| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
11. අකුසලවිතක්‌කසුත්‌තං
11. Akusalavitakkasuttaṃ
231. එකං සමයං අඤ්‌ඤතරො භික්‌ඛු කොසලෙසු විහරති අඤ්‌ඤතරස්‌මිං වනසණ්‌ඩෙ. තෙන ඛො පන සමයෙන සො භික්‌ඛු දිවාවිහාරගතො පාපකෙ අකුසලෙ විතක්‌කෙ විතක්‌කෙති, සෙය්‍යථිදං – කාමවිතක්‌කං, බ්‍යාපාදවිතක්‌කං, විහිංසාවිතක්‌කං. අථ ඛො යා තස්‌මිං වනසණ්‌ඩෙ අධිවත්‌ථා දෙවතා තස්‌ස භික්‌ඛුනො අනුකම්‌පිකා අත්‌ථකාමා තං භික්‌ඛුං සංවෙජෙතුකාමා යෙන සො භික්‌ඛු තෙනුපසඞ්‌කමි; උපසඞ්‌කමිත්‌වා තං භික්‌ඛුං ගාථාහි අජ්‌ඣභාසි –
231. Ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. Tena kho pana samayena so bhikkhu divāvihāragato pāpake akusale vitakke vitakketi, seyyathidaṃ – kāmavitakkaṃ, byāpādavitakkaṃ, vihiṃsāvitakkaṃ. Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami; upasaṅkamitvā taṃ bhikkhuṃ gāthāhi ajjhabhāsi –
‘‘අයොනිසො මනසිකාරා, සො විතක්‌කෙහි ඛජ්‌ජසි;
‘‘Ayoniso manasikārā, so vitakkehi khajjasi;
‘‘සත්‌ථාරං ධම්‌මමාරබ්‌භ, සඞ්‌ඝං සීලානි අත්‌තනො;
‘‘Satthāraṃ dhammamārabbha, saṅghaṃ sīlāni attano;
අධිගච්‌ඡසි පාමොජ්‌ජං, පීතිසුඛමසංසයං;
Adhigacchasi pāmojjaṃ, pītisukhamasaṃsayaṃ;
තතො පාමොජ්‌ජබහුලො, දුක්‌ඛස්‌සන්‌තං කරිස්‌සසී’’ති.
Tato pāmojjabahulo, dukkhassantaṃ karissasī’’ti.
අථ ඛො සො භික්‌ඛු තාය දෙවතාය සංවෙජිතො සංවෙගමාපාදීති.
Atha kho so bhikkhu tāya devatāya saṃvejito saṃvegamāpādīti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 11. අකුසලවිතක්‌කසුත්‌තවණ්‌ණනා • 11. Akusalavitakkasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 11. අකුසලවිතක්‌කසුත්‌තවණ්‌ණනා • 11. Akusalavitakkasuttavaṇṇanā
