| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
8. අක්‌කොසකසුත්‌තං
8. Akkosakasuttaṃ
88. ‘‘යො සො, භික්‌ඛවෙ, භික්‌ඛු අක්‌කොසකපරිභාසකො අරියූපවාදී සබ්‍රහ්‌මචාරීනං ඨානමෙතං අවකාසො 1 යං සො දසන්‌නං බ්‍යසනානං අඤ්‌ඤතරං බ්‍යසනං නිගච්‌ඡෙය්‍ය 2. කතමෙසං දසන්‌නං? අනධිගතං නාධිගච්‌ඡති, අධිගතා පරිහායති, සද්‌ධම්‌මස්‌ස න වොදායන්‌ති, සද්‌ධම්‌මෙසු වා අධිමානිකො හොති අනභිරතො වා බ්‍රහ්‌මචරියං චරති, අඤ්‌ඤතරං වා සංකිලිට්‌ඨං ආපත්‌තිං ආපජ්‌ජති, ගාළ්‌හං වා රොගාතඞ්‌කං ඵුසති, උම්‌මාදං වා පාපුණාති චිත්‌තක්‌ඛෙපං, සම්‌මූළ්‌හො කාලං කරොති, කායස්‌ස භෙදා පරං මරණා අපායං දුග්‌ගතිං විනිපාතං නිරයං උපපජ්‌ජති. යො සො, භික්‌ඛවෙ, භික්‌ඛු අක්‌කොසකපරිභාසකො අරියූපවාදී සබ්‍රහ්‌මචාරීනං, ඨානමෙතං අවකාසො යං සො ඉමෙසං දසන්‌නං බ්‍යසනානං අඤ්‌ඤතරං බ්‍යසනං නිගච්‌ඡෙය්‍යා’’ති. අට්‌ඨමං.
88. ‘‘Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ ṭhānametaṃ avakāso 3 yaṃ so dasannaṃ byasanānaṃ aññataraṃ byasanaṃ nigaccheyya 4. Katamesaṃ dasannaṃ? Anadhigataṃ nādhigacchati, adhigatā parihāyati, saddhammassa na vodāyanti, saddhammesu vā adhimāniko hoti anabhirato vā brahmacariyaṃ carati, aññataraṃ vā saṃkiliṭṭhaṃ āpattiṃ āpajjati, gāḷhaṃ vā rogātaṅkaṃ phusati, ummādaṃ vā pāpuṇāti cittakkhepaṃ, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ, ṭhānametaṃ avakāso yaṃ so imesaṃ dasannaṃ byasanānaṃ aññataraṃ byasanaṃ nigaccheyyā’’ti. Aṭṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 8. අක්‌කොසකසුත්‌තවණ්‌ණනා • 8. Akkosakasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-8. වාහනසුත්‌තාදිවණ්‌ණනා • 1-8. Vāhanasuttādivaṇṇanā
