| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਅਕ੍ਖਣਸੁਤ੍ਤવਣ੍ਣਨਾ
9. Akkhaṇasuttavaṇṇanā
੨੯. ਨવਮੇ ਖਣੇ ਕਿਚ੍ਚਾਨਿ ਕਰੋਤੀਤਿ ਖਣਕਿਚ੍ਚੋ, ਓਕਾਸਂ ਲਭਿਤ੍વਾવ ਕਿਚ੍ਚਾਨਿ ਕਰੋਤੀਤਿ ਅਤ੍ਥੋ। ਧਮ੍ਮੋਤਿ ਚਤੁਸਚ੍ਚਧਮ੍ਮੋ। ਓਪਸਮਿਕੋਤਿ ਕਿਲੇਸੂਪਸਮਾવਹੋ। ਪਰਿਨਿਬ੍ਬਾਯਿਕੋਤਿ ਕਿਲੇਸਪਰਿਨਿਬ੍ਬਾਨਕਰੋ। ਚਤੁਮਗ੍ਗਞਾਣਸਙ੍ਖਾਤਂ ਸਮ੍ਬੋਧਿਂ ਗਚ੍ਛਤਿ ਸਮ੍ਪਾਪੁਣਾਤੀਤਿ ਸਮ੍ਬੋਧਗਾਮੀ। ਦੀਘਾਯੁਕਂ ਦੇવਨਿਕਾਯਨ੍ਤਿ ਇਦਂ ਅਸਞ੍ਞਂ ਦੇવਨਿਕਾਯਂ ਸਨ੍ਧਾਯ વੁਤ੍ਤਂ। ਅવਿਞ੍ਞਾਤਾਰੇਸੂਤਿ ਅਤਿવਿਯ ਅવਿਞ੍ਞੂਸੁ।
29. Navame khaṇe kiccāni karotīti khaṇakicco, okāsaṃ labhitvāva kiccāni karotīti attho. Dhammoti catusaccadhammo. Opasamikoti kilesūpasamāvaho. Parinibbāyikoti kilesaparinibbānakaro. Catumaggañāṇasaṅkhātaṃ sambodhiṃ gacchati sampāpuṇātīti sambodhagāmī. Dīghāyukaṃ devanikāyanti idaṃ asaññaṃ devanikāyaṃ sandhāya vuttaṃ. Aviññātāresūti ativiya aviññūsu.
ਸੁਪ੍ਪવੇਦਿਤੇਤਿ ਸੁਕਥਿਤੇ। ਅਨ੍ਤਰਾਯਿਕਾਤਿ ਅਨ੍ਤਰਾਯਕਰਾ। ਖਣੋ વੇ ਮਾ ਉਪਚ੍ਚਗਾਤਿ ਅਯਂ ਲਦ੍ਧੋ ਖਣੋ ਮਾ ਅਤਿਕ੍ਕਮਿ। ਇਧ ਚੇવ ਨਂ વਿਰਾਧੇਤੀਤਿ ਸਚੇ ਕੋਚਿ ਪਮਤ੍ਤਚਾਰੀ ਇਧ ਇਮਂ ਖਣਂ ਲਭਿਤ੍વਾਪਿ ਸਦ੍ਧਮ੍ਮਸ੍ਸ ਨਿਯਾਮਤਂ ਅਰਿਯਮਗ੍ਗਂ વਿਰਾਧੇਤਿ ਨ ਸਮ੍ਪਾਦੇਤਿ। ਅਤੀਤਤ੍ਥੋਤਿ ਹਾਪਿਤਤ੍ਥੋ। ਚਿਰਤ੍ਤਂ ਅਨੁਤਪਿਸ੍ਸਤੀਤਿ ਚਿਰਰਤ੍ਤਂ ਸੋਚਿਸ੍ਸਤਿ। ਯਥਾ ਹਿ ‘‘ਅਸੁਕਟ੍ਠਾਨੇ ਭਣ੍ਡਂ ਸਮੁਪ੍ਪਨ੍ਨ’’ਨ੍ਤਿ ਸੁਤ੍વਾ ਏਕੋ વਾਣਿਜੋ ਨ ਗਚ੍ਛੇਯ੍ਯ, ਅਞ੍ਞੇ ਗਨ੍ਤ੍વਾ ਗਣ੍ਹੇਯ੍ਯੁਂ, ਤੇਸਂ ਤਂ ਅਟ੍ਠਗੁਣਮ੍ਪਿ ਦਸਗੁਣਮ੍ਪਿ ਭવੇਯ੍ਯ। ਅਥ ਇਤਰੋ ‘‘ਮਮ ਅਤ੍ਥੋ ਅਤਿਕ੍ਕਨ੍ਤੋ’’ਤਿ ਅਨੁਤਪੇਯ੍ਯ, ਏવਂ ਯੋ ਇਧ ਖਣਂ ਲਭਿਤ੍વਾ ਅਪ੍ਪਟਿਪਜ੍ਜਨ੍ਤੋ ਸਦ੍ਧਮ੍ਮਸ੍ਸ ਨਿਯਾਮਤਂ વਿਰਾਧੇਤਿ, ਸੋ ਅਯਂ વਾਣਿਜੋવ ਅਤੀਤਤ੍ਥੋ ਚਿਰਂ ਅਨੁਤਪਿਸ੍ਸਤਿ ਸੋਚਿਸ੍ਸਤਿ। ਕਿਞ੍ਚ ਭਿਯ੍ਯੋ ਅવਿਜ੍ਜਾਨਿવੁਤੋਤਿ ਤਥਾ। ਪਚ੍ਚવਿਦੁਨ੍ਤਿ ਪਟਿવਿਜ੍ਝਿਂਸੁ। ਸਂવਰਾਤਿ ਸੀਲਸਂવਰਾ। ਮਾਰਧੇਯ੍ਯਪਰਾਨੁਗੇਤਿ ਮਾਰਧੇਯ੍ਯਸਙ੍ਖਾਤਂ ਸਂਸਾਰਂ ਅਨੁਗਤੇ। ਪਾਰਙ੍ਗਤਾਤਿ ਨਿਬ੍ਬਾਨਂ ਗਤਾ। ਯੇ ਪਤ੍ਤਾ ਆਸવਕ੍ਖਯਨ੍ਤਿ ਯੇ ਅਰਹਤ੍ਤਂ ਪਤ੍ਤਾ। ਏવਮਿਧ ਗਾਥਾਸੁ વਟ੍ਟવਿવਟ੍ਟਂ ਕਥਿਤਂ।
Suppavediteti sukathite. Antarāyikāti antarāyakarā. Khaṇo ve mā upaccagāti ayaṃ laddho khaṇo mā atikkami. Idhaceva naṃ virādhetīti sace koci pamattacārī idha imaṃ khaṇaṃ labhitvāpi saddhammassa niyāmataṃ ariyamaggaṃ virādheti na sampādeti. Atītatthoti hāpitattho. Cirattaṃ anutapissatīti cirarattaṃ socissati. Yathā hi ‘‘asukaṭṭhāne bhaṇḍaṃ samuppanna’’nti sutvā eko vāṇijo na gaccheyya, aññe gantvā gaṇheyyuṃ, tesaṃ taṃ aṭṭhaguṇampi dasaguṇampi bhaveyya. Atha itaro ‘‘mama attho atikkanto’’ti anutapeyya, evaṃ yo idha khaṇaṃ labhitvā appaṭipajjanto saddhammassa niyāmataṃ virādheti, so ayaṃ vāṇijova atītattho ciraṃ anutapissati socissati. Kiñca bhiyyo avijjānivutoti tathā. Paccavidunti paṭivijjhiṃsu. Saṃvarāti sīlasaṃvarā. Māradheyyaparānugeti māradheyyasaṅkhātaṃ saṃsāraṃ anugate. Pāraṅgatāti nibbānaṃ gatā. Ye pattā āsavakkhayanti ye arahattaṃ pattā. Evamidha gāthāsu vaṭṭavivaṭṭaṃ kathitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਅਕ੍ਖਣਸੁਤ੍ਤਂ • 9. Akkhaṇasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. ਅਕ੍ਖਣਸੁਤ੍ਤવਣ੍ਣਨਾ • 9. Akkhaṇasuttavaṇṇanā
