| Library / Tipiṭaka / ཏིཔིཊཀ • Tipiṭaka / དྷམྨསངྒཎི-ཨཊྛཀཐཱ • Dhammasaṅgaṇi-aṭṭhakathā |
ཨཀུསལཝིཔཱཀཀཐཱ
Akusalavipākakathā
༥༥༦. ཨིཏོ པརཱནི ཨཀུསལཝིཔཱཀཱནི – པཉྩ ཙཀྑུསོཏགྷཱནཛིཝ྄ཧཱཀཱཡཝིཉྙཱཎཱནི, ཨེཀཱ མནོདྷཱཏུ, ཨེཀཱ མནོཝིཉྙཱཎདྷཱཏཱུཏི ཨིམཱནི སཏྟ ཙིཏྟཱནི – པཱལི༹ཏོ ཙ ཨཏྠཏོ ཙ ཧེཊྛཱ ཝུཏྟེཧི ཏཱདིསེཧེཝ ཀུསལཝིཔཱཀཙིཏྟེཧི སདིསཱནི།
556. Ito parāni akusalavipākāni – pañca cakkhusotaghānajivhākāyaviññāṇāni, ekā manodhātu, ekā manoviññāṇadhātūti imāni satta cittāni – pāḷito ca atthato ca heṭṭhā vuttehi tādiseheva kusalavipākacittehi sadisāni.
ཀེཝལཉྷི ཏཱནི ཀུསལཀམྨཔཙྩཡཱནི ཨིམཱནི ཨཀུསལཀམྨཔཙྩཡཱནི། ཏཱནི ཙ ཨིཊྛཨིཊྛམཛ྄ཛྷཏྟེསུ ཨཱརམྨཎེསུ ཝཏྟནྟི, ཨིམཱནི ཨནིཊྛཨནིཊྛམཛ྄ཛྷཏྟེསུ། ཏཏྠ ཙ སུཁསཧགཏཾ ཀཱཡཝིཉྙཱཎཾ, ཨིདྷ དུཀྑསཧགཏཾ ། ཏཏྠ ཙ ཨུཔེཀྑཱསཧགཏཱ མནོཝིཉྙཱཎདྷཱཏུ མནུསྶེསུ ཛཙྩནྡྷཱདཱིནཾ པཊིསནྡྷིཾ ཨཱདིཾ ཀཏྭཱ པཉྩསུ ཋཱནེསུ ཝིཔཙྩཏི། ཨིདྷ པན ཨེཀཱདསཝིདྷེནཱཔི ཨཀུསལཙིཏྟེན ཀམྨེ ཨཱཡཱུཧིཏེ ཀམྨཀམྨནིམིཏྟགཏིནིམིཏྟེསུ ཨཉྙཏརཾ ཨཱརམྨཎཾ ཀཏྭཱ ཙཏཱུསུ ཨཔཱཡེསུ པཊིསནྡྷི ཧུཏྭཱ ཝིཔཙྩཏི; དུཏིཡཝཱརཏོ པཊྛཱཡ ཡཱཝཏཱཡུཀཾ བྷཝངྒཾ ཧུཏྭཱ, ཨནིཊྛཨནིཊྛམཛ྄ཛྷཏྟཱརམྨཎཱཡ པཉྩཝིཉྙཱཎཝཱིཐིཡཱ སནྟཱིརཎཾ ཧུཏྭཱ, བལཝཱརམྨཎེ ཚསུ དྭཱརེསུ ཏདཱརམྨཎཾ ཧུཏྭཱ, མརཎཀཱལེ ཙུཏི ཧུཏྭཱཏི, ཨེཝཾ པཉྩསུ ཨེཝ ཋཱནེསུ ཝིཔཙྩཏཱིཏི།
Kevalañhi tāni kusalakammapaccayāni imāni akusalakammapaccayāni. Tāni ca iṭṭhaiṭṭhamajjhattesu ārammaṇesu vattanti, imāni aniṭṭhaaniṭṭhamajjhattesu. Tattha ca sukhasahagataṃ kāyaviññāṇaṃ, idha dukkhasahagataṃ . Tattha ca upekkhāsahagatā manoviññāṇadhātu manussesu jaccandhādīnaṃ paṭisandhiṃ ādiṃ katvā pañcasu ṭhānesu vipaccati. Idha pana ekādasavidhenāpi akusalacittena kamme āyūhite kammakammanimittagatinimittesu aññataraṃ ārammaṇaṃ katvā catūsu apāyesu paṭisandhi hutvā vipaccati; dutiyavārato paṭṭhāya yāvatāyukaṃ bhavaṅgaṃ hutvā, aniṭṭhaaniṭṭhamajjhattārammaṇāya pañcaviññāṇavīthiyā santīraṇaṃ hutvā, balavārammaṇe chasu dvāresu tadārammaṇaṃ hutvā, maraṇakāle cuti hutvāti, evaṃ pañcasu eva ṭhānesu vipaccatīti.
ཨཀུསལཝིཔཱཀཀཐཱ ནིཊྛིཏཱ།
Akusalavipākakathā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷམྨསངྒཎཱིཔཱལི༹ • Dhammasaṅgaṇīpāḷi / ཨཀུསལཝིཔཱཀཨབྱཱཀཏཾ • Akusalavipākaabyākataṃ
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / དྷམྨསངྒཎཱི-མཱུལཊཱིཀཱ • Dhammasaṅgaṇī-mūlaṭīkā / ཨཀུསལཝིཔཱཀཀཐཱཝཎྞནཱ • Akusalavipākakathāvaṇṇanā
