| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[480] 7. агид̇д̇иж̇аад̇агаван̣н̣анаа
[480] 7. Akittijātakavaṇṇanā
агид̇д̇им̣ д̣̇исваа самманд̇анд̇и ид̣̇ам̣ сад̇т̇аа ж̇зд̇аванз вихаранд̇о згам̣ саавад̇т̇иваасим̣ д̣̇аанабад̇им̣ убаасагам̣ аараб̣бха гат̇зси. со гира сад̇т̇аарам̣ ниманд̇зд̇ваа сад̇д̇аахам̣ б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа барияосаанад̣̇ивасз арияасан̇гхасса саб̣б̣абаригкаарз ад̣̇ааси. ат̇асса сад̇т̇аа барисамаж̇жхзязва анумод̣̇анам̣ гаронд̇о ‘‘убаасага, махаа д̇з барижжааг̇о, ахо д̣̇уггарам̣ д̇аяаа гад̇ам̣, аяан̃хи д̣̇аанавам̣со наама бораан̣агабан̣д̣ид̇аанам̣ вам̣со, д̣̇аанам̣ наама г̇ихинааби баб̣б̣аж̇ид̇знааби д̣̇аад̇аб̣б̣амзва. бораан̣агабан̣д̣ид̇аа бана баб̣б̣аж̇ид̇ваа аран̃н̃з васанд̇ааби алон̣агам̣ вид̇хуубанам̣ уд̣̇агамад̇д̇асид̇д̇ам̣ гаарабан̣н̣ам̣ каад̣̇амаанааби самбад̇д̇аяаажагаанам̣ яаавад̣̇ад̇т̇ам̣ д̣̇ад̇ваа саяам̣ бийд̇исукзна яаабаяим̣суу’’д̇и вад̇ваа ‘‘бханд̇з, ид̣̇ам̣ д̇аава саб̣б̣абаригкаарад̣̇аанам̣ махааж̇анасса баагадам̣, д̇умхзхи вуд̇д̇ам̣ абаагадам̣, д̇ам̣ но гат̇зт̇аа’’д̇и д̇зна яаажид̇о ад̇ийд̇ам̣ аахари.
Akittiṃdisvā sammantanti idaṃ satthā jetavane viharanto ekaṃ sāvatthivāsiṃ dānapatiṃ upāsakaṃ ārabbha kathesi. So kira satthāraṃ nimantetvā sattāhaṃ buddhappamukhassa bhikkhusaṅghassa mahādānaṃ datvā pariyosānadivase ariyasaṅghassa sabbaparikkhāre adāsi. Athassa satthā parisamajjheyeva anumodanaṃ karonto ‘‘upāsaka, mahā te pariccāgo, aho dukkaraṃ tayā kataṃ, ayañhi dānavaṃso nāma porāṇakapaṇḍitānaṃ vaṃso, dānaṃ nāma gihināpi pabbajitenāpi dātabbameva. Porāṇakapaṇḍitā pana pabbajitvā araññe vasantāpi aloṇakaṃ vidhūpanaṃ udakamattasittaṃ kārapaṇṇaṃ khādamānāpi sampattayācakānaṃ yāvadatthaṃ datvā sayaṃ pītisukhena yāpayiṃsū’’ti vatvā ‘‘bhante, idaṃ tāva sabbaparikkhāradānaṃ mahājanassa pākaṭaṃ, tumhehi vuttaṃ apākaṭaṃ, taṃ no kathethā’’ti tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о асийд̇игодивибхавасса б̣раахман̣амахаасааласса гулз ниб̣б̣ад̇д̇и, ‘‘агид̇д̇ий’’д̇исса наамам̣ гарим̣су. д̇асса бад̣̇асаа г̇аманагаалз бхаг̇инийби ж̇ааяи, ‘‘яасавад̇ий’’д̇иссаа наамам̣ гарим̣су. махаасад̇д̇о сол̣асавассагаалз д̇аггасилам̣ г̇анд̇ваа саб̣б̣асиббаани уг̇г̇ан̣хид̇ваа бажжааг̇ами. ат̇асса маад̇аабид̇аро гааламагам̣су. со д̇зсам̣ бзд̇агижжаани гаарзд̇ваа д̇ханавилоганам̣ гаронд̇о ‘‘асуго наама зд̇д̇агам̣ д̇ханам̣ сан̣табзд̇ваа ад̇ийд̇о, асуго зд̇д̇ага’’нд̇и важанам̣ суд̇ваа сам̣виг̇г̇амаанасо худ̇ваа ‘‘ид̣̇ам̣ д̇ханамзва бан̃н̃ааяад̇и, на д̇ханасса сам̣хаарагаа, саб̣б̣з имам̣ д̇ханам̣ бахааязва г̇ад̇аа, ахам̣ бана д̇ам̣ аад̣̇ааяа г̇амиссаамий’’д̇и бхаг̇иним̣ баггосаабзд̇ваа ‘‘д̇вам̣ имам̣ д̇ханам̣ бадибаж̇ж̇аахий’’д̇и ааха . ‘‘д̇умхаагам̣ бана го аж̇жхаасаяо’’д̇и? ‘‘баб̣б̣аж̇ид̇угаамомхий’’д̇и. ‘‘бхаад̇ига, ахам̣ д̇умхзхи чад̣д̣ид̇ам̣ кзл̣ам̣ на сирасаа самбадижчаами, на мз иминаа ад̇т̇о, ахамби баб̣б̣аж̇иссаамий’’д̇и. со рааж̇аанам̣ аабужчид̇ваа бхзрим̣ жараабзси ‘‘д̇ханзна ад̇т̇игаа агид̇д̇ибан̣д̣ид̇асса г̇зхам̣ ааг̇ажчанд̇уу’’д̇и.
Atīte bārāṇasiyaṃ brahmadatte rajjaṃ kārente bodhisatto asītikoṭivibhavassa brāhmaṇamahāsālassa kule nibbatti, ‘‘akittī’’tissa nāmaṃ kariṃsu. Tassa padasā gamanakāle bhaginīpi jāyi, ‘‘yasavatī’’tissā nāmaṃ kariṃsu. Mahāsatto soḷasavassakāle takkasilaṃ gantvā sabbasippāni uggaṇhitvā paccāgami. Athassa mātāpitaro kālamakaṃsu. So tesaṃ petakiccāni kāretvā dhanavilokanaṃ karonto ‘‘asuko nāma ettakaṃ dhanaṃ saṇṭhapetvā atīto, asuko ettaka’’nti vacanaṃ sutvā saṃviggamānaso hutvā ‘‘idaṃ dhanameva paññāyati, na dhanassa saṃhārakā, sabbe imaṃ dhanaṃ pahāyeva gatā, ahaṃ pana taṃ ādāya gamissāmī’’ti bhaginiṃ pakkosāpetvā ‘‘tvaṃ imaṃ dhanaṃ paṭipajjāhī’’ti āha . ‘‘Tumhākaṃ pana ko ajjhāsayo’’ti? ‘‘Pabbajitukāmomhī’’ti. ‘‘Bhātika, ahaṃ tumhehi chaḍḍitaṃ kheḷaṃ na sirasā sampaṭicchāmi, na me iminā attho, ahampi pabbajissāmī’’ti. So rājānaṃ āpucchitvā bheriṃ carāpesi ‘‘dhanena atthikā akittipaṇḍitassa gehaṃ āgacchantū’’ti.
со сад̇д̇аахам̣ махаад̣̇аанам̣ бавад̇д̇зд̇ваа д̇ханз акийяамаанз жинд̇зси ‘‘имз сан̇каараа кийяанд̇и, гим̣ мз д̇ханагийл̣ааяа, ад̇т̇игаа д̇ам̣ г̇ан̣хиссанд̇ий’’д̇и нивзсанад̣̇ваарам̣ виварид̇ваа ‘‘д̣̇иннан̃н̃зва харанд̇уу’’д̇и сахиран̃н̃асуван̣н̣ам̣ г̇зхам̣ бахааяа н̃аад̇иман̣д̣аласса барид̣̇званд̇асса бхаг̇иним̣ г̇ахзд̇ваа б̣аараан̣асид̇о нигками. язна д̣̇ваарзна нигками, д̇ам̣ агид̇д̇ид̣̇ваарам̣ наама ж̇аад̇ам̣, язна д̇ид̇т̇зна над̣̇им̣ од̇ин̣н̣о, д̇амби агид̇д̇ид̇ид̇т̇ам̣ наама ж̇аад̇ам̣. со д̣̇вз д̇ийн̣и яож̇анаани г̇анд̇ваа раман̣ийяз таанз бан̣н̣асаалам̣ гад̇ваа бхаг̇инияаа сад̣̇д̇хим̣ баб̣б̣аж̇и. д̇асса баб̣б̣аж̇ид̇агаалад̇о бадтааяа б̣ахуг̇ааманиг̇амарааж̇ад̇хааниваасино баб̣б̣аж̇им̣су. махаабаривааро ахоси, махаалаабхасаггааро ниб̣б̣ад̇д̇и, б̣уд̣̇д̇хуббаад̣̇агаало вияа бавад̇д̇и. ат̇а махаасад̇д̇о ‘‘аяам̣ лаабхасаггааро махаа, бариваароби маханд̇о, маяаа згагзнзва вихарид̇ум̣ ваддад̇ий’’д̇и жинд̇зд̇ваа авзлааяа анд̇амасо бхаг̇инимби аж̇аанаабзд̇ваа згагова нигкамид̇ваа анубуб̣б̣зна д̣̇амил̣арадтам̣ бад̇ваа гаавийрабадданасамийбз уяяаанз вихаранд̇о жхаанаабхин̃н̃ааяо ниб̣б̣ад̇д̇зси. д̇ад̇раабисса махаалаабхасаггааро уббаж̇ж̇и. со д̇ам̣ ж̇иг̇ужчид̇ваа чад̣д̣зд̇ваа аагаасзна г̇анд̇ваа нааг̇ад̣̇ийбасамийбз гаарад̣̇ийбз од̇ари. д̇ад̣̇аа гаарад̣̇ийбо ахид̣̇ийбо наама ахоси. со д̇ад̇т̇а маханд̇ам̣ гаараругкам̣ убаниссааяа бан̣н̣асаалам̣ маабзд̇ваа ваасам̣ габбзси. д̇ад̇т̇а д̇асса васанабхаавам̣ на гожи ж̇аанаад̇и. ат̇асса бхаг̇иний бхаад̇арам̣ г̇авзсамаанаа анубуб̣б̣зна д̣̇амил̣арадтам̣ бад̇ваа д̇ам̣ ад̣̇исваа д̇зна васид̇адтаанзязва васи, жхаанам̣ бана ниб̣б̣ад̇д̇зд̇ум̣ наасагки.
So sattāhaṃ mahādānaṃ pavattetvā dhane akhīyamāne cintesi ‘‘ime saṅkhārā khīyanti, kiṃ me dhanakīḷāya, atthikā taṃ gaṇhissantī’’ti nivesanadvāraṃ vivaritvā ‘‘dinnaññeva harantū’’ti sahiraññasuvaṇṇaṃ gehaṃ pahāya ñātimaṇḍalassa paridevantassa bhaginiṃ gahetvā bārāṇasito nikkhami. Yena dvārena nikkhami, taṃ akittidvāraṃ nāma jātaṃ, yena titthena nadiṃ otiṇṇo, tampi akittititthaṃ nāma jātaṃ. So dve tīṇi yojanāni gantvā ramaṇīye ṭhāne paṇṇasālaṃ katvā bhaginiyā saddhiṃ pabbaji. Tassa pabbajitakālato paṭṭhāya bahugāmanigamarājadhānivāsino pabbajiṃsu. Mahāparivāro ahosi, mahālābhasakkāro nibbatti, buddhuppādakālo viya pavatti. Atha mahāsatto ‘‘ayaṃ lābhasakkāro mahā, parivāropi mahanto, mayā ekakeneva viharituṃ vaṭṭatī’’ti cintetvā avelāya antamaso bhaginimpi ajānāpetvā ekakova nikkhamitvā anupubbena damiḷaraṭṭhaṃ patvā kāvīrapaṭṭanasamīpe uyyāne viharanto jhānābhiññāyo nibbattesi. Tatrāpissa mahālābhasakkāro uppajji. So taṃ jigucchitvā chaḍḍetvā ākāsena gantvā nāgadīpasamīpe kāradīpe otari. Tadā kāradīpo ahidīpo nāma ahosi. So tattha mahantaṃ kārarukkhaṃ upanissāya paṇṇasālaṃ māpetvā vāsaṃ kappesi. Tattha tassa vasanabhāvaṃ na koci jānāti. Athassa bhaginī bhātaraṃ gavesamānā anupubbena damiḷaraṭṭhaṃ patvā taṃ adisvā tena vasitaṭṭhāneyeva vasi, jhānaṃ pana nibbattetuṃ nāsakkhi.
махаасад̇д̇о аббижчад̇ааяа гад̇т̇ажи аг̇анд̇ваа д̇асса ругкасса палагаалз палаани каад̣̇ад̇и, бад̇д̇агаалз бад̇д̇аани уд̣̇агасид̇д̇аани каад̣̇ад̇и. д̇асса сийлад̇зж̇зна саггасса бан̣д̣угамб̣аласилаасанам̣ ун̣хаагаарам̣ д̣̇ассзси. сагго ‘‘го ну ко мам̣ таанаа жаавзд̇угаамо’’д̇и ааваж̇ж̇знд̇о агид̇д̇ибан̣д̣ид̇ам̣ д̣̇исваа ‘‘гимад̇т̇ам̣ зса д̇аабасо сийлаани рагкад̇и, саггад̇д̇ам̣ ну ко бад̇т̇зд̇и, уд̣̇ааху ан̃н̃ам̣, виймим̣сиссаами нам̣. аяан̃хи д̣̇угкзна ж̇ийвигам̣ габбзси, уд̣̇агасид̇д̇аани гаарабан̣н̣аани каад̣̇ад̇и, сажз саггад̇д̇ам̣ бад̇т̇зд̇и, ад̇д̇ано сид̇д̇абад̇д̇аани маяхам̣ д̣̇ассад̇и, но жз, на д̣̇ассад̇ий’’д̇и б̣раахман̣аван̣н̣зна д̇асса санд̇игам̣ аг̇амааси. б̣од̇хисад̇д̇о гаарабан̣н̣аани сзд̣̇зд̇ваа од̇аарзд̇ваа ‘‘сийд̇алабхууд̇аани каад̣̇иссаамий’’д̇и бан̣н̣асаалад̣̇ваарз нисийд̣̇и. ат̇асса бурад̇о сагго бхигкааяа адтааси. махаасад̇д̇о д̇ам̣ д̣̇исваа соманассаббад̇д̇о худ̇ваа ‘‘лаабхаа вад̇а мз, яохам̣ яаажагам̣ бассаами, аж̇ж̇а мз манорат̇ам̣ мад̇т̇агам̣ баабзд̇ваа д̣̇аанам̣ д̣̇ассаамий’’д̇и баггабхааж̇анзнзва аад̣̇ааяа г̇анд̇ваа ‘‘ид̣̇ам̣ мз д̣̇аанам̣ саб̣б̣ан̃н̃уд̇ан̃н̃аан̣асса бажжаяо ход̇уу’’д̇и ад̇д̇ано асзсзд̇ваава д̇асса бхааж̇анз багкиби. б̣раахман̣о д̇ам̣ г̇ахзд̇ваа т̇огам̣ г̇анд̇ваа анд̇арад̇хааяи. махаасад̇д̇оби д̇асса д̣̇ад̇ваа буна абажид̇ваа бийд̇исукзнзва вийд̇инаамзд̇ваа бунад̣̇ивасз бажид̇ваа д̇ад̇т̇зва бан̣н̣асаалад̣̇ваарз нисийд̣̇и.
Mahāsatto appicchatāya katthaci agantvā tassa rukkhassa phalakāle phalāni khādati, pattakāle pattāni udakasittāni khādati. Tassa sīlatejena sakkassa paṇḍukambalasilāsanaṃ uṇhākāraṃ dassesi. Sakko ‘‘ko nu kho maṃ ṭhānā cāvetukāmo’’ti āvajjento akittipaṇḍitaṃ disvā ‘‘kimatthaṃ esa tāpaso sīlāni rakkhati, sakkattaṃ nu kho pattheti, udāhu aññaṃ, vīmiṃsissāmi naṃ. Ayañhi dukkhena jīvikaṃ kappesi, udakasittāni kārapaṇṇāni khādati, sace sakkattaṃ pattheti, attano sittapattāni mayhaṃ dassati, no ce, na dassatī’’ti brāhmaṇavaṇṇena tassa santikaṃ agamāsi. Bodhisatto kārapaṇṇāni sedetvā otāretvā ‘‘sītalabhūtāni khādissāmī’’ti paṇṇasāladvāre nisīdi. Athassa purato sakko bhikkhāya aṭṭhāsi. Mahāsatto taṃ disvā somanassappatto hutvā ‘‘lābhā vata me, yohaṃ yācakaṃ passāmi, ajja me manorathaṃ matthakaṃ pāpetvā dānaṃ dassāmī’’ti pakkabhājaneneva ādāya gantvā ‘‘idaṃ me dānaṃ sabbaññutaññāṇassa paccayo hotū’’ti attano asesetvāva tassa bhājane pakkhipi. Brāhmaṇo taṃ gahetvā thokaṃ gantvā antaradhāyi. Mahāsattopi tassa datvā puna apacitvā pītisukheneva vītināmetvā punadivase pacitvā tattheva paṇṇasāladvāre nisīdi.
сагго буна б̣раахман̣авзсзна аг̇амааси. бунабисса д̣̇ад̇ваа махаасад̇д̇о д̇ат̇зва вийд̇инаамзси. д̇ад̇ияад̣̇ивасзби д̇ат̇зва д̣̇ад̇ваа ‘‘ахо мз лаабхаа вад̇а, гаарабан̣н̣аани ниссааяа маханд̇ам̣ бун̃н̃ам̣ басуд̇а’’нд̇и соманассаббад̇д̇о д̇аяо д̣̇ивасз анаахаарад̇ааяа д̣̇уб̣б̣алоби самаано маж̇жханхигасамаяз бан̣н̣асаалад̇о нигкамид̇ваа д̣̇аанам̣ ааваж̇ж̇знд̇о бан̣н̣асаалад̣̇ваарз нисийд̣̇и. саггоби жинд̇зси ‘‘аяам̣ б̣раахман̣о д̇аяо д̣̇ивасз нираахааро худ̇ваа звам̣ д̣̇уб̣б̣алоби д̣̇аанам̣ д̣̇знд̇о д̇удтажид̇д̇ова д̣̇зд̇и, жид̇д̇асса ан̃н̃ат̇ад̇д̇амби над̇т̇и, ахам̣ имам̣ ‘ид̣̇ам̣ наама бад̇т̇зд̇ваа д̣̇зд̇ий’д̇и на ж̇аанаами, бужчид̇ваа аж̇жхаасаяамасса суд̇ваа д̣̇аанагааран̣ам̣ ж̇ааниссаамий’’д̇и. со маж̇жханхигз вийд̇ивад̇д̇з маханд̇зна сирисобхаг̇г̇зна г̇аг̇анад̇алз д̇арун̣асуурияо вияа ж̇аламаано ааг̇анд̇ваа махаасад̇д̇асса бурад̇ова тад̇ваа ‘‘амбхо д̇аабаса, звам̣ ун̣хаваад̇з бахаранд̇з зваруубз лон̣аж̇алабаригкид̇д̇з аран̃н̃з гимад̇т̇ам̣ д̇абогаммам̣ гаросий’’д̇и бужчи. д̇амад̇т̇ам̣ багаасзнд̇о сад̇т̇аа батамам̣ г̇аат̇амааха –
Sakko puna brāhmaṇavesena agamāsi. Punapissa datvā mahāsatto tatheva vītināmesi. Tatiyadivasepi tatheva datvā ‘‘aho me lābhā vata, kārapaṇṇāni nissāya mahantaṃ puññaṃ pasuta’’nti somanassappatto tayo divase anāhāratāya dubbalopi samāno majjhanhikasamaye paṇṇasālato nikkhamitvā dānaṃ āvajjento paṇṇasāladvāre nisīdi. Sakkopi cintesi ‘‘ayaṃ brāhmaṇo tayo divase nirāhāro hutvā evaṃ dubbalopi dānaṃ dento tuṭṭhacittova deti, cittassa aññathattampi natthi, ahaṃ imaṃ ‘idaṃ nāma patthetvā detī’ti na jānāmi, pucchitvā ajjhāsayamassa sutvā dānakāraṇaṃ jānissāmī’’ti. So majjhanhike vītivatte mahantena sirisobhaggena gaganatale taruṇasūriyo viya jalamāno āgantvā mahāsattassa puratova ṭhatvā ‘‘ambho tāpasa, evaṃ uṇhavāte paharante evarūpe loṇajalaparikkhitte araññe kimatthaṃ tapokammaṃ karosī’’ti pucchi. Tamatthaṃ pakāsento satthā paṭhamaṃ gāthamāha –
83.
83.
‘‘агид̇д̇им̣ д̣̇исваа самманд̇ам̣, сагго бхууд̇абад̇ий б̣рави;
‘‘Akittiṃ disvā sammantaṃ, sakko bhūtapatī bravi;
гим̣ бад̇т̇аяам̣ махааб̣рахмз, зго саммаси гхамманий’’д̇и.
Kiṃ patthayaṃ mahābrahme, eko sammasi ghammanī’’ti.
д̇ад̇т̇а гим̣ бад̇т̇аяанд̇и гим̣ мануссасамбад̇д̇им̣ бад̇т̇знд̇о, уд̣̇ааху саггасамбад̇д̇иаад̣̇ийнам̣ ан̃н̃ад̇аранд̇и.
Tattha kiṃ patthayanti kiṃ manussasampattiṃ patthento, udāhu sakkasampattiādīnaṃ aññataranti.
махаасад̇д̇о д̇ам̣ суд̇ваа саггабхааван̃жасса н̃ад̇ваа ‘‘наахам̣ зд̇аа самбад̇д̇ияо бад̇т̇зми, саб̣б̣ан̃н̃уд̇ам̣ бана бад̇т̇знд̇о д̇абогаммам̣ гаромий’’д̇и багаасзд̇ум̣ д̣̇уд̇ияам̣ г̇аат̇амааха –
Mahāsatto taṃ sutvā sakkabhāvañcassa ñatvā ‘‘nāhaṃ etā sampattiyo patthemi, sabbaññutaṃ pana patthento tapokammaṃ karomī’’ti pakāsetuṃ dutiyaṃ gāthamāha –
84.
84.
‘‘д̣̇угко бунаб̣бхаво сагга, сарийрасса жа бхзд̣̇анам̣;
‘‘Dukkho punabbhavo sakka, sarīrassa ca bhedanaṃ;
саммохамаран̣ам̣ д̣̇угкам̣, д̇асмаа саммаами ваасаваа’’д̇и.
Sammohamaraṇaṃ dukkhaṃ, tasmā sammāmi vāsavā’’ti.
д̇ад̇т̇а д̇асмаад̇и яасмаа бунаббунам̣ ж̇аад̇и канд̇хаанам̣ бхзд̣̇анам̣ саммохамаран̣ан̃жа д̣̇угкам̣, д̇асмаа яад̇т̇зд̇аани над̇т̇и, д̇ам̣ ниб̣б̣аанам̣ бад̇т̇знд̇о ид̇ха саммаамийд̇и звам̣ ад̇д̇ано ниб̣б̣аанаж̇жхаасаяад̇ам̣ д̣̇ийбзд̇и.
Tattha tasmāti yasmā punappunaṃ jāti khandhānaṃ bhedanaṃ sammohamaraṇañca dukkhaṃ, tasmā yatthetāni natthi, taṃ nibbānaṃ patthento idha sammāmīti evaṃ attano nibbānajjhāsayataṃ dīpeti.
д̇ам̣ суд̇ваа сагго д̇удтамаанасо ‘‘саб̣б̣абхавзсу гирааяам̣ угган̣тид̇о ниб̣б̣аанад̇т̇ааяа аран̃н̃з вихарад̇и, варамасса д̣̇ассаамий’’д̇и варзна ниманд̇знд̇о д̇ад̇ияам̣ г̇аат̇амааха –
Taṃ sutvā sakko tuṭṭhamānaso ‘‘sabbabhavesu kirāyaṃ ukkaṇṭhito nibbānatthāya araññe viharati, varamassa dassāmī’’ti varena nimantento tatiyaṃ gāthamāha –
85.
85.
‘‘зд̇асмим̣ д̇з сулабид̇з, бад̇ируубз субхаасид̇з;
‘‘Etasmiṃ te sulapite, patirūpe subhāsite;
варам̣ гассаба д̇з д̣̇амми, яам̣ гин̃жи манасижчасий’’д̇и.
Varaṃ kassapa te dammi, yaṃ kiñci manasicchasī’’ti.
д̇ад̇т̇а яам̣ гин̃жи манасижчасийд̇и яам̣ манасаа ижчаси, д̇ам̣ д̣̇амми, варам̣ г̇ан̣хаахийд̇и.
Tattha yaṃ kiñci manasicchasīti yaṃ manasā icchasi, taṃ dammi, varaṃ gaṇhāhīti.
махаасад̇д̇о варам̣ г̇ан̣ханд̇о жад̇уд̇т̇ам̣ г̇аат̇амааха –
Mahāsatto varaṃ gaṇhanto catutthaṃ gāthamāha –
86.
86.
‘‘варан̃жз мз ад̣̇о сагга, саб̣б̣абхууд̇аанамиссара;
‘‘Varañce me ado sakka, sabbabhūtānamissara;
язна буд̇д̇з жа д̣̇аарз жа, д̇ханад̇хан̃н̃ам̣ бияаани жа;
Yena putte ca dāre ca, dhanadhaññaṃ piyāni ca;
лад̣̇д̇хаа нараа на д̇аббанд̇и, со лобхо на маяий васз’’д̇и.
Laddhā narā na tappanti, so lobho na mayī vase’’ti.
д̇ад̇т̇а варан̃жз мз ад̣̇од̇и сажз варам̣ маяхам̣ д̣̇зси. бияаани жаад̇и ан̃н̃аани жа яаани бияабхан̣д̣аани. на д̇аббанд̇ийд̇и бунаббунам̣ буд̇д̇аад̣̇аяо бад̇т̇знд̇иязва, на д̇ид̇д̇им̣ убаг̇ажчанд̇и. на маяий васзд̇и маяи маа васад̇у маа уббаж̇ж̇ад̇у.
Tattha varañce me adoti sace varaṃ mayhaṃ desi. Piyāni cāti aññāni ca yāni piyabhaṇḍāni. Na tappantīti punappunaṃ puttādayo patthentiyeva, na tittiṃ upagacchanti. Na mayī vaseti mayi mā vasatu mā uppajjatu.
ат̇асса сагго д̇уссид̇ваа уд̇д̇аримби варам̣ д̣̇знд̇о махаасад̇д̇о жа варам̣ г̇ан̣ханд̇о имаа г̇аат̇аа абхаасим̣су –
Athassa sakko tussitvā uttarimpi varaṃ dento mahāsatto ca varaṃ gaṇhanto imā gāthā abhāsiṃsu –
87.
87.
‘‘зд̇асмим̣ д̇з сулабид̇з, бад̇ируубз субхаасид̇з;
‘‘Etasmiṃ te sulapite, patirūpe subhāsite;
варам̣ гассаба д̇з д̣̇амми, яам̣ гин̃жи манасижчаси.
Varaṃ kassapa te dammi, yaṃ kiñci manasicchasi.
88.
88.
‘‘варан̃жз мз ад̣̇о сагга, саб̣б̣абхууд̇аанамиссара;
‘‘Varañce me ado sakka, sabbabhūtānamissara;
кзд̇д̇ам̣ вад̇т̇ум̣ хиран̃н̃ан̃жа, г̇аваассам̣ д̣̇аасаборисам̣;
Khettaṃ vatthuṃ hiraññañca, gavāssaṃ dāsaporisaṃ;
язна ж̇аад̇зна ж̇ийяанд̇и, со д̣̇осо на маяий васз.
Yena jātena jīyanti, so doso na mayī vase.
89.
89.
‘‘зд̇асмим̣ д̇з сулабид̇з, бад̇ируубз субхаасид̇з;
‘‘Etasmiṃ te sulapite, patirūpe subhāsite;
варам̣ гассаба д̇з д̣̇амми, яам̣ гин̃жи манасижчаси.
Varaṃ kassapa te dammi, yaṃ kiñci manasicchasi.
90.
90.
‘‘варан̃жз мз ад̣̇о сагга, саб̣б̣абхууд̇аанамиссара;
‘‘Varañce me ado sakka, sabbabhūtānamissara;
б̣аалам̣ на бассз на сун̣з, на жа б̣аалзна сам̣васз;
Bālaṃ na passe na suṇe, na ca bālena saṃvase;
б̣аалзналлаабасаллаабам̣, на гарз на жа рожаяз.
Bālenallāpasallāpaṃ, na kare na ca rocaye.
91.
91.
‘‘гим̣ ну д̇з агарам̣ б̣аало, вад̣̇а гассаба гааран̣ам̣;
‘‘Kiṃ nu te akaraṃ bālo, vada kassapa kāraṇaṃ;
гзна гассаба б̣ааласса, д̣̇ассанам̣ наабхиган̇каси.
Kena kassapa bālassa, dassanaṃ nābhikaṅkhasi.
92.
92.
‘‘анаяам̣ наяад̇и д̣̇уммзд̇хо, ад̇хурааяам̣ нияун̃ж̇ад̇и;
‘‘Anayaṃ nayati dummedho, adhurāyaṃ niyuñjati;
д̣̇уннаяо сзяяасо ход̇и, саммаа вуд̇д̇о багуббад̇и;
Dunnayo seyyaso hoti, sammā vutto pakuppati;
винаяам̣ со на ж̇аанаад̇и, саад̇ху д̇асса ад̣̇ассанам̣.
Vinayaṃ so na jānāti, sādhu tassa adassanaṃ.
93.
93.
‘‘зд̇асмим̣ д̇з сулабид̇з, бад̇ируубз субхаасид̇з;
‘‘Etasmiṃ te sulapite, patirūpe subhāsite;
варам̣ гассаба д̇з д̣̇амми, яам̣ гин̃жи манасижчаси.
Varaṃ kassapa te dammi, yaṃ kiñci manasicchasi.
94.
94.
‘‘варан̃жз мз ад̣̇о сагга, саб̣б̣абхууд̇аанамиссара;
‘‘Varañce me ado sakka, sabbabhūtānamissara;
д̇хийрам̣ бассз сун̣з д̇хийрам̣, д̇хийрзна саха сам̣васз;
Dhīraṃ passe suṇe dhīraṃ, dhīrena saha saṃvase;
д̇хийрзналлаабасаллаабам̣, д̇ам̣ гарз д̇ан̃жа рожаяз.
Dhīrenallāpasallāpaṃ, taṃ kare tañca rocaye.
95.
95.
‘‘гим̣ ну д̇з агарам̣ д̇хийро, вад̣̇а гассаба гааран̣ам̣;
‘‘Kiṃ nu te akaraṃ dhīro, vada kassapa kāraṇaṃ;
гзна гассаба д̇хийрасса, д̣̇ассанам̣ абхиган̇каси.
Kena kassapa dhīrassa, dassanaṃ abhikaṅkhasi.
96.
96.
‘‘наяам̣ наяад̇и мзд̇хаавий, ад̇хурааяам̣ на яун̃ж̇ад̇и;
‘‘Nayaṃ nayati medhāvī, adhurāyaṃ na yuñjati;
сунаяо сзяяасо ход̇и, саммаа вуд̇д̇о на губбад̇и;
Sunayo seyyaso hoti, sammā vutto na kuppati;
винаяам̣ со баж̇аанаад̇и, саад̇ху д̇зна самааг̇амо.
Vinayaṃ so pajānāti, sādhu tena samāgamo.
97.
97.
‘‘зд̇асмим̣ д̇з сулабид̇з, бад̇ируубз субхаасид̇з;
‘‘Etasmiṃ te sulapite, patirūpe subhāsite;
варам̣ гассаба д̇з д̣̇амми, яам̣ гин̃жи манасижчаси.
Varaṃ kassapa te dammi, yaṃ kiñci manasicchasi.
98.
98.
‘‘варан̃жз мз ад̣̇о сагга, саб̣б̣абхууд̇аанамиссара;
‘‘Varañce me ado sakka, sabbabhūtānamissara;
д̇ад̇о рад̇яаа вивасаанз, суурияуг̇г̇аманам̣ бад̇и;
Tato ratyā vivasāne, sūriyuggamanaṃ pati;
д̣̇иб̣б̣аа бхагкаа баад̇убхавзяяум̣, сийлаванд̇о жа яаажагаа.
Dibbā bhakkhā pātubhaveyyuṃ, sīlavanto ca yācakā.
99.
99.
‘‘д̣̇ад̣̇ад̇о мз на кийязт̇а, д̣̇ад̇ваа наануд̇абзяяахам̣;
‘‘Dadato me na khīyetha, datvā nānutapeyyahaṃ;
д̣̇ад̣̇ам̣ жид̇д̇ам̣ басаад̣̇зяяам̣, зд̇ам̣ сагга варам̣ варз.
Dadaṃ cittaṃ pasādeyyaṃ, etaṃ sakka varaṃ vare.
100.
100.
‘‘зд̇асмим̣ д̇з сулабид̇з, бад̇ируубз субхаасид̇з;
‘‘Etasmiṃ te sulapite, patirūpe subhāsite;
варам̣ гассаба д̇з д̣̇амми, яам̣ гин̃жи манасижчаси.
Varaṃ kassapa te dammi, yaṃ kiñci manasicchasi.
101.
101.
‘‘варан̃жз мз ад̣̇о сагга, саб̣б̣абхууд̇аанамиссара;
‘‘Varañce me ado sakka, sabbabhūtānamissara;
на мам̣ буна убзяяааси, зд̇ам̣ сагга варам̣ варз.
Na maṃ puna upeyyāsi, etaṃ sakka varaṃ vare.
102.
102.
‘‘б̣ахуухи вад̇ажарияаахи, нараа жа ат̇а наарияо;
‘‘Bahūhi vatacariyāhi, narā ca atha nāriyo;
д̣̇ассанам̣ абхиган̇канд̇и, гим̣ ну мз д̣̇ассанз бхаяам̣.
Dassanaṃ abhikaṅkhanti, kiṃ nu me dassane bhayaṃ.
103.
103.
‘‘д̇ам̣ д̇аад̣̇исам̣ д̣̇зваван̣н̣ам̣, саб̣б̣агаамасамид̣̇д̇хинам̣;
‘‘Taṃ tādisaṃ devavaṇṇaṃ, sabbakāmasamiddhinaṃ;
д̣̇исваа д̇або бамаж̇ж̇зяяам̣, зд̇ам̣ д̇з д̣̇ассанз бхаяа’’нд̇и.
Disvā tapo pamajjeyyaṃ, etaṃ te dassane bhaya’’nti.
д̇ад̇т̇а язна ж̇аад̇знаад̇и язна жид̇д̇зна ж̇аад̇зна гуд̣̇д̇хаа сад̇д̇аа баан̣авад̇хаад̣̇ийнам̣ гад̇ад̇д̇аа рааж̇ад̣̇ан̣д̣авасзна висакаад̣̇анаад̣̇ийхи ваа ад̇д̇ано маран̣авасзна зд̇аани кзд̇д̇аад̣̇ийни ж̇ийяанд̇и, со д̣̇осо маяи на васзяяаад̇и яаажад̇и. на сун̣зд̇и асугадтаанз наама васад̇ийд̇иби имзхи гааран̣зхи на сун̣зяяам̣. гим̣ ну д̇з агаранд̇и гим̣ ну д̇ава б̣аалзна маад̇аа маарид̇аа, уд̣̇ааху д̇ава бид̇аа, ан̃н̃ам̣ ваа бана д̇з гим̣ наама анад̇т̇ам̣ б̣аало агарам̣.
Tattha yena jātenāti yena cittena jātena kuddhā sattā pāṇavadhādīnaṃ katattā rājadaṇḍavasena visakhādanādīhi vā attano maraṇavasena etāni khettādīni jīyanti, so doso mayi na vaseyyāti yācati. Na suṇeti asukaṭṭhāne nāma vasatītipi imehi kāraṇehi na suṇeyyaṃ. Kiṃ nu te akaranti kiṃ nu tava bālena mātā māritā, udāhu tava pitā, aññaṃ vā pana te kiṃ nāma anatthaṃ bālo akaraṃ.
анаяам̣ наяад̇ийд̇и агааран̣ам̣ ‘‘гааран̣а’’нд̇и г̇ан̣хаад̇и, баан̣аад̇ибаад̇аад̣̇ийни гад̇ваа ж̇ийвигам̣ габбзссаамийд̇и зваруубаани анад̇т̇агаммаани жинд̇зд̇и. ад̇хурааяанд̇и сад̣̇д̇хаад̇хурасийлад̇хурабан̃н̃аад̇хурзсу аяож̇зд̇ваа аяог̇з нияун̃ж̇ад̇и. д̣̇уннаяо сзяяасо ход̇ийд̇и д̣̇уннаяова д̇асса сзяяо ход̇и. бан̃жа д̣̇уссийлагаммаани самаад̣̇ааяа вад̇д̇анамзва сзяяод̇и г̇ан̣хаад̇и, хид̇абадибад̇д̇ияаа ваа д̣̇уннаяо ход̇и нзд̇ум̣ асаггун̣зяяо. саммаа вуд̇д̇од̇и хзд̇унаа гааран̣зна вуд̇д̇о губбад̇и. винаяанд̇и ‘‘звам̣ абхиггамид̇аб̣б̣а’’нд̇иаад̣̇игам̣ аажааравинаяам̣ на ж̇аанаад̇и, оваад̣̇ан̃жа на самбадижчад̇и. саад̇ху д̇ассаад̇и зд̇зхи гааран̣зхи д̇асса ад̣̇ассанамзва саад̇ху.
Anayaṃ nayatīti akāraṇaṃ ‘‘kāraṇa’’nti gaṇhāti, pāṇātipātādīni katvā jīvikaṃ kappessāmīti evarūpāni anatthakammāni cinteti. Adhurāyanti saddhādhurasīladhurapaññādhuresu ayojetvā ayoge niyuñjati. Dunnayo seyyaso hotīti dunnayova tassa seyyo hoti. Pañca dussīlakammāni samādāya vattanameva seyyoti gaṇhāti, hitapaṭipattiyā vā dunnayo hoti netuṃ asakkuṇeyyo. Sammā vuttoti hetunā kāraṇena vutto kuppati. Vinayanti ‘‘evaṃ abhikkamitabba’’ntiādikaṃ ācāravinayaṃ na jānāti, ovādañca na sampaṭicchati. Sādhu tassāti etehi kāraṇehi tassa adassanameva sādhu.
суурияуг̇г̇аманам̣ бад̇ийд̇и суурияуг̇г̇аманавзлааяа. д̣̇иб̣б̣аа бхагкаад̇и д̣̇иб̣б̣абхож̇анам̣ яаажагаад̇и д̇асса д̣̇иб̣б̣абхож̇анасса бадиг̇г̇аахагаа. вад̇ажарияаахийд̇и д̣̇аанасийлаубосат̇агаммзхи. д̣̇ассанам̣ абхиган̇канд̇ийд̇и д̣̇ассанам̣ мама абхиган̇канд̇и. д̇ам̣ д̇аад̣̇исанд̇и зваруубам̣ д̣̇иб̣б̣аалан̇гааравибхуусид̇ам̣. бамаж̇ж̇зяяанд̇и бамаад̣̇ам̣ аабаж̇ж̇зяяам̣. д̇ава сирисамбад̇д̇им̣ бад̇т̇зяяам̣, звам̣ ниб̣б̣аанад̇т̇ааяа бавад̇д̇ид̇з д̇абогаммз саггадтаанам̣ бад̇т̇знд̇о бамад̇д̇о наама бхавзяяам̣, зд̇ам̣ д̇ава д̣̇ассанз маяхам̣ бхаяанд̇и.
Sūriyuggamanaṃ patīti sūriyuggamanavelāya. Dibbā bhakkhāti dibbabhojanaṃ yācakāti tassa dibbabhojanassa paṭiggāhakā. Vatacariyāhīti dānasīlauposathakammehi. Dassanaṃ abhikaṅkhantīti dassanaṃ mama abhikaṅkhanti. Taṃ tādisanti evarūpaṃ dibbālaṅkāravibhūsitaṃ. Pamajjeyyanti pamādaṃ āpajjeyyaṃ. Tava sirisampattiṃ pattheyyaṃ, evaṃ nibbānatthāya pavattite tapokamme sakkaṭṭhānaṃ patthento pamatto nāma bhaveyyaṃ, etaṃ tava dassane mayhaṃ bhayanti.
сагго ‘‘саад̇ху, бханд̇з, ид̇о бадтааяа на д̇з санд̇игам̣ ааг̇амиссаамаа’’д̇и д̇ам̣ ванд̣̇ид̇ваа камаабзд̇ваа баггаами. махаасад̇д̇о яааваж̇ийвам̣ д̇ад̇т̇зва васанд̇о б̣рахмавихаарз бхаавзд̇ваа б̣рахмалогз ниб̣б̣ад̇д̇и.
Sakko ‘‘sādhu, bhante, ito paṭṭhāya na te santikaṃ āgamissāmā’’ti taṃ vanditvā khamāpetvā pakkāmi. Mahāsatto yāvajīvaṃ tattheva vasanto brahmavihāre bhāvetvā brahmaloke nibbatti.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа сагго ануруд̣̇д̇хо ахоси, агид̇д̇ибан̣д̣ид̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā sakko anuruddho ahosi, akittipaṇḍito pana ahameva ahosi’’nti.
агид̇д̇иж̇аад̇агаван̣н̣анаа сад̇д̇амаа.
Akittijātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 480. агид̇д̇иж̇аад̇агам̣ • 480. Akittijātakaṃ
