| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. агусаламууласуд̇д̇ам̣
9. Akusalamūlasuttaṃ
70. ‘‘д̇ийн̣имаани , бхигкавз, агусаламуулаани. гад̇амаани д̇ийн̣и? лобхо агусаламуулам̣, д̣̇осо агусаламуулам̣, мохо агусаламуулам̣.
70. ‘‘Tīṇimāni , bhikkhave, akusalamūlāni. Katamāni tīṇi? Lobho akusalamūlaṃ, doso akusalamūlaṃ, moho akusalamūlaṃ.
‘‘яад̣̇аби, бхигкавз, лобхо д̇ад̣̇аби агусаламуулам̣ 1; яад̣̇аби луд̣̇д̇хо абхисан̇карод̇и гааязна ваажааяа манасаа д̇ад̣̇аби агусалам̣ 2; яад̣̇аби луд̣̇д̇хо лобхзна абхибхууд̇о барияаад̣̇иннажид̇д̇о барасса асад̇аа д̣̇угкам̣ уббаад̣̇аяад̇и 3 вад̇хзна ваа б̣анд̇ханзна ваа ж̇аанияаа ваа г̇арахааяа ваа баб̣б̣ааж̇анааяа ваа б̣алавамхи б̣алад̇т̇о ид̇иби д̇ад̣̇аби агусалам̣ 4. ид̇иссамз лобхаж̇аа лобханид̣̇аанаа лобхасамуд̣̇аяаа лобхабажжаяаа анзгз баабагаа агусалаа д̇хаммаа самбхаванд̇и.
‘‘Yadapi, bhikkhave, lobho tadapi akusalamūlaṃ 5; yadapi luddho abhisaṅkharoti kāyena vācāya manasā tadapi akusalaṃ 6; yadapi luddho lobhena abhibhūto pariyādinnacitto parassa asatā dukkhaṃ uppādayati 7 vadhena vā bandhanena vā jāniyā vā garahāya vā pabbājanāya vā balavamhi balattho itipi tadapi akusalaṃ 8. Itissame lobhajā lobhanidānā lobhasamudayā lobhapaccayā aneke pāpakā akusalā dhammā sambhavanti.
‘‘яад̣̇аби, бхигкавз, д̣̇осо д̇ад̣̇аби агусаламуулам̣; яад̣̇аби д̣̇удто абхисан̇карод̇и гааязна ваажааяа манасаа д̇ад̣̇аби агусалам̣; яад̣̇аби д̣̇удто д̣̇осзна абхибхууд̇о барияаад̣̇иннажид̇д̇о барасса асад̇аа д̣̇угкам̣ уббаад̣̇аяад̇и вад̇хзна ваа б̣анд̇ханзна ваа ж̇аанияаа ваа г̇арахааяа ваа баб̣б̣ааж̇анааяа ваа б̣алавамхи б̣алад̇т̇о ид̇иби д̇ад̣̇аби агусалам̣. ид̇иссамз д̣̇осаж̇аа д̣̇осанид̣̇аанаа д̣̇осасамуд̣̇аяаа д̣̇осабажжаяаа анзгз баабагаа агусалаа д̇хаммаа самбхаванд̇и.
‘‘Yadapi, bhikkhave, doso tadapi akusalamūlaṃ; yadapi duṭṭho abhisaṅkharoti kāyena vācāya manasā tadapi akusalaṃ; yadapi duṭṭho dosena abhibhūto pariyādinnacitto parassa asatā dukkhaṃ uppādayati vadhena vā bandhanena vā jāniyā vā garahāya vā pabbājanāya vā balavamhi balattho itipi tadapi akusalaṃ. Itissame dosajā dosanidānā dosasamudayā dosapaccayā aneke pāpakā akusalā dhammā sambhavanti.
‘‘яад̣̇аби, бхигкавз, мохо д̇ад̣̇аби агусаламуулам̣; яад̣̇аби муул̣хо абхисан̇карод̇и гааязна ваажааяа манасаа д̇ад̣̇аби агусалам̣; яад̣̇аби муул̣хо мохзна абхибхууд̇о барияаад̣̇иннажид̇д̇о барасса асад̇аа д̣̇угкам̣ уббаад̣̇аяад̇и вад̇хзна ваа б̣анд̇ханзна ваа ж̇аанияаа ваа г̇арахааяа ваа баб̣б̣ааж̇анааяа ваа б̣алавамхи б̣алад̇т̇о ид̇иби д̇ад̣̇аби агусалам̣. ид̇иссамз мохаж̇аа моханид̣̇аанаа мохасамуд̣̇аяаа мохабажжаяаа анзгз баабагаа агусалаа д̇хаммаа самбхаванд̇и. зваруубо жааяам̣, бхигкавз, буг̇г̇ало вужжад̇и агаалаваад̣̇ийд̇иби, абхууд̇аваад̣̇ийд̇иби, анад̇т̇аваад̣̇ийд̇иби, ад̇хаммаваад̣̇ийд̇иби, авинаяаваад̣̇ийд̇иби.
‘‘Yadapi, bhikkhave, moho tadapi akusalamūlaṃ; yadapi mūḷho abhisaṅkharoti kāyena vācāya manasā tadapi akusalaṃ; yadapi mūḷho mohena abhibhūto pariyādinnacitto parassa asatā dukkhaṃ uppādayati vadhena vā bandhanena vā jāniyā vā garahāya vā pabbājanāya vā balavamhi balattho itipi tadapi akusalaṃ. Itissame mohajā mohanidānā mohasamudayā mohapaccayā aneke pāpakā akusalā dhammā sambhavanti. Evarūpo cāyaṃ, bhikkhave, puggalo vuccati akālavādītipi, abhūtavādītipi, anatthavādītipi, adhammavādītipi, avinayavādītipi.
‘‘гасмаа жааяам̣, бхигкавз, зваруубо буг̇г̇ало вужжад̇и агаалаваад̣̇ийд̇иби, абхууд̇аваад̣̇ийд̇иби, анад̇т̇аваад̣̇ийд̇иби, ад̇хаммаваад̣̇ийд̇иби, авинаяаваад̣̇ийд̇иби? д̇ат̇аахааяам̣, бхигкавз, буг̇г̇ало барасса асад̇аа д̣̇угкам̣ уббаад̣̇аяад̇и вад̇хзна ваа б̣анд̇ханзна ваа ж̇аанияаа ваа г̇арахааяа ваа баб̣б̣ааж̇анааяа ваа б̣алавамхи б̣алад̇т̇о ид̇иби. бхууд̇зна ко бана вужжамаано аваж̇аанаад̇и, но бадиж̇аанаад̇и; абхууд̇зна вужжамаано на аад̇аббам̣ гарод̇и, д̇асса ниб̣б̣зтанааяа ид̇ибзд̇ам̣ ад̇ажчам̣ ид̇ибзд̇ам̣ абхууд̇анд̇и. д̇асмаа зваруубо буг̇г̇ало вужжад̇и агаалаваад̣̇ийд̇иби, абхууд̇аваад̣̇ийд̇иби, анад̇т̇аваад̣̇ийд̇иби, ад̇хаммаваад̣̇ийд̇иби, авинаяаваад̣̇ийд̇иби.
‘‘Kasmā cāyaṃ, bhikkhave, evarūpo puggalo vuccati akālavādītipi, abhūtavādītipi, anatthavādītipi, adhammavādītipi, avinayavādītipi? Tathāhāyaṃ, bhikkhave, puggalo parassa asatā dukkhaṃ uppādayati vadhena vā bandhanena vā jāniyā vā garahāya vā pabbājanāya vā balavamhi balattho itipi. Bhūtena kho pana vuccamāno avajānāti, no paṭijānāti; abhūtena vuccamāno na ātappaṃ karoti, tassa nibbeṭhanāya itipetaṃ atacchaṃ itipetaṃ abhūtanti. Tasmā evarūpo puggalo vuccati akālavādītipi, abhūtavādītipi, anatthavādītipi, adhammavādītipi, avinayavādītipi.
‘‘зваруубо, бхигкавз, буг̇г̇ало лобхаж̇зхи баабагзхи агусалзхи д̇хаммзхи абхибхууд̇о барияаад̣̇иннажид̇д̇о д̣̇идтз жзва д̇хаммз д̣̇угкам̣ вихарад̇и, савигхаад̇ам̣ саубааяаасам̣ сабарил̣аахам̣. гааяасса жа бхзд̣̇аа барам̣ маран̣аа д̣̇уг̇г̇ад̇и баадиган̇каа.
‘‘Evarūpo, bhikkhave, puggalo lobhajehi pāpakehi akusalehi dhammehi abhibhūto pariyādinnacitto diṭṭhe ceva dhamme dukkhaṃ viharati, savighātaṃ saupāyāsaṃ sapariḷāhaṃ. Kāyassa ca bhedā paraṃ maraṇā duggati pāṭikaṅkhā.
‘‘д̣̇осаж̇зхи…бз… мохаж̇зхи баабагзхи агусалзхи д̇хаммзхи абхибхууд̇о барияаад̣̇иннажид̇д̇о д̣̇идтз жзва д̇хаммз д̣̇угкам̣ вихарад̇и, савигхаад̇ам̣ саубааяаасам̣ сабарил̣аахам̣. гааяасса жа бхзд̣̇аа барам̣ маран̣аа д̣̇уг̇г̇ад̇и баадиган̇каа. сзяяат̇ааби, бхигкавз, саало ваа д̇хаво ваа панд̣̇ано ваа д̇ийхи маалуваалад̇аахи уд̣̇д̇хасд̇о барияонад̣̇д̇хо анаяам̣ аабаж̇ж̇ад̇и, б̣яасанам̣ аабаж̇ж̇ад̇и, анаяаб̣яасанам̣ аабаж̇ж̇ад̇и; звамзвам̣ ко, бхигкавз, зваруубо буг̇г̇ало лобхаж̇зхи баабагзхи агусалзхи д̇хаммзхи абхибхууд̇о барияаад̣̇иннажид̇д̇о д̣̇идтз жзва д̇хаммз д̣̇угкам̣ вихарад̇и, савигхаад̇ам̣ саубааяаасам̣ сабарил̣аахам̣. гааяасса жа бхзд̣̇аа барам̣ маран̣аа д̣̇уг̇г̇ад̇и баадиган̇каа.
‘‘Dosajehi…pe… mohajehi pāpakehi akusalehi dhammehi abhibhūto pariyādinnacitto diṭṭhe ceva dhamme dukkhaṃ viharati, savighātaṃ saupāyāsaṃ sapariḷāhaṃ. Kāyassa ca bhedā paraṃ maraṇā duggati pāṭikaṅkhā. Seyyathāpi, bhikkhave, sālo vā dhavo vā phandano vā tīhi māluvālatāhi uddhasto pariyonaddho anayaṃ āpajjati, byasanaṃ āpajjati, anayabyasanaṃ āpajjati; evamevaṃ kho, bhikkhave, evarūpo puggalo lobhajehi pāpakehi akusalehi dhammehi abhibhūto pariyādinnacitto diṭṭhe ceva dhamme dukkhaṃ viharati, savighātaṃ saupāyāsaṃ sapariḷāhaṃ. Kāyassa ca bhedā paraṃ maraṇā duggati pāṭikaṅkhā.
‘‘д̣̇осаж̇зхи…бз… мохаж̇зхи баабагзхи агусалзхи д̇хаммзхи абхибхууд̇о барияаад̣̇иннажид̇д̇о д̣̇идтз жзва д̇хаммз д̣̇угкам̣ вихарад̇и савигхаад̇ам̣ саубааяаасам̣ сабарил̣аахам̣. гааяасса жа бхзд̣̇аа барам̣ маран̣аа д̣̇уг̇г̇ад̇и баадиган̇каа. имаани ко, бхигкавз, д̇ийн̣и агусаламуулаанийд̇и.
‘‘Dosajehi…pe… mohajehi pāpakehi akusalehi dhammehi abhibhūto pariyādinnacitto diṭṭhe ceva dhamme dukkhaṃ viharati savighātaṃ saupāyāsaṃ sapariḷāhaṃ. Kāyassa ca bhedā paraṃ maraṇā duggati pāṭikaṅkhā. Imāni kho, bhikkhave, tīṇi akusalamūlānīti.
‘‘д̇ийн̣имаани, бхигкавз, гусаламуулаани. гад̇амаани д̇ийн̣и? алобхо гусаламуулам̣, ад̣̇осо гусаламуулам̣, амохо гусаламуулам̣.
‘‘Tīṇimāni, bhikkhave, kusalamūlāni. Katamāni tīṇi? Alobho kusalamūlaṃ, adoso kusalamūlaṃ, amoho kusalamūlaṃ.
‘‘яад̣̇аби , бхигкавз, алобхо д̇ад̣̇аби гусаламуулам̣ 9; яад̣̇аби алуд̣̇д̇хо абхисан̇карод̇и гааязна ваажааяа манасаа д̇ад̣̇аби гусалам̣ 10; яад̣̇аби алуд̣̇д̇хо лобхзна анабхибхууд̇о абарияаад̣̇иннажид̇д̇о на барасса асад̇аа д̣̇угкам̣ уббаад̣̇аяад̇и вад̇хзна ваа б̣анд̇ханзна ваа ж̇аанияаа ваа г̇арахааяа ваа баб̣б̣ааж̇анааяа ваа б̣алавамхи б̣алад̇т̇о ид̇иби д̇ад̣̇аби гусалам̣. ид̇иссамз алобхаж̇аа алобханид̣̇аанаа алобхасамуд̣̇аяаа алобхабажжаяаа анзгз гусалаа д̇хаммаа самбхаванд̇и.
‘‘Yadapi , bhikkhave, alobho tadapi kusalamūlaṃ 11; yadapi aluddho abhisaṅkharoti kāyena vācāya manasā tadapi kusalaṃ 12; yadapi aluddho lobhena anabhibhūto apariyādinnacitto na parassa asatā dukkhaṃ uppādayati vadhena vā bandhanena vā jāniyā vā garahāya vā pabbājanāya vā balavamhi balattho itipi tadapi kusalaṃ. Itissame alobhajā alobhanidānā alobhasamudayā alobhapaccayā aneke kusalā dhammā sambhavanti.
‘‘яад̣̇аби, бхигкавз, ад̣̇осо д̇ад̣̇аби гусаламуулам̣; яад̣̇аби ад̣̇удто абхисан̇карод̇и гааязна ваажааяа манасаа д̇ад̣̇аби гусалам̣; яад̣̇аби ад̣̇удто д̣̇осзна анабхибхууд̇о абарияаад̣̇иннажид̇д̇о на барасса асад̇аа д̣̇угкам̣ уббаад̣̇аяад̇и вад̇хзна ваа б̣анд̇ханзна ваа ж̇аанияаа ваа г̇арахааяа ваа баб̣б̣ааж̇анааяа ваа б̣алавамхи б̣алад̇т̇о ид̇иби д̇ад̣̇аби гусалам̣. ид̇иссамз ад̣̇осаж̇аа ад̣̇осанид̣̇аанаа ад̣̇осасамуд̣̇аяаа ад̣̇осабажжаяаа анзгз гусалаа д̇хаммаа самбхаванд̇и.
‘‘Yadapi, bhikkhave, adoso tadapi kusalamūlaṃ; yadapi aduṭṭho abhisaṅkharoti kāyena vācāya manasā tadapi kusalaṃ; yadapi aduṭṭho dosena anabhibhūto apariyādinnacitto na parassa asatā dukkhaṃ uppādayati vadhena vā bandhanena vā jāniyā vā garahāya vā pabbājanāya vā balavamhi balattho itipi tadapi kusalaṃ. Itissame adosajā adosanidānā adosasamudayā adosapaccayā aneke kusalā dhammā sambhavanti.
‘‘яад̣̇аби, бхигкавз, амохо д̇ад̣̇аби гусаламуулам̣; яад̣̇аби амуул̣хо абхисан̇карод̇и гааязна ваажааяа манасаа д̇ад̣̇аби гусалам̣; яад̣̇аби амуул̣хо мохзна анабхибхууд̇о абарияаад̣̇иннажид̇д̇о на барасса асад̇аа д̣̇угкам̣ уббаад̣̇аяад̇и вад̇хзна ваа б̣анд̇ханзна ваа ж̇аанияаа ваа г̇арахааяа ваа баб̣б̣ааж̇анааяа ваа б̣алавамхи б̣алад̇т̇о ид̇иби д̇ад̣̇аби гусалам̣. ид̇иссамз амохаж̇аа амоханид̣̇аанаа амохасамуд̣̇аяаа амохабажжаяаа анзгз гусалаа д̇хаммаа самбхаванд̇и. зваруубо жааяам̣ , бхигкавз, буг̇г̇ало вужжад̇и гаалаваад̣̇ийд̇иби, бхууд̇аваад̣̇ийд̇иби, ад̇т̇аваад̣̇ийд̇иби, д̇хаммаваад̣̇ийд̇иби, винаяаваад̣̇ийд̇иби.
‘‘Yadapi, bhikkhave, amoho tadapi kusalamūlaṃ; yadapi amūḷho abhisaṅkharoti kāyena vācāya manasā tadapi kusalaṃ; yadapi amūḷho mohena anabhibhūto apariyādinnacitto na parassa asatā dukkhaṃ uppādayati vadhena vā bandhanena vā jāniyā vā garahāya vā pabbājanāya vā balavamhi balattho itipi tadapi kusalaṃ. Itissame amohajā amohanidānā amohasamudayā amohapaccayā aneke kusalā dhammā sambhavanti. Evarūpo cāyaṃ , bhikkhave, puggalo vuccati kālavādītipi, bhūtavādītipi, atthavādītipi, dhammavādītipi, vinayavādītipi.
‘‘гасмаа жааяам̣, бхигкавз, зваруубо буг̇г̇ало вужжад̇и гаалаваад̣̇ийд̇иби, бхууд̇аваад̣̇ийд̇иби, ад̇т̇аваад̣̇ийд̇иби, д̇хаммаваад̣̇ийд̇иби, винаяаваад̣̇ийд̇иби? д̇ат̇аахааяам̣, бхигкавз, буг̇г̇ало на барасса асад̇аа д̣̇угкам̣ уббаад̣̇аяад̇и вад̇хзна ваа б̣анд̇ханзна ваа ж̇аанияаа ваа г̇арахааяа ваа баб̣б̣ааж̇анааяа ваа б̣алавамхи б̣алад̇т̇о ид̇иби. бхууд̇зна ко бана вужжамаано бадиж̇аанаад̇и но аваж̇аанаад̇и; абхууд̇зна вужжамаано аад̇аббам̣ гарод̇и д̇асса ниб̣б̣зтанааяа – ‘ид̇ибзд̇ам̣ ад̇ажчам̣, ид̇ибзд̇ам̣ абхууд̇а’нд̇и . д̇асмаа зваруубо буг̇г̇ало вужжад̇и гаалаваад̣̇ийд̇иби, ад̇т̇аваад̣̇ийд̇иби, д̇хаммаваад̣̇ийд̇иби, винаяаваад̣̇ийд̇иби.
‘‘Kasmā cāyaṃ, bhikkhave, evarūpo puggalo vuccati kālavādītipi, bhūtavādītipi, atthavādītipi, dhammavādītipi, vinayavādītipi? Tathāhāyaṃ, bhikkhave, puggalo na parassa asatā dukkhaṃ uppādayati vadhena vā bandhanena vā jāniyā vā garahāya vā pabbājanāya vā balavamhi balattho itipi. Bhūtena kho pana vuccamāno paṭijānāti no avajānāti; abhūtena vuccamāno ātappaṃ karoti tassa nibbeṭhanāya – ‘itipetaṃ atacchaṃ, itipetaṃ abhūta’nti . Tasmā evarūpo puggalo vuccati kālavādītipi, atthavādītipi, dhammavādītipi, vinayavādītipi.
‘‘зваруубасса, бхигкавз, буг̇г̇аласса лобхаж̇аа баабагаа агусалаа д̇хаммаа бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. д̣̇идтзва д̇хаммз сукам̣ вихарад̇и авигхаад̇ам̣ анубааяаасам̣ абарил̣аахам̣. д̣̇идтзва д̇хаммз бариниб̣б̣ааяад̇и.
‘‘Evarūpassa, bhikkhave, puggalassa lobhajā pāpakā akusalā dhammā pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Diṭṭheva dhamme sukhaṃ viharati avighātaṃ anupāyāsaṃ apariḷāhaṃ. Diṭṭheva dhamme parinibbāyati.
‘‘д̣̇осаж̇аа…бз… бариниб̣б̣ааяад̇и. мохаж̇аа…бз… бариниб̣б̣ааяад̇и. сзяяат̇ааби бхигкавз, саало ваа д̇хаво ваа панд̣̇ано ваа д̇ийхи маалуваалад̇аахи уд̣̇д̇хасд̇о барияонад̣̇д̇хо. ат̇а бурисо ааг̇ажчзяяа гуд̣̇д̣̇аала-бидагам̣ 13 аад̣̇ааяа. со д̇ам̣ маалуваалад̇ам̣ муулз чинд̣̇зяяа, муулз чзд̇ваа баликан̣зяяа, баликан̣ид̇ваа муулаани уд̣̇д̇харзяяа, анд̇амасо усийранаал̣имад̇д̇ааниби 14. со д̇ам̣ маалуваалад̇ам̣ кан̣д̣аакан̣д̣игам̣ чинд̣̇зяяа, кан̣д̣аакан̣д̣игам̣ чзд̇ваа паалзяяа, паалзд̇ваа сагалигам̣ сагалигам̣ гарзяяа, сагалигам̣ сагалигам̣ гарид̇ваа ваад̇аад̇абз висосзяяа, ваад̇аад̇абз висосзд̇ваа аг̇г̇инаа д̣ахзяяа, аг̇г̇инаа д̣ахид̇ваа масим̣ гарзяяа, масим̣ гарид̇ваа махааваад̇з ваа опун̣зяяа над̣̇ияаа ваа сийгхасод̇ааяа баваахзяяа. звамасса 15 д̇аа, бхигкавз, маалуваалад̇аа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. звамзвам̣ ко, бхигкавз, зваруубасса буг̇г̇аласса лобхаж̇аа баабагаа агусалаа д̇хаммаа бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. д̣̇идтзва д̇хаммз сукам̣ вихарад̇и авигхаад̇ам̣ анубааяаасам̣ абарил̣аахам̣. д̣̇идтзва д̇хаммз бариниб̣б̣ааяад̇и.
‘‘Dosajā…pe… parinibbāyati. Mohajā…pe… parinibbāyati. Seyyathāpi bhikkhave, sālo vā dhavo vā phandano vā tīhi māluvālatāhi uddhasto pariyonaddho. Atha puriso āgaccheyya kuddāla-piṭakaṃ 16 ādāya. So taṃ māluvālataṃ mūle chindeyya, mūle chetvā palikhaṇeyya, palikhaṇitvā mūlāni uddhareyya, antamaso usīranāḷimattānipi 17. So taṃ māluvālataṃ khaṇḍākhaṇḍikaṃ chindeyya, khaṇḍākhaṇḍikaṃ chetvā phāleyya, phāletvā sakalikaṃ sakalikaṃ kareyya, sakalikaṃ sakalikaṃ karitvā vātātape visoseyya, vātātape visosetvā agginā ḍaheyya, agginā ḍahitvā masiṃ kareyya, masiṃ karitvā mahāvāte vā ophuṇeyya nadiyā vā sīghasotāya pavāheyya. Evamassa 18 tā, bhikkhave, māluvālatā ucchinnamūlā tālāvatthukatā anabhāvaṃkatā āyatiṃ anuppādadhammā. Evamevaṃ kho, bhikkhave, evarūpassa puggalassa lobhajā pāpakā akusalā dhammā pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Diṭṭheva dhamme sukhaṃ viharati avighātaṃ anupāyāsaṃ apariḷāhaṃ. Diṭṭheva dhamme parinibbāyati.
‘‘д̣̇осаж̇аа …бз… мохаж̇аа баабагаа агусалаа д̇хаммаа бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. д̣̇идтзва д̇хаммз сукам̣ вихарад̇и авигхаад̇ам̣ анубааяаасам̣ абарил̣аахам̣. д̣̇идтзва д̇хаммз бариниб̣б̣ааяад̇и. имаани ко, бхигкавз, д̇ийн̣и гусаламуулааний’’д̇и. навамам̣.
‘‘Dosajā …pe… mohajā pāpakā akusalā dhammā pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Diṭṭheva dhamme sukhaṃ viharati avighātaṃ anupāyāsaṃ apariḷāhaṃ. Diṭṭheva dhamme parinibbāyati. Imāni kho, bhikkhave, tīṇi kusalamūlānī’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. агусаламууласуд̇д̇аван̣н̣анаа • 9. Akusalamūlasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. агусаламууласуд̇д̇аван̣н̣анаа • 9. Akusalamūlasuttavaṇṇanā
