| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৫. অক্কোধসুত্তৰণ্ণনা
5. Akkodhasuttavaṇṇanā
২৭১. কোধো তুম্হে মা অভিভৰীতি এত্থ কোধেন অনভিভৰনীযত্তং খন্তিমেত্তাকরুণাদিতপ্পটিপক্খধম্মপরিব্রূহনেন । তথা হি তংসমঙ্গিনো কোধো অভিভুয্যতীতি আহ ‘‘তুম্হেৰ কোধং অভিভৰথ। কুজ্ঝন্তানং মা পটিকুজ্ঝিত্থা’’তি। পটিপদাতি এসা পটিপত্তি। মেত্তাতি অপ্পনাপ্পত্তা মেত্তা। তদুপচারো মেত্তাপুব্বভাগো। ন ৰিহিংসতি কিঞ্চি এতাযাতি অৰিহিংসা। করুণাতি অপ্পনাপ্পত্তকরুণা ৰেদিতব্বা। তদুপচারো করুণাপুব্বভাগো। লামকজনন্তি খন্তিআদীসু যোনিসোমনসিকারাভাৰেন গারয্হসমাচারসমাযোগেন চ নিহীনং জনং। পচ্চযপরিসুদ্ধিযা কোধো অভিমদ্দমানো পুগ্গলং অভিমদ্দতি, তস্স সো পটিসঙ্খানভাৰনাবলেহি সম্মদেৰ পহাতব্বোতি।
271.Kodho tumhe mā abhibhavīti ettha kodhena anabhibhavanīyattaṃ khantimettākaruṇāditappaṭipakkhadhammaparibrūhanena . Tathā hi taṃsamaṅgino kodho abhibhuyyatīti āha ‘‘tumheva kodhaṃ abhibhavatha. Kujjhantānaṃ mā paṭikujjhitthā’’ti. Paṭipadāti esā paṭipatti. Mettāti appanāppattā mettā. Tadupacāro mettāpubbabhāgo. Na vihiṃsati kiñci etāyāti avihiṃsā. Karuṇāti appanāppattakaruṇā veditabbā. Tadupacāro karuṇāpubbabhāgo. Lāmakajananti khantiādīsu yonisomanasikārābhāvena gārayhasamācārasamāyogena ca nihīnaṃ janaṃ. Paccayaparisuddhiyā kodho abhimaddamāno puggalaṃ abhimaddati, tassa so paṭisaṅkhānabhāvanābalehi sammadeva pahātabboti.
অক্কোধসুত্তৰণ্ণনা নিট্ঠিতা।
Akkodhasuttavaṇṇanā niṭṭhitā.
ততিযৰগ্গৰণ্ণনা নিট্ঠিতা।
Tatiyavaggavaṇṇanā niṭṭhitā.
সারত্থপ্পকাসিনিযা সংযুত্তনিকায-অট্ঠকথায
Sāratthappakāsiniyā saṃyuttanikāya-aṭṭhakathāya
সক্কসংযুত্তৰণ্ণনায লীনত্থপ্পকাসনা সমত্তা।
Sakkasaṃyuttavaṇṇanāya līnatthappakāsanā samattā.
নিট্ঠিতা চ সারত্থপ্পকাসিনিযা
Niṭṭhitā ca sāratthappakāsiniyā
সংযুত্তনিকায-অট্ঠকথায সগাথাৰগ্গৰণ্ণনা।
Saṃyuttanikāya-aṭṭhakathāya sagāthāvaggavaṇṇanā.
পঠমো ভাগো নিট্ঠিতো।
Paṭhamo bhāgo niṭṭhito.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৫. অক্কোধসুত্তং • 5. Akkodhasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. অক্কোধসুত্তৰণ্ণনা • 5. Akkodhasuttavaṇṇanā
