| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
8. அக்கோஸகஸுத்தவண்ணனா
8. Akkosakasuttavaṇṇanā
88. அட்ட²மே அக்கோஸகபரிபா⁴ஸகோ அரியூபவாதீ³ ஸப்³ரஹ்மசாரினந்தி எத்த² ஸப்³ரஹ்மசாரிபத³ங் அக்கோஸகபரிபா⁴ஸகபதே³ஹி யோஜேதப்³ப³ங் ‘‘அக்கோஸகோ ஸப்³ரஹ்மசாரீனங், பரிபா⁴ஸகோ ஸப்³ரஹ்மசாரீன’’ந்தி. அரியானங் பன கு³ணே சி²ந்தி³ஸ்ஸாமீதி அந்திமவத்து²னா உபவத³ந்தோ அரியூபவாதீ³ நாம ஹோதி. ஸத்³த⁴ம்மஸ்ஸ ந வோதா³யந்தீதி ஸிக்கா²த்தயஸங்கா²தா ஸாஸனஸத்³த⁴ம்மா அஸ்ஸ வோதா³னங் ந க³ச்ச²ந்தி. ரோகா³தங்கந்தி எத்த² ரோகோ³வ கிச்சா²ஜீவிதபா⁴வகரணேன ஆதங்கோதி வேதி³தப்³போ³.
88. Aṭṭhame akkosakaparibhāsako ariyūpavādī sabrahmacārinanti ettha sabrahmacāripadaṃ akkosakaparibhāsakapadehi yojetabbaṃ ‘‘akkosako sabrahmacārīnaṃ, paribhāsako sabrahmacārīna’’nti. Ariyānaṃ pana guṇe chindissāmīti antimavatthunā upavadanto ariyūpavādī nāma hoti. Saddhammassa na vodāyantīti sikkhāttayasaṅkhātā sāsanasaddhammā assa vodānaṃ na gacchanti. Rogātaṅkanti ettha rogova kicchājīvitabhāvakaraṇena ātaṅkoti veditabbo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. அக்கோஸகஸுத்தங் • 8. Akkosakasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-8. வாஹனஸுத்தாதி³வண்ணனா • 1-8. Vāhanasuttādivaṇṇanā
