| Library / Tipiṭaka / திபிடக • Tipiṭaka / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā |
அகுஸலவிபாககதா²
Akusalavipākakathā
556. இதோ பரானி அகுஸலவிபாகானி – பஞ்ச சக்கு²ஸோதகா⁴னஜிவ்ஹாகாயவிஞ்ஞாணானி, ஏகா மனோதா⁴து, ஏகா மனோவிஞ்ஞாணதா⁴தூதி இமானி ஸத்த சித்தானி – பாளிதோ ச அத்த²தோ ச ஹெட்டா² வுத்தேஹி தாதி³ஸேஹேவ குஸலவிபாகசித்தேஹி ஸதி³ஸானி.
556. Ito parāni akusalavipākāni – pañca cakkhusotaghānajivhākāyaviññāṇāni, ekā manodhātu, ekā manoviññāṇadhātūti imāni satta cittāni – pāḷito ca atthato ca heṭṭhā vuttehi tādiseheva kusalavipākacittehi sadisāni.
கேவலஞ்ஹி தானி குஸலகம்மபச்சயானி இமானி அகுஸலகம்மபச்சயானி. தானி ச இட்ட²இட்ட²மஜ்ஜ²த்தேஸு ஆரம்மணேஸு வத்தந்தி, இமானி அனிட்ட²அனிட்ட²மஜ்ஜ²த்தேஸு. தத்த² ச ஸுக²ஸஹக³தங் காயவிஞ்ஞாணங், இத⁴ து³க்க²ஸஹக³தங் . தத்த² ச உபெக்கா²ஸஹக³தா மனோவிஞ்ஞாணதா⁴து மனுஸ்ஸேஸு ஜச்சந்தா⁴தீ³னங் படிஸந்தி⁴ங் ஆதி³ங் கத்வா பஞ்சஸு டா²னேஸு விபச்சதி. இத⁴ பன ஏகாத³ஸவிதே⁴னாபி அகுஸலசித்தேன கம்மே ஆயூஹிதே கம்மகம்மனிமித்தக³தினிமித்தேஸு அஞ்ஞதரங் ஆரம்மணங் கத்வா சதூஸு அபாயேஸு படிஸந்தி⁴ ஹுத்வா விபச்சதி; து³தியவாரதோ பட்டா²ய யாவதாயுகங் ப⁴வங்க³ங் ஹுத்வா, அனிட்ட²அனிட்ட²மஜ்ஜ²த்தாரம்மணாய பஞ்சவிஞ்ஞாணவீதி²யா ஸந்தீரணங் ஹுத்வா, ப³லவாரம்மணே ச²ஸு த்³வாரேஸு ததா³ரம்மணங் ஹுத்வா, மரணகாலே சுதி ஹுத்வாதி, ஏவங் பஞ்சஸு ஏவ டா²னேஸு விபச்சதீதி.
Kevalañhi tāni kusalakammapaccayāni imāni akusalakammapaccayāni. Tāni ca iṭṭhaiṭṭhamajjhattesu ārammaṇesu vattanti, imāni aniṭṭhaaniṭṭhamajjhattesu. Tattha ca sukhasahagataṃ kāyaviññāṇaṃ, idha dukkhasahagataṃ . Tattha ca upekkhāsahagatā manoviññāṇadhātu manussesu jaccandhādīnaṃ paṭisandhiṃ ādiṃ katvā pañcasu ṭhānesu vipaccati. Idha pana ekādasavidhenāpi akusalacittena kamme āyūhite kammakammanimittagatinimittesu aññataraṃ ārammaṇaṃ katvā catūsu apāyesu paṭisandhi hutvā vipaccati; dutiyavārato paṭṭhāya yāvatāyukaṃ bhavaṅgaṃ hutvā, aniṭṭhaaniṭṭhamajjhattārammaṇāya pañcaviññāṇavīthiyā santīraṇaṃ hutvā, balavārammaṇe chasu dvāresu tadārammaṇaṃ hutvā, maraṇakāle cuti hutvāti, evaṃ pañcasu eva ṭhānesu vipaccatīti.
அகுஸலவிபாககதா² நிட்டி²தா.
Akusalavipākakathā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / அகுஸலவிபாகஅப்³யாகதங் • Akusalavipākaabyākataṃ
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā / அகுஸலவிபாககதா²வண்ணனா • Akusalavipākakathāvaṇṇanā
