| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
5. අක්‌කොධසුත්‌තවණ්‌ණනා
5. Akkodhasuttavaṇṇanā
271. කොධො තුම්‌හෙ මා අභිභවීති එත්‌ථ කොධෙන අනභිභවනීයත්‌තං ඛන්‌තිමෙත්‌තාකරුණාදිතප්‌පටිපක්‌ඛධම්‌මපරිබ්‍රූහනෙන . තථා හි තංසමඞ්‌ගිනො කොධො අභිභුය්‍යතීති ආහ ‘‘තුම්‌හෙව කොධං අභිභවථ. කුජ්‌ඣන්‌තානං මා පටිකුජ්‌ඣිත්‌ථා’’ති. පටිපදාති එසා පටිපත්‌ති. මෙත්‌තාති අප්‌පනාප්‌පත්‌තා මෙත්‌තා. තදුපචාරො මෙත්‌තාපුබ්‌බභාගො. න විහිංසති කිඤ්‌චි එතායාති අවිහිංසා. කරුණාති අප්‌පනාප්‌පත්‌තකරුණා වෙදිතබ්‌බා. තදුපචාරො කරුණාපුබ්‌බභාගො. ලාමකජනන්‌ති ඛන්‌තිආදීසු යොනිසොමනසිකාරාභාවෙන ගාරය්‌හසමාචාරසමායොගෙන ච නිහීනං ජනං. පච්‌චයපරිසුද්‌ධියා කොධො අභිමද්‌දමානො පුග්‌ගලං අභිමද්‌දති, තස්‌ස සො පටිසඞ්‌ඛානභාවනාබලෙහි සම්‌මදෙව පහාතබ්‌බොති.
271.Kodho tumhe mā abhibhavīti ettha kodhena anabhibhavanīyattaṃ khantimettākaruṇāditappaṭipakkhadhammaparibrūhanena . Tathā hi taṃsamaṅgino kodho abhibhuyyatīti āha ‘‘tumheva kodhaṃ abhibhavatha. Kujjhantānaṃ mā paṭikujjhitthā’’ti. Paṭipadāti esā paṭipatti. Mettāti appanāppattā mettā. Tadupacāro mettāpubbabhāgo. Na vihiṃsati kiñci etāyāti avihiṃsā. Karuṇāti appanāppattakaruṇā veditabbā. Tadupacāro karuṇāpubbabhāgo. Lāmakajananti khantiādīsu yonisomanasikārābhāvena gārayhasamācārasamāyogena ca nihīnaṃ janaṃ. Paccayaparisuddhiyā kodho abhimaddamāno puggalaṃ abhimaddati, tassa so paṭisaṅkhānabhāvanābalehi sammadeva pahātabboti.
අක්‌කොධසුත්‌තවණ්‌ණනා නිට්‌ඨිතා.
Akkodhasuttavaṇṇanā niṭṭhitā.
තතියවග්‌ගවණ්‌ණනා නිට්‌ඨිතා.
Tatiyavaggavaṇṇanā niṭṭhitā.
සාරත්‌ථප්‌පකාසිනියා සංයුත්‌තනිකාය-අට්‌ඨකථාය
Sāratthappakāsiniyā saṃyuttanikāya-aṭṭhakathāya
සක්‌කසංයුත්‌තවණ්‌ණනාය ලීනත්‌ථප්‌පකාසනා සමත්‌තා.
Sakkasaṃyuttavaṇṇanāya līnatthappakāsanā samattā.
නිට්‌ඨිතා ච සාරත්‌ථප්‌පකාසිනියා
Niṭṭhitā ca sāratthappakāsiniyā
සංයුත්‌තනිකාය-අට්‌ඨකථාය සගාථාවග්‌ගවණ්‌ණනා.
Saṃyuttanikāya-aṭṭhakathāya sagāthāvaggavaṇṇanā.
පඨමො භාගො නිට්‌ඨිතො.
Paṭhamo bhāgo niṭṭhito.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 5. අක්‌කොධසුත්‌තං • 5. Akkodhasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5. අක්‌කොධසුත්‌තවණ්‌ණනා • 5. Akkodhasuttavaṇṇanā
