| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
(22) 2. අක්‌කොසකවග්‌ගො
(22) 2. Akkosakavaggo
1. අක්‌කොසකසුත්‌තං
1. Akkosakasuttaṃ
211. ‘‘යො සො, භික්‌ඛවෙ, භික්‌ඛු අක්‌කොසකපරිභාසකො අරියූපවාදී සබ්‍රහ්‌මචාරීනං, තස්‌ස පඤ්‌ච ආදීනවා පාටිකඞ්‌ඛා. කතමෙ පඤ්‌ච? පාරාජිකො වා හොති ඡින්‌නපරිපන්‌ථො 1, අඤ්‌ඤතරං වා සංකිලිට්‌ඨං ආපත්‌තිං ආපජ්‌ජති, බාළ්‌හං වා රොගාතඞ්‌කං ඵුසති, සම්‌මූළ්‌හො කාලං කරොති, කායස්‌ස භෙදා පරං මරණා අපායං දුග්‌ගතිං විනිපාතං නිරයං උපපජ්‌ජති. යො සො, භික්‌ඛවෙ, භික්‌ඛු අක්‌කොසකපරිභාසකො අරියූපවාදී සබ්‍රහ්‌මචාරීනං, තස්‌ස ඉමෙ පඤ්‌ච ආදීනවා පාටිකඞ්‌ඛා’’ති. පඨමං.
211. ‘‘Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ, tassa pañca ādīnavā pāṭikaṅkhā. Katame pañca? Pārājiko vā hoti chinnaparipantho 2, aññataraṃ vā saṃkiliṭṭhaṃ āpattiṃ āpajjati, bāḷhaṃ vā rogātaṅkaṃ phusati, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ, tassa ime pañca ādīnavā pāṭikaṅkhā’’ti. Paṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. අක්‌කොසකසුත්‌තවණ්‌ණනා • 1. Akkosakasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-2. අක්‌කොසකසුත්‌තාදිවණ්‌ණනා • 1-2. Akkosakasuttādivaṇṇanā
