| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
агусалагаммабат̇агат̇ааван̣н̣анаа
Akusalakammapathakathāvaṇṇanā
сарасзна ад̇д̇ано сабхаавзна. яааяа жзд̇анааяа бавад̇д̇амаанасса ж̇ийвид̇инд̣̇рияасса бажжаяабхууд̇зсу махаабхууд̇зсу убаггамагаран̣ахзд̇у д̇ам̣махаабхууд̇абажжаяаа уббаж̇ж̇анагамахаабхууд̇аа нуббаж̇ж̇иссанд̇и, саа д̇аад̣̇исабаяог̇асамудтаабигаа жзд̇анаа баан̣аад̇ибаад̇о наама. лад̣̇д̇хубаггамаани хи бхууд̇аани на буримабхууд̇аани вияа висад̣̇аанийд̇и самаанаж̇аад̇ияаанам̣ бхууд̇аанам̣ гааран̣ам̣ на хонд̇ийд̇и. згассаби баяог̇асса сахасаа нибпаад̣̇анавасзна гижжасаад̇хигааяа б̣ахугкад̇д̇ум̣ бавад̇д̇аж̇аванзхи лад̣̇д̇хаасзванааяа жа саннидтаабагажзд̇анааяа васзна баяог̇асса маханд̇абхааво. сад̇иби гад̣̇аажи куд̣̇д̣̇агз жзва маханд̇з жа баан̣з баяог̇асса самабхаавз маханд̇ам̣ хананд̇асса жзд̇анаа д̇иб̣б̣ад̇араа уббаж̇ж̇ад̇ийд̇и вад̇т̇усса маханд̇абхаавод̇и д̇ад̣̇убхаяам̣ жзд̇анааяа б̣алавабхаавзнзва ход̇ийд̇и ааха ‘‘баяог̇а…бз… бхаавад̇о’’д̇и. яат̇аавуд̇д̇абажжаяавибарияааязбийд̇и баяог̇авад̇т̇уаад̣̇ибажжаяаанам̣ амахад̇д̇зби. д̇ам̣д̇ам̣бажжаязхийд̇и г̇ун̣аванд̇ад̇аад̣̇ибажжаязхи. зд̇т̇а жа ханд̇аб̣б̣асса г̇ун̣аванд̇ад̇ааяа махаасааваж̇ж̇ад̇аа вад̇т̇умаханд̇ад̇ааяа вияа д̣̇адтаб̣б̣аа. гилзсаанам̣ убаггамаанам̣ д̣̇виннан̃жа муд̣̇уд̇ааяа д̇иб̣б̣ад̇ааяа жа аббасааваж̇ж̇ад̇аа махаасааваж̇ж̇ад̇аа жа яож̇зд̇аб̣б̣аа. баан̣о баан̣асан̃н̃ид̇аа вад̇хагажид̇д̇ан̃жа буб̣б̣абхааг̇асамбхаараа, убаггамо вад̇хагажзд̇анаасамудтаабид̇о, бан̃жасамбхааравад̇ий баан̣аад̇ибаад̇ажзд̇анаад̇и саа бан̃жасамбхааравинимуд̇д̇аа д̣̇адтаб̣б̣аа. зса наяо ад̣̇иннаад̣̇аанаад̣̇ийсуби.
Sarasena attano sabhāvena. Yāya cetanāya pavattamānassa jīvitindriyassa paccayabhūtesu mahābhūtesu upakkamakaraṇahetu taṃmahābhūtapaccayā uppajjanakamahābhūtā nuppajjissanti, sā tādisapayogasamuṭṭhāpikā cetanā pāṇātipāto nāma. Laddhupakkamāni hi bhūtāni na purimabhūtāni viya visadānīti samānajātiyānaṃ bhūtānaṃ kāraṇaṃ na hontīti. Ekassapi payogassa sahasā nipphādanavasena kiccasādhikāya bahukkhattuṃ pavattajavanehi laddhāsevanāya ca sanniṭṭhāpakacetanāya vasena payogassa mahantabhāvo. Satipi kadāci khuddake ceva mahante ca pāṇe payogassa samabhāve mahantaṃ hanantassa cetanā tibbatarā uppajjatīti vatthussa mahantabhāvoti tadubhayaṃ cetanāya balavabhāveneva hotīti āha ‘‘payoga…pe… bhāvato’’ti. Yathāvuttapaccayavipariyāyepīti payogavatthuādipaccayānaṃ amahattepi. Taṃtaṃpaccayehīti guṇavantatādipaccayehi. Ettha ca hantabbassa guṇavantatāya mahāsāvajjatā vatthumahantatāya viya daṭṭhabbā. Kilesānaṃ upakkamānaṃ dvinnañca mudutāya tibbatāya ca appasāvajjatā mahāsāvajjatā ca yojetabbā. Pāṇo pāṇasaññitā vadhakacittañca pubbabhāgasambhārā, upakkamo vadhakacetanāsamuṭṭhāpito, pañcasambhāravatī pāṇātipātacetanāti sā pañcasambhāravinimuttā daṭṭhabbā. Esa nayo adinnādānādīsupi.
манд̇абариж̇аббанзна барасса санд̇агахаран̣ам̣ виж̇ж̇аамаяо, винаа манд̇зна барасанд̇агасса гааяаважийбаяог̇зхи аагад̣дханам̣ д̇аад̣̇исаид̣̇д̇хияог̇зна ид̣̇д̇химаяо баяог̇од̇и ад̣̇иннаад̣̇аанассаби ча баяог̇аа саахад̇т̇игаад̣̇аяо взд̣̇ид̇аб̣б̣аа.
Mantaparijappanena parassa santakaharaṇaṃ vijjāmayo, vinā mantena parasantakassa kāyavacīpayogehi ākaḍḍhanaṃ tādisaiddhiyogena iddhimayo payogoti adinnādānassapi cha payogā sāhatthikādayo veditabbā.
абхибхавид̇ваа вийд̇иггаманз мижчаажааро махаасааваж̇ж̇о, на д̇ат̇аа убхиннам̣ самаанажчанд̣̇абхаавз. ‘‘жад̇д̇ааро самбхаараад̇и вуд̇д̇ад̇д̇аа абхибхавид̇ваа вийд̇иггаманз сад̇иби маг̇г̇знамаг̇г̇абадибад̇д̇иад̇хиваасанз буримуббаннасзванаабхисанд̇хибаяог̇аабхаавад̇о мижчаажааро на ход̇и абхибхуяяамаанассаа’’д̇и вад̣̇анд̇и. сзванажид̇д̇з сад̇и баяог̇аабхааво на бамаан̣ам̣ ид̇т̇ияаа сзванаббаяог̇асса язбхуяязна абхаавад̇о. бурисассзва хи язбхуяязна сзванаббаяог̇о ход̇ийд̇и ид̇т̇ияаа бурзд̇арам̣ сзванажид̇д̇ам̣ убадтаабзд̇ваа нибаннааяаби мижчаажааро на сияаад̇и аабаж̇ж̇ад̇и, д̇асмаа бурисасса васзна уггам̣сад̇о жад̇д̇ааро самбхаараа вуд̇д̇аад̇и д̣̇адтаб̣б̣ам̣. ан̃н̃ат̇аа ид̇т̇ияаа бурисагижжагаран̣агаалз бурисассаби сзванаббаяог̇аабхаавад̇о мижчаажааро на сияаад̇и. гзжи бана ‘‘ад̇д̇ано ружияаа бавад̇д̇ид̇асса д̇ийн̣и ан̇г̇аани, б̣алаггаарзна бавад̇д̇ид̇асса д̇ийн̣ийд̇и саб̣б̣аани аг̇г̇ахид̇аг̇г̇ахан̣зна жад̇д̇аарий’’д̇и вад̣̇анд̇и, виймам̣сид̇ваа г̇ахзд̇аб̣б̣ам̣.
Abhibhavitvā vītikkamane micchācāro mahāsāvajjo, na tathā ubhinnaṃ samānacchandabhāve. ‘‘Cattāro sambhārāti vuttattā abhibhavitvā vītikkamane satipi maggenamaggapaṭipattiadhivāsane purimuppannasevanābhisandhipayogābhāvato micchācāro na hoti abhibhuyyamānassā’’ti vadanti. Sevanacitte sati payogābhāvo na pamāṇaṃ itthiyā sevanappayogassa yebhuyyena abhāvato. Purisasseva hi yebhuyyena sevanappayogo hotīti itthiyā puretaraṃ sevanacittaṃ upaṭṭhāpetvā nipannāyapi micchācāro na siyāti āpajjati, tasmā purisassa vasena ukkaṃsato cattāro sambhārā vuttāti daṭṭhabbaṃ. Aññathā itthiyā purisakiccakaraṇakāle purisassapi sevanappayogābhāvato micchācāro na siyāti. Keci pana ‘‘attano ruciyā pavattitassa tīṇi aṅgāni, balakkārena pavattitassa tīṇīti sabbāni aggahitaggahaṇena cattārī’’ti vadanti, vīmaṃsitvā gahetabbaṃ.
д̣̇удтажид̇д̇асса амаран̣аад̇хиббааяасса парусагааяаважийбаяог̇асамудтаабигаа парусажзд̇анаа парусаваажаа. маран̣аад̇хиббааяз бана сад̇и ад̇т̇асид̣̇д̇хид̇ад̣̇абхаавзсу баан̣аад̇ибаад̇аа б̣яаабаад̣̇аа жа хонд̇ийд̇и. яам̣ бад̇и парусаваажаа баяуж̇ж̇ад̇и, д̇асса саммукаава сийсам̣ зд̇и. ‘‘бараммукзби парусаваажаа ход̇ий’’д̇и вад̣̇анд̇и.
Duṭṭhacittassa amaraṇādhippāyassa pharusakāyavacīpayogasamuṭṭhāpikā pharusacetanā pharusavācā. Maraṇādhippāye pana sati atthasiddhitadabhāvesu pāṇātipātā byāpādā ca hontīti. Yaṃ pati pharusavācā payujjati, tassa sammukhāva sīsaṃ eti. ‘‘Parammukhepi pharusavācā hotī’’ti vadanti.
яад̣̇и жзд̇анааяа саб̣б̣ад̣̇аа гаммабат̇абхааваабхаавад̇о анияад̇о гаммабат̇абхаавод̇и гаммабат̇араасимхи аважанам̣, нану абхиж̇жхаад̣̇ийнамби гаммабат̇ам̣ аббад̇д̇аанам̣ ад̇т̇ид̇ааяа анияад̇о гаммабат̇абхаавод̇и д̇зсамби гаммабат̇араасияам̣ аважанам̣ аабаж̇ж̇ад̇ийд̇и? наабаж̇ж̇ад̇и, гаммабат̇ад̇аад̇ам̣сабхааг̇ад̇аахи д̇зсам̣ д̇ад̇т̇а вуд̇д̇ад̇д̇аа. яад̣̇и звам̣ жзд̇анааби д̇ад̇т̇а вад̇д̇аб̣б̣аа сияаад̇и? сажжамзд̇ам̣, саа бана баан̣аад̇ибаад̇аад̣̇игаад̇и баагадо д̇ассаа гаммабат̇абхаавод̇и на вуд̇д̇ам̣ сияаа. жзд̇анааяа хи ‘‘жзд̇анаахам̣, бхигкавз, гаммам̣ вад̣̇аами,’’‘‘д̇ивид̇хаа, бхигкавз, гааяасан̃жзд̇анаа агусалам̣ гааяагамма’’нд̇иаад̣̇иважанзхи гаммабхааво д̣̇ийбид̇о. гаммам̣язва жа суг̇ад̇ид̣̇уг̇г̇ад̇ийнам̣ д̇ад̣̇уббаж̇ж̇анасукад̣̇угкаанан̃жа бат̇абхаавзна бавад̇д̇ам̣ гаммабат̇од̇и вужжад̇ийд̇и баагадо д̇ассаа гаммабат̇абхааво. абхиж̇жхаад̣̇ийнам̣ бана жзд̇анаасамийханабхаавзна сужарид̇ад̣̇ужжарид̇абхааво, жзд̇анааж̇анид̇ад̇ам̣б̣анд̇хад̇ибхаавзна суг̇ад̇ид̣̇уг̇г̇ад̇ид̇ад̣̇уббаж̇ж̇анасукад̣̇угкаанам̣ бат̇абхааво жаад̇и на д̇ат̇аа баагадо гаммабат̇абхаавод̇и д̇з зва гаммабат̇араасибхаавзна вуд̇д̇аа. ад̇ат̇ааж̇аад̇ияад̇д̇аа ваа жзд̇анаа д̇зхи сад̣̇д̇хим̣ на вуд̇д̇аа сияаа. вижаарзд̇ваа г̇ахзд̇аб̣б̣ам̣.
Yadi cetanāya sabbadā kammapathabhāvābhāvato aniyato kammapathabhāvoti kammapatharāsimhi avacanaṃ, nanu abhijjhādīnampi kammapathaṃ appattānaṃ atthitāya aniyato kammapathabhāvoti tesampi kammapatharāsiyaṃ avacanaṃ āpajjatīti? Nāpajjati, kammapathatātaṃsabhāgatāhi tesaṃ tattha vuttattā. Yadi evaṃ cetanāpi tattha vattabbā siyāti? Saccametaṃ, sā pana pāṇātipātādikāti pākaṭo tassā kammapathabhāvoti na vuttaṃ siyā. Cetanāya hi ‘‘cetanāhaṃ, bhikkhave, kammaṃ vadāmi,’’‘‘tividhā, bhikkhave, kāyasañcetanā akusalaṃ kāyakamma’’ntiādivacanehi kammabhāvo dīpito. Kammaṃyeva ca sugatiduggatīnaṃ taduppajjanasukhadukkhānañca pathabhāvena pavattaṃ kammapathoti vuccatīti pākaṭo tassā kammapathabhāvo. Abhijjhādīnaṃ pana cetanāsamīhanabhāvena sucaritaduccaritabhāvo, cetanājanitataṃbandhatibhāvena sugatiduggatitaduppajjanasukhadukkhānaṃ pathabhāvo cāti na tathā pākaṭo kammapathabhāvoti te eva kammapatharāsibhāvena vuttā. Atathājātiyattā vā cetanā tehi saddhiṃ na vuttā siyā. Vicāretvā gahetabbaṃ.
баан̣аад̇ибаад̇аад̣̇ийнам̣ аарамман̣аанзва д̇аб̣б̣ирад̇иаарамман̣аанийд̇и бан̃жа сигкаабад̣̇аа барид̇д̇аарамман̣аа зваад̇и важанзна ад̣̇иннаад̣̇аанаад̣̇ийнам̣ сад̇д̇аарамман̣ад̇ааважанасса вирод̇хам̣ жод̣̇зд̇и. д̇ат̇аа хи вагкад̇и ‘‘вийд̇иггамид̇аб̣б̣ад̇оязва хи взраман̣ий наама ход̇ий’’д̇и. саяамзва барихариссад̇ийд̇и сигкаабад̣̇авибхан̇г̇з бан̃хабужчагаван̣н̣анам̣ санд̇хааяа вад̣̇ад̇и. д̇ад̇т̇а хи ‘‘яасмаа сад̇д̇од̇и сан̇кяам̣ г̇ад̇з сан̇каарзязва аарамман̣ам̣ гарод̇и, д̇асмаа барид̇д̇аарамман̣аад̇и вужжанд̇ий’’д̇и вуд̇д̇ам̣.
Pāṇātipātādīnaṃ ārammaṇāneva tabbiratiārammaṇānīti pañca sikkhāpadā parittārammaṇā evāti vacanena adinnādānādīnaṃ sattārammaṇatāvacanassa virodhaṃ codeti. Tathā hi vakkhati ‘‘vītikkamitabbatoyeva hi veramaṇī nāma hotī’’ti. Sayameva pariharissatīti sikkhāpadavibhaṅge pañhapucchakavaṇṇanaṃ sandhāya vadati. Tattha hi ‘‘yasmā sattoti saṅkhyaṃ gate saṅkhāreyeva ārammaṇaṃ karoti, tasmā parittārammaṇāti vuccantī’’ti vuttaṃ.
д̣̇уг̇г̇ад̇ад̇аад̣̇ийнийд̇и аад̣̇и-сад̣̇д̣̇зна ‘‘алад̣̇д̇хаалаабхо лад̣̇д̇хавинаасо ижчид̇аанам̣ бхог̇аанам̣ гижчабадилаабхо рааж̇аад̣̇ийхи саад̇хааран̣абхог̇ад̇аа д̣̇угкавихааро саасан̇гавихааро’’д̇и звамаад̣̇аяо сан̇г̇ахид̇аа. гзжи бана ‘‘д̣̇идтзва д̇хаммз бхог̇аж̇ааниаад̣̇аяо ниссанд̣̇апала’’нд̇и вад̣̇анд̇и.
Duggatatādīnīti ādi-saddena ‘‘aladdhālābho laddhavināso icchitānaṃ bhogānaṃ kicchapaṭilābho rājādīhi sādhāraṇabhogatā dukkhavihāro sāsaṅkavihāro’’ti evamādayo saṅgahitā. Keci pana ‘‘diṭṭheva dhamme bhogajāniādayo nissandaphala’’nti vadanti.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / агусалагаммабат̇агат̇ааван̣н̣анаа • Akusalakammapathakathāvaṇṇanā
