| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
13. агкаругкабзд̇авад̇т̇уван̣н̣анаа
13. Akkharukkhapetavatthuvaṇṇanā
яам̣ д̣̇ад̣̇аад̇и на д̇ам̣ ход̇ийд̇и ид̣̇ам̣ агкад̣̇ааяагабзд̇авад̇т̇у. д̇асса гаа уббад̇д̇и? бхаг̇авад̇и саавад̇т̇ияам̣ вихаранд̇з ан̃н̃ад̇аро саавад̇т̇иваасий убаасаго сагадзхи бхан̣д̣асса буурзд̇ваа ван̣иж̇ж̇ааяа вид̣̇зсам̣ г̇анд̇ваа д̇ад̇т̇а ад̇д̇ано бхан̣д̣ам̣ виггин̣ид̇ваа бадибхан̣д̣ам̣ сагадзсу ааробзд̇ваа саавад̇т̇им̣ уд̣̇д̣̇исса маг̇г̇ам̣ бадибаж̇ж̇и. д̇асса маг̇г̇ам̣ г̇ажчанд̇асса адавияам̣ згасса сагадасса агко бхиж̇ж̇и. ат̇а ан̃н̃ад̇аро бурисо ругкаг̇ахан̣ад̇т̇ам̣ гутаарипарасум̣ г̇аахаабзд̇ваа ад̇д̇ано г̇аамад̇о нигкамид̇ваа аран̃н̃з вижаранд̇о д̇ам̣ таанам̣ бад̇ваа д̇ам̣ убаасагам̣ агкабхан̃ж̇анзна д̣̇оманассаббад̇д̇ам̣ д̣̇исваа ‘‘аяам̣ ваан̣иж̇о агкабхан̃ж̇анзна адавияам̣ гиламад̇ий’’д̇и анугамбам̣ убаад̣̇ааяа ругкад̣̇ан̣д̣ам̣ чинд̣̇ид̇ваа д̣̇ал̣хам̣ агкам̣ гад̇ваа сагадз яож̇зд̇ваа ад̣̇ааси.
Yaṃ dadāti na taṃ hotīti idaṃ akkhadāyakapetavatthu. Tassa kā uppatti? Bhagavati sāvatthiyaṃ viharante aññataro sāvatthivāsī upāsako sakaṭehi bhaṇḍassa pūretvā vaṇijjāya videsaṃ gantvā tattha attano bhaṇḍaṃ vikkiṇitvā paṭibhaṇḍaṃ sakaṭesu āropetvā sāvatthiṃ uddissa maggaṃ paṭipajji. Tassa maggaṃ gacchantassa aṭaviyaṃ ekassa sakaṭassa akkho bhijji. Atha aññataro puriso rukkhagahaṇatthaṃ kuṭhāripharasuṃ gāhāpetvā attano gāmato nikkhamitvā araññe vicaranto taṃ ṭhānaṃ patvā taṃ upāsakaṃ akkhabhañjanena domanassappattaṃ disvā ‘‘ayaṃ vāṇijo akkhabhañjanena aṭaviyaṃ kilamatī’’ti anukampaṃ upādāya rukkhadaṇḍaṃ chinditvā daḷhaṃ akkhaṃ katvā sakaṭe yojetvā adāsi.
со абарзна самаязна гаалам̣ гад̇ваа д̇асмим̣язва адавибад̣̇зсз бхуммад̣̇звад̇аа худ̇ваа ниб̣б̣ад̇д̇о. ад̇д̇ано гаммам̣ бажжавзгкид̇ваа рад̇д̇ияам̣ д̇асса убаасагасса г̇зхам̣ г̇анд̇ваа г̇зхад̣̇ваарз тад̇ваа –
So aparena samayena kālaṃ katvā tasmiṃyeva aṭavipadese bhummadevatā hutvā nibbatto. Attano kammaṃ paccavekkhitvā rattiyaṃ tassa upāsakassa gehaṃ gantvā gehadvāre ṭhatvā –
800.
800.
‘‘яам̣ д̣̇ад̣̇аад̇и на д̇ам̣ ход̇и, д̣̇зт̇зва д̣̇аанам̣ д̣̇ад̇ваа убхаяам̣ д̇арад̇и;
‘‘Yaṃ dadāti na taṃ hoti, detheva dānaṃ datvā ubhayaṃ tarati;
убхаяам̣ д̇зна д̣̇аанзна г̇ажчад̇и, ж̇ааг̇арат̇а маа бамаж̇ж̇ат̇аа’’д̇и. –
Ubhayaṃ tena dānena gacchati, jāgaratha mā pamajjathā’’ti. –
г̇аат̇амааха. д̇ад̇т̇а яам̣ д̣̇ад̣̇аад̇и на д̇ам̣ ход̇ийд̇и яам̣ д̣̇зяяад̇хаммам̣ д̣̇ааяаго д̣̇зд̇и, на д̇ад̣̇зва баралогз д̇асса д̣̇аанасса палабхаавзна ход̇и, ат̇а ко ан̃н̃ам̣ б̣ахум̣ идтам̣ ганд̇ам̣ палам̣ ход̇иязва. д̇асмаа д̣̇зт̇зва д̣̇аананд̇и яат̇аа д̇ат̇аа д̣̇аанам̣ д̣̇зт̇а зва. д̇ад̇т̇а гааран̣амааха ‘‘д̣̇ад̇ваа убхаяам̣ д̇арад̇ий’’д̇и , д̣̇аанам̣ д̣̇ад̇ваа д̣̇идтад̇хаммигамби самбарааяигамби д̣̇угкам̣ анад̇т̇ан̃жа ад̇иггамад̇и. убхаяам̣ д̇зна д̣̇аанзна г̇ажчад̇ийд̇и д̣̇идтад̇хаммигам̣ самбарааяиган̃жаад̇и убхаяамби сукам̣ д̇зна д̣̇аанзна убаг̇ажчад̇и баабун̣аад̇и, ад̇д̇ано барзсан̃жа хид̇асукавасзнааби аяамад̇т̇о яож̇зд̇аб̣б̣о. ж̇ааг̇арат̇а маа бамаж̇ж̇ат̇аад̇и звам̣ убхаяаанад̇т̇анивааран̣ам̣ убхаяахид̇асаад̇ханам̣ д̣̇аанам̣ самбаад̣̇зд̇ум̣ ж̇ааг̇арат̇а, д̣̇аануубагаран̣аани саж̇ж̇зд̇ваа д̇ад̇т̇а жа аббамад̇д̇аа хот̇аад̇и ад̇т̇о. аад̣̇арад̣̇ассанад̇т̇ам̣ жзд̇т̇а аамзд̣ид̇авасзна вуд̇д̇ам̣.
Gāthamāha. Tattha yaṃ dadāti na taṃ hotīti yaṃ deyyadhammaṃ dāyako deti, na tadeva paraloke tassa dānassa phalabhāvena hoti, atha kho aññaṃ bahuṃ iṭṭhaṃ kantaṃ phalaṃ hotiyeva. Tasmā detheva dānanti yathā tathā dānaṃ detha eva. Tattha kāraṇamāha ‘‘datvā ubhayaṃ taratī’’ti , dānaṃ datvā diṭṭhadhammikampi samparāyikampi dukkhaṃ anatthañca atikkamati. Ubhayaṃ tena dānena gacchatīti diṭṭhadhammikaṃ samparāyikañcāti ubhayampi sukhaṃ tena dānena upagacchati pāpuṇāti, attano paresañca hitasukhavasenāpi ayamattho yojetabbo. Jāgaratha mā pamajjathāti evaṃ ubhayānatthanivāraṇaṃ ubhayahitasādhanaṃ dānaṃ sampādetuṃ jāgaratha, dānūpakaraṇāni sajjetvā tattha ca appamattā hothāti attho. Ādaradassanatthaṃ cettha āmeḍitavasena vuttaṃ.
ваан̣иж̇о ад̇д̇ано гижжам̣ д̇ийрзд̇ваа бадинивад̇д̇ид̇ваа ануггамзна саавад̇т̇им̣ бад̇ваа д̣̇уд̇ияад̣̇ивасз сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ нисинно д̇ам̣ бавад̇д̇им̣ бхаг̇авад̇о аарожзси. сад̇т̇аа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
Vāṇijo attano kiccaṃ tīretvā paṭinivattitvā anukkamena sāvatthiṃ patvā dutiyadivase satthāraṃ upasaṅkamitvā vanditvā ekamantaṃ nisinno taṃ pavattiṃ bhagavato ārocesi. Satthā tamatthaṃ aṭṭhuppattiṃ katvā sampattaparisāya dhammaṃ desesi. Sā desanā mahājanassa sātthikā ahosīti.
агкаругкабзд̇авад̇т̇уван̣н̣анаа нидтид̇аа.
Akkharukkhapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 13. агкаругкабзд̇авад̇т̇у • 13. Akkharukkhapetavatthu
