| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. аггосасуд̇д̇аван̣н̣анаа
2. Akkosasuttavaṇṇanā
188. д̣̇уд̇ияз аггосагабхаарад̣̇вааж̇од̇и бхаарад̣̇вааж̇ова со, бан̃жамад̇д̇зхи бана г̇аат̇аа сад̇зхи д̇ат̇ааг̇ад̇ам̣ аггосанд̇о ааг̇ад̇од̇и. ‘‘аггосагабхаарад̣̇вааж̇о’’д̇и д̇асса сан̇г̇ийд̇игаарзхи наамам̣ г̇ахид̇ам̣. губид̇о анад̇д̇аманод̇и ‘‘саман̣зна г̇од̇амзна маяхам̣ ж̇здтагабхаад̇арам̣ баб̣б̣ааж̇знд̇зна ж̇аани гад̇аа, багко бхинно’’д̇и год̇хзна губид̇о д̣̇оманассзна жа анад̇д̇амано худ̇ваад̇и ад̇т̇о. аггосад̇ийд̇и ‘‘жороси, б̣аалоси, муул̣хоси, т̇зноси, одтоси, мзн̣д̣оси, г̇он̣оси, г̇ад̣̇рабхоси, д̇иражчаанаг̇ад̇оси, нзраяигосий’’д̇и д̣̇асахи аггосавад̇т̇уухи аггосад̇и. барибхаасад̇ийд̇и ‘‘ход̇у мун̣д̣агасаман̣ага, ‘ад̣̇ан̣д̣о аха’нд̇и гароси, ид̣̇аани д̇з рааж̇агулам̣ г̇анд̇ваа д̣̇ан̣д̣ам̣ ааробзссаамий’’д̇иаад̣̇ийни вад̣̇анд̇о барибхаасад̇и наама.
188. Dutiye akkosakabhāradvājoti bhāradvājova so, pañcamattehi pana gāthā satehi tathāgataṃ akkosanto āgatoti. ‘‘Akkosakabhāradvājo’’ti tassa saṅgītikārehi nāmaṃ gahitaṃ. Kupito anattamanoti ‘‘samaṇena gotamena mayhaṃ jeṭṭhakabhātaraṃ pabbājentena jāni katā, pakkho bhinno’’ti kodhena kupito domanassena ca anattamano hutvāti attho. Akkosatīti ‘‘corosi, bālosi, mūḷhosi, thenosi, oṭṭhosi, meṇḍosi, goṇosi, gadrabhosi, tiracchānagatosi, nerayikosī’’ti dasahi akkosavatthūhi akkosati. Paribhāsatīti ‘‘hotu muṇḍakasamaṇaka, ‘adaṇḍo aha’nti karosi, idāni te rājakulaṃ gantvā daṇḍaṃ āropessāmī’’tiādīni vadanto paribhāsati nāma.
самбхун̃ж̇ад̇ийд̇и згад̇о бхун̃ж̇ад̇и. вийд̇ихарад̇ийд̇и гад̇асса бадигаарам̣ гарод̇и. бхаг̇аванд̇ам̣ ко, г̇од̇аманд̇и гасмаа звамааха? ‘‘д̇авзвзд̇ам̣, б̣раахман̣а, д̇авзвзд̇ам̣, б̣раахман̣аа’’д̇и гирасса суд̇ваа. ‘‘исаяо наама губид̇аа сабанам̣ д̣̇знд̇и гисаважчаад̣̇аяо вияаа’’д̇и ануссававасзна ‘‘сабад̇и мам̣ ман̃н̃з саман̣о г̇од̇амо’’д̇и бхаяам̣ уббаж̇ж̇и. д̇асмаа звамааха.
Sambhuñjatīti ekato bhuñjati. Vītiharatīti katassa paṭikāraṃ karoti. Bhagavantaṃ kho, gotamanti kasmā evamāha? ‘‘Tavevetaṃ, brāhmaṇa, tavevetaṃ, brāhmaṇā’’ti kirassa sutvā. ‘‘Isayo nāma kupitā sapanaṃ denti kisavacchādayo viyā’’ti anussavavasena ‘‘sapati maṃ maññe samaṇo gotamo’’ti bhayaṃ uppajji. Tasmā evamāha.
д̣̇анд̇ассаад̇и ниб̣б̣исзванасса. д̇аад̣̇инод̇и д̇аад̣̇илагкан̣ам̣ бад̇д̇асса. д̇ассзва д̇зна баабияод̇и д̇ассзва буг̇г̇аласса д̇зна год̇хзна баабам̣ ход̇и. сад̇о убасаммад̇ийд̇и сад̇ияаа саманнааг̇ад̇о худ̇ваа ад̇хиваасзд̇и. убхиннам̣ д̇игижчанд̇аананд̇и убхиннам̣ д̇игижчанд̇ам̣. аяамзва ваа баато. яо буг̇г̇ало сад̇о убасаммад̇и, убхиннамад̇т̇ам̣ жарад̇и д̇игижчад̇и саад̇хзд̇и, д̇ам̣ буг̇г̇алам̣ ж̇анаа б̣аалод̇и ман̃н̃анд̇и. гийд̣̇исаа ж̇анаа? яз д̇хаммасса аговид̣̇аа. д̇хаммассаад̇и бан̃жагканд̇хад̇хаммасса ваа жад̇усажжад̇хаммасса ваа. аговид̣̇аад̇и д̇асмим̣ д̇хаммз агусалаа анд̇хаб̣аалабут̇уж̇ж̇анаа. д̣̇уд̇ияам̣.
Dantassāti nibbisevanassa. Tādinoti tādilakkhaṇaṃ pattassa. Tasseva tena pāpiyoti tasseva puggalassa tena kodhena pāpaṃ hoti. Sato upasammatīti satiyā samannāgato hutvā adhivāseti. Ubhinnaṃ tikicchantānanti ubhinnaṃ tikicchantaṃ. Ayameva vā pāṭho. Yo puggalo sato upasammati, ubhinnamatthaṃ carati tikicchati sādheti, taṃ puggalaṃ janā bāloti maññanti. Kīdisā janā? Ye dhammassa akovidā. Dhammassāti pañcakkhandhadhammassa vā catusaccadhammassa vā. Akovidāti tasmiṃ dhamme akusalā andhabālaputhujjanā. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. аггосасуд̇д̇ам̣ • 2. Akkosasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. аггосасуд̇д̇аван̣н̣анаа • 2. Akkosasuttavaṇṇanā
