| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੮. ਅਲਬ੍ਭਨੀਯਠਾਨਸੁਤ੍ਤવਣ੍ਣਨਾ
8. Alabbhanīyaṭhānasuttavaṇṇanā
੪੮. ਅਟ੍ਠਮੇ ਅਲਬ੍ਭਨੀਯਾਨੀਤਿ ਅਲਦ੍ਧਬ੍ਬਾਨਿ, ਨ ਸਕ੍ਕਾ ਲਭਿਤੁਂ। ਠਾਨਾਨੀਤਿ ਕਾਰਣਾਨਿ। ਜਰਾਧਮ੍ਮਂ ਮਾ ਜੀਰੀਤਿ ਯਂ ਮਯ੍ਹਂ ਜਰਾਸਭਾવਂ, ਤਂ ਮਾ ਜੀਰਤੁ। ਸੇਸਪਦੇਸੁਪਿ ਏਸੇવ ਨਯੋ। ਨਚ੍ਛਾਦੇਯ੍ਯਾਤਿ ਨ ਰੁਚ੍ਚੇਯ੍ਯ। ਅਬ੍ਬੁਹੀਤਿ ਨੀਹਰਿ।
48. Aṭṭhame alabbhanīyānīti aladdhabbāni, na sakkā labhituṃ. Ṭhānānīti kāraṇāni. Jarādhammaṃ mā jīrīti yaṃ mayhaṃ jarāsabhāvaṃ, taṃ mā jīratu. Sesapadesupi eseva nayo. Nacchādeyyāti na rucceyya. Abbuhīti nīhari.
ਯਤੋਤਿ ਯਸ੍ਮਿਂ ਕਾਲੇ। ਆਪਦਾਸੂਤਿ ਉਪਦ੍ਦવੇਸੁ। ਨ વੇਧਤੀਤਿ ਨ ਕਮ੍ਪਤਿ ਨਾਨੁਸੋਚਤਿ। ਅਤ੍ਥવਿਨਿਚ੍ਛਯਞ੍ਞੂਤਿ ਕਾਰਣਤ੍ਥવਿਨਿਚ੍ਛਯੇ ਕੁਸਲੋ। ਪੁਰਾਣਨ੍ਤਿ ਨਿਬ੍ਬਿਕਾਰਤਾਯ ਪੋਰਾਣਕਮੇવ। ਜਪ੍ਪੇਨਾਤਿ વਣ੍ਣਭਣਨੇਨ। ਮਨ੍ਤੇਨਾਤਿ ਮਹਾਨੁਭਾવਮਨ੍ਤਪਰਿવਤ੍ਤਨੇਨ। ਸੁਭਾਸਿਤੇਨਾਤਿ ਸੁਭਾਸਿਤਕਥਨੇਨ। ਅਨੁਪ੍ਪਦਾਨੇਨਾਤਿ ਸਤਸ੍ਸ વਾ ਸਹਸ੍ਸਸ੍ਸ વਾ ਦਾਨੇਨ। ਪવੇਣਿਯਾ વਾਤਿ ਕੁਲવਂਸੇਨ વਾ, ‘‘ਇਦਂ ਅਮ੍ਹਾਕਂ ਪવੇਣਿਯਾ ਆਚਿਣ੍ਣਂ, ਇਦਂ ਅਨਾਚਿਣ੍ਣ’’ਨ੍ਤਿ ਏવਂ ਪવੇਣਿਕਥਨੇਨਾਤਿ ਅਤ੍ਥੋ। ਯਥਾ ਯਥਾ ਯਤ੍ਥ ਲਭੇਥ ਅਤ੍ਥਨ੍ਤਿ ਏਤੇਸੁ ਜਪ੍ਪਾਦੀਸੁ ਯੇਨ ਯੇਨ ਯਤ੍ਥ ਯਤ੍ਥ ਠਾਨੇ ਜਰਾਧਮ੍ਮਾਦੀਨਂ ਅਜੀਰਣਤਾਦਿਅਤ੍ਥਂ ਲਭੇਯ੍ਯ। ਤਥਾ ਤਥਾ ਤਤ੍ਥ ਪਰਕ੍ਕਮੇਯ੍ਯਾਤਿ ਤੇਨ ਤੇਨ ਤਸ੍ਮਿਂ ਤਸ੍ਮਿਂ ਠਾਨੇ ਪਰਕ੍ਕਮਂ ਕਰੇਯ੍ਯ। ਕਮ੍ਮਂ ਦਲ਼੍ਹਨ੍ਤਿ વਟ੍ਟਗਾਮਿਕਮ੍ਮਂ ਮਯਾ ਥਿਰਂ ਕਤ੍વਾ ਆਯੂਹਿਤਂ, ਸ੍વਾਹਂ ਇਦਾਨਿ ਕਿਨ੍ਤਿ ਕਰੋਮੀਤਿ ਏવਂ ਪਚ੍ਚવੇਕ੍ਖਿਤ੍વਾ ਅਧਿવਾਸੇਯ੍ਯਾਤਿ।
Yatoti yasmiṃ kāle. Āpadāsūti upaddavesu. Na vedhatīti na kampati nānusocati. Atthavinicchayaññūti kāraṇatthavinicchaye kusalo. Purāṇanti nibbikāratāya porāṇakameva. Jappenāti vaṇṇabhaṇanena. Mantenāti mahānubhāvamantaparivattanena. Subhāsitenāti subhāsitakathanena. Anuppadānenāti satassa vā sahassassa vā dānena. Paveṇiyāvāti kulavaṃsena vā, ‘‘idaṃ amhākaṃ paveṇiyā āciṇṇaṃ, idaṃ anāciṇṇa’’nti evaṃ paveṇikathanenāti attho. Yathā yathā yattha labhetha atthanti etesu jappādīsu yena yena yattha yattha ṭhāne jarādhammādīnaṃ ajīraṇatādiatthaṃ labheyya. Tathā tathā tattha parakkameyyāti tena tena tasmiṃ tasmiṃ ṭhāne parakkamaṃ kareyya. Kammaṃ daḷhanti vaṭṭagāmikammaṃ mayā thiraṃ katvā āyūhitaṃ, svāhaṃ idāni kinti karomīti evaṃ paccavekkhitvā adhivāseyyāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਅਲਬ੍ਭਨੀਯਠਾਨਸੁਤ੍ਤਂ • 8. Alabbhanīyaṭhānasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭-੮. ਧਨਸੁਤ੍ਤਾਦਿવਣ੍ਣਨਾ • 7-8. Dhanasuttādivaṇṇanā
