| Library / Tipiṭaka / ਤਿਪਿਟਕ • Tipiṭaka / ਧਮ੍ਮਸਙ੍ਗਣੀ-ਅਨੁਟੀਕਾ • Dhammasaṅgaṇī-anuṭīkā |
ਅਕੁਸਲਕਮ੍ਮਪਥਕਥਾવਣ੍ਣਨਾ
Akusalakammapathakathāvaṇṇanā
ਸਰਸੇਨ ਅਤ੍ਤਨੋ ਸਭਾવੇਨ। ਯਾਯ ਚੇਤਨਾਯ ਪવਤ੍ਤਮਾਨਸ੍ਸ ਜੀવਿਤਿਨ੍ਦ੍ਰਿਯਸ੍ਸ ਪਚ੍ਚਯਭੂਤੇਸੁ ਮਹਾਭੂਤੇਸੁ ਉਪਕ੍ਕਮਕਰਣਹੇਤੁ ਤਂਮਹਾਭੂਤਪਚ੍ਚਯਾ ਉਪ੍ਪਜ੍ਜਨਕਮਹਾਭੂਤਾ ਨੁਪ੍ਪਜ੍ਜਿਸ੍ਸਨ੍ਤਿ, ਸਾ ਤਾਦਿਸਪਯੋਗਸਮੁਟ੍ਠਾਪਿਕਾ ਚੇਤਨਾ ਪਾਣਾਤਿਪਾਤੋ ਨਾਮ। ਲਦ੍ਧੁਪਕ੍ਕਮਾਨਿ ਹਿ ਭੂਤਾਨਿ ਨ ਪੁਰਿਮਭੂਤਾਨਿ વਿਯ વਿਸਦਾਨੀਤਿ ਸਮਾਨਜਾਤਿਯਾਨਂ ਭੂਤਾਨਂ ਕਾਰਣਂ ਨ ਹੋਨ੍ਤੀਤਿ। ਏਕਸ੍ਸਪਿ ਪਯੋਗਸ੍ਸ ਸਹਸਾ ਨਿਪ੍ਫਾਦਨવਸੇਨ ਕਿਚ੍ਚਸਾਧਿਕਾਯ ਬਹੁਕ੍ਖਤ੍ਤੁਂ ਪવਤ੍ਤਜવਨੇਹਿ ਲਦ੍ਧਾਸੇવਨਾਯ ਚ ਸਨ੍ਨਿਟ੍ਠਾਪਕਚੇਤਨਾਯ વਸੇਨ ਪਯੋਗਸ੍ਸ ਮਹਨ੍ਤਭਾવੋ। ਸਤਿਪਿ ਕਦਾਚਿ ਖੁਦ੍ਦਕੇ ਚੇવ ਮਹਨ੍ਤੇ ਚ ਪਾਣੇ ਪਯੋਗਸ੍ਸ ਸਮਭਾવੇ ਮਹਨ੍ਤਂ ਹਨਨ੍ਤਸ੍ਸ ਚੇਤਨਾ ਤਿਬ੍ਬਤਰਾ ਉਪ੍ਪਜ੍ਜਤੀਤਿ વਤ੍ਥੁਸ੍ਸ ਮਹਨ੍ਤਭਾવੋਤਿ ਤਦੁਭਯਂ ਚੇਤਨਾਯ ਬਲવਭਾવੇਨੇવ ਹੋਤੀਤਿ ਆਹ ‘‘ਪਯੋਗ…ਪੇ॰… ਭਾવਤੋ’’ਤਿ। ਯਥਾવੁਤ੍ਤਪਚ੍ਚਯવਿਪਰਿਯਾਯੇਪੀਤਿ ਪਯੋਗવਤ੍ਥੁਆਦਿਪਚ੍ਚਯਾਨਂ ਅਮਹਤ੍ਤੇਪਿ। ਤਂਤਂਪਚ੍ਚਯੇਹੀਤਿ ਗੁਣવਨ੍ਤਤਾਦਿਪਚ੍ਚਯੇਹਿ। ਏਤ੍ਥ ਚ ਹਨ੍ਤਬ੍ਬਸ੍ਸ ਗੁਣવਨ੍ਤਤਾਯ ਮਹਾਸਾવਜ੍ਜਤਾ વਤ੍ਥੁਮਹਨ੍ਤਤਾਯ વਿਯ ਦਟ੍ਠਬ੍ਬਾ। ਕਿਲੇਸਾਨਂ ਉਪਕ੍ਕਮਾਨਂ ਦ੍વਿਨ੍ਨਞ੍ਚ ਮੁਦੁਤਾਯ ਤਿਬ੍ਬਤਾਯ ਚ ਅਪ੍ਪਸਾવਜ੍ਜਤਾ ਮਹਾਸਾવਜ੍ਜਤਾ ਚ ਯੋਜੇਤਬ੍ਬਾ। ਪਾਣੋ ਪਾਣਸਞ੍ਞਿਤਾ વਧਕਚਿਤ੍ਤਞ੍ਚ ਪੁਬ੍ਬਭਾਗਸਮ੍ਭਾਰਾ, ਉਪਕ੍ਕਮੋ વਧਕਚੇਤਨਾਸਮੁਟ੍ਠਾਪਿਤੋ, ਪਞ੍ਚਸਮ੍ਭਾਰવਤੀ ਪਾਣਾਤਿਪਾਤਚੇਤਨਾਤਿ ਸਾ ਪਞ੍ਚਸਮ੍ਭਾਰવਿਨਿਮੁਤ੍ਤਾ ਦਟ੍ਠਬ੍ਬਾ। ਏਸ ਨਯੋ ਅਦਿਨ੍ਨਾਦਾਨਾਦੀਸੁਪਿ।
Sarasena attano sabhāvena. Yāya cetanāya pavattamānassa jīvitindriyassa paccayabhūtesu mahābhūtesu upakkamakaraṇahetu taṃmahābhūtapaccayā uppajjanakamahābhūtā nuppajjissanti, sā tādisapayogasamuṭṭhāpikā cetanā pāṇātipāto nāma. Laddhupakkamāni hi bhūtāni na purimabhūtāni viya visadānīti samānajātiyānaṃ bhūtānaṃ kāraṇaṃ na hontīti. Ekassapi payogassa sahasā nipphādanavasena kiccasādhikāya bahukkhattuṃ pavattajavanehi laddhāsevanāya ca sanniṭṭhāpakacetanāya vasena payogassa mahantabhāvo. Satipi kadāci khuddake ceva mahante ca pāṇe payogassa samabhāve mahantaṃ hanantassa cetanā tibbatarā uppajjatīti vatthussa mahantabhāvoti tadubhayaṃ cetanāya balavabhāveneva hotīti āha ‘‘payoga…pe… bhāvato’’ti. Yathāvuttapaccayavipariyāyepīti payogavatthuādipaccayānaṃ amahattepi. Taṃtaṃpaccayehīti guṇavantatādipaccayehi. Ettha ca hantabbassa guṇavantatāya mahāsāvajjatā vatthumahantatāya viya daṭṭhabbā. Kilesānaṃ upakkamānaṃ dvinnañca mudutāya tibbatāya ca appasāvajjatā mahāsāvajjatā ca yojetabbā. Pāṇo pāṇasaññitā vadhakacittañca pubbabhāgasambhārā, upakkamo vadhakacetanāsamuṭṭhāpito, pañcasambhāravatī pāṇātipātacetanāti sā pañcasambhāravinimuttā daṭṭhabbā. Esa nayo adinnādānādīsupi.
ਮਨ੍ਤਪਰਿਜਪ੍ਪਨੇਨ ਪਰਸ੍ਸ ਸਨ੍ਤਕਹਰਣਂ વਿਜ੍ਜਾਮਯੋ, વਿਨਾ ਮਨ੍ਤੇਨ ਪਰਸਨ੍ਤਕਸ੍ਸ ਕਾਯવਚੀਪਯੋਗੇਹਿ ਆਕਡ੍ਢਨਂ ਤਾਦਿਸਇਦ੍ਧਿਯੋਗੇਨ ਇਦ੍ਧਿਮਯੋ ਪਯੋਗੋਤਿ ਅਦਿਨ੍ਨਾਦਾਨਸ੍ਸਪਿ ਛ ਪਯੋਗਾ ਸਾਹਤ੍ਥਿਕਾਦਯੋ વੇਦਿਤਬ੍ਬਾ।
Mantaparijappanena parassa santakaharaṇaṃ vijjāmayo, vinā mantena parasantakassa kāyavacīpayogehi ākaḍḍhanaṃ tādisaiddhiyogena iddhimayo payogoti adinnādānassapi cha payogā sāhatthikādayo veditabbā.
ਅਭਿਭવਿਤ੍વਾ વੀਤਿਕ੍ਕਮਨੇ ਮਿਚ੍ਛਾਚਾਰੋ ਮਹਾਸਾવਜ੍ਜੋ, ਨ ਤਥਾ ਉਭਿਨ੍ਨਂ ਸਮਾਨਚ੍ਛਨ੍ਦਭਾવੇ। ‘‘ਚਤ੍ਤਾਰੋ ਸਮ੍ਭਾਰਾਤਿ વੁਤ੍ਤਤ੍ਤਾ ਅਭਿਭવਿਤ੍વਾ વੀਤਿਕ੍ਕਮਨੇ ਸਤਿਪਿ ਮਗ੍ਗੇਨਮਗ੍ਗਪਟਿਪਤ੍ਤਿਅਧਿવਾਸਨੇ ਪੁਰਿਮੁਪ੍ਪਨ੍ਨਸੇવਨਾਭਿਸਨ੍ਧਿਪਯੋਗਾਭਾવਤੋ ਮਿਚ੍ਛਾਚਾਰੋ ਨ ਹੋਤਿ ਅਭਿਭੁਯ੍ਯਮਾਨਸ੍ਸਾ’’ਤਿ વਦਨ੍ਤਿ। ਸੇવਨਚਿਤ੍ਤੇ ਸਤਿ ਪਯੋਗਾਭਾવੋ ਨ ਪਮਾਣਂ ਇਤ੍ਥਿਯਾ ਸੇવਨਪ੍ਪਯੋਗਸ੍ਸ ਯੇਭੁਯ੍ਯੇਨ ਅਭਾવਤੋ। ਪੁਰਿਸਸ੍ਸੇવ ਹਿ ਯੇਭੁਯ੍ਯੇਨ ਸੇવਨਪ੍ਪਯੋਗੋ ਹੋਤੀਤਿ ਇਤ੍ਥਿਯਾ ਪੁਰੇਤਰਂ ਸੇવਨਚਿਤ੍ਤਂ ਉਪਟ੍ਠਾਪੇਤ੍વਾ ਨਿਪਨ੍ਨਾਯਪਿ ਮਿਚ੍ਛਾਚਾਰੋ ਨ ਸਿਯਾਤਿ ਆਪਜ੍ਜਤਿ, ਤਸ੍ਮਾ ਪੁਰਿਸਸ੍ਸ વਸੇਨ ਉਕ੍ਕਂਸਤੋ ਚਤ੍ਤਾਰੋ ਸਮ੍ਭਾਰਾ વੁਤ੍ਤਾਤਿ ਦਟ੍ਠਬ੍ਬਂ। ਅਞ੍ਞਥਾ ਇਤ੍ਥਿਯਾ ਪੁਰਿਸਕਿਚ੍ਚਕਰਣਕਾਲੇ ਪੁਰਿਸਸ੍ਸਪਿ ਸੇવਨਪ੍ਪਯੋਗਾਭਾવਤੋ ਮਿਚ੍ਛਾਚਾਰੋ ਨ ਸਿਯਾਤਿ। ਕੇਚਿ ਪਨ ‘‘ਅਤ੍ਤਨੋ ਰੁਚਿਯਾ ਪવਤ੍ਤਿਤਸ੍ਸ ਤੀਣਿ ਅਙ੍ਗਾਨਿ, ਬਲਕ੍ਕਾਰੇਨ ਪવਤ੍ਤਿਤਸ੍ਸ ਤੀਣੀਤਿ ਸਬ੍ਬਾਨਿ ਅਗ੍ਗਹਿਤਗ੍ਗਹਣੇਨ ਚਤ੍ਤਾਰੀ’’ਤਿ વਦਨ੍ਤਿ, વੀਮਂਸਿਤ੍વਾ ਗਹੇਤਬ੍ਬਂ।
Abhibhavitvā vītikkamane micchācāro mahāsāvajjo, na tathā ubhinnaṃ samānacchandabhāve. ‘‘Cattāro sambhārāti vuttattā abhibhavitvā vītikkamane satipi maggenamaggapaṭipattiadhivāsane purimuppannasevanābhisandhipayogābhāvato micchācāro na hoti abhibhuyyamānassā’’ti vadanti. Sevanacitte sati payogābhāvo na pamāṇaṃ itthiyā sevanappayogassa yebhuyyena abhāvato. Purisasseva hi yebhuyyena sevanappayogo hotīti itthiyā puretaraṃ sevanacittaṃ upaṭṭhāpetvā nipannāyapi micchācāro na siyāti āpajjati, tasmā purisassa vasena ukkaṃsato cattāro sambhārā vuttāti daṭṭhabbaṃ. Aññathā itthiyā purisakiccakaraṇakāle purisassapi sevanappayogābhāvato micchācāro na siyāti. Keci pana ‘‘attano ruciyā pavattitassa tīṇi aṅgāni, balakkārena pavattitassa tīṇīti sabbāni aggahitaggahaṇena cattārī’’ti vadanti, vīmaṃsitvā gahetabbaṃ.
ਦੁਟ੍ਠਚਿਤ੍ਤਸ੍ਸ ਅਮਰਣਾਧਿਪ੍ਪਾਯਸ੍ਸ ਫਰੁਸਕਾਯવਚੀਪਯੋਗਸਮੁਟ੍ਠਾਪਿਕਾ ਫਰੁਸਚੇਤਨਾ ਫਰੁਸવਾਚਾ। ਮਰਣਾਧਿਪ੍ਪਾਯੇ ਪਨ ਸਤਿ ਅਤ੍ਥਸਿਦ੍ਧਿਤਦਭਾવੇਸੁ ਪਾਣਾਤਿਪਾਤਾ ਬ੍ਯਾਪਾਦਾ ਚ ਹੋਨ੍ਤੀਤਿ। ਯਂ ਪਤਿ ਫਰੁਸવਾਚਾ ਪਯੁਜ੍ਜਤਿ, ਤਸ੍ਸ ਸਮ੍ਮੁਖਾવ ਸੀਸਂ ਏਤਿ। ‘‘ਪਰਮ੍ਮੁਖੇਪਿ ਫਰੁਸવਾਚਾ ਹੋਤੀ’’ਤਿ વਦਨ੍ਤਿ।
Duṭṭhacittassa amaraṇādhippāyassa pharusakāyavacīpayogasamuṭṭhāpikā pharusacetanā pharusavācā. Maraṇādhippāye pana sati atthasiddhitadabhāvesu pāṇātipātā byāpādā ca hontīti. Yaṃ pati pharusavācā payujjati, tassa sammukhāva sīsaṃ eti. ‘‘Parammukhepi pharusavācā hotī’’ti vadanti.
ਯਦਿ ਚੇਤਨਾਯ ਸਬ੍ਬਦਾ ਕਮ੍ਮਪਥਭਾવਾਭਾવਤੋ ਅਨਿਯਤੋ ਕਮ੍ਮਪਥਭਾવੋਤਿ ਕਮ੍ਮਪਥਰਾਸਿਮ੍ਹਿ ਅવਚਨਂ, ਨਨੁ ਅਭਿਜ੍ਝਾਦੀਨਮ੍ਪਿ ਕਮ੍ਮਪਥਂ ਅਪ੍ਪਤ੍ਤਾਨਂ ਅਤ੍ਥਿਤਾਯ ਅਨਿਯਤੋ ਕਮ੍ਮਪਥਭਾવੋਤਿ ਤੇਸਮ੍ਪਿ ਕਮ੍ਮਪਥਰਾਸਿਯਂ ਅવਚਨਂ ਆਪਜ੍ਜਤੀਤਿ? ਨਾਪਜ੍ਜਤਿ, ਕਮ੍ਮਪਥਤਾਤਂਸਭਾਗਤਾਹਿ ਤੇਸਂ ਤਤ੍ਥ વੁਤ੍ਤਤ੍ਤਾ। ਯਦਿ ਏવਂ ਚੇਤਨਾਪਿ ਤਤ੍ਥ વਤ੍ਤਬ੍ਬਾ ਸਿਯਾਤਿ? ਸਚ੍ਚਮੇਤਂ, ਸਾ ਪਨ ਪਾਣਾਤਿਪਾਤਾਦਿਕਾਤਿ ਪਾਕਟੋ ਤਸ੍ਸਾ ਕਮ੍ਮਪਥਭਾવੋਤਿ ਨ વੁਤ੍ਤਂ ਸਿਯਾ। ਚੇਤਨਾਯ ਹਿ ‘‘ਚੇਤਨਾਹਂ, ਭਿਕ੍ਖવੇ, ਕਮ੍ਮਂ વਦਾਮਿ,’’‘‘ਤਿવਿਧਾ, ਭਿਕ੍ਖવੇ, ਕਾਯਸਞ੍ਚੇਤਨਾ ਅਕੁਸਲਂ ਕਾਯਕਮ੍ਮ’’ਨ੍ਤਿਆਦਿવਚਨੇਹਿ ਕਮ੍ਮਭਾવੋ ਦੀਪਿਤੋ। ਕਮ੍ਮਂਯੇવ ਚ ਸੁਗਤਿਦੁਗ੍ਗਤੀਨਂ ਤਦੁਪ੍ਪਜ੍ਜਨਸੁਖਦੁਕ੍ਖਾਨਞ੍ਚ ਪਥਭਾવੇਨ ਪવਤ੍ਤਂ ਕਮ੍ਮਪਥੋਤਿ વੁਚ੍ਚਤੀਤਿ ਪਾਕਟੋ ਤਸ੍ਸਾ ਕਮ੍ਮਪਥਭਾવੋ। ਅਭਿਜ੍ਝਾਦੀਨਂ ਪਨ ਚੇਤਨਾਸਮੀਹਨਭਾવੇਨ ਸੁਚਰਿਤਦੁਚ੍ਚਰਿਤਭਾવੋ, ਚੇਤਨਾਜਨਿਤਤਂਬਨ੍ਧਤਿਭਾવੇਨ ਸੁਗਤਿਦੁਗ੍ਗਤਿਤਦੁਪ੍ਪਜ੍ਜਨਸੁਖਦੁਕ੍ਖਾਨਂ ਪਥਭਾવੋ ਚਾਤਿ ਨ ਤਥਾ ਪਾਕਟੋ ਕਮ੍ਮਪਥਭਾવੋਤਿ ਤੇ ਏવ ਕਮ੍ਮਪਥਰਾਸਿਭਾવੇਨ વੁਤ੍ਤਾ। ਅਤਥਾਜਾਤਿਯਤ੍ਤਾ વਾ ਚੇਤਨਾ ਤੇਹਿ ਸਦ੍ਧਿਂ ਨ વੁਤ੍ਤਾ ਸਿਯਾ। વਿਚਾਰੇਤ੍વਾ ਗਹੇਤਬ੍ਬਂ।
Yadi cetanāya sabbadā kammapathabhāvābhāvato aniyato kammapathabhāvoti kammapatharāsimhi avacanaṃ, nanu abhijjhādīnampi kammapathaṃ appattānaṃ atthitāya aniyato kammapathabhāvoti tesampi kammapatharāsiyaṃ avacanaṃ āpajjatīti? Nāpajjati, kammapathatātaṃsabhāgatāhi tesaṃ tattha vuttattā. Yadi evaṃ cetanāpi tattha vattabbā siyāti? Saccametaṃ, sā pana pāṇātipātādikāti pākaṭo tassā kammapathabhāvoti na vuttaṃ siyā. Cetanāya hi ‘‘cetanāhaṃ, bhikkhave, kammaṃ vadāmi,’’‘‘tividhā, bhikkhave, kāyasañcetanā akusalaṃ kāyakamma’’ntiādivacanehi kammabhāvo dīpito. Kammaṃyeva ca sugatiduggatīnaṃ taduppajjanasukhadukkhānañca pathabhāvena pavattaṃ kammapathoti vuccatīti pākaṭo tassā kammapathabhāvo. Abhijjhādīnaṃ pana cetanāsamīhanabhāvena sucaritaduccaritabhāvo, cetanājanitataṃbandhatibhāvena sugatiduggatitaduppajjanasukhadukkhānaṃ pathabhāvo cāti na tathā pākaṭo kammapathabhāvoti te eva kammapatharāsibhāvena vuttā. Atathājātiyattā vā cetanā tehi saddhiṃ na vuttā siyā. Vicāretvā gahetabbaṃ.
ਪਾਣਾਤਿਪਾਤਾਦੀਨਂ ਆਰਮ੍ਮਣਾਨੇવ ਤਬ੍ਬਿਰਤਿਆਰਮ੍ਮਣਾਨੀਤਿ ਪਞ੍ਚ ਸਿਕ੍ਖਾਪਦਾ ਪਰਿਤ੍ਤਾਰਮ੍ਮਣਾ ਏવਾਤਿ વਚਨੇਨ ਅਦਿਨ੍ਨਾਦਾਨਾਦੀਨਂ ਸਤ੍ਤਾਰਮ੍ਮਣਤਾવਚਨਸ੍ਸ વਿਰੋਧਂ ਚੋਦੇਤਿ। ਤਥਾ ਹਿ વਕ੍ਖਤਿ ‘‘વੀਤਿਕ੍ਕਮਿਤਬ੍ਬਤੋਯੇવ ਹਿ વੇਰਮਣੀ ਨਾਮ ਹੋਤੀ’’ਤਿ। ਸਯਮੇવ ਪਰਿਹਰਿਸ੍ਸਤੀਤਿ ਸਿਕ੍ਖਾਪਦવਿਭਙ੍ਗੇ ਪਞ੍ਹਪੁਚ੍ਛਕવਣ੍ਣਨਂ ਸਨ੍ਧਾਯ વਦਤਿ। ਤਤ੍ਥ ਹਿ ‘‘ਯਸ੍ਮਾ ਸਤ੍ਤੋਤਿ ਸਙ੍ਖ੍ਯਂ ਗਤੇ ਸਙ੍ਖਾਰੇਯੇવ ਆਰਮ੍ਮਣਂ ਕਰੋਤਿ, ਤਸ੍ਮਾ ਪਰਿਤ੍ਤਾਰਮ੍ਮਣਾਤਿ વੁਚ੍ਚਨ੍ਤੀ’’ਤਿ વੁਤ੍ਤਂ।
Pāṇātipātādīnaṃ ārammaṇāneva tabbiratiārammaṇānīti pañca sikkhāpadā parittārammaṇā evāti vacanena adinnādānādīnaṃ sattārammaṇatāvacanassa virodhaṃ codeti. Tathā hi vakkhati ‘‘vītikkamitabbatoyeva hi veramaṇī nāma hotī’’ti. Sayameva pariharissatīti sikkhāpadavibhaṅge pañhapucchakavaṇṇanaṃ sandhāya vadati. Tattha hi ‘‘yasmā sattoti saṅkhyaṃ gate saṅkhāreyeva ārammaṇaṃ karoti, tasmā parittārammaṇāti vuccantī’’ti vuttaṃ.
ਦੁਗ੍ਗਤਤਾਦੀਨੀਤਿ ਆਦਿ-ਸਦ੍ਦੇਨ ‘‘ਅਲਦ੍ਧਾਲਾਭੋ ਲਦ੍ਧવਿਨਾਸੋ ਇਚ੍ਛਿਤਾਨਂ ਭੋਗਾਨਂ ਕਿਚ੍ਛਪਟਿਲਾਭੋ ਰਾਜਾਦੀਹਿ ਸਾਧਾਰਣਭੋਗਤਾ ਦੁਕ੍ਖવਿਹਾਰੋ ਸਾਸਙ੍ਕવਿਹਾਰੋ’’ਤਿ ਏવਮਾਦਯੋ ਸਙ੍ਗਹਿਤਾ। ਕੇਚਿ ਪਨ ‘‘ਦਿਟ੍ਠੇવ ਧਮ੍ਮੇ ਭੋਗਜਾਨਿਆਦਯੋ ਨਿਸ੍ਸਨ੍ਦਫਲ’’ਨ੍ਤਿ વਦਨ੍ਤਿ।
Duggatatādīnīti ādi-saddena ‘‘aladdhālābho laddhavināso icchitānaṃ bhogānaṃ kicchapaṭilābho rājādīhi sādhāraṇabhogatā dukkhavihāro sāsaṅkavihāro’’ti evamādayo saṅgahitā. Keci pana ‘‘diṭṭheva dhamme bhogajāniādayo nissandaphala’’nti vadanti.
Related texts:
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਧਮ੍ਮਸਙ੍ਗਣੀ-ਮੂਲਟੀਕਾ • Dhammasaṅgaṇī-mūlaṭīkā / ਅਕੁਸਲਕਮ੍ਮਪਥਕਥਾવਣ੍ਣਨਾ • Akusalakammapathakathāvaṇṇanā
