| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๕. อโกฺกธสุตฺตวณฺณนา
5. Akkodhasuttavaṇṇanā
๒๗๑. โกโธ ตุเมฺห มา อภิภวีติ เอตฺถ โกเธน อนภิภวนียตฺตํ ขนฺติเมตฺตากรุณาทิตปฺปฎิปกฺขธมฺมปริพฺรูหเนน ฯ ตถา หิ ตํสมงฺคิโน โกโธ อภิภุยฺยตีติ อาห ‘‘ตุเมฺหว โกธํ อภิภวถฯ กุชฺฌนฺตานํ มา ปฎิกุชฺฌิตฺถา’’ติฯ ปฎิปทาติ เอสา ปฎิปตฺติฯ เมตฺตาติ อปฺปนาปฺปตฺตา เมตฺตาฯ ตทุปจาโร เมตฺตาปุพฺพภาโคฯ น วิหิํสติ กิญฺจิ เอตายาติ อวิหิํสาฯ กรุณาติ อปฺปนาปฺปตฺตกรุณา เวทิตพฺพาฯ ตทุปจาโร กรุณาปุพฺพภาโคฯ ลามกชนนฺติ ขนฺติอาทีสุ โยนิโสมนสิการาภาเวน คารยฺหสมาจารสมาโยเคน จ นิหีนํ ชนํฯ ปจฺจยปริสุทฺธิยา โกโธ อภิมทฺทมาโน ปุคฺคลํ อภิมทฺทติ, ตสฺส โส ปฎิสงฺขานภาวนาพเลหิ สมฺมเทว ปหาตโพฺพติฯ
271.Kodho tumhe mā abhibhavīti ettha kodhena anabhibhavanīyattaṃ khantimettākaruṇāditappaṭipakkhadhammaparibrūhanena . Tathā hi taṃsamaṅgino kodho abhibhuyyatīti āha ‘‘tumheva kodhaṃ abhibhavatha. Kujjhantānaṃ mā paṭikujjhitthā’’ti. Paṭipadāti esā paṭipatti. Mettāti appanāppattā mettā. Tadupacāro mettāpubbabhāgo. Na vihiṃsati kiñci etāyāti avihiṃsā. Karuṇāti appanāppattakaruṇā veditabbā. Tadupacāro karuṇāpubbabhāgo. Lāmakajananti khantiādīsu yonisomanasikārābhāvena gārayhasamācārasamāyogena ca nihīnaṃ janaṃ. Paccayaparisuddhiyā kodho abhimaddamāno puggalaṃ abhimaddati, tassa so paṭisaṅkhānabhāvanābalehi sammadeva pahātabboti.
อโกฺกธสุตฺตวณฺณนา นิฎฺฐิตาฯ
Akkodhasuttavaṇṇanā niṭṭhitā.
ตติยวคฺควณฺณนา นิฎฺฐิตาฯ
Tatiyavaggavaṇṇanā niṭṭhitā.
สารตฺถปฺปกาสินิยา สํยุตฺตนิกาย-อฎฺฐกถาย
Sāratthappakāsiniyā saṃyuttanikāya-aṭṭhakathāya
สกฺกสํยุตฺตวณฺณนาย ลีนตฺถปฺปกาสนา สมตฺตาฯ
Sakkasaṃyuttavaṇṇanāya līnatthappakāsanā samattā.
นิฎฺฐิตา จ สารตฺถปฺปกาสินิยา
Niṭṭhitā ca sāratthappakāsiniyā
สํยุตฺตนิกาย-อฎฺฐกถาย สคาถาวคฺควณฺณนาฯ
Saṃyuttanikāya-aṭṭhakathāya sagāthāvaggavaṇṇanā.
ปฐโม ภาโค นิฎฺฐิโตฯ
Paṭhamo bhāgo niṭṭhito.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๕. อโกฺกธสุตฺตํ • 5. Akkodhasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๕. อโกฺกธสุตฺตวณฺณนา • 5. Akkodhasuttavaṇṇanā
