| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
(২২) ২. অক্কোসকৰগ্গো
(22) 2. Akkosakavaggo
১. অক্কোসকসুত্তং
1. Akkosakasuttaṃ
২১১. ‘‘যো সো, ভিক্খৰে, ভিক্খু অক্কোসকপরিভাসকো অরিযূপৰাদী সব্রহ্মচারীনং, তস্স পঞ্চ আদীনৰা পাটিকঙ্খা। কতমে পঞ্চ? পারাজিকো ৰা হোতি ছিন্নপরিপন্থো 1, অঞ্ঞতরং ৰা সংকিলিট্ঠং আপত্তিং আপজ্জতি, বাল়্হং ৰা রোগাতঙ্কং ফুসতি, সম্মূল়্হো কালং করোতি, কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জতি। যো সো, ভিক্খৰে, ভিক্খু অক্কোসকপরিভাসকো অরিযূপৰাদী সব্রহ্মচারীনং, তস্স ইমে পঞ্চ আদীনৰা পাটিকঙ্খা’’তি। পঠমং।
211. ‘‘Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ, tassa pañca ādīnavā pāṭikaṅkhā. Katame pañca? Pārājiko vā hoti chinnaparipantho 2, aññataraṃ vā saṃkiliṭṭhaṃ āpattiṃ āpajjati, bāḷhaṃ vā rogātaṅkaṃ phusati, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ, tassa ime pañca ādīnavā pāṭikaṅkhā’’ti. Paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. অক্কোসকসুত্তৰণ্ণনা • 1. Akkosakasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-২. অক্কোসকসুত্তাদিৰণ্ণনা • 1-2. Akkosakasuttādivaṇṇanā
