| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၈. အက္ကောသကသုတ္တဝဏ္ဏနာ
8. Akkosakasuttavaṇṇanā
၈၈. အဋ္ဌမေ အက္ကောသကပရိဘာသကော အရိယူပဝာဒီ သဗ္ရဟ္မစာရိနန္တိ ဧတ္ထ သဗ္ရဟ္မစာရိပဒံ အက္ကောသကပရိဘာသကပဒေဟိ ယောဇေတဗ္ဗံ ‘‘အက္ကောသကော သဗ္ရဟ္မစာရီနံ, ပရိဘာသကော သဗ္ရဟ္မစာရီန’’န္တိ။ အရိယာနံ ပန ဂုဏေ ဆိန္ဒိသ္သာမီတိ အန္တိမဝတ္ထုနာ ဥပဝဒန္တော အရိယူပဝာဒီ နာမ ဟောတိ။ သဒ္ဓမ္မသ္သ န ဝောဒာယန္တီတိ သိက္ခာတ္တယသင္ခာတာ သာသနသဒ္ဓမ္မာ အသ္သ ဝောဒာနံ န ဂစ္ဆန္တိ။ ရောဂာတင္ကန္တိ ဧတ္ထ ရောဂောဝ ကိစ္ဆာဇီဝိတဘာဝကရဏေန အာတင္ကောတိ ဝေဒိတဗ္ဗော။
88. Aṭṭhame akkosakaparibhāsako ariyūpavādī sabrahmacārinanti ettha sabrahmacāripadaṃ akkosakaparibhāsakapadehi yojetabbaṃ ‘‘akkosako sabrahmacārīnaṃ, paribhāsako sabrahmacārīna’’nti. Ariyānaṃ pana guṇe chindissāmīti antimavatthunā upavadanto ariyūpavādī nāma hoti. Saddhammassa na vodāyantīti sikkhāttayasaṅkhātā sāsanasaddhammā assa vodānaṃ na gacchanti. Rogātaṅkanti ettha rogova kicchājīvitabhāvakaraṇena ātaṅkoti veditabbo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၈. အက္ကောသကသုတ္တံ • 8. Akkosakasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၈. ဝာဟနသုတ္တာဒိဝဏ္ဏနာ • 1-8. Vāhanasuttādivaṇṇanā
