| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༨. ཨཀྐོསཀསུཏྟཾ
8. Akkosakasuttaṃ
༨༨. ‘‘ཡོ སོ, བྷིཀྑཝེ, བྷིཀྑུ ཨཀྐོསཀཔརིབྷཱསཀོ ཨརིཡཱུཔཝཱདཱི སབྲཧྨཙཱརཱིནཾ ཋཱནམེཏཾ ཨཝཀཱསོ 1 ཡཾ སོ དསནྣཾ བྱསནཱནཾ ཨཉྙཏརཾ བྱསནཾ ནིགཙྪེཡྻ 2། ཀཏམེསཾ དསནྣཾ? ཨནདྷིགཏཾ ནཱདྷིགཙྪཏི, ཨདྷིགཏཱ པརིཧཱཡཏི, སདྡྷམྨསྶ ན ཝོདཱཡནྟི, སདྡྷམྨེསུ ཝཱ ཨདྷིམཱནིཀོ ཧོཏི ཨནབྷིརཏོ ཝཱ བྲཧྨཙརིཡཾ ཙརཏི, ཨཉྙཏརཾ ཝཱ སཾཀིལིཊྛཾ ཨཱཔཏྟིཾ ཨཱཔཛྫཏི, གཱལ༹ྷཾ ཝཱ རོགཱཏངྐཾ ཕུསཏི, ཨུམྨཱདཾ ཝཱ པཱཔུཎཱཏི ཙིཏྟཀྑེཔཾ, སམྨཱུལ༹ྷོ ཀཱལཾ ཀརོཏི, ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫཏི། ཡོ སོ, བྷིཀྑཝེ, བྷིཀྑུ ཨཀྐོསཀཔརིབྷཱསཀོ ཨརིཡཱུཔཝཱདཱི སབྲཧྨཙཱརཱིནཾ, ཋཱནམེཏཾ ཨཝཀཱསོ ཡཾ སོ ཨིམེསཾ དསནྣཾ བྱསནཱནཾ ཨཉྙཏརཾ བྱསནཾ ནིགཙྪེཡྻཱ’’ཏི། ཨཊྛམཾ།
88. ‘‘Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ ṭhānametaṃ avakāso 3 yaṃ so dasannaṃ byasanānaṃ aññataraṃ byasanaṃ nigaccheyya 4. Katamesaṃ dasannaṃ? Anadhigataṃ nādhigacchati, adhigatā parihāyati, saddhammassa na vodāyanti, saddhammesu vā adhimāniko hoti anabhirato vā brahmacariyaṃ carati, aññataraṃ vā saṃkiliṭṭhaṃ āpattiṃ āpajjati, gāḷhaṃ vā rogātaṅkaṃ phusati, ummādaṃ vā pāpuṇāti cittakkhepaṃ, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ, ṭhānametaṃ avakāso yaṃ so imesaṃ dasannaṃ byasanānaṃ aññataraṃ byasanaṃ nigaccheyyā’’ti. Aṭṭhamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༨. ཨཀྐོསཀསུཏྟཝཎྞནཱ • 8. Akkosakasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༨. ཝཱཧནསུཏྟཱདིཝཎྞནཱ • 1-8. Vāhanasuttādivaṇṇanā
