т̇ад̣̇ийбанияаа жарияаабидагасам̣ван̣н̣анааяа

    Paramatthadīpaniyā cariyāpiṭakasaṃvaṇṇanāya

    агид̇д̇ижарияааван̣н̣анаа нидтид̇аа.

    Akitticariyāvaṇṇanā niṭṭhitā.




    Next: 2. сан̇каб̣раахман̣ажарияааван̣н̣анаа • 2. Saṅkhabrāhmaṇacariyāvaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 1. агид̇д̇ижарияаа • 1. Akitticariyā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact