| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
8. агусалажчзд̣̇анабан̃хо
8. Akusalacchedanapañho
8. ‘‘бханд̇з нааг̇асзна, д̇ат̇ааг̇ад̇о саб̣б̣ам̣ агусалам̣ жхаабзд̇ваа саб̣б̣ан̃н̃уд̇ам̣ бад̇д̇о, уд̣̇ааху саавасзсз агусалз саб̣б̣ан̃н̃уд̇ам̣ бад̇д̇о’’д̇и? ‘‘саб̣б̣ам̣, махаарааж̇а, агусалам̣ жхаабзд̇ваа бхаг̇аваа саб̣б̣ан̃н̃уд̇ам̣ бад̇д̇о, над̇т̇и бхаг̇авад̇о сзсзгам̣ агусала’’нд̇и.
8. ‘‘Bhante nāgasena, tathāgato sabbaṃ akusalaṃ jhāpetvā sabbaññutaṃ patto, udāhu sāvasese akusale sabbaññutaṃ patto’’ti? ‘‘Sabbaṃ, mahārāja, akusalaṃ jhāpetvā bhagavā sabbaññutaṃ patto, natthi bhagavato sesekaṃ akusala’’nti.
‘‘гим̣ бана, бханд̇з, д̣̇угкаа взд̣̇анаа д̇ат̇ааг̇ад̇асса гааяз уббаннабуб̣б̣аа’’д̇и? ‘‘аама, махаарааж̇а, рааж̇аг̇ахз бхаг̇авад̇о баад̣̇о сагалигааяа 1 кад̇о, лохид̇абагканд̣̇игааб̣аад̇хо уббанно, гааяз абхисаннз ж̇ийвагзна вирзго гаарид̇о, ваад̇ааб̣аад̇хз уббаннз убадтаагзна т̇зрзна ун̣ход̣̇агам̣ барияидта’’нд̇и.
‘‘Kiṃ pana, bhante, dukkhā vedanā tathāgatassa kāye uppannapubbā’’ti? ‘‘Āma, mahārāja, rājagahe bhagavato pādo sakalikāya 2 khato, lohitapakkhandikābādho uppanno, kāye abhisanne jīvakena vireko kārito, vātābādhe uppanne upaṭṭhākena therena uṇhodakaṃ pariyiṭṭha’’nti.
‘‘яад̣̇и , бханд̇з нааг̇асзна, д̇ат̇ааг̇ад̇о саб̣б̣ам̣ агусалам̣ жхаабзд̇ваа саб̣б̣ан̃н̃уд̇ам̣ бад̇д̇о, д̇зна хи бхаг̇авад̇о баад̣̇о сагалигааяа кад̇о, лохид̇абагканд̣̇игаа жа ааб̣аад̇хо уббаннод̇и яам̣ важанам̣, д̇ам̣ мижчаа. яад̣̇и д̇ат̇ааг̇ад̇асса баад̣̇о сагалигааяа кад̇о, лохид̇абагканд̣̇игаа жа ааб̣аад̇хо уббанно, д̇зна хи д̇ат̇ааг̇ад̇о саб̣б̣ам̣ агусалам̣ жхаабзд̇ваа саб̣б̣ан̃н̃уд̇ам̣ бад̇д̇од̇и д̇амби важанам̣ мижчаа. над̇т̇и, бханд̇з, винаа гаммзна взд̣̇аяид̇ам̣, саб̣б̣ам̣ д̇ам̣ взд̣̇аяид̇ам̣ гаммамуулагам̣, д̇ам̣ гаммзнзва взд̣̇аяад̇и, аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и 3.
‘‘Yadi , bhante nāgasena, tathāgato sabbaṃ akusalaṃ jhāpetvā sabbaññutaṃ patto, tena hi bhagavato pādo sakalikāya khato, lohitapakkhandikā ca ābādho uppannoti yaṃ vacanaṃ, taṃ micchā. Yadi tathāgatassa pādo sakalikāya khato, lohitapakkhandikā ca ābādho uppanno, tena hi tathāgato sabbaṃ akusalaṃ jhāpetvā sabbaññutaṃ pattoti tampi vacanaṃ micchā. Natthi, bhante, vinā kammena vedayitaṃ, sabbaṃ taṃ vedayitaṃ kammamūlakaṃ, taṃ kammeneva vedayati, ayampi ubhato koṭiko pañho tavānuppatto, so tayā nibbāhitabbo’’ti 4.
‘‘на хи, махаарааж̇а, саб̣б̣ам̣ д̇ам̣ взд̣̇аяид̇ам̣ гаммамуулагам̣. адтахи, махаарааж̇а, гааран̣зхи взд̣̇аяид̇аани уббаж̇ж̇анд̇и, язхи гааран̣зхи бут̇уу сад̇д̇аа взд̣̇анаа взд̣̇ияанд̇и. гад̇амзхи адтахи? ваад̇асамудтаанааниби ко, махаарааж̇а, ид̇хзгажжаани взд̣̇аяид̇аани уббаж̇ж̇анд̇и, бид̇д̇асамудтаанааниби ко, махаарааж̇а…бз… сзмхасамудтаанааниби ко, махаарааж̇а…бз… саннибаад̇игааниби ко, махаарааж̇а…бз… уд̇убарин̣аамаж̇ааниби ко, махаарааж̇а…бз… висамабарихаараж̇ааниби ко, махаарааж̇а…бз… обаггамигааниби ко, махаарааж̇а…бз… гаммавибаагаж̇ааниби ко, махаарааж̇а, ид̇хзгажжаани взд̣̇аяид̇аани уббаж̇ж̇анд̇и. имзхи ко, махаарааж̇а, адтахи гааран̣зхи бут̇уу сад̇д̇аа взд̣̇анаа взд̣̇аяанд̇и. д̇ад̇т̇а яз д̇з буг̇г̇алаа ‘сад̇д̇з гаммам̣ виб̣аад̇хад̇ий’д̇и вад̣̇зяяум̣, д̇з имз буг̇г̇алаа сад̇д̇агааран̣ам̣ бадиб̣ааханд̇и. д̇зсам̣ д̇ам̣ важанам̣ мижчаа’’д̇и. ‘‘бханд̇з нааг̇асзна, яан̃жа ваад̇игам̣ яан̃жа бид̇д̇игам̣ яан̃жа сзмхигам̣ яан̃жа саннибаад̇игам̣ яан̃жа уд̇убарин̣аамаж̇ам̣ яан̃жа висамабарихаараж̇ам̣ яан̃жа обаггамигам̣, саб̣б̣зд̇з гаммасамудтаанаа язва, гаммзнзва д̇з саб̣б̣з самбхаванд̇ий’’д̇и.
‘‘Na hi, mahārāja, sabbaṃ taṃ vedayitaṃ kammamūlakaṃ. Aṭṭhahi, mahārāja, kāraṇehi vedayitāni uppajjanti, yehi kāraṇehi puthū sattā vedanā vediyanti. Katamehi aṭṭhahi? Vātasamuṭṭhānānipi kho, mahārāja, idhekaccāni vedayitāni uppajjanti, pittasamuṭṭhānānipi kho, mahārāja…pe… semhasamuṭṭhānānipi kho, mahārāja…pe… sannipātikānipi kho, mahārāja…pe… utupariṇāmajānipi kho, mahārāja…pe… visamaparihārajānipi kho, mahārāja…pe… opakkamikānipi kho, mahārāja…pe… kammavipākajānipi kho, mahārāja, idhekaccāni vedayitāni uppajjanti. Imehi kho, mahārāja, aṭṭhahi kāraṇehi puthū sattā vedanā vedayanti. Tattha ye te puggalā ‘satte kammaṃ vibādhatī’ti vadeyyuṃ, te ime puggalā sattakāraṇaṃ paṭibāhanti. Tesaṃ taṃ vacanaṃ micchā’’ti. ‘‘Bhante nāgasena, yañca vātikaṃ yañca pittikaṃ yañca semhikaṃ yañca sannipātikaṃ yañca utupariṇāmajaṃ yañca visamaparihārajaṃ yañca opakkamikaṃ, sabbete kammasamuṭṭhānā yeva, kammeneva te sabbe sambhavantī’’ti.
‘‘яад̣̇и, махаарааж̇а, д̇зби саб̣б̣з гаммасамудтаанаава ааб̣аад̇хаа бхавзяяум̣, на д̇зсам̣ годтаасад̇о лагкан̣аани бхавзяяум̣. ваад̇о ко, махаарааж̇а, губбамаано д̣̇асавид̇хзна губбад̇и сийд̇зна ун̣хзна ж̇игхажчааяа вибаасааяа ад̇ибхуд̇д̇зна таанзна бад̇хаанзна аад̇хааванзна убаггамзна гаммавибаагзна. д̇ад̇ра яз д̇з нава вид̇хаа, на д̇з ад̇ийд̇з, на анааг̇ад̇з, вад̇д̇амаанагз бхавз уббаж̇ж̇анд̇и, д̇асмаа на вад̇д̇аб̣б̣аа ‘гаммасамбхаваа саб̣б̣аа взд̣̇анаа’д̇и. бид̇д̇ам̣, махаарааж̇а, губбамаанам̣ д̇ивид̇хзна губбад̇и сийд̇зна ун̣хзна висамабхож̇анзна. сзмхам̣, махаарааж̇а, губбамаанам̣ д̇ивид̇хзна губбад̇и сийд̇зна ун̣хзна аннабаанзна. яо жа, махаарааж̇а, ваад̇о яан̃жа бид̇д̇ам̣ яан̃жа сзмхам̣, д̇зхи д̇зхи гобзхи губбид̇ваа миссий худ̇ваа сагам̣ сагам̣ взд̣̇анам̣ аагад̣дхад̇и. уд̇убарин̣аамаж̇аа, махаарааж̇а, взд̣̇анаа уд̇убарияаамзна уббаж̇ж̇ад̇и. висамабарихаараж̇аа взд̣̇анаа висамабарихаарзна уббаж̇ж̇ад̇и. обаггамигаа, махаарааж̇а, взд̣̇анаа ад̇т̇и гирияаа, ад̇т̇и гаммавибаагаа, гаммавибаагаж̇аа взд̣̇анаа буб̣б̣з гад̇зна гаммзна уббаж̇ж̇ад̇и. ид̇и ко, махаарааж̇а, аббам̣ гаммавибаагаж̇ам̣, б̣ахуд̇арам̣ авасзсам̣. д̇ад̇т̇а б̣аалаа ‘саб̣б̣ам̣ гаммавибаагаж̇ам̣ язваа’д̇и ад̇ид̇хааванд̇и. д̇ам̣ гаммам̣ на саггаа винаа б̣уд̣̇д̇хан̃аан̣зна вавад̇т̇аанам̣ гаад̇ум̣.
‘‘Yadi, mahārāja, tepi sabbe kammasamuṭṭhānāva ābādhā bhaveyyuṃ, na tesaṃ koṭṭhāsato lakkhaṇāni bhaveyyuṃ. Vāto kho, mahārāja, kuppamāno dasavidhena kuppati sītena uṇhena jighacchāya vipāsāya atibhuttena ṭhānena padhānena ādhāvanena upakkamena kammavipākena. Tatra ye te nava vidhā, na te atīte, na anāgate, vattamānake bhave uppajjanti, tasmā na vattabbā ‘kammasambhavā sabbā vedanā’ti. Pittaṃ, mahārāja, kuppamānaṃ tividhena kuppati sītena uṇhena visamabhojanena. Semhaṃ, mahārāja, kuppamānaṃ tividhena kuppati sītena uṇhena annapānena. Yo ca, mahārāja, vāto yañca pittaṃ yañca semhaṃ, tehi tehi kopehi kuppitvā missī hutvā sakaṃ sakaṃ vedanaṃ ākaḍḍhati. Utupariṇāmajā, mahārāja, vedanā utupariyāmena uppajjati. Visamaparihārajā vedanā visamaparihārena uppajjati. Opakkamikā, mahārāja, vedanā atthi kiriyā, atthi kammavipākā, kammavipākajā vedanā pubbe katena kammena uppajjati. Iti kho, mahārāja, appaṃ kammavipākajaṃ, bahutaraṃ avasesaṃ. Tattha bālā ‘sabbaṃ kammavipākajaṃ yevā’ti atidhāvanti. Taṃ kammaṃ na sakkā vinā buddhañāṇena vavatthānaṃ kātuṃ.
‘‘яам̣ бана, махаарааж̇а, бхаг̇авад̇о баад̣̇о сагалигааяа кад̇о, д̇ам̣ взд̣̇аяид̇ам̣ нзва ваад̇асамудтаанам̣, на бид̇д̇асамудтаанам̣, на сзмхасамудтаанам̣, на саннибаад̇игам̣, на уд̇убарин̣аамаж̇ам̣, на висамабарихаараж̇ам̣, на гаммавибаагаж̇ам̣, обаггамигам̣ язва. д̣̇звад̣̇ад̇д̇о хи, махаарааж̇а, б̣ахууни ж̇аад̇исад̇асахассаани д̇ат̇ааг̇ад̇з аагхаад̇ам̣ б̣анд̇хи, со д̇зна аагхаад̇зна махад̇им̣ г̇арум̣ силам̣ г̇ахзд̇ваа ‘мад̇т̇агз баад̇зссаамий’д̇и мун̃жи, ат̇ан̃н̃з д̣̇вз сзлаа ааг̇анд̇ваа д̇ам̣ силам̣ д̇ат̇ааг̇ад̇ам̣ асамбад̇д̇ам̣ язва самбадижчим̣су, д̇аасам̣ бахаарзна бабадигаа бхиж̇ж̇ид̇ваа бхаг̇авад̇о баад̣̇з бад̇ид̇ваа рухирам̣ 5 уббаад̣̇зси, гаммавибаагад̇о ваа, махаарааж̇а, бхаг̇авад̇о зсаа взд̣̇анаа ниб̣б̣ад̇д̇аа гирияад̇о ваа, д̇ад̇уд̣̇д̇хам̣ над̇т̇ан̃н̃аа взд̣̇анаа.
‘‘Yaṃ pana, mahārāja, bhagavato pādo sakalikāya khato, taṃ vedayitaṃ neva vātasamuṭṭhānaṃ, na pittasamuṭṭhānaṃ, na semhasamuṭṭhānaṃ, na sannipātikaṃ, na utupariṇāmajaṃ, na visamaparihārajaṃ, na kammavipākajaṃ, opakkamikaṃ yeva. Devadatto hi, mahārāja, bahūni jātisatasahassāni tathāgate āghātaṃ bandhi, so tena āghātena mahatiṃ garuṃ silaṃ gahetvā ‘matthake pātessāmī’ti muñci, athaññe dve selā āgantvā taṃ silaṃ tathāgataṃ asampattaṃ yeva sampaṭicchiṃsu, tāsaṃ pahārena papaṭikā bhijjitvā bhagavato pāde patitvā ruhiraṃ 6 uppādesi, kammavipākato vā, mahārāja, bhagavato esā vedanā nibbattā kiriyato vā, tatuddhaṃ natthaññā vedanā.
‘‘яат̇аа, махаарааж̇а, кзд̇д̇ад̣̇удтад̇ааяа ваа б̣ийж̇ам̣ на самбхавад̇и б̣ийж̇ад̣̇удтад̇ааяа ваа. звамзва ко, махаарааж̇а, гаммавибаагад̇о ваа бхаг̇авад̇о зсаа взд̣̇анаа ниб̣б̣ад̇д̇аа гирияад̇о ваа, д̇ад̇уд̣̇д̇хам̣ над̇т̇ан̃н̃аа взд̣̇анаа.
‘‘Yathā, mahārāja, khettaduṭṭhatāya vā bījaṃ na sambhavati bījaduṭṭhatāya vā. Evameva kho, mahārāja, kammavipākato vā bhagavato esā vedanā nibbattā kiriyato vā, tatuddhaṃ natthaññā vedanā.
‘‘яат̇аа ваа бана, махаарааж̇а, годтад̣̇удтад̇ааяа ваа бхож̇анам̣ висамам̣ барин̣амад̇и аахаарад̣̇удтад̇ааяа ваа, звамзва ко, махаарааж̇а, гаммавибаагад̇о ваа бхаг̇авад̇о зсаа взд̣̇анаа ниб̣б̣ад̇д̇аа гирияад̇о ваа, д̇ад̇уд̣̇д̇хам̣ над̇т̇ан̃н̃аа взд̣̇анаа. аби жа, махаарааж̇а, над̇т̇и бхаг̇авад̇о гаммавибаагаж̇аа взд̣̇анаа, над̇т̇и висамабарихаараж̇аа взд̣̇анаа, авасзсзхи самудтаанзхи бхаг̇авад̇о взд̣̇анаа уббаж̇ж̇ад̇и, д̇ааяа жа бана взд̣̇анааяа на саггаа бхаг̇аванд̇ам̣ ж̇ийвид̇аа воробзд̇ум̣.
‘‘Yathā vā pana, mahārāja, koṭṭhaduṭṭhatāya vā bhojanaṃ visamaṃ pariṇamati āhāraduṭṭhatāya vā, evameva kho, mahārāja, kammavipākato vā bhagavato esā vedanā nibbattā kiriyato vā, tatuddhaṃ natthaññā vedanā. Api ca, mahārāja, natthi bhagavato kammavipākajā vedanā, natthi visamaparihārajā vedanā, avasesehi samuṭṭhānehi bhagavato vedanā uppajjati, tāya ca pana vedanāya na sakkā bhagavantaṃ jīvitā voropetuṃ.
‘‘нибад̇анд̇и , махаарааж̇а, имасмим̣ жаад̇умахаабхууд̇игз 7 гааяз идтаанидтаа субхаасубхавзд̣̇анаа. ид̇ха, махаарааж̇а, аагаасз кид̇д̇о лзд̣д̣у махаабат̇авияаа нибад̇ад̇и, аби ну ко со, махаарааж̇а, лзд̣д̣у буб̣б̣з гад̇зна махаабат̇авияаа нибад̇ий’’д̇и? ‘‘на хи, бханд̇з, над̇т̇и со, бханд̇з, хзд̇у махаабат̇авияаа, язна хзд̇унаа махаабат̇авий гусалаагусалавибаагам̣ бадисам̣взд̣̇зяяа, бажжуббаннзна , бханд̇з, агаммагзна хзд̇унаа со лзд̣д̣у махаабат̇авияам̣ нибад̇ад̇и. яат̇аа, махаарааж̇а, махаабат̇авий, звам̣ д̇ат̇ааг̇ад̇о д̣̇адтаб̣б̣о. яат̇аа лзд̣д̣у буб̣б̣з агад̇зна махаабат̇авияам̣ нибад̇ад̇и, звамзва ко, махаарааж̇а, д̇ат̇ааг̇ад̇асса буб̣б̣з агад̇зна саа сагалигаабаад̣̇з нибад̇ид̇аа.
‘‘Nipatanti , mahārāja, imasmiṃ cātumahābhūtike 8 kāye iṭṭhāniṭṭhā subhāsubhavedanā. Idha, mahārāja, ākāse khitto leḍḍu mahāpathaviyā nipatati, api nu kho so, mahārāja, leḍḍu pubbe katena mahāpathaviyā nipatī’’ti? ‘‘Na hi, bhante, natthi so, bhante, hetu mahāpathaviyā, yena hetunā mahāpathavī kusalākusalavipākaṃ paṭisaṃvedeyya, paccuppannena , bhante, akammakena hetunā so leḍḍu mahāpathaviyaṃ nipatati. Yathā, mahārāja, mahāpathavī, evaṃ tathāgato daṭṭhabbo. Yathā leḍḍu pubbe akatena mahāpathaviyaṃ nipatati, evameva kho, mahārāja, tathāgatassa pubbe akatena sā sakalikāpāde nipatitā.
‘‘ид̇ха бана, махаарааж̇а, мануссаа махаабат̇авим̣ бхинд̣̇анд̇и жа кан̣анд̇и жа, аби ну ко, махаарааж̇а, д̇з мануссаа буб̣б̣з гад̇зна махаабат̇авим̣ бхинд̣̇анд̇и жа кан̣анд̇и жаа’’д̇и? ‘‘на хи бханд̇з’’д̇и. ‘‘звамзва ко, махаарааж̇а, яаа саа сагалигаа бхаг̇авад̇о баад̣̇з нибад̇ид̇аа, на саа сагалигаа буб̣б̣з гад̇зна бхаг̇авад̇о баад̣̇з нибад̇ид̇аа. яоби, махаарааж̇а, бхаг̇авад̇о лохид̇абагканд̣̇игааб̣аад̇хо уббанно, соби ааб̣аад̇хо на буб̣б̣з гад̇зна уббанно, саннибаад̇игзнзва уббанно, яз гзжи, махаарааж̇а, бхаг̇авад̇о гааяигаа ааб̣аад̇хаа уббаннаа, на д̇з гаммаабхиниб̣б̣ад̇д̇аа, чаннам̣ зд̇зсам̣ самудтаанаанам̣ ан̃н̃ад̇арад̇о ниб̣б̣ад̇д̇аа.
‘‘Idha pana, mahārāja, manussā mahāpathaviṃ bhindanti ca khaṇanti ca, api nu kho, mahārāja, te manussā pubbe katena mahāpathaviṃ bhindanti ca khaṇanti cā’’ti? ‘‘Na hi bhante’’ti. ‘‘Evameva kho, mahārāja, yā sā sakalikā bhagavato pāde nipatitā, na sā sakalikā pubbe katena bhagavato pāde nipatitā. Yopi, mahārāja, bhagavato lohitapakkhandikābādho uppanno, sopi ābādho na pubbe katena uppanno, sannipātikeneva uppanno, ye keci, mahārāja, bhagavato kāyikā ābādhā uppannā, na te kammābhinibbattā, channaṃ etesaṃ samuṭṭhānānaṃ aññatarato nibbattā.
‘‘бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна сам̣яуд̇д̇анигааяаваралан̃чагз мол̣ияасийвагз 9 взяяаагаран̣з –
‘‘Bhāsitampetaṃ, mahārāja, bhagavatā devātidevena saṃyuttanikāyavaralañchake moḷiyasīvake 10 veyyākaraṇe –
‘‘‘бид̇д̇асамудтаанааниби ко, сийвага, ид̇хзгажжаани взд̣̇аяид̇аани уббаж̇ж̇анд̇и. саамамби ко зд̇ам̣, сийвага, взд̣̇ид̇аб̣б̣ам̣, яат̇аа бид̇д̇асамудтаанааниби ид̇хзгажжаани взд̣̇аяид̇аани уббаж̇ж̇анд̇и. логассаби ко зд̇ам̣, сийвага, сажжасаммад̇ам̣, яат̇аа бид̇д̇асамудтаанааниби ид̇хзгажжаани взд̣̇аяид̇аани уббаж̇ж̇анд̇и. д̇ад̇ра, сийвага, яз д̇з саман̣аб̣раахман̣аа звам̣ваад̣̇ино звам̣д̣̇идтино ‘‘яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, саб̣б̣ам̣ д̇ам̣ буб̣б̣з гад̇ахзд̇уу’’д̇и . яан̃жа саамам̣ н̃аад̇ам̣, д̇ан̃жа ад̇ид̇хааванд̇и, яан̃жа логз сажжасаммад̇ам̣, д̇ан̃жа ад̇ид̇хааванд̇и. д̇асмаа д̇зсам̣ саман̣аб̣раахман̣аанам̣ мижчаад̇и вад̣̇аами.
‘‘‘Pittasamuṭṭhānānipi kho, sīvaka, idhekaccāni vedayitāni uppajjanti. Sāmampi kho etaṃ, sīvaka, veditabbaṃ, yathā pittasamuṭṭhānānipi idhekaccāni vedayitāni uppajjanti. Lokassapi kho etaṃ, sīvaka, saccasammataṃ, yathā pittasamuṭṭhānānipi idhekaccāni vedayitāni uppajjanti. Tatra, sīvaka, ye te samaṇabrāhmaṇā evaṃvādino evaṃdiṭṭhino ‘‘yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā, sabbaṃ taṃ pubbe katahetū’’ti . Yañca sāmaṃ ñātaṃ, tañca atidhāvanti, yañca loke saccasammataṃ, tañca atidhāvanti. Tasmā tesaṃ samaṇabrāhmaṇānaṃ micchāti vadāmi.
‘‘‘сзмхасамудтаанааниби ко, сийвага, ид̇хзгажжаани взд̣̇аяид̇аани уббаж̇ж̇анд̇и. ваад̇асамудтаанааниби ко, сийвага…бз… саннибаад̇игааниби ко, сийвага…бз… уд̇убарин̣аамаж̇ааниби ко, сийвага…бз… висамабарихаараж̇ааниби ко , сийвага…бз… обаггамигааниби ко, сийвага…бз… гаммавибаагаж̇ааниби ко, сийвага, ид̇хзгажжаани взд̣̇аяид̇аани уббаж̇ж̇анд̇и. саамамби ко зд̇ам̣, сийвага, взд̣̇ид̇аб̣б̣ам̣, яат̇аа гаммавибаагаж̇ааниби ид̇хзгажжаани взд̣̇аяид̇аани уббаж̇ж̇анд̇и. логассаби ко зд̇ам̣, сийвага, сажжасаммад̇ам̣, яат̇аа гаммавибаагаж̇ааниби ид̇хзгажжаани взд̣̇аяид̇аани уббаж̇ж̇анд̇и. д̇ад̇ра, сийвага, яз д̇з саман̣аб̣раахман̣аа звам̣ваад̣̇ино звам̣д̣̇идтино ‘‘яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, саб̣б̣ам̣ д̇ам̣ буб̣б̣з гад̇ахзд̇уу’’д̇и. яан̃жа саамам̣ н̃аад̇ам̣, д̇ан̃жа ад̇ид̇хааванд̇и, яан̃жа логз сажжасаммад̇ам̣, д̇ан̃жа ад̇ид̇хааванд̇и. д̇асмаа д̇зсам̣ саман̣аб̣раахман̣аанам̣ мижчаад̇и вад̣̇аамий’’’д̇и.
‘‘‘Semhasamuṭṭhānānipi kho, sīvaka, idhekaccāni vedayitāni uppajjanti. Vātasamuṭṭhānānipi kho, sīvaka…pe… sannipātikānipi kho, sīvaka…pe… utupariṇāmajānipi kho, sīvaka…pe… visamaparihārajānipi kho , sīvaka…pe… opakkamikānipi kho, sīvaka…pe… kammavipākajānipi kho, sīvaka, idhekaccāni vedayitāni uppajjanti. Sāmampi kho etaṃ, sīvaka, veditabbaṃ, yathā kammavipākajānipi idhekaccāni vedayitāni uppajjanti. Lokassapi kho etaṃ, sīvaka, saccasammataṃ, yathā kammavipākajānipi idhekaccāni vedayitāni uppajjanti. Tatra, sīvaka, ye te samaṇabrāhmaṇā evaṃvādino evaṃdiṭṭhino ‘‘yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā, sabbaṃ taṃ pubbe katahetū’’ti. Yañca sāmaṃ ñātaṃ, tañca atidhāvanti, yañca loke saccasammataṃ, tañca atidhāvanti. Tasmā tesaṃ samaṇabrāhmaṇānaṃ micchāti vadāmī’’’ti.
‘‘ид̇иби, махаарааж̇а, на саб̣б̣аа взд̣̇анаа гаммавибаагаж̇аа, саб̣б̣ам̣, махаарааж̇а, агусалам̣ жхаабзд̇ваа бхаг̇аваа саб̣б̣ан̃н̃уд̇ам̣ бад̇д̇од̇и звамзд̇ам̣ д̇хаарзхий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Itipi, mahārāja, na sabbā vedanā kammavipākajā, sabbaṃ, mahārāja, akusalaṃ jhāpetvā bhagavā sabbaññutaṃ pattoti evametaṃ dhārehī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
агусалажчзд̣̇анабан̃хо адтамо.
Akusalacchedanapañho aṭṭhamo.
Footnotes:
