| Library / Tipiṭaka / তিপিটক • Tipiṭaka / ধম্মসঙ্গণি-অট্ঠকথা • Dhammasaṅgaṇi-aṭṭhakathā |
অকুসলৰিপাককথা
Akusalavipākakathā
৫৫৬. ইতো পরানি অকুসলৰিপাকানি – পঞ্চ চক্খুসোতঘানজিৰ্হাকাযৰিঞ্ঞাণানি, একা মনোধাতু, একা মনোৰিঞ্ঞাণধাতূতি ইমানি সত্ত চিত্তানি – পাল়িতো চ অত্থতো চ হেট্ঠা ৰুত্তেহি তাদিসেহেৰ কুসলৰিপাকচিত্তেহি সদিসানি।
556. Ito parāni akusalavipākāni – pañca cakkhusotaghānajivhākāyaviññāṇāni, ekā manodhātu, ekā manoviññāṇadhātūti imāni satta cittāni – pāḷito ca atthato ca heṭṭhā vuttehi tādiseheva kusalavipākacittehi sadisāni.
কেৰলঞ্হি তানি কুসলকম্মপচ্চযানি ইমানি অকুসলকম্মপচ্চযানি। তানি চ ইট্ঠইট্ঠমজ্ঝত্তেসু আরম্মণেসু ৰত্তন্তি, ইমানি অনিট্ঠঅনিট্ঠমজ্ঝত্তেসু। তত্থ চ সুখসহগতং কাযৰিঞ্ঞাণং, ইধ দুক্খসহগতং । তত্থ চ উপেক্খাসহগতা মনোৰিঞ্ঞাণধাতু মনুস্সেসু জচ্চন্ধাদীনং পটিসন্ধিং আদিং কত্ৰা পঞ্চসু ঠানেসু ৰিপচ্চতি। ইধ পন একাদসৰিধেনাপি অকুসলচিত্তেন কম্মে আযূহিতে কম্মকম্মনিমিত্তগতিনিমিত্তেসু অঞ্ঞতরং আরম্মণং কত্ৰা চতূসু অপাযেসু পটিসন্ধি হুত্ৰা ৰিপচ্চতি; দুতিযৰারতো পট্ঠায যাৰতাযুকং ভৰঙ্গং হুত্ৰা, অনিট্ঠঅনিট্ঠমজ্ঝত্তারম্মণায পঞ্চৰিঞ্ঞাণৰীথিযা সন্তীরণং হুত্ৰা, বলৰারম্মণে ছসু দ্ৰারেসু তদারম্মণং হুত্ৰা, মরণকালে চুতি হুত্ৰাতি, এৰং পঞ্চসু এৰ ঠানেসু ৰিপচ্চতীতি।
Kevalañhi tāni kusalakammapaccayāni imāni akusalakammapaccayāni. Tāni ca iṭṭhaiṭṭhamajjhattesu ārammaṇesu vattanti, imāni aniṭṭhaaniṭṭhamajjhattesu. Tattha ca sukhasahagataṃ kāyaviññāṇaṃ, idha dukkhasahagataṃ . Tattha ca upekkhāsahagatā manoviññāṇadhātu manussesu jaccandhādīnaṃ paṭisandhiṃ ādiṃ katvā pañcasu ṭhānesu vipaccati. Idha pana ekādasavidhenāpi akusalacittena kamme āyūhite kammakammanimittagatinimittesu aññataraṃ ārammaṇaṃ katvā catūsu apāyesu paṭisandhi hutvā vipaccati; dutiyavārato paṭṭhāya yāvatāyukaṃ bhavaṅgaṃ hutvā, aniṭṭhaaniṭṭhamajjhattārammaṇāya pañcaviññāṇavīthiyā santīraṇaṃ hutvā, balavārammaṇe chasu dvāresu tadārammaṇaṃ hutvā, maraṇakāle cuti hutvāti, evaṃ pañcasu eva ṭhānesu vipaccatīti.
অকুসলৰিপাককথা নিট্ঠিতা।
Akusalavipākakathā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধম্মসঙ্গণীপাল়ি • Dhammasaṅgaṇīpāḷi / অকুসলৰিপাকঅব্যাকতং • Akusalavipākaabyākataṃ
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ধম্মসঙ্গণী-মূলটীকা • Dhammasaṅgaṇī-mūlaṭīkā / অকুসলৰিপাককথাৰণ্ণনা • Akusalavipākakathāvaṇṇanā
