| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༩. ཨཀྑམསུཏྟཝཎྞནཱ
9. Akkhamasuttavaṇṇanā
༡༣༩. ནཝམེ ཧཏྠིཀཱཡནྟི ཧཏྠིགྷཊཾ། སེསེསུཔི ཨེསེཝ ནཡོ། སངྒཱམེ ཨཝཙརནྟཱིཏི སངྒཱམཱཝཙརཱ། ཨེཀིསྶཱ ཝཱ ཏིཎོདཀདཏྟིཡཱ ཝིམཱནིཏོཏི ཨེཀདིཝསཾ ཨེཀེན ཏིཎོདཀདཱནེན ཝིམཱནིཏོ, ཨེཀདིཝསམཏྟཾ ཨལདྡྷཏིཎོདཀོཏི ཨཏྠོ། ཨིཏོ པརམྤི ཨེསེཝ ནཡོ། ན སཀྐོཏི ཙིཏྟཾ སམཱདཧིཏུནྟི ཨཱརམྨཎེ ཙིཏྟཾ སམྨཱ ཋཔེཏུཾ ན སཀྐོཏི། སེསམེཏྠ ཨུཏྟཱནམེཝ། ཨིམསྨིཾ པན སུཏྟེ ཝཊྚཝིཝཊྚཾ ཀཐིཏནྟི ཝེདིཏབྦཾ།
139. Navame hatthikāyanti hatthighaṭaṃ. Sesesupi eseva nayo. Saṅgāme avacarantīti saṅgāmāvacarā. Ekissāvā tiṇodakadattiyā vimānitoti ekadivasaṃ ekena tiṇodakadānena vimānito, ekadivasamattaṃ aladdhatiṇodakoti attho. Ito parampi eseva nayo. Na sakkoti cittaṃ samādahitunti ārammaṇe cittaṃ sammā ṭhapetuṃ na sakkoti. Sesamettha uttānameva. Imasmiṃ pana sutte vaṭṭavivaṭṭaṃ kathitanti veditabbaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༩. ཨཀྑམསུཏྟཾ • 9. Akkhamasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥-༩. པཏྠནཱསུཏྟཱདིཝཎྞནཱ • 5-9. Patthanāsuttādivaṇṇanā
