| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਅਕ੍ਕੋਸਸੁਤ੍ਤવਣ੍ਣਨਾ
2. Akkosasuttavaṇṇanā
੧੮੮. ਦੁਤਿਯੇ ਅਕ੍ਕੋਸਕਭਾਰਦ੍વਾਜੋਤਿ ਭਾਰਦ੍વਾਜੋવ ਸੋ, ਪਞ੍ਚਮਤ੍ਤੇਹਿ ਪਨ ਗਾਥਾ ਸਤੇਹਿ ਤਥਾਗਤਂ ਅਕ੍ਕੋਸਨ੍ਤੋ ਆਗਤੋਤਿ। ‘‘ਅਕ੍ਕੋਸਕਭਾਰਦ੍વਾਜੋ’’ਤਿ ਤਸ੍ਸ ਸਙ੍ਗੀਤਿਕਾਰੇਹਿ ਨਾਮਂ ਗਹਿਤਂ। ਕੁਪਿਤੋ ਅਨਤ੍ਤਮਨੋਤਿ ‘‘ਸਮਣੇਨ ਗੋਤਮੇਨ ਮਯ੍ਹਂ ਜੇਟ੍ਠਕਭਾਤਰਂ ਪਬ੍ਬਾਜੇਨ੍ਤੇਨ ਜਾਨਿ ਕਤਾ, ਪਕ੍ਖੋ ਭਿਨ੍ਨੋ’’ਤਿ ਕੋਧੇਨ ਕੁਪਿਤੋ ਦੋਮਨਸ੍ਸੇਨ ਚ ਅਨਤ੍ਤਮਨੋ ਹੁਤ੍વਾਤਿ ਅਤ੍ਥੋ। ਅਕ੍ਕੋਸਤੀਤਿ ‘‘ਚੋਰੋਸਿ, ਬਾਲੋਸਿ, ਮੂਲ਼੍ਹੋਸਿ, ਥੇਨੋਸਿ, ਓਟ੍ਠੋਸਿ, ਮੇਣ੍ਡੋਸਿ, ਗੋਣੋਸਿ, ਗਦ੍ਰਭੋਸਿ, ਤਿਰਚ੍ਛਾਨਗਤੋਸਿ, ਨੇਰਯਿਕੋਸੀ’’ਤਿ ਦਸਹਿ ਅਕ੍ਕੋਸવਤ੍ਥੂਹਿ ਅਕ੍ਕੋਸਤਿ। ਪਰਿਭਾਸਤੀਤਿ ‘‘ਹੋਤੁ ਮੁਣ੍ਡਕਸਮਣਕ, ‘ਅਦਣ੍ਡੋ ਅਹ’ਨ੍ਤਿ ਕਰੋਸਿ, ਇਦਾਨਿ ਤੇ ਰਾਜਕੁਲਂ ਗਨ੍ਤ੍વਾ ਦਣ੍ਡਂ ਆਰੋਪੇਸ੍ਸਾਮੀ’’ਤਿਆਦੀਨਿ વਦਨ੍ਤੋ ਪਰਿਭਾਸਤਿ ਨਾਮ।
188. Dutiye akkosakabhāradvājoti bhāradvājova so, pañcamattehi pana gāthā satehi tathāgataṃ akkosanto āgatoti. ‘‘Akkosakabhāradvājo’’ti tassa saṅgītikārehi nāmaṃ gahitaṃ. Kupito anattamanoti ‘‘samaṇena gotamena mayhaṃ jeṭṭhakabhātaraṃ pabbājentena jāni katā, pakkho bhinno’’ti kodhena kupito domanassena ca anattamano hutvāti attho. Akkosatīti ‘‘corosi, bālosi, mūḷhosi, thenosi, oṭṭhosi, meṇḍosi, goṇosi, gadrabhosi, tiracchānagatosi, nerayikosī’’ti dasahi akkosavatthūhi akkosati. Paribhāsatīti ‘‘hotu muṇḍakasamaṇaka, ‘adaṇḍo aha’nti karosi, idāni te rājakulaṃ gantvā daṇḍaṃ āropessāmī’’tiādīni vadanto paribhāsati nāma.
ਸਮ੍ਭੁਞ੍ਜਤੀਤਿ ਏਕਤੋ ਭੁਞ੍ਜਤਿ। વੀਤਿਹਰਤੀਤਿ ਕਤਸ੍ਸ ਪਟਿਕਾਰਂ ਕਰੋਤਿ। ਭਗવਨ੍ਤਂ ਖੋ, ਗੋਤਮਨ੍ਤਿ ਕਸ੍ਮਾ ਏવਮਾਹ? ‘‘ਤવੇવੇਤਂ, ਬ੍ਰਾਹ੍ਮਣ, ਤવੇવੇਤਂ, ਬ੍ਰਾਹ੍ਮਣਾ’’ਤਿ ਕਿਰਸ੍ਸ ਸੁਤ੍વਾ। ‘‘ਇਸਯੋ ਨਾਮ ਕੁਪਿਤਾ ਸਪਨਂ ਦੇਨ੍ਤਿ ਕਿਸવਚ੍ਛਾਦਯੋ વਿਯਾ’’ਤਿ ਅਨੁਸ੍ਸવવਸੇਨ ‘‘ਸਪਤਿ ਮਂ ਮਞ੍ਞੇ ਸਮਣੋ ਗੋਤਮੋ’’ਤਿ ਭਯਂ ਉਪ੍ਪਜ੍ਜਿ। ਤਸ੍ਮਾ ਏવਮਾਹ।
Sambhuñjatīti ekato bhuñjati. Vītiharatīti katassa paṭikāraṃ karoti. Bhagavantaṃ kho, gotamanti kasmā evamāha? ‘‘Tavevetaṃ, brāhmaṇa, tavevetaṃ, brāhmaṇā’’ti kirassa sutvā. ‘‘Isayo nāma kupitā sapanaṃ denti kisavacchādayo viyā’’ti anussavavasena ‘‘sapati maṃ maññe samaṇo gotamo’’ti bhayaṃ uppajji. Tasmā evamāha.
ਦਨ੍ਤਸ੍ਸਾਤਿ ਨਿਬ੍ਬਿਸੇવਨਸ੍ਸ। ਤਾਦਿਨੋਤਿ ਤਾਦਿਲਕ੍ਖਣਂ ਪਤ੍ਤਸ੍ਸ। ਤਸ੍ਸੇવ ਤੇਨ ਪਾਪਿਯੋਤਿ ਤਸ੍ਸੇવ ਪੁਗ੍ਗਲਸ੍ਸ ਤੇਨ ਕੋਧੇਨ ਪਾਪਂ ਹੋਤਿ। ਸਤੋ ਉਪਸਮ੍ਮਤੀਤਿ ਸਤਿਯਾ ਸਮਨ੍ਨਾਗਤੋ ਹੁਤ੍વਾ ਅਧਿવਾਸੇਤਿ। ਉਭਿਨ੍ਨਂ ਤਿਕਿਚ੍ਛਨ੍ਤਾਨਨ੍ਤਿ ਉਭਿਨ੍ਨਂ ਤਿਕਿਚ੍ਛਨ੍ਤਂ। ਅਯਮੇવ વਾ ਪਾਠੋ। ਯੋ ਪੁਗ੍ਗਲੋ ਸਤੋ ਉਪਸਮ੍ਮਤਿ, ਉਭਿਨ੍ਨਮਤ੍ਥਂ ਚਰਤਿ ਤਿਕਿਚ੍ਛਤਿ ਸਾਧੇਤਿ, ਤਂ ਪੁਗ੍ਗਲਂ ਜਨਾ ਬਾਲੋਤਿ ਮਞ੍ਞਨ੍ਤਿ। ਕੀਦਿਸਾ ਜਨਾ? ਯੇ ਧਮ੍ਮਸ੍ਸ ਅਕੋવਿਦਾ। ਧਮ੍ਮਸ੍ਸਾਤਿ ਪਞ੍ਚਕ੍ਖਨ੍ਧਧਮ੍ਮਸ੍ਸ વਾ ਚਤੁਸਚ੍ਚਧਮ੍ਮਸ੍ਸ વਾ। ਅਕੋવਿਦਾਤਿ ਤਸ੍ਮਿਂ ਧਮ੍ਮੇ ਅਕੁਸਲਾ ਅਨ੍ਧਬਾਲਪੁਥੁਜ੍ਜਨਾ। ਦੁਤਿਯਂ।
Dantassāti nibbisevanassa. Tādinoti tādilakkhaṇaṃ pattassa. Tasseva tena pāpiyoti tasseva puggalassa tena kodhena pāpaṃ hoti. Sato upasammatīti satiyā samannāgato hutvā adhivāseti. Ubhinnaṃ tikicchantānanti ubhinnaṃ tikicchantaṃ. Ayameva vā pāṭho. Yo puggalo sato upasammati, ubhinnamatthaṃ carati tikicchati sādheti, taṃ puggalaṃ janā bāloti maññanti. Kīdisā janā? Ye dhammassa akovidā. Dhammassāti pañcakkhandhadhammassa vā catusaccadhammassa vā. Akovidāti tasmiṃ dhamme akusalā andhabālaputhujjanā. Dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਅਕ੍ਕੋਸਸੁਤ੍ਤਂ • 2. Akkosasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਅਕ੍ਕੋਸਸੁਤ੍ਤવਣ੍ਣਨਾ • 2. Akkosasuttavaṇṇanā
