| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. அகுஸலராஸிஸுத்தங்
5. Akusalarāsisuttaṃ
371. ஸாவத்தி²னிதா³னங் . தத்ர கோ² ப⁴க³வா ஏதத³வோச – ‘‘‘அகுஸலராஸீ’தி, பி⁴க்க²வே, வத³மானோ பஞ்ச நீவரணே ஸம்மா வத³மானோ வதெ³ய்ய. கேவலோ ஹாயங், பி⁴க்க²வே, அகுஸலராஸி, யதி³த³ங் – பஞ்ச நீவரணா. கதமே பஞ்ச? காமச்ச²ந்த³னீவரணங் , ப்³யாபாத³னீவரணங், தி²னமித்³த⁴னீவரணங், உத்³த⁴ச்சகுக்குச்சனீவரணங், விசிகிச்சா²னீவரணங். ‘அகுஸலராஸீ’தி, பி⁴க்க²வே, வத³மானோ இமே பஞ்ச நீவரணே ஸம்மா வத³மானோ வதெ³ய்ய. கேவலோ ஹாயங், பி⁴க்க²வே, அகுஸலராஸி, யதி³த³ங் – பஞ்ச நீவரணா.
371. Sāvatthinidānaṃ . Tatra kho bhagavā etadavoca – ‘‘‘akusalarāsī’ti, bhikkhave, vadamāno pañca nīvaraṇe sammā vadamāno vadeyya. Kevalo hāyaṃ, bhikkhave, akusalarāsi, yadidaṃ – pañca nīvaraṇā. Katame pañca? Kāmacchandanīvaraṇaṃ , byāpādanīvaraṇaṃ, thinamiddhanīvaraṇaṃ, uddhaccakukkuccanīvaraṇaṃ, vicikicchānīvaraṇaṃ. ‘Akusalarāsī’ti, bhikkhave, vadamāno ime pañca nīvaraṇe sammā vadamāno vadeyya. Kevalo hāyaṃ, bhikkhave, akusalarāsi, yadidaṃ – pañca nīvaraṇā.
‘‘‘குஸலராஸீ’தி, பி⁴க்க²வே, வத³மானோ சத்தாரோ ஸதிபட்டா²னே ஸம்மா வத³மானோ வதெ³ய்ய. கேவலோ ஹாயங், பி⁴க்க²வே, குஸலராஸி, யதி³த³ங் – சத்தாரோ ஸதிபட்டா²னா. கதமே சத்தாரோ? இத⁴, பி⁴க்க²வே, பி⁴க்கு² காயே காயானுபஸ்ஸீ விஹரதி ஆதாபீ ஸம்பஜானோ ஸதிமா, வினெய்ய லோகே அபி⁴ஜ்ஜா²தோ³மனஸ்ஸங்; வேத³னாஸு…பே॰… சித்தே…பே॰… த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா, வினெய்ய லோகே அபி⁴ஜ்ஜா²தோ³மனஸ்ஸங் . ‘குஸலராஸீ’தி, பி⁴க்க²வே, வத³மானோ இமே சத்தாரோ ஸதிபட்டா²னே ஸம்மா வத³மானோ வதெ³ய்ய. கேவலோ ஹாயங், பி⁴க்க²வே, குஸலராஸி, யதி³த³ங் – சத்தாரோ ஸதிபட்டா²னா’’தி. பஞ்சமங்.
‘‘‘Kusalarāsī’ti, bhikkhave, vadamāno cattāro satipaṭṭhāne sammā vadamāno vadeyya. Kevalo hāyaṃ, bhikkhave, kusalarāsi, yadidaṃ – cattāro satipaṭṭhānā. Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ . ‘Kusalarāsī’ti, bhikkhave, vadamāno ime cattāro satipaṭṭhāne sammā vadamāno vadeyya. Kevalo hāyaṃ, bhikkhave, kusalarāsi, yadidaṃ – cattāro satipaṭṭhānā’’ti. Pañcamaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. அகுஸலராஸிஸுத்தவண்ணனா • 5. Akusalarāsisuttavaṇṇanā
