| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
५. अक्कोधसुत्तं
5. Akkodhasuttaṃ
२७१. एवं मे सुतं – एकं समयं भगवा सावत्थियं विहरति जेतवने अनाथपिण्डिकस्स आरामे। तत्र खो भगवा भिक्खू…पे॰… भगवा एतदवोच – ‘‘भूतपुब्बं, भिक्खवे, सक्को देवानमिन्दो सुधम्मायं सभायं देवे तावतिंसे अनुनयमानो तायं वेलायं इमं गाथं अभासि –
271. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū…pe… bhagavā etadavoca – ‘‘bhūtapubbaṃ, bhikkhave, sakko devānamindo sudhammāyaṃ sabhāyaṃ deve tāvatiṃse anunayamāno tāyaṃ velāyaṃ imaṃ gāthaṃ abhāsi –
‘‘मा वो कोधो अज्झभवि, मा च कुज्झित्थ कुज्झतं।
‘‘Mā vo kodho ajjhabhavi, mā ca kujjhittha kujjhataṃ;
अथ पापजनं कोधो, पब्बतोवाभिमद्दती’’ति॥
Atha pāpajanaṃ kodho, pabbatovābhimaddatī’’ti.
ततियो वग्गो।
Tatiyo vaggo.
तस्सुद्दानं –
Tassuddānaṃ –
छेत्वा दुब्बण्णियमाया, अच्चयेन अकोधनो।
Chetvā dubbaṇṇiyamāyā, accayena akodhano;
देसितं बुद्धसेट्ठेन, इदञ्हि सक्कपञ्चकन्ति॥
Desitaṃ buddhaseṭṭhena, idañhi sakkapañcakanti.
सक्कसंयुत्तं समत्तं।
Sakkasaṃyuttaṃ samattaṃ.
सगाथावग्गो पठमो।
Sagāthāvaggo paṭhamo.
तस्सुद्दानं –
Tassuddānaṃ –
देवता देवपुत्तो च, राजा मारो च भिक्खुनी।
Devatā devaputto ca, rājā māro ca bhikkhunī;
ब्रह्मा ब्राह्मण वङ्गीसो, वनयक्खेन वासवोति॥
Brahmā brāhmaṇa vaṅgīso, vanayakkhena vāsavoti.
सगाथावग्गसंयुत्तपाळि निट्ठिता।
Sagāthāvaggasaṃyuttapāḷi niṭṭhitā.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ५. अक्कोधसुत्तवण्णना • 5. Akkodhasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ५. अक्कोधसुत्तवण्णना • 5. Akkodhasuttavaṇṇanā
