| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
२. अकुसलधम्मसुत्तं
2. Akusaladhammasuttaṃ
२२. सावत्थिनिदानं। ‘‘अकुसले च खो, भिक्खवे, धम्मे देसेस्सामि, कुसले च धम्मे। तं सुणाथ। कतमे च, भिक्खवे, अकुसला धम्मा? सेय्यथिदं – मिच्छादिट्ठि…पे॰… मिच्छासमाधि। इमे वुच्चन्ति, भिक्खवे, अकुसला धम्मा। कतमे च, भिक्खवे, कुसला धम्मा ? सेय्यथिदं – सम्मादिट्ठि…पे॰… सम्मासमाधि। इमे वुच्चन्ति, भिक्खवे, कुसला धम्मा’’ति। दुतियं।
22. Sāvatthinidānaṃ. ‘‘Akusale ca kho, bhikkhave, dhamme desessāmi, kusale ca dhamme. Taṃ suṇātha. Katame ca, bhikkhave, akusalā dhammā? Seyyathidaṃ – micchādiṭṭhi…pe… micchāsamādhi. Ime vuccanti, bhikkhave, akusalā dhammā. Katame ca, bhikkhave, kusalā dhammā ? Seyyathidaṃ – sammādiṭṭhi…pe… sammāsamādhi. Ime vuccanti, bhikkhave, kusalā dhammā’’ti. Dutiyaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ३. मिच्छत्तवग्गवण्णना • 3. Micchattavaggavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ३. मिच्छत्तवग्गवण्णना • 3. Micchattavaggavaṇṇanā
