| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. агкан̣асуд̇д̇аван̣н̣анаа
9. Akkhaṇasuttavaṇṇanā
29. навамз кан̣з гижжаани гарод̇ийд̇и кан̣агижжо, огаасам̣ лабхид̇ваава гижжаани гарод̇ийд̇и ад̇т̇о. д̇хаммод̇и жад̇усажжад̇хаммо. обасамигод̇и гилзсуубасамаавахо. бариниб̣б̣ааяигод̇и гилзсабариниб̣б̣аанагаро. жад̇умаг̇г̇ан̃аан̣асан̇каад̇ам̣ самб̣од̇хим̣ г̇ажчад̇и самбаабун̣аад̇ийд̇и самб̣од̇хаг̇аамий. д̣̇ийгхааяугам̣ д̣̇званигааяанд̇и ид̣̇ам̣ асан̃н̃ам̣ д̣̇званигааяам̣ санд̇хааяа вуд̇д̇ам̣. авин̃н̃аад̇аарзсууд̇и ад̇ивияа авин̃н̃уусу.
29. Navame khaṇe kiccāni karotīti khaṇakicco, okāsaṃ labhitvāva kiccāni karotīti attho. Dhammoti catusaccadhammo. Opasamikoti kilesūpasamāvaho. Parinibbāyikoti kilesaparinibbānakaro. Catumaggañāṇasaṅkhātaṃ sambodhiṃ gacchati sampāpuṇātīti sambodhagāmī. Dīghāyukaṃ devanikāyanti idaṃ asaññaṃ devanikāyaṃ sandhāya vuttaṃ. Aviññātāresūti ativiya aviññūsu.
суббавзд̣̇ид̇зд̇и сугат̇ид̇з. анд̇арааяигаад̇и анд̇арааяагараа. кан̣о вз маа убажжаг̇аад̇и аяам̣ лад̣̇д̇хо кан̣о маа ад̇иггами. ид̇ха жзва нам̣ вираад̇хзд̇ийд̇и сажз гожи бамад̇д̇ажаарий ид̇ха имам̣ кан̣ам̣ лабхид̇вааби сад̣̇д̇хаммасса нияаамад̇ам̣ арияамаг̇г̇ам̣ вираад̇хзд̇и на самбаад̣̇зд̇и. ад̇ийд̇ад̇т̇од̇и хаабид̇ад̇т̇о. жирад̇д̇ам̣ ануд̇абиссад̇ийд̇и жирарад̇д̇ам̣ сожиссад̇и. яат̇аа хи ‘‘асугадтаанз бхан̣д̣ам̣ самуббанна’’нд̇и суд̇ваа зго ваан̣иж̇о на г̇ажчзяяа, ан̃н̃з г̇анд̇ваа г̇ан̣хзяяум̣, д̇зсам̣ д̇ам̣ адтаг̇ун̣амби д̣̇асаг̇ун̣амби бхавзяяа. ат̇а ид̇аро ‘‘мама ад̇т̇о ад̇игганд̇о’’д̇и ануд̇абзяяа, звам̣ яо ид̇ха кан̣ам̣ лабхид̇ваа аббадибаж̇ж̇анд̇о сад̣̇д̇хаммасса нияаамад̇ам̣ вираад̇хзд̇и, со аяам̣ ваан̣иж̇ова ад̇ийд̇ад̇т̇о жирам̣ ануд̇абиссад̇и сожиссад̇и. гин̃жа бхияяо авиж̇ж̇аанивуд̇од̇и д̇ат̇аа. бажжавид̣̇унд̇и бадивиж̇жхим̣су. сам̣вараад̇и сийласам̣вараа. маарад̇хзяяабараануг̇зд̇и маарад̇хзяяасан̇каад̇ам̣ сам̣саарам̣ ануг̇ад̇з. бааран̇г̇ад̇аад̇и ниб̣б̣аанам̣ г̇ад̇аа. яз бад̇д̇аа аасавагкаяанд̇и яз арахад̇д̇ам̣ бад̇д̇аа. звамид̇ха г̇аат̇аасу ваддавиваддам̣ гат̇ид̇ам̣.
Suppavediteti sukathite. Antarāyikāti antarāyakarā. Khaṇo ve mā upaccagāti ayaṃ laddho khaṇo mā atikkami. Idhaceva naṃ virādhetīti sace koci pamattacārī idha imaṃ khaṇaṃ labhitvāpi saddhammassa niyāmataṃ ariyamaggaṃ virādheti na sampādeti. Atītatthoti hāpitattho. Cirattaṃ anutapissatīti cirarattaṃ socissati. Yathā hi ‘‘asukaṭṭhāne bhaṇḍaṃ samuppanna’’nti sutvā eko vāṇijo na gaccheyya, aññe gantvā gaṇheyyuṃ, tesaṃ taṃ aṭṭhaguṇampi dasaguṇampi bhaveyya. Atha itaro ‘‘mama attho atikkanto’’ti anutapeyya, evaṃ yo idha khaṇaṃ labhitvā appaṭipajjanto saddhammassa niyāmataṃ virādheti, so ayaṃ vāṇijova atītattho ciraṃ anutapissati socissati. Kiñca bhiyyo avijjānivutoti tathā. Paccavidunti paṭivijjhiṃsu. Saṃvarāti sīlasaṃvarā. Māradheyyaparānugeti māradheyyasaṅkhātaṃ saṃsāraṃ anugate. Pāraṅgatāti nibbānaṃ gatā. Ye pattā āsavakkhayanti ye arahattaṃ pattā. Evamidha gāthāsu vaṭṭavivaṭṭaṃ kathitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. агкан̣асуд̇д̇ам̣ • 9. Akkhaṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. агкан̣асуд̇д̇аван̣н̣анаа • 9. Akkhaṇasuttavaṇṇanā
