| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9. агусаламууласуд̇д̇аван̣н̣анаа
9. Akusalamūlasuttavaṇṇanā
70. навамз луб̣бхад̇ийд̇и лобхо. д̣̇уссад̇ийд̇и д̣̇осо. муяхад̇ийд̇и мохо. лобхаад̣̇ийни банзд̇аани асахаж̇аад̇аанам̣ баан̣аад̇ибаад̇аад̣̇ийнам̣ гзсан̃жи агусалаанам̣ убаниссаяабажжаяадтзна, сахаж̇аад̇аанам̣ ад̣̇иннаад̣̇аанаад̣̇ийнам̣ гзсан̃жи самбаяуд̇д̇аа худ̇ваа уббаад̣̇агадтзна, саяан̃жа агусалаанийд̇и сааваж̇ж̇ад̣̇угкавибаагадтзнаад̇и ааха ‘‘агусалаанам̣ муулаани, агусалаани жа д̇аани муулааний’’д̇и. вуд̇д̇амби жзд̇ам̣ ‘‘рад̇д̇о ко, аавусо, рааг̇зна абхибхууд̇о барияаад̣̇иннажид̇д̇о баан̣амби ханад̇ий’’д̇иаад̣̇и. яад̣̇абийд̇и лин̇г̇авибаллаасзна вуд̇д̇анд̇и ааха ‘‘яоби, бхигкавз, лобхо’’д̇и. д̇ад̣̇абийд̇и зд̇т̇ааби зсзва наяод̇и ааха ‘‘соби агусаламуула’’нд̇и. винааби лин̇г̇авибаллаасзна ад̇т̇аяож̇анам̣ д̣̇ассзнд̇о ‘‘агусаламуулам̣ ваа’’д̇иаад̣̇имааха. саб̣б̣ад̇т̇аад̇и ‘‘яад̣̇аби, бхигкавз, д̣̇осо, д̇ад̣̇аби агусаламуула’’нд̇иаад̣̇ийсу. абхисан̇карод̇ийд̇и зд̇т̇а ааяуухад̇ийд̇и ад̇т̇ам̣ вад̇ваа д̇ан̃жа ааяууханам̣ бажжаяасамавааяасид̣̇д̇хид̇о самбин̣д̣анам̣ раасигаран̣ам̣ вияа ход̇ийд̇и ааха ‘‘самбин̣д̣зд̇и раасим̣ гарод̇ий’’д̇и.
70. Navame lubbhatīti lobho. Dussatīti doso. Muyhatīti moho. Lobhādīni panetāni asahajātānaṃ pāṇātipātādīnaṃ kesañci akusalānaṃ upanissayapaccayaṭṭhena, sahajātānaṃ adinnādānādīnaṃ kesañci sampayuttā hutvā uppādakaṭṭhena, sayañca akusalānīti sāvajjadukkhavipākaṭṭhenāti āha ‘‘akusalānaṃ mūlāni, akusalāni ca tāni mūlānī’’ti. Vuttampi cetaṃ ‘‘ratto kho, āvuso, rāgena abhibhūto pariyādinnacitto pāṇampi hanatī’’tiādi. Yadapīti liṅgavipallāsena vuttanti āha ‘‘yopi, bhikkhave, lobho’’ti. Tadapīti etthāpi eseva nayoti āha ‘‘sopi akusalamūla’’nti. Vināpi liṅgavipallāsena atthayojanaṃ dassento ‘‘akusalamūlaṃ vā’’tiādimāha. Sabbatthāti ‘‘yadapi, bhikkhave, doso, tadapi akusalamūla’’ntiādīsu. Abhisaṅkharotīti ettha āyūhatīti atthaṃ vatvā tañca āyūhanaṃ paccayasamavāyasiddhito sampiṇḍanaṃ rāsikaraṇaṃ viya hotīti āha ‘‘sampiṇḍeti rāsiṃ karotī’’ti.
баал̣ияам̣ ‘‘вад̇хзнаа’’д̇иаад̣̇ийсу вад̇хзнаад̇и мааран̣зна ваа бот̇анзна ваа. вад̇хасад̣̇д̣̇о хи хим̣санад̇т̇о вихзтанад̇т̇о жа ход̇и. б̣анд̇ханзнаад̇и ад̣̇д̣̇уб̣анд̇ханаад̣̇инаа. ж̇аанияаад̇и д̇ханаж̇аанияаа, ‘‘сад̇ам̣ г̇ан̣хат̇а, сахассам̣ г̇ан̣хат̇аа’’д̇и звам̣ бавад̇д̇ид̇ад̣̇ан̣д̣знаад̇и ад̇т̇о. г̇арахааяаад̇и бан̃жасикамун̣д̣агагаран̣ам̣, г̇омаяасин̃жанам̣, г̇ийвааяа гуран̣д̣агаб̣анд̇хананд̇и звамаад̣̇ийни гад̇ваа г̇арахабаабанзна. д̇ад̇т̇а бан̃жасикамун̣д̣агагаран̣ам̣ наама гаагабагкагаран̣ам̣. г̇омаяасин̃жанам̣ сийсзна ган̣од̣̇агаавасзжанам̣. гуран̣д̣агаб̣анд̇ханам̣ г̇ад̣̇д̣̇улаб̣анд̇ханам̣.
Pāḷiyaṃ ‘‘vadhenā’’tiādīsu vadhenāti māraṇena vā pothanena vā. Vadhasaddo hi hiṃsanattho viheṭhanattho ca hoti. Bandhanenāti addubandhanādinā. Jāniyāti dhanajāniyā, ‘‘sataṃ gaṇhatha, sahassaṃ gaṇhathā’’ti evaṃ pavattitadaṇḍenāti attho. Garahāyāti pañcasikhamuṇḍakakaraṇaṃ, gomayasiñcanaṃ, gīvāya kuraṇḍakabandhananti evamādīni katvā garahapāpanena. Tattha pañcasikhamuṇḍakakaraṇaṃ nāma kākapakkhakaraṇaṃ. Gomayasiñcanaṃ sīsena kaṇodakāvasecanaṃ. Kuraṇḍakabandhanaṃ gaddulabandhanaṃ.
гааласмим̣ на вад̣̇ад̇ийд̇и яуд̇д̇агаалз на вад̣̇ад̇и, вад̇д̇аб̣б̣агааласса буб̣б̣з ваа бажчаа ваа аяуд̇д̇агаалз вад̇д̇аа ход̇и. абхууд̇аваад̣̇ийд̇и яам̣ над̇т̇и, д̇асса вад̇д̇аа. д̇знааха ‘‘бхууд̇ам̣ на вад̣̇ад̇ий’’д̇и. ад̇т̇ам̣ на вад̣̇ад̇ийд̇и гааран̣ам̣ на вад̣̇ад̇и, агааран̣аниссид̇ам̣ нибпалам̣ вад̇д̇аа ход̇и. д̇хаммам̣ на вад̣̇ад̇ийд̇и сабхаавам̣ на вад̣̇ад̇и, асабхаавам̣ вад̇д̇аа аяат̇ааваад̣̇ийд̇и ад̇т̇о. винаяам̣ на вад̣̇ад̇ийд̇и сам̣варавинаяам̣ на вад̣̇ад̇и, на сам̣варавинаяаббадисам̣яуд̇д̇асса вад̇д̇аа ход̇и, ад̇д̇ано сун̣анд̇асса жа на сам̣варавинаяаавахасса вад̇д̇аад̇и ад̇т̇о.
Kālasmiṃ na vadatīti yuttakāle na vadati, vattabbakālassa pubbe vā pacchā vā ayuttakāle vattā hoti. Abhūtavādīti yaṃ natthi, tassa vattā. Tenāha ‘‘bhūtaṃ na vadatī’’ti. Atthaṃ na vadatīti kāraṇaṃ na vadati, akāraṇanissitaṃ nipphalaṃ vattā hoti. Dhammaṃ na vadatīti sabhāvaṃ na vadati, asabhāvaṃ vattā ayathāvādīti attho. Vinayaṃ na vadatīti saṃvaravinayaṃ na vadati, na saṃvaravinayappaṭisaṃyuttassa vattā hoti, attano suṇantassa ca na saṃvaravinayāvahassa vattāti attho.
ад̇ажчанд̇и абхууд̇ад̇т̇ам̣. д̇знааха ‘‘ид̇арам̣ д̇ассзва взважана’’нд̇и. ат̇а ваа абхууд̇анд̇и асанд̇ам̣ авиж̇ж̇амаанам̣. ад̇ажчанд̇и ад̇ат̇аагаарам̣.
Atacchanti abhūtatthaṃ. Tenāha ‘‘itaraṃ tasseva vevacana’’nti. Atha vā abhūtanti asantaṃ avijjamānaṃ. Atacchanti atathākāraṃ.
бун̃н̃агаммад̇о зд̇и уббаж̇ж̇ад̇ийд̇и аяо, вад̣дхи. д̇аббадигкзбзна анаяо, авад̣дхийд̇и ааха ‘‘анаяам̣ аабаж̇ж̇ад̇ийд̇и авад̣дхим̣ аабаж̇ж̇ад̇ий’’д̇и. маалуваасибаадигаа наама д̣̇ийгхасан̣таанам̣ маалуваабаггам̣ , маалуваапалабодталигаад̇и ад̇т̇о . палид̇ааяаад̇и аад̇абзна суссид̇ваа бхиннааяа. вадаругкаад̣̇ийнам̣ муулзд̇и вадаругкаад̣̇ийнам̣ самийбз. сагабхаавзна сан̣таад̇ум̣ на саггонд̇ийд̇и гасмаа на саггонд̇и? бхаванавинаасабхаяаа. ругкамуулз бад̇ид̇амаалувааб̣ийж̇ад̇о хи лад̇аа уббаж̇ж̇ид̇ваа ругкам̣ абхирухад̇и. саа махаабад̇д̇аа жзва б̣ахубад̇д̇аа жа махааголирабад̇д̇асан̣таанзхи д̇ад̇о жа маханд̇ад̇арзхи саакаавидабанд̇арзхи бад̇д̇зхи саманнааг̇ад̇аа. ат̇а нам̣ ругкам̣ муулад̇о бадтааяа винанд̇хамаанаа саб̣б̣авидабаани сан̃чаад̣̇зд̇ваа маханд̇ам̣ бхаарам̣ ж̇анзд̇ваа д̇идтад̇и, саа ваад̇з вааяанд̇з д̣̇звз ваа вассанд̇з огханахздтааг̇ад̇аа оламб̣анахзд̇убхууд̇ам̣ гханабхаавам̣ ж̇анзд̇ваа д̇асса ругкасса саб̣б̣асаакам̣ бхиж̇ж̇ад̇и, бхуумияам̣ нибаад̇зд̇и. д̇ад̇о д̇асмим̣ ругкз бад̇идтид̇авимаанам̣ бхиж̇ж̇ад̇и винассад̇и. ид̇и д̇аа д̣̇звад̇ааяо бхаванавинаасабхаяаа сагабхаавзна сан̣таад̇ум̣ на саггонд̇и. зд̇т̇а жа яам̣ саакадтагавимаанам̣ ход̇и, д̇ам̣ саакаасу бхиж̇ж̇амаанаасу д̇ад̇т̇а д̇ад̇т̇зва бхиж̇ж̇ид̇ваа саб̣б̣асаакаасу бхиннаасу саб̣б̣ам̣ бхиж̇ж̇ад̇и, ругкадтагавимаанам̣ бана яаава ругкасса мууламад̇д̇амби д̇идтад̇и, д̇аава на нассад̇ийд̇и взд̣̇ид̇аб̣б̣ам̣. д̇ад̇т̇а д̇ад̇т̇а балуж̇ж̇ид̇ваад̇и д̇ад̇т̇а д̇ад̇т̇а бхиж̇ж̇ид̇ваа. сзсамзд̇т̇а сувин̃н̃зяяамзва.
Puññakammato eti uppajjatīti ayo, vaḍḍhi. Tappaṭikkhepena anayo, avaḍḍhīti āha ‘‘anayaṃ āpajjatīti avaḍḍhiṃ āpajjatī’’ti. Māluvāsipāṭikā nāma dīghasaṇṭhānaṃ māluvāpakkaṃ , māluvāphalapoṭṭhalikāti attho . Phalitāyāti ātapena sussitvā bhinnāya. Vaṭarukkhādīnaṃ mūleti vaṭarukkhādīnaṃ samīpe. Sakabhāvena saṇṭhātuṃ na sakkontīti kasmā na sakkonti? Bhavanavināsabhayā. Rukkhamūle patitamāluvābījato hi latā uppajjitvā rukkhaṃ abhiruhati. Sā mahāpattā ceva bahupattā ca mahākolirapattasaṇṭhānehi tato ca mahantatarehi sākhāviṭapantarehi pattehi samannāgatā. Atha naṃ rukkhaṃ mūlato paṭṭhāya vinandhamānā sabbaviṭapāni sañchādetvā mahantaṃ bhāraṃ janetvā tiṭṭhati, sā vāte vāyante deve vā vassante oghanaheṭṭhāgatā olambanahetubhūtaṃ ghanabhāvaṃ janetvā tassa rukkhassa sabbasākhaṃ bhijjati, bhūmiyaṃ nipāteti. Tato tasmiṃ rukkhe patiṭṭhitavimānaṃ bhijjati vinassati. Iti tā devatāyo bhavanavināsabhayā sakabhāvena saṇṭhātuṃ na sakkonti. Ettha ca yaṃ sākhaṭṭhakavimānaṃ hoti, taṃ sākhāsu bhijjamānāsu tattha tattheva bhijjitvā sabbasākhāsu bhinnāsu sabbaṃ bhijjati, rukkhaṭṭhakavimānaṃ pana yāva rukkhassa mūlamattampi tiṭṭhati, tāva na nassatīti veditabbaṃ. Tattha tattha palujjitvāti tattha tattha bhijjitvā. Sesamettha suviññeyyameva.
агусаламууласуд̇д̇аван̣н̣анаа нидтид̇аа.
Akusalamūlasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. агусаламууласуд̇д̇ам̣ • 9. Akusalamūlasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. агусаламууласуд̇д̇аван̣н̣анаа • 9. Akusalamūlasuttavaṇṇanā
