| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. аггосасуд̇д̇аван̣н̣анаа
2. Akkosasuttavaṇṇanā
188. бхаарад̣̇вааж̇ова сод̇и бхаарад̣̇вааж̇о наама зва со б̣раахман̣о. г̇од̇д̇авасзна хи д̇аяид̣̇ам̣ наамам̣, висзсзна банзд̇ам̣ ж̇аад̇анд̇и д̣̇ассзд̇ум̣ ‘‘бан̃жамад̇д̇зхий’’д̇иаад̣̇и вуд̇д̇ам̣. ж̇аанигад̇аад̇и н̃аад̇иваг̇г̇ахаанигад̇аа. багко бхиннод̇и д̇ад̇о зва н̃аад̇ибагко надто. яат̇аа д̣̇оманассид̇о анад̇д̇аманод̇и вад̇д̇аб̣б̣ам̣ лабхад̇и, звам̣ губид̇од̇и ааха ‘‘д̣̇оманассзна жаа’’д̇и. д̣̇асахийд̇и анавасзсабарияаад̣̇аанавасзна вуд̇д̇ам̣ бан̃жахи г̇аат̇аасад̇зхи аггосанд̇о д̇ат̇аа аггосзяяаад̇и гад̇ваа. д̇ад̇т̇а бана язна гзнажи аггосанд̇оби аггосад̇иязва наама. гароси мама бхаад̇игасса баб̣б̣аж̇ж̇ам̣.
188.Bhāradvājova soti bhāradvājo nāma eva so brāhmaṇo. Gottavasena hi tayidaṃ nāmaṃ, visesena panetaṃ jātanti dassetuṃ ‘‘pañcamattehī’’tiādi vuttaṃ. Jānikatāti ñātivaggahānikatā. Pakkho bhinnoti tato eva ñātipakkho naṭṭho. Yathā domanassito anattamanoti vattabbaṃ labhati, evaṃ kupitoti āha ‘‘domanassena cā’’ti. Dasahīti anavasesapariyādānavasena vuttaṃ pañcahi gāthāsatehi akkosanto tathā akkoseyyāti katvā. Tattha pana yena kenaci akkosantopi akkosatiyeva nāma. Karosi mama bhātikassa pabbajjaṃ.
самбхун̃ж̇ад̇ийд̇и самбхог̇ам̣ гарод̇и. аггосаад̣̇ийхи згад̇о бхун̃ж̇ад̇и. вийд̇ихарад̇ийд̇и б̣яад̇ихаарам̣ гарод̇и, аггосад̇о бажжаггосанаад̣̇инаа винимаяам̣ гарод̇ийд̇и ад̇т̇о. д̇знааха ‘‘гад̇асса бадигаарам̣ гарод̇ий’’д̇и. асса ануссававасзна суд̇ваа ‘‘сабад̇и ма’’нд̇и сан̃н̃ино бхаяам̣ уббаж̇ж̇ийд̇и яож̇анаа. ассаад̇и б̣раахман̣асса. суд̇ваад̇и бад̣̇ам̣ убхаяад̇т̇ааби яож̇зд̇аб̣б̣ам̣ ‘‘д̇авзвзд̇ам̣ б̣раахман̣аад̇и суд̇ваа, ануссававасзна суд̇ваа’’д̇и жа. гаамам̣ гисаважчаад̣̇аяо сабанам̣ наад̣̇ам̣су, д̣̇звад̇аанам̣язва хи со ад̇т̇о, сад̇д̇аанам̣ бана д̇ат̇аа сан̃н̃аа уббаннаа, соби д̇ат̇аасан̃н̃ий ахоси. д̇знааха ‘‘ануссававасзнаа’’д̇и.
Sambhuñjatīti sambhogaṃ karoti. Akkosādīhi ekato bhuñjati. Vītiharatīti byatihāraṃ karoti, akkosato paccakkosanādinā vinimayaṃ karotīti attho. Tenāha ‘‘katassa paṭikāraṃ karotī’’ti. Assa anussavavasena sutvā ‘‘sapati ma’’nti saññino bhayaṃ uppajjīti yojanā. Assāti brāhmaṇassa. Sutvāti padaṃ ubhayatthāpi yojetabbaṃ ‘‘tavevetaṃ brāhmaṇāti sutvā, anussavavasena sutvā’’ti ca. Kāmaṃ kisavacchādayo sapanaṃ nādaṃsu, devatānaṃyeva hi so attho, sattānaṃ pana tathā saññā uppannā, sopi tathāsaññī ahosi. Tenāha ‘‘anussavavasenā’’ti.
д̣̇анд̇асса саб̣б̣асо д̣̇амат̇ам̣ убаг̇ад̇ад̇д̇аа. ниб̣б̣исзванассаад̇и рааг̇ад̣̇осаад̣̇ихзд̇угавибпанд̣̇анарахид̇асса. д̇ассзваад̇и бадигуж̇жханд̇ассзва буг̇г̇аласса д̇зна год̇хзна баабам̣ ход̇и баабасса санд̇аананд̇арасан̇ганд̇ияаа абхаавад̇о. гзжи бана ‘‘д̇ассзваад̇и д̇ассзва бадигуж̇жханд̇абурисасса д̇зна бадигуж̇жханзна. баабияод̇и бадигуж̇жханд̇абуг̇г̇аласса лаамагад̇аро’’д̇и звамзд̇т̇а ад̇т̇ам̣ вад̣̇анд̇и. сад̇ияаа саманнааг̇ад̇о худ̇ваа бадисан̇каанз тид̇о ад̇хиваасзд̇и, на сахо муул̣хо худ̇ваад̇и ад̇хиббааяо. убхиннам̣ д̇игижчанд̇анд̇и убхиннам̣ уббаннагод̇хасан̇каад̇ам̣ гилзсаб̣яаад̇хим̣ д̇игижчанд̇ам̣ вуубасамзнд̇ам̣ д̇ам̣ буг̇г̇алам̣. яо буг̇г̇алод̇иаад̣̇инаа буримаасу г̇аат̇аасу бавад̇д̇ид̇аани бад̣̇аани самб̣анд̇хид̇ваа д̣̇ассзд̇и. бан̃жасу канд̇хзсу яаат̇аавад̇о винийд̇аа арияад̇хаммасса говид̣̇аа наама хонд̇ийд̇и ааха ‘‘д̇хаммассаад̇и бан̃жагканд̇хад̇хаммассаа’’д̇и. ид̣̇аани д̇амад̇т̇ам̣ барибун̣н̣ам̣ гад̇ваа д̣̇ассзнд̇о ааха ‘‘жад̇усажжад̇хаммасса ваа’’д̇и.
Dantassa sabbaso damathaṃ upagatattā. Nibbisevanassāti rāgadosādihetukavipphandanarahitassa. Tassevāti paṭikujjhantasseva puggalassa tena kodhena pāpaṃ hoti pāpassa santānantarasaṅkantiyā abhāvato. Keci pana ‘‘tassevāti tasseva paṭikujjhantapurisassa tena paṭikujjhanena. Pāpiyoti paṭikujjhantapuggalassa lāmakataro’’ti evamettha atthaṃ vadanti. Satiyā samannāgato hutvā paṭisaṅkhāne ṭhito adhivāseti, na saho mūḷho hutvāti adhippāyo. Ubhinnaṃ tikicchantanti ubhinnaṃ uppannakodhasaṅkhātaṃ kilesabyādhiṃ tikicchantaṃ vūpasamentaṃ taṃ puggalaṃ. Yo puggalotiādinā purimāsu gāthāsu pavattitāni padāni sambandhitvā dasseti. Pañcasu khandhesu yāthāvato vinītā ariyadhammassa kovidā nāma hontīti āha ‘‘dhammassāti pañcakkhandhadhammassā’’ti. Idāni tamatthaṃ paripuṇṇaṃ katvā dassento āha ‘‘catusaccadhammassa vā’’ti.
аггосасуд̇д̇аван̣н̣анаа нидтид̇аа.
Akkosasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. аггосасуд̇д̇ам̣ • 2. Akkosasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. аггосасуд̇д̇аван̣н̣анаа • 2. Akkosasuttavaṇṇanā
